يا جماعة انا عندي استفسار: ايه اللي يحصل لو حد سافر تركيا دون تصريح؟ لو حد...

[Omar Mohamed Omar]

يا جماعة انا عندي استفسار:
ايه اللي يحصل لو حد سافر تركيا دون تصريح؟ لو حد مثلا خارج مصر وحيسافر من برة برة علما بان مينفعش الواحد يطلب التصريح من سفارة مصرية....لازم الواحد ينزل مصر و ده طبعا صعب لحد اصلا برة.
ايه اللي بيحصل لو ضابط في الجوازات المصرية شاف ختم من تركيا...هل الشخص ده بيخد تحذير؟ او الجواز بيتسحب؟ ارجو الافادة بالموضوع

 

[Khaled Badry]

مالوش عندك حاجة التصريح مطلوب عند السفر من مصر فقط

 

[Mohamed Al Oraby]

ولا اي حاجة عادي

 

[Sameh Salah]

اصلا ظابط الجوازات وانت راجع ولا بيبص ولا اى حاجة .. بتديلة الباسبور بيختم فى ثانية وممكن يختملك على ختم خروج الدوله ال انت راجع منها عادى جدا .. بيختم من غير ما يبص اصلا هو بيختم فين !!!

 

[Ahmad Taher Hosni]

مالوش اي لازمه. واحد عايش بره و طلع يقضي اجازته و رجع.

 

[Mohamed El-ansary Sharaf El-din]

سألت ظابط جوازات قريبي و قالي مفيهاش حاجة، و فعلاً سافرت تركيا من السعودية و لما رجعت مصر و لا حصل اي حاجة

 

[Omar Omar]

الف شكر على الردود.
الحقيقة ان في مصرين كثار جدا عايشين في الخارج-سواء الخليج او اوروبا و تركيا جهة سفر رخيصة وسهلة، ده غير ان الخطوط التركية بتعمل عروض ممتازة و الواحد ممكن ينزل يوم او يومين اسطنبول.
الواحد حتى لو مستتقل موضوع التصريح الامني لازم يخلي باله....
هو التصريح ده اصلا شكله ازاي؟ ورفة مستقلة؟ هل بيدون او بيتكتب في الجواز لجانب التاشيرة التركية؟

 

[Eng Netro]

انا بسافر من بره بره عادى وبرجع كمان من تركيا محدش يقدر يكلمك المهم انك مطلعتش من هنا ولو طلعت يكون معاك تصريح ب

 

[Ahmed Barakat Ibrahim]

انا عملت كده طبعا بعت رساله للسفاره علي الفيس وحولت اتصل ما بيردوش اي سفاره تانيه حتي لو امريكا والله بيردوا وكينيا بيرودوا ماعدا المصريه وكنت خايف وانا راجع يمسكوني في المطار يقولولي كنت بتعمل ايه لقيت عادي جدا بس لو هتسافر علي التركيه من مصر مثلا رايح علي امريكا او اوربا لازم تاخد ال٢ بوردنج باص وانت خارج لان لو قلولك هتاخد البوردنج من تركيا هتحتاج تصريح انا سالت الضابط فبطلت اركب التركيه احتياطي لأنهم سعات فعلا بيقولوا خدها لما تروح البلد الترانزيت