A
Ahmed Rabea
:: مسافر ::
لؤلؤة المحيط الهندي المنسيه..... سريلانكا...
طبعا كل محد يسالني سريلانكا اشمعني...اقله مش عارف هاطلع واشوف ☺!!!!!
بدات ادعبس واجمع كل المعلومات عنها طبعا مخلتيش حاجه تقريبا ووصلت لنمر سواقين هناك كمان ...
المهم رتبت كل حاجه تقريبا ولقيت تذكره رخيصه علي طيران السريلانكيه...حجزتها من قبل حتي ما اكمل البرنامج... بدات بتوضيب نفسي وشنطتي... وطبعا في دماغي كل الاحتمالات الممكنه والغير ممكنه اللي بتنط بعد كلمه ( طب افرض لو...... ) وحط مليون سبب.. متقلقش هتلاقي اسباب كتير .. بس كان لازم تاخد قرار كل فتره بره دايره الراحه بتاعتك...
بدات اول خطوه بالفيزا... هي ممكن تاخدها من المطار او اون لاين وانا بحبذ اون لاين سهله وب 30 دولار لمده شهر... وبتيجي بعدها بيومين او تلاته...( معايا قعدت اسبوع بس عشان الاعياد عندهم). بالمناسبه اهم خطوه في اي سفريه المعلومات قبل متسافر. مثلا انا عرفت ان راس السنه البوذيه بتاعهم في 13 ابريل فكان مخططي ان الاسبوع جوه ده..اهو نكتشف ونتعرف علي ثقافات الشعوب التانيه ....
بعد الفيزا... وطبعا تطبعها علي ورقه وتخليها معاك احتياطي ( لان برضه بعد الفرك والدعبسه لقيت حد حصل معاه موقف مش ظريف هناك واعتقد حالات فرديه انه قالوله تاريخ ميلادك انت مدخله غلط مع انه كان مدخله صح ودفع فيزا تاني... علي كلام الراوي..بالنسبه لي هو طلبها مني فعلا يشوفها في ورقه غير الموبايل...وطبعا كنت جاهز بكل حاجه.....
خلصنا الفيزا وتوكلنا علي الله..بالنسبه للفلوس الافضل انك تحول دولار ومن المطار تحول روبيه هيكون سعر الصرف افضل وممكن تاخد معاك حاجه بسيطه بس من هنا :::
نزلت مطار كولومبو..مطار ظريف ومحندق .اول ما بتنزل بتملي ابليكشن في المطار ولو معاك الفيزا اون لاين تدخل علي الجوازات لو مش معاك في مكتب صغير تروح تطلعها منها ...
خلصنا الجوازات... اه بالمناسبه.. انا حبيت جدا الخطوط السريلانكيه غير انها شركه كويسه في تعاملهم.. بصراحه حبيتهم اكتر بعد ما عملولي free upgrade to business class وانا رايح...... .. طبعا رحلتي كانت ست ساعات ونص وحققت حاجه منbucket list ببلاش كده...
مش عارف ليه عملوا معايا كده اعتقد لاني كنت محدد كرسي معين بس لان الطياره كانت زحمه جدا جدا.الراجل اعتذرلي وقالي ان مش هينفع الكرسي ده ::وكويس انه منفعش ::.. وانا اعتقد العربي الوحيد اللي كان في الطياره...عاملوني كسايح بقي.
نزلنا كولومبو... الصبح بدري كنت من الساعه 8 بليل اليوم اللي قبله بالمطار ووصلت سته الصبح...
الحلقة التانيه , حقولكم حصلي أيه أول ما نزلت و المواقف اللي مرت عليا و اول محطة توقف مريت عليه Habarana ,
رحلتي الى سيريلانكا ( الجزء الثاني )
الجزء الأول كنت قولتلكم ازاي خلصت اجراءات الفيزا و اجراءات دخول البلد و اللي كانت الحمد لله سهله جدا ,
أول نصيحه لو انت عامل برنامج معين ومش عاوزه يبوظ..الافضل يبقي معاك سواق..لان المواصلات هناك ممكن تبوظلك برنامجك بالذات لو كان مفيش تضييع وقت كتير فيه وكل حاجه محسوبه ومفيش مجال للتاجيل...
لاقيت السواق اللي اتفقت معاه... راجل بوذي في اواخر الاربعينات كده.. وشكله متدين.. . طول الوقت بيقعد يتمتم بحاجات ببقه كده تقريبا اذكار الصباح.. بتاعتهم... ومعلق تمثال بوذا صغير بالعربيه...... ربنا يهديهم للاسلام...طبعا انت هناك كمسلم اقليه.. الاغلبيه معقل ال بوذيين وفي هندوس ومسيحيين والاقليه مسلمين....
وصلت كولومبو ( المطار يبعد عن كولومبو بتاع 17 كم) في مكان اسمه katunayake واقرب حاجه ليه لو عاوز تريح جنب المطار.. نيجومبو ( قرية صيادين السمك ) دي مدينه علي البحر وشاليهات وكده وصلت سبعه الصبح وكان المخطط هاطلع علي مكان اسمه habarana .. ومش هاقعد في كولومبو اول ما اجي وكنت عارف اني هابقي متعب لان المكان ده يبعد خمس ساعات من المطار.. عشان ابدا برنامج يومي الاول وفي اخر اليوم ابات في اول فندق ( هو نجمتين اه بس فل) بالمناسبه انا غيرت خمس فنادق وجست هوس.. في اسبوع واحد......
وصلت habarana الساعه اتنين الضهر.... ..بالمناسبة السرعه هناك في احسن الاحوال تقريبا معدتش ستين كيلو في الساعة .. السواق لما تتهور مره جاب سبعين....لك ان تتخيل خمس ساعات بسرعه ستين..في طريق من بتاع ليفيل الوحش ده...الطريق عبارة عن ملفات وجبال حواليك في كل حته واللون الوحيد اللي هتشوفه هناك الاخضر...بلد جمييله جدا وسكانها طيبيين اوي... اشهر الاماكن اللي لازم تروحها في دامبولا ده مكان جنب هابرانا..dambulla temple cave. ده مكان فوق جبل لازم تطلعله ويفضل في وقت بعيد عن الحر الصبح بدري افضل..من غير فلوس انما بتدفع عشان تسيب جزمتك تقريبا 25 روبيه...
بالمناسبه العمله هناك الروبيه السريلانكيه ودي الجنيه ب 16 روبيه...ابسط ياعم الجنيه المصري ليه قيمه هناك
..
خلصت الجبل وطبعا كنت ميت تعب لاني بقالي يوم كامل منمتش.. طلعت علي الفندق ونمت لاني عندي يوم طويل بكره..وهي sigiriya... وما ادراك ما سيجيريا....!!!!
صحيت تاني يوم سبعه الصبح ده الميعاد الرسمي وفي ايام صحيت خمسه وفي يوم صحيت اتنين ونص اه والله زي مبقلك كده.... انطلقت لسيجيريا وطبعا اشهر حاجه عندهم صخره سيجيريا لازم تروحها... بصراحه سريلانكا كل الفصول ممكن تشوفها وانت هناك الجو حر جدا والرطوبه كانت فوق 80 في الميه... في ااي وقت ممكن تمطر... بس برده الاجواء تحفه بعد كل ده...
خلصت سيجيريا.... وكنت حابب اشوف اماكن حواليها مش تقليديه...لقيت توكتوك..طبعا الفصال هناك ده اساسي....يعني قالي 1000 روبيه.. رسيت علي 250.. فاصل معاهم جامد بالذات التكاتك...المهم الواد ظبطني ووداني كام حته حوالين سيجريا.. وخدت صور عظيمه فيها...
المهم... طلعت بعد سيجيريا.. كنت حابب امشي في forest حقيقيه مش صناعيه للسواح وكده...المهم رحت فعلا غابه مع السواق اللي كان معايا..حاجه كده تحفه كانك في لعبه لارا كروفت.....بالظبط..في منطقه اسمها ritigala....الجزء الثالث حقولكم شفت ايه في الغابة و ايه المفاجأه اللي حصلت معايا هناك ...
نكمل مع بعض الجزء التالت والاخير
خلصنا سيجيريا وطلعنا اهم حاجه هناك وهي صخره سيجيريا ودي اشهر معلم بسريلانكا وحاول تروح بدري لو قررت تطلعها لانها هتعوز مجهود وسلالم والجو حر هناك :: (وليها تذكره لوحدها ب 4000 روبيه )
المهم خلصنا سيجيريا ::رحت عملت
Elephant ride .
طبعا تجربه حلوة وممتعه وانت راكب في رقبه فيل محترم جدا وماشي بيك وسط بيئته الطبيعيه وبراحته جدا ينزل بيك في ميه ماشي يدخل وسط غابات واشجار ماشي (حلو جدا الصراحه وخلي بالك الناس اللي معاه بيعتمدوا علي البقشيش زي كل سريلانكا بمعني هيقلك هات الموبايل اصورك وانت راكب دي بمقابل خد موز اكل الفيل بمقابل يعني انت زي متحب هما مش جشعيين انما فقرا جدا وزي متحب تقريبا البقشيش من 100 ل 200 في الحدود دي وطبعا فاااااصل .
المهم كان الخطه اني اروح POLONNARUWA
بس غيرت الخطه لانها منطقه مكشوفه واليوم ده كان الرطوبه فوق 80 في الميه وكنت في وقت العصر وكنت حابب اروح غابه طبيعيه مش حاجه للسياح صناعيه ومعموله مخصوص يعني :ودي ميزه انك لوحدك وتقدر تغير في قرارارتك علي حسب الظروف المهم قررت اروح غابه فعلا في منطقه اسمه Ritigala ودي كانت بره البرنامج اللي انا مخططه بس تقريبا كانت احسن حاجه في اليوم ده والدخول ببلاش كمان .
ودي فيها واحد من اكبر 4 جبال في سريلانكا وحتي اعلي من صخره سيجيريا هتحس وانت جوه انك اتنقلت لعالم تاني هتحس انك فعلا بدون اي مبالغه جوه لعبه لارا كروفت فكره انك في غابه طبيعيه وحواليك قرود وسامع كل اصوات الطبيعه وكانك في فيلم سينما وفي نفس الوقت بتلاقي جبال واثار قديمه من القرن الاول قبل الميلاد.
وممرات واوديه وكهوف حاجه من الخيال (ونصيحه متي حاول ما تغوطش اوي لوحدك وخلي بالك من الطرق وانت ماشي عشان متهوش زيي وتلاقي نفسها فجاه وسط غابه ومنتش عارف تطلع منه ونفسك تقول ::خلاص زيعوا الحلقه بقي بطلوا هزارمفيش غيرك انت والقرود بس :::
خلصت هابارانا وسيجيريا وقررت اعمل مساج سريلانكي مشهور جدا في الهند وسريلانكا اسمهAyurvedic massage وده نوع مشهور جدا من المساج خاصه في الهند وفي كيرلا تحديدا (بالمناسبه كيرلا اقصي جنوب الهند واقرب نقطه لسريلانكا 18 كيلو اعتقد بس بالبحر )وده مساج بزيوت طبيعيه معينه لللجسم والراس بطريقه معينه كده وخلي بالك لان في كتير من الاماكن مبتبقاش اصليه ةاي كلام فالافضل تكون سائل حد من اهل البلد او مدعبس كويس المهم عملت المساج بتقريبا ب 2500 روبيه.
خلصت و انطلقت في طريقي الي كاندي حيث بدايه السحر والجمال :.
في الطريق لكاندي هتعدي علي Mataleودي هتلاقي فيها معبد هندوسي مشهور اسمه
Sri Muthumariamman Kovil Temple
وبرده ببلاش تصميمه مميز وببلاش الا لو هتدخله وانا منصحش مش هتلاقي فيه حاجه اوي وده بناءا علي نصيحه صديقي البوذي (كان بيوفرلي الصراحه ) هو اكتر للصلاه منه للسياحه ::
ودي نقطه مهمه انك لازم قبل ماتطلع مكان تلم كل الناطق اللي عاوز تشوفها وتدرسها كويس عشان تبقي فاهم انت رايح فين وهتعدي علي ايه وتطلب من السواق يوديك الاماكن دي :
وانت بالطريق برده هتعدي علي حديقه مشهوره للاعشاب والنباتات الطبيعيه لو انت مهتم تشتري حاجه اصليه من الاعشاب وتتفرج علي نباتات غريبه اول مره تشوفها اسمهاAyurveda spice garden
وممكن تعمل كمان فيها مساج للراس بالزيوت الطبيعيه
وصلت كاندي تقريبا بعد ساعتين ونص .
وخدت جوله سريعه فيها لاني مخطط يؤمين لكاندي ::
كاندي يا سيدي مختلفه شويه هتحسها اكثر نضافه جوها احلي تحس انها بلد بنت ناس ومستحميه بالمقارنه بالباقي :
عندك اهم الاماكن في كاندي :
1 Kandy view point
ودي اهم مكان مكان عالي كده معين بتروحه بتشوف كاندي كلها من فوق في منظر من الخيال ك
2- Gem museum and factory, Wood carving work shop
لو انت مهتم بالمجوهرات الاصليه والاحجار الكريمه ةشغل اليدوي من الاخشاب وكده (نصيحه لو روحت متحف المجهوهرات متاخدش مراتك معاك ) هتلبس اكيد ::ان كنت انا لبست ومش معايا مراتي ما بالك بقي
3- Cultural dance show in Kandy
وده عرض فلكولوري مشهور بتحضره لو حابب اعتقد بفلوس بسيطه ه( انا
حضرته مع باكبج السواق ) لطيف مش وحش وتغيير.
4- Kandy lake
ودي اكبر واهم بحيره عندهم وهتشوف جواها جزيره صغيره كده بتاعه الملك لما كان بيحب ينفرد بنفسه ويقعد يفكر في شءون البلاد قعده لوز اللوز الصراحه
البحيره دي علي فكره من سنه 1807
4- Temple of the Sacred Tooth
ببلاش دخوله (بس في تفتيش جامد اوي اي حاجه مشكوك فيها هاياخدوها منك حتي ازازه المايه )
ده اهم معبد بوذي هناك واكبرهم واشيكهم والرسمي بتاعهم وكبير جدا وممكن تقابل الMonksمن كل حته في العالم فيه .والدخول جوه المعبد نفسه بفلوس بسيطه بس برده منصحش تدخله مفيهوش حاجه اوي غير سنه لبوذا ( انت بتدخل من البوابه الرئيسيه بتلاقي ساحه كبيره والمعبد الرئيسي في الاخر وده اللي بفلوس )ومش في كل الاوقات بيطلعوها في السنه للجمهور وفي الغالب مش هاتشوفها لانه زحمه والكل بيصلي فيه.
صحينا الصبح كالمعتاد سته ونص اتحركت من كاندي في اتجاه اليوم العظيم اللي لو رحت سريلانكا ومعملتوش تبقي ما رحتش سريلانكا وهو انك تقابل وجها لوجه نهر كيتوالجا وما ادراك ما نهر كيتوالجا
ده اكبر واعنف واقوي نهر عنده من بين تلات انهار رئيسيه
في منطقه اسمها كيتوالجا دي مليانه اكشاك صغيره طول الطريق بيعملوا الرافتنج (الفرد تقريبا 3000 روبيه)
ونصيحتي اقعد في فندق اسمه PLANTATION HOTEL مش غالي وجنب المكان اللي هتخلص منه الرافتنج وتطلع من النهر وكل الاجانب اللي شفتهم تقريبا في الفندق ده وخاصه ال BACKPACKERS
ولازم تخوض تجربه الرافتنج فيه (ان كنت حابب طبعا
المهم عملت الرافتنج طبع مهما قلت السحر وكميه الادرينالين اللي بتتطلع فيه (ابقوا اتفرجوا علي الفيديو)
خلصنا الرافتنج وطبعا ما فوتش فكره انك تنط في وسط النهر ده وتعوم فيه (معرفش مسموح ولا لا )
وبكده تبقي اتميت حاجه مهمه من رحله سريلانكا
ده جزء من فيديو الرافتنج
/Ahmed Rabea
خلصنا اليوم العظيم بتاع الرافتنج وقررنا نطلع علي انجلترا!!!!
اه زي ما بقلك كده ماهو هناك في انجلترا برده بس علي صغير
قررت طبعا اني اروح الساحره NUWARA ELIYA
بلد صغيره انما جمال مش هتشوفه في اي مكان غيرهناك
قررت اني اروح بالقطر واعمل رحله بالقطر مع السريلانكيين وعلي فكره هما عندهم شبكه قطرات قويه بس مشكلتها ان القطارات بتاعتهم قديمه شويه من ايام الاحتلال البرتغالي والهولندي والبريطاني حاجه عتيقه بس حلوه
وبالنسبه للقطر لو انت حابب في كزا درجه سياحيه في السبنسه وفي التانيه وفي التانيه المكيفه وفي الاولي وفي حاجه بس لو عاوز تحجزها لازم من فتره كبيره واونلا ين اسمها Observation car
ودي موجوده للسياح في اغلب البلاد عشان تشوف بقي كويس وانت قاعد وكده.
انا حجزت التانيه وبصراحه من جمال المناظر كنت مقضيها علي الباب واقف بتملي عينك باللون الاخضر.
المهم انا كنت مقرر اخد رحله من محطه اسمها Hutton وهانزل في Nanuoya
وتقريبا دي بتاخد ساعتين وده كان كافي ليا عشان اكمل برنامجي .وفي مسرات ممكن تاخد وقت اطول لو حابب واشهرهم واحلي مناظر هتلاقيها علي الخط ده اللي ممتد من ELLA-KANDY
وانت ومزاجك بقي ووقتك ::والتذاكر رخيصه جدا وممكن تشوف هنا اللي انت عايزه
علي حسب المسافه والدرجه
https://www.railway.gov.lk/
المهم وصلت NANUOYA وطلعت من هناك علي الساحره عاشقه الجمالNUWARA ELIYA
او ماتوصل نوراليا ومبتبقاش عاوز توصل من جمال مزارع الشاي اللي بتشوفها علي الطريق بتلاقي نفسك كده وصلت مكان تخيل معايا كله جبال وتلال اخضر في اخضر مزارع الشاي في كل حته كل الاوتيلات علي الجبال الجو ممتاز وبارد نسبيا عن اي مناطق سريلانكا الضباب موجود فوق قمم لجبال بالمناسبه في مسلمين كتير والاظل هتعرف تاكل هناك عكس كل مناطق سريلانكا اللي اتعذبت فيها بسبب مفيش اكل حلال في اغلب الاماكن .لدرجه ان اول فندق رحته نجمتين اه بس ماشي الحال بسالهم علي القبله فين ::مش عارفين يعني ايه قبله اصلا بيقلي حضرتك اول مسلم ييجي الفندق (ربنا يهديهم).
المهم عندك في نوراليا ممكن متروحش في اي حته كفايه انك تقعد قدام البحيره وتنسي الدنيا ولو عاوز تعمل حاجه انزل اتمشي علي رجلك وشوف البلد واتعرف علي ناس جديده فعلا انا وصلت يوم راس السنه اليوذيه وطبعا كان في احتفالات هناك ومهرجانات زي عندنا والشباب السيلاني كان عامل شغل جامد وممكن تاخد توكتوك وتلف بيه لو انت حابب ومش قادر وطبعا فاصل جااااامد يعني النص او التلا علي طول من السعر :: ولو عاوز تروح اماكن ممكن
Hill country - Golf course, Lake gregory, Strawberry farm and restaurant, Hakgala botanical gardens
ورايي اتمشي واكتشف بنفسك ده جزء من متعه الرحله.
خلصنا نوراليا وطبعا متنساش تنزل جوه مزارع الشاي وتستمتع وتاخد صور مش هتلاقيها في حته .
وطبعا في جنب نوراليا علي الطريق اشهر شلالات في سريلانكا لازم تروحهم ومتفوتهمش
St Clair's water falls
وهتلاقي مصانع شاي كتير علي الطريق لو عاوزتشتري كل انواع الشاي اللي تخطر علي بالك ::انا دخلت مصنع منهم ويقعدوا يشرحولك الانواع وتدوق كل انواع الشاي اللي تخطر علي بالك في جوله سريعه كده ::وهتلاقي مليون لون للشاي جوه ::لا تقلي ليبتون ولا شاي احمد ولا العروسه حتي
كغير المعتاد صحيت الصبح وده كان يوم مرهق شويه صحيت الساعه اربعه الصبح وجهزت نفسي للانطلاق اليHorton Plainsودي منطقه جبال شويه وتلال مفتوحه العربيات بتوصل فيها لحته وبعد كده انت بتعملTrekking وتمشي جوه الجبال والتلال دي وسط مناظر وخضره وجمال غير عادي وحيوانات بتقابلك وشغل عالي وبتوصل لنقطتين مهمين فيها اذا قدرت يعني نهايه العالم الصغري وبعد كده نهايه العالم الكبري WOLRD ENd
ودي اعلي نقطه وهي اسمه كده لانك من فوق تقدر تشوف سريلانكا والجبال حواليك من كل حته
طبعا حلوه جدا بس اغلي شويه من حاجات كتير تقريبا هتكلفك بالجيب والدخول (في حدود 8000 روبيه سريلانكيه )
عندك اختيار تاني برده ارخص شويه ونفس الفكره ومش مشهور اوي زي هورتون اسمه Moon Plains ده ارخص شويه (في رانج او 6000 5000 روبيه )وبرده Trekking
وبتوصل لنقطه برده تشوف اكبر اربع قمم جبليه بتحوطك من كل حته بس لو قررت اعتقد ان هورتون هتبقي افضل .
خلصنا وخاصنا من التعب ::
يومنا النهارده هيكون في BENTUTA عروسه الساحل السيلاني :::
بنتوته مدينه ساحليه مشهوره بحر وشغل جامد تقريبا المسافه بالعربيه ممكن 6 او 7 ساعات لو هتروح من نورراليا وتحاول تروح بدري لو قدامك مشوار لان اكيد البحر هتلاقي نفسك اخرك الساعه خمسه ولا سته وكل حركات البحر ويومه بيخلص.
وصلت بنتوته طبعت مش عاوز اقلكم علي شط بنوته عامل ازاي وفكره انك بتعوم في المحيط الهندي وجزر وجمال غير عادي بتشوفه مع الغروب قدامك متتوصفش..
غصب عنك هتحب بنتوته
طلعت بعد كده علي MIRISSA
ودي منطقه جنب بنتوته فيها اشهر حاجه بتتعمل انك بتطلع بمركب من سته الصبح برضه جوه المحيط لحد ماتوصل لمكان وتقابل الحيتان وجها لوجه !!!!!
تخيل كده ان حواليك مش قرش :: لا انت بتقابل وتشوف الحوت الازرق ::!!!
اكبر الحيوانات المعروفه علي الارض و موجوده حتي يومنا هذا::
طوله اكتر من 30 متر:طبعا بتاخدوا وقت علي ما تلاقوه وسط المحيط انت بتدور فعلا عليه لحد ما تلاقيه في رحله مطارده بالمراكب مثيره جدا ::
الحمد لله شفته وسلمت عليه .
وانطلقت بعدها في السريع لاني مكانش عندي وقت خالص رحت مكانين كنت حابب اشوفهم ومحضرلهم الاولي قريه هيكاداوا ::ودي اكتر مكان اتضرر من تسونامي سريلانكا في 2004 وطبعا ساعتها اتقال القصه المشهوره بتاع ان بسبب ان القريه دي كان منتشر فيها هي نفسها وكمان الشارع الرىيسي المدي اللي كولومبو اللي انت بالمناسبه كده كده بتعدي عليه وانت رايح مدينه جالي انهكان من اسباب غضب ربنا عليهم في موضوع تسونامي ده لان كل انواع الفواحش كانت بتحصل فيه عيني عينك كده ::حتي السواق نفسه قالي ان البوذيين نفسهم عارفين الكلام ده ::
المهم لحظه انك واقف في نفس المكان اللي تسونامي بدا فيه وموت اكتر من 40 لبف واحد وسوا القريه بالكامل بالارض والي الان المكان تغير خلبص من قبل وبعد تسونامي لحظه تخليك تقشعر اصلا..
المهم برده انطلقت الي GALLE
ودي منطقه بعد بنتوته وانت في طريقك لكولومبو وممكن في الطريق تشوف حاجتين
عندك اماكن كتير لتربيه السلاحف وعندهم كل الانواع والنادر منها كمان وهتلاقي منها كزا واحده علي الطريق الي جالي
انا رحت واحده منهم سعرها مش غالي خالص (500 روبيه )
حلو وصغير وتاخده وانت في الطريق كده وانت ماشي:
الحاجه التانيه اللي لو حابب تشوفها اسمهاSTILT FISHING
ودول ناس بتلاقيهم علي طول الطريق الساحلي وانت رايح كولومبو بيصطادوا بالطريقه الهنديه والسريلانكيه القديمه وبيبقوا قاعدين علي عصيان كده جوه المايه (والله لو ليك في التصوير زي حالالتي وعاوز صور عالميه ) دي من اشهر مناظر الصيد اللي مش هتلاقيها في حته بس نصيحتي متبينش نفسك انك سايح وكده لان هما اغلبهم ناس عاملين نفسهم بيصطادوا عشان يطلعوا منك سبوبه ويسيبوك تصورهم لان قليل منهم اللي هتلاقيه صيادين بجد بيمثلوا يعني ومش عتخلص منهم فابقي خلي بالك لو عاوز تصورهم ::او انت وشطارتك بقي (انا صورتهم من العربيه الصراحه
وصلت GALLE
ودي فيها اشهر قلعه في سريلانكا ايام الاحتلال البرتغالي والهولندي وتخلصها في ساعتين كده في السريع
وانت رايح كولومبو
فيها اشهر فنار وميناء علي البحر من ايام الاحتلال البرتغالي والهولندي FORT GALLE
ودي اتبنت سنه 1588.
عندك كمان DUTCH HOSPITAL
دي من ايام الاحتلال الهولندي وهتلاقي معسكرات وبيوتهم لسه موجوده بنفس الشكل الاوروبي المميز ليهم. عندك كمان
SIEGE OF GALLE
All Saint:s church
The Dutch Reformed Church
ودي من اقدم الكنائس هناك برده اتبنت سنه1755 وتقدر تزورها برده (كل ده من غير فلوس )
Galle Lighthouse
وغيرها كتير وتتمشي في المدينه القديمه وعندك برده كافيهات وحركات.
خلصت وانطلقت لكولومبو اخر محطه واسرع محطه عشان الحق طيارتي.
وصلت كولومبو بالطريق السريع (وده اول طريق سريع اشوفه في سريلانكا قلت بقي هنطير علي 200 ولا حاجه دا بفلوس يعني عشان الحق الطياره برده اخرنا 90 :::وصلت كولومبو وكنت هاموت من الجوع ولقيت كنتاكي (علي فكره ده اعتقد الوحيد في سيريلانكا ) وضربتلي اكله مع ان المينيو بتاعهم مختلف برده ::رحت زرت البرلمان السريلانكي بيفتخره بيه اوي ::وطلعت علي المطار اللطيف بتاعهم خلصت اموري وخدت طيارتي بس المره دي من غير Free upgrade
وخلصت سريلانكا بس مخلصش اللي عملته واللي غيرته فيا واللي اثرت فيا بشكل ايجابي جدا
ورجعت معايا ذكريات لاتقدر بثمن ::وكمان معايا 70 جيجا تصوير
لو حد حابب يتواصل مع سواق هناك كويس وهيظبطه يقلي.. ابعتلكم تليفونه..او اي استفسار تحت امركم.
احفظوا مقوله ابن بطوطه دي كويس اوي
“Traveling—it leaves you speechless, then turn you into a storyteller.”
سافروا تصحوا
اشوفكم مع تقرير تاني وبلد تانيه :::Ahmed Rabea
طبعا كل محد يسالني سريلانكا اشمعني...اقله مش عارف هاطلع واشوف ☺!!!!!
بدات ادعبس واجمع كل المعلومات عنها طبعا مخلتيش حاجه تقريبا ووصلت لنمر سواقين هناك كمان ...
المهم رتبت كل حاجه تقريبا ولقيت تذكره رخيصه علي طيران السريلانكيه...حجزتها من قبل حتي ما اكمل البرنامج... بدات بتوضيب نفسي وشنطتي... وطبعا في دماغي كل الاحتمالات الممكنه والغير ممكنه اللي بتنط بعد كلمه ( طب افرض لو...... ) وحط مليون سبب.. متقلقش هتلاقي اسباب كتير .. بس كان لازم تاخد قرار كل فتره بره دايره الراحه بتاعتك...
بدات اول خطوه بالفيزا... هي ممكن تاخدها من المطار او اون لاين وانا بحبذ اون لاين سهله وب 30 دولار لمده شهر... وبتيجي بعدها بيومين او تلاته...( معايا قعدت اسبوع بس عشان الاعياد عندهم). بالمناسبه اهم خطوه في اي سفريه المعلومات قبل متسافر. مثلا انا عرفت ان راس السنه البوذيه بتاعهم في 13 ابريل فكان مخططي ان الاسبوع جوه ده..اهو نكتشف ونتعرف علي ثقافات الشعوب التانيه ....
بعد الفيزا... وطبعا تطبعها علي ورقه وتخليها معاك احتياطي ( لان برضه بعد الفرك والدعبسه لقيت حد حصل معاه موقف مش ظريف هناك واعتقد حالات فرديه انه قالوله تاريخ ميلادك انت مدخله غلط مع انه كان مدخله صح ودفع فيزا تاني... علي كلام الراوي..بالنسبه لي هو طلبها مني فعلا يشوفها في ورقه غير الموبايل...وطبعا كنت جاهز بكل حاجه.....
خلصنا الفيزا وتوكلنا علي الله..بالنسبه للفلوس الافضل انك تحول دولار ومن المطار تحول روبيه هيكون سعر الصرف افضل وممكن تاخد معاك حاجه بسيطه بس من هنا :::
نزلت مطار كولومبو..مطار ظريف ومحندق .اول ما بتنزل بتملي ابليكشن في المطار ولو معاك الفيزا اون لاين تدخل علي الجوازات لو مش معاك في مكتب صغير تروح تطلعها منها ...
خلصنا الجوازات... اه بالمناسبه.. انا حبيت جدا الخطوط السريلانكيه غير انها شركه كويسه في تعاملهم.. بصراحه حبيتهم اكتر بعد ما عملولي free upgrade to business class وانا رايح...... .. طبعا رحلتي كانت ست ساعات ونص وحققت حاجه منbucket list ببلاش كده...
مش عارف ليه عملوا معايا كده اعتقد لاني كنت محدد كرسي معين بس لان الطياره كانت زحمه جدا جدا.الراجل اعتذرلي وقالي ان مش هينفع الكرسي ده ::وكويس انه منفعش ::.. وانا اعتقد العربي الوحيد اللي كان في الطياره...عاملوني كسايح بقي.
نزلنا كولومبو... الصبح بدري كنت من الساعه 8 بليل اليوم اللي قبله بالمطار ووصلت سته الصبح...
الحلقة التانيه , حقولكم حصلي أيه أول ما نزلت و المواقف اللي مرت عليا و اول محطة توقف مريت عليه Habarana ,
رحلتي الى سيريلانكا ( الجزء الثاني )
الجزء الأول كنت قولتلكم ازاي خلصت اجراءات الفيزا و اجراءات دخول البلد و اللي كانت الحمد لله سهله جدا ,
أول نصيحه لو انت عامل برنامج معين ومش عاوزه يبوظ..الافضل يبقي معاك سواق..لان المواصلات هناك ممكن تبوظلك برنامجك بالذات لو كان مفيش تضييع وقت كتير فيه وكل حاجه محسوبه ومفيش مجال للتاجيل...
لاقيت السواق اللي اتفقت معاه... راجل بوذي في اواخر الاربعينات كده.. وشكله متدين.. . طول الوقت بيقعد يتمتم بحاجات ببقه كده تقريبا اذكار الصباح.. بتاعتهم... ومعلق تمثال بوذا صغير بالعربيه...... ربنا يهديهم للاسلام...طبعا انت هناك كمسلم اقليه.. الاغلبيه معقل ال بوذيين وفي هندوس ومسيحيين والاقليه مسلمين....
وصلت كولومبو ( المطار يبعد عن كولومبو بتاع 17 كم) في مكان اسمه katunayake واقرب حاجه ليه لو عاوز تريح جنب المطار.. نيجومبو ( قرية صيادين السمك ) دي مدينه علي البحر وشاليهات وكده وصلت سبعه الصبح وكان المخطط هاطلع علي مكان اسمه habarana .. ومش هاقعد في كولومبو اول ما اجي وكنت عارف اني هابقي متعب لان المكان ده يبعد خمس ساعات من المطار.. عشان ابدا برنامج يومي الاول وفي اخر اليوم ابات في اول فندق ( هو نجمتين اه بس فل) بالمناسبه انا غيرت خمس فنادق وجست هوس.. في اسبوع واحد......
وصلت habarana الساعه اتنين الضهر.... ..بالمناسبة السرعه هناك في احسن الاحوال تقريبا معدتش ستين كيلو في الساعة .. السواق لما تتهور مره جاب سبعين....لك ان تتخيل خمس ساعات بسرعه ستين..في طريق من بتاع ليفيل الوحش ده...الطريق عبارة عن ملفات وجبال حواليك في كل حته واللون الوحيد اللي هتشوفه هناك الاخضر...بلد جمييله جدا وسكانها طيبيين اوي... اشهر الاماكن اللي لازم تروحها في دامبولا ده مكان جنب هابرانا..dambulla temple cave. ده مكان فوق جبل لازم تطلعله ويفضل في وقت بعيد عن الحر الصبح بدري افضل..من غير فلوس انما بتدفع عشان تسيب جزمتك تقريبا 25 روبيه...
بالمناسبه العمله هناك الروبيه السريلانكيه ودي الجنيه ب 16 روبيه...ابسط ياعم الجنيه المصري ليه قيمه هناك
..خلصت الجبل وطبعا كنت ميت تعب لاني بقالي يوم كامل منمتش.. طلعت علي الفندق ونمت لاني عندي يوم طويل بكره..وهي sigiriya... وما ادراك ما سيجيريا....!!!!
صحيت تاني يوم سبعه الصبح ده الميعاد الرسمي وفي ايام صحيت خمسه وفي يوم صحيت اتنين ونص اه والله زي مبقلك كده.... انطلقت لسيجيريا وطبعا اشهر حاجه عندهم صخره سيجيريا لازم تروحها... بصراحه سريلانكا كل الفصول ممكن تشوفها وانت هناك الجو حر جدا والرطوبه كانت فوق 80 في الميه... في ااي وقت ممكن تمطر... بس برده الاجواء تحفه بعد كل ده...
خلصت سيجيريا.... وكنت حابب اشوف اماكن حواليها مش تقليديه...لقيت توكتوك..طبعا الفصال هناك ده اساسي....يعني قالي 1000 روبيه.. رسيت علي 250.. فاصل معاهم جامد بالذات التكاتك...المهم الواد ظبطني ووداني كام حته حوالين سيجريا.. وخدت صور عظيمه فيها...
المهم... طلعت بعد سيجيريا.. كنت حابب امشي في forest حقيقيه مش صناعيه للسواح وكده...المهم رحت فعلا غابه مع السواق اللي كان معايا..حاجه كده تحفه كانك في لعبه لارا كروفت.....بالظبط..في منطقه اسمها ritigala....الجزء الثالث حقولكم شفت ايه في الغابة و ايه المفاجأه اللي حصلت معايا هناك
...نكمل مع بعض الجزء التالت والاخير
خلصنا سيجيريا وطلعنا اهم حاجه هناك وهي صخره سيجيريا ودي اشهر معلم بسريلانكا وحاول تروح بدري لو قررت تطلعها لانها هتعوز مجهود وسلالم والجو حر هناك :: (وليها تذكره لوحدها ب 4000 روبيه )
المهم خلصنا سيجيريا ::رحت عملت
Elephant ride .
طبعا تجربه حلوة وممتعه وانت راكب في رقبه فيل محترم جدا وماشي بيك وسط بيئته الطبيعيه وبراحته جدا ينزل بيك في ميه ماشي يدخل وسط غابات واشجار ماشي (حلو جدا الصراحه وخلي بالك الناس اللي معاه بيعتمدوا علي البقشيش زي كل سريلانكا بمعني هيقلك هات الموبايل اصورك وانت راكب دي بمقابل خد موز اكل الفيل بمقابل يعني انت زي متحب هما مش جشعيين انما فقرا جدا وزي متحب تقريبا البقشيش من 100 ل 200 في الحدود دي وطبعا فاااااصل .
المهم كان الخطه اني اروح POLONNARUWA
بس غيرت الخطه لانها منطقه مكشوفه واليوم ده كان الرطوبه فوق 80 في الميه وكنت في وقت العصر وكنت حابب اروح غابه طبيعيه مش حاجه للسياح صناعيه ومعموله مخصوص يعني :ودي ميزه انك لوحدك وتقدر تغير في قرارارتك علي حسب الظروف المهم قررت اروح غابه فعلا في منطقه اسمه Ritigala ودي كانت بره البرنامج اللي انا مخططه بس تقريبا كانت احسن حاجه في اليوم ده والدخول ببلاش كمان .
ودي فيها واحد من اكبر 4 جبال في سريلانكا وحتي اعلي من صخره سيجيريا هتحس وانت جوه انك اتنقلت لعالم تاني هتحس انك فعلا بدون اي مبالغه جوه لعبه لارا كروفت فكره انك في غابه طبيعيه وحواليك قرود وسامع كل اصوات الطبيعه وكانك في فيلم سينما وفي نفس الوقت بتلاقي جبال واثار قديمه من القرن الاول قبل الميلاد.
وممرات واوديه وكهوف حاجه من الخيال (ونصيحه متي حاول ما تغوطش اوي لوحدك وخلي بالك من الطرق وانت ماشي عشان متهوش زيي وتلاقي نفسها فجاه وسط غابه ومنتش عارف تطلع منه ونفسك تقول ::خلاص زيعوا الحلقه بقي بطلوا هزار
مفيش غيرك انت والقرود بس :::خلصت هابارانا وسيجيريا وقررت اعمل مساج سريلانكي مشهور جدا في الهند وسريلانكا اسمهAyurvedic massage وده نوع مشهور جدا من المساج خاصه في الهند وفي كيرلا تحديدا (بالمناسبه كيرلا اقصي جنوب الهند واقرب نقطه لسريلانكا 18 كيلو اعتقد بس بالبحر )وده مساج بزيوت طبيعيه معينه لللجسم والراس بطريقه معينه كده وخلي بالك لان في كتير من الاماكن مبتبقاش اصليه ةاي كلام فالافضل تكون سائل حد من اهل البلد او مدعبس كويس المهم عملت المساج بتقريبا ب 2500 روبيه.
خلصت و انطلقت في طريقي الي كاندي حيث بدايه السحر والجمال :.
في الطريق لكاندي هتعدي علي Mataleودي هتلاقي فيها معبد هندوسي مشهور اسمه
Sri Muthumariamman Kovil Temple
وبرده ببلاش تصميمه مميز وببلاش الا لو هتدخله وانا منصحش مش هتلاقي فيه حاجه اوي وده بناءا علي نصيحه صديقي البوذي (كان بيوفرلي الصراحه ) هو اكتر للصلاه منه للسياحه ::
ودي نقطه مهمه انك لازم قبل ماتطلع مكان تلم كل الناطق اللي عاوز تشوفها وتدرسها كويس عشان تبقي فاهم انت رايح فين وهتعدي علي ايه وتطلب من السواق يوديك الاماكن دي :
وانت بالطريق برده هتعدي علي حديقه مشهوره للاعشاب والنباتات الطبيعيه لو انت مهتم تشتري حاجه اصليه من الاعشاب وتتفرج علي نباتات غريبه اول مره تشوفها اسمهاAyurveda spice garden
وممكن تعمل كمان فيها مساج للراس بالزيوت الطبيعيه
وصلت كاندي تقريبا بعد ساعتين ونص .
وخدت جوله سريعه فيها لاني مخطط يؤمين لكاندي ::
كاندي يا سيدي مختلفه شويه هتحسها اكثر نضافه جوها احلي تحس انها بلد بنت ناس ومستحميه بالمقارنه بالباقي :
عندك اهم الاماكن في كاندي :
1 Kandy view point
ودي اهم مكان مكان عالي كده معين بتروحه بتشوف كاندي كلها من فوق في منظر من الخيال ك
2- Gem museum and factory, Wood carving work shop
لو انت مهتم بالمجوهرات الاصليه والاحجار الكريمه ةشغل اليدوي من الاخشاب وكده (نصيحه لو روحت متحف المجهوهرات متاخدش مراتك معاك ) هتلبس اكيد ::ان كنت انا لبست ومش معايا مراتي ما بالك بقي
3- Cultural dance show in Kandy
وده عرض فلكولوري مشهور بتحضره لو حابب اعتقد بفلوس بسيطه ه( انا
حضرته مع باكبج السواق ) لطيف مش وحش وتغيير.
4- Kandy lake
ودي اكبر واهم بحيره عندهم وهتشوف جواها جزيره صغيره كده بتاعه الملك لما كان بيحب ينفرد بنفسه ويقعد يفكر في شءون البلاد قعده لوز اللوز الصراحه
البحيره دي علي فكره من سنه 1807
4- Temple of the Sacred Tooth
ببلاش دخوله (بس في تفتيش جامد اوي اي حاجه مشكوك فيها هاياخدوها منك حتي ازازه المايه )
ده اهم معبد بوذي هناك واكبرهم واشيكهم والرسمي بتاعهم وكبير جدا وممكن تقابل الMonksمن كل حته في العالم فيه .والدخول جوه المعبد نفسه بفلوس بسيطه بس برده منصحش تدخله مفيهوش حاجه اوي غير سنه لبوذا ( انت بتدخل من البوابه الرئيسيه بتلاقي ساحه كبيره والمعبد الرئيسي في الاخر وده اللي بفلوس )ومش في كل الاوقات بيطلعوها في السنه للجمهور وفي الغالب مش هاتشوفها لانه زحمه والكل بيصلي فيه.
صحينا الصبح كالمعتاد سته ونص اتحركت من كاندي في اتجاه اليوم العظيم اللي لو رحت سريلانكا ومعملتوش تبقي ما رحتش سريلانكا وهو انك تقابل وجها لوجه نهر كيتوالجا وما ادراك ما نهر كيتوالجا
ده اكبر واعنف واقوي نهر عنده من بين تلات انهار رئيسيه
في منطقه اسمها كيتوالجا دي مليانه اكشاك صغيره طول الطريق بيعملوا الرافتنج (الفرد تقريبا 3000 روبيه)
ونصيحتي اقعد في فندق اسمه PLANTATION HOTEL مش غالي وجنب المكان اللي هتخلص منه الرافتنج وتطلع من النهر وكل الاجانب اللي شفتهم تقريبا في الفندق ده وخاصه ال BACKPACKERS
ولازم تخوض تجربه الرافتنج فيه (ان كنت حابب طبعا
المهم عملت الرافتنج طبع مهما قلت السحر وكميه الادرينالين اللي بتتطلع فيه (ابقوا اتفرجوا علي الفيديو)
خلصنا الرافتنج وطبعا ما فوتش فكره انك تنط في وسط النهر ده وتعوم فيه (معرفش مسموح ولا لا )
وبكده تبقي اتميت حاجه مهمه من رحله سريلانكا
ده جزء من فيديو الرافتنج
/Ahmed Rabea
خلصنا اليوم العظيم بتاع الرافتنج وقررنا نطلع علي انجلترا!!!!
اه زي ما بقلك كده ماهو هناك في انجلترا برده بس علي صغير
قررت طبعا اني اروح الساحره NUWARA ELIYA
بلد صغيره انما جمال مش هتشوفه في اي مكان غيرهناك
قررت اني اروح بالقطر واعمل رحله بالقطر مع السريلانكيين وعلي فكره هما عندهم شبكه قطرات قويه بس مشكلتها ان القطارات بتاعتهم قديمه شويه من ايام الاحتلال البرتغالي والهولندي والبريطاني حاجه عتيقه بس حلوه
وبالنسبه للقطر لو انت حابب في كزا درجه سياحيه في السبنسه وفي التانيه وفي التانيه المكيفه وفي الاولي وفي حاجه بس لو عاوز تحجزها لازم من فتره كبيره واونلا ين اسمها Observation car
ودي موجوده للسياح في اغلب البلاد عشان تشوف بقي كويس وانت قاعد وكده.
انا حجزت التانيه وبصراحه من جمال المناظر كنت مقضيها علي الباب واقف بتملي عينك باللون الاخضر.
المهم انا كنت مقرر اخد رحله من محطه اسمها Hutton وهانزل في Nanuoya
وتقريبا دي بتاخد ساعتين وده كان كافي ليا عشان اكمل برنامجي .وفي مسرات ممكن تاخد وقت اطول لو حابب واشهرهم واحلي مناظر هتلاقيها علي الخط ده اللي ممتد من ELLA-KANDY
وانت ومزاجك بقي ووقتك ::والتذاكر رخيصه جدا وممكن تشوف هنا اللي انت عايزه
علي حسب المسافه والدرجه
https://www.railway.gov.lk/
المهم وصلت NANUOYA وطلعت من هناك علي الساحره عاشقه الجمالNUWARA ELIYA
او ماتوصل نوراليا ومبتبقاش عاوز توصل من جمال مزارع الشاي اللي بتشوفها علي الطريق بتلاقي نفسك كده وصلت مكان تخيل معايا كله جبال وتلال اخضر في اخضر مزارع الشاي في كل حته كل الاوتيلات علي الجبال الجو ممتاز وبارد نسبيا عن اي مناطق سريلانكا الضباب موجود فوق قمم لجبال بالمناسبه في مسلمين كتير والاظل هتعرف تاكل هناك عكس كل مناطق سريلانكا اللي اتعذبت فيها بسبب مفيش اكل حلال في اغلب الاماكن .لدرجه ان اول فندق رحته نجمتين اه بس ماشي الحال بسالهم علي القبله فين ::مش عارفين يعني ايه قبله اصلا بيقلي حضرتك اول مسلم ييجي الفندق (ربنا يهديهم).
المهم عندك في نوراليا ممكن متروحش في اي حته كفايه انك تقعد قدام البحيره وتنسي الدنيا ولو عاوز تعمل حاجه انزل اتمشي علي رجلك وشوف البلد واتعرف علي ناس جديده فعلا انا وصلت يوم راس السنه اليوذيه وطبعا كان في احتفالات هناك ومهرجانات زي عندنا والشباب السيلاني كان عامل شغل جامد وممكن تاخد توكتوك وتلف بيه لو انت حابب ومش قادر وطبعا فاصل جااااامد يعني النص او التلا علي طول من السعر :: ولو عاوز تروح اماكن ممكن
Hill country - Golf course, Lake gregory, Strawberry farm and restaurant, Hakgala botanical gardens
ورايي اتمشي واكتشف بنفسك ده جزء من متعه الرحله.
خلصنا نوراليا وطبعا متنساش تنزل جوه مزارع الشاي وتستمتع وتاخد صور مش هتلاقيها في حته .
وطبعا في جنب نوراليا علي الطريق اشهر شلالات في سريلانكا لازم تروحهم ومتفوتهمش
St Clair's water falls
وهتلاقي مصانع شاي كتير علي الطريق لو عاوزتشتري كل انواع الشاي اللي تخطر علي بالك ::انا دخلت مصنع منهم ويقعدوا يشرحولك الانواع وتدوق كل انواع الشاي اللي تخطر علي بالك في جوله سريعه كده ::وهتلاقي مليون لون للشاي جوه ::لا تقلي ليبتون ولا شاي احمد ولا العروسه حتي
كغير المعتاد صحيت الصبح وده كان يوم مرهق شويه صحيت الساعه اربعه الصبح وجهزت نفسي للانطلاق اليHorton Plainsودي منطقه جبال شويه وتلال مفتوحه العربيات بتوصل فيها لحته وبعد كده انت بتعملTrekking وتمشي جوه الجبال والتلال دي وسط مناظر وخضره وجمال غير عادي وحيوانات بتقابلك وشغل عالي وبتوصل لنقطتين مهمين فيها اذا قدرت يعني نهايه العالم الصغري وبعد كده نهايه العالم الكبري WOLRD ENd
ودي اعلي نقطه وهي اسمه كده لانك من فوق تقدر تشوف سريلانكا والجبال حواليك من كل حته
طبعا حلوه جدا بس اغلي شويه من حاجات كتير تقريبا هتكلفك بالجيب والدخول (في حدود 8000 روبيه سريلانكيه )
عندك اختيار تاني برده ارخص شويه ونفس الفكره ومش مشهور اوي زي هورتون اسمه Moon Plains ده ارخص شويه (في رانج او 6000 5000 روبيه )وبرده Trekking
وبتوصل لنقطه برده تشوف اكبر اربع قمم جبليه بتحوطك من كل حته بس لو قررت اعتقد ان هورتون هتبقي افضل .
خلصنا وخاصنا من التعب ::
يومنا النهارده هيكون في BENTUTA عروسه الساحل السيلاني :::
بنتوته مدينه ساحليه مشهوره بحر وشغل جامد تقريبا المسافه بالعربيه ممكن 6 او 7 ساعات لو هتروح من نورراليا وتحاول تروح بدري لو قدامك مشوار لان اكيد البحر هتلاقي نفسك اخرك الساعه خمسه ولا سته وكل حركات البحر ويومه بيخلص.
وصلت بنتوته طبعت مش عاوز اقلكم علي شط بنوته عامل ازاي وفكره انك بتعوم في المحيط الهندي وجزر وجمال غير عادي بتشوفه مع الغروب قدامك متتوصفش..
غصب عنك هتحب بنتوته
طلعت بعد كده علي MIRISSA
ودي منطقه جنب بنتوته فيها اشهر حاجه بتتعمل انك بتطلع بمركب من سته الصبح برضه جوه المحيط لحد ماتوصل لمكان وتقابل الحيتان وجها لوجه !!!!!
تخيل كده ان حواليك مش قرش :: لا انت بتقابل وتشوف الحوت الازرق ::!!!
اكبر الحيوانات المعروفه علي الارض و موجوده حتي يومنا هذا::
طوله اكتر من 30 متر:طبعا بتاخدوا وقت علي ما تلاقوه وسط المحيط انت بتدور فعلا عليه لحد ما تلاقيه في رحله مطارده بالمراكب مثيره جدا ::
الحمد لله شفته وسلمت عليه .
وانطلقت بعدها في السريع لاني مكانش عندي وقت خالص رحت مكانين كنت حابب اشوفهم ومحضرلهم الاولي قريه هيكاداوا ::ودي اكتر مكان اتضرر من تسونامي سريلانكا في 2004 وطبعا ساعتها اتقال القصه المشهوره بتاع ان بسبب ان القريه دي كان منتشر فيها هي نفسها وكمان الشارع الرىيسي المدي اللي كولومبو اللي انت بالمناسبه كده كده بتعدي عليه وانت رايح مدينه جالي انهكان من اسباب غضب ربنا عليهم في موضوع تسونامي ده لان كل انواع الفواحش كانت بتحصل فيه عيني عينك كده ::حتي السواق نفسه قالي ان البوذيين نفسهم عارفين الكلام ده ::
المهم لحظه انك واقف في نفس المكان اللي تسونامي بدا فيه وموت اكتر من 40 لبف واحد وسوا القريه بالكامل بالارض والي الان المكان تغير خلبص من قبل وبعد تسونامي لحظه تخليك تقشعر اصلا..
المهم برده انطلقت الي GALLE
ودي منطقه بعد بنتوته وانت في طريقك لكولومبو وممكن في الطريق تشوف حاجتين
عندك اماكن كتير لتربيه السلاحف وعندهم كل الانواع والنادر منها كمان وهتلاقي منها كزا واحده علي الطريق الي جالي
انا رحت واحده منهم سعرها مش غالي خالص (500 روبيه )
حلو وصغير وتاخده وانت في الطريق كده وانت ماشي:
الحاجه التانيه اللي لو حابب تشوفها اسمهاSTILT FISHING
ودول ناس بتلاقيهم علي طول الطريق الساحلي وانت رايح كولومبو بيصطادوا بالطريقه الهنديه والسريلانكيه القديمه وبيبقوا قاعدين علي عصيان كده جوه المايه (والله لو ليك في التصوير زي حالالتي وعاوز صور عالميه ) دي من اشهر مناظر الصيد اللي مش هتلاقيها في حته بس نصيحتي متبينش نفسك انك سايح وكده لان هما اغلبهم ناس عاملين نفسهم بيصطادوا عشان يطلعوا منك سبوبه ويسيبوك تصورهم لان قليل منهم اللي هتلاقيه صيادين بجد بيمثلوا يعني ومش عتخلص منهم فابقي خلي بالك لو عاوز تصورهم ::او انت وشطارتك بقي (انا صورتهم من العربيه الصراحه
وصلت GALLE
ودي فيها اشهر قلعه في سريلانكا ايام الاحتلال البرتغالي والهولندي وتخلصها في ساعتين كده في السريع
وانت رايح كولومبو
فيها اشهر فنار وميناء علي البحر من ايام الاحتلال البرتغالي والهولندي FORT GALLE
ودي اتبنت سنه 1588.
عندك كمان DUTCH HOSPITAL
دي من ايام الاحتلال الهولندي وهتلاقي معسكرات وبيوتهم لسه موجوده بنفس الشكل الاوروبي المميز ليهم. عندك كمان
SIEGE OF GALLE
All Saint:s church
The Dutch Reformed Church
ودي من اقدم الكنائس هناك برده اتبنت سنه1755 وتقدر تزورها برده (كل ده من غير فلوس )
Galle Lighthouse
وغيرها كتير وتتمشي في المدينه القديمه وعندك برده كافيهات وحركات.
خلصت وانطلقت لكولومبو اخر محطه واسرع محطه عشان الحق طيارتي.
وصلت كولومبو بالطريق السريع (وده اول طريق سريع اشوفه في سريلانكا قلت بقي هنطير علي 200 ولا حاجه دا بفلوس يعني عشان الحق الطياره برده اخرنا 90 :::وصلت كولومبو وكنت هاموت من الجوع ولقيت كنتاكي (علي فكره ده اعتقد الوحيد في سيريلانكا ) وضربتلي اكله مع ان المينيو بتاعهم مختلف برده ::رحت زرت البرلمان السريلانكي بيفتخره بيه اوي ::وطلعت علي المطار اللطيف بتاعهم خلصت اموري وخدت طيارتي بس المره دي من غير Free upgrade
وخلصت سريلانكا بس مخلصش اللي عملته واللي غيرته فيا واللي اثرت فيا بشكل ايجابي جدا
ورجعت معايا ذكريات لاتقدر بثمن ::وكمان معايا 70 جيجا تصوير
لو حد حابب يتواصل مع سواق هناك كويس وهيظبطه يقلي.. ابعتلكم تليفونه..او اي استفسار تحت امركم.
احفظوا مقوله ابن بطوطه دي كويس اوي
“Traveling—it leaves you speechless, then turn you into a storyteller.”
سافروا تصحوا
اشوفكم مع تقرير تاني وبلد تانيه :::Ahmed Rabea