M
Muhammad Rashed
:: مسافر ::
السلام عليكم يا شباب..
يوم جديد ومعادنا مع الحلقة التانية.. رحلة أيرلندا (إبريل 2011)
.
سمعتوا مقولة: "كل الريف الأوروبي جميل، وأيرلندا أجمل مكان في الريف الأوروبي"؟ يمكن انا ماشوفتش أوروبا كلها لكن متأكد ان جمال أيرلندا فوق الوصف.. جمال طبيعي في كل مكان عنيك تقع عليه.. خضرة وزهور ملونة على الأرض وعلى جدران البيوت وفي كل مكان كأنك ماشي في كرنفال ألوان مُبهج كبير على مساحة دولة بالكامل.. أيرلندا من الدول القليلة جداً اللي تحبها بمجرد ما تزورها وتتمشى في شوارعها (من غير ما تشرب من نيلها طبعاً
) .. يمكن بلد هادية جداً ومش واخدة حقها على خريطة السياحة العالمية زي جارتها السُفلى إنجلترا مع إن الشمس بتُشرق كتير في دبلن عاصمة أيرلندا بينما بتيجي على استحياء في سماء لندن (يوم ما الشمس بتطلع في لندن بيكون يوم عيد.. وعلشان كدة سموها عاصمة الضباب.. وانا بسميها العاصمة الكئيبة )
.
أحلى حاجات في دبلن.. احم احم.. هي بناتها الشُقر الحسناوات (كنت بتراهن انا وصحابي هناك على مين هايقدر يلاقي بنت وحشة في الشارع =D ).. كمان المرور هناك حلو جداً.. وعندهم شبكة مترو (تروماي) اسمه "لواس" شبه مترو دبي في كل حاجة (وده بيأكد المعلومة اللي بتقول ان دبي اتبنت بنظام انجليزي.. وأيرلندا كانت أو لا تزال جزء من التاج البريطاني) والشعب الأيرلندي دائم الابتسامة والود تجاه ضيوف البلد.. وكمان بيحبوا الرياضة وركوب العجل والتنزه في الحدائق الخلابة المفتوحة.. وعندهم جامعة عتيقة من أعرق جامعات أوروبا (شبه قلعة دراكولا الأسطورية).. وبيتكلموا لغة عجيبة كدة جنب اللغة الانجليزية (حاولت افهم حرف منها وفشلت.. ومناخ أيرلندا لطيف صيفاً (أمطار خفيفة طول اليوم تقريبا لكن الجو مشمس غالباً بالنهار وساقع بالليل).. والشوارع مليانة تماثيل بتحكي تاريخ البلد.. وكمان فرق موسيقية وفنانين موهوبين وحفلات رقص لعابري السبيل.
.
ومن أحلى الأماكن الجديرة بالزيارة في دبلن منطقة Temple Bar Area (ايوا.. منطقة بارات وكازينوهات وحاجات أستغفر الله حلوة أوي =D ).. في هناك كازينو ستربتيز اسمه Lapello Club لو حد حابب ياخد فكرة عن النوع ده من الفن.. لكن يكتفي بدور المتفرج الصامت لأن أفراد أمن الكازينو ما بيهزروش =D
.
يمكن الحاجة السلبية الوحيدة في دبلن هي ان الناس بيناموا بدري أوي.. من 8 مساءً بتكون الشوارع فاضية ومعظم المحلات قافلة.. وده طبعا منتهى النكد للكائن المصري الذي يعشق التجول ليلاً (انسى انك تلاقي بلد في الدنيا الناس صاحيين فيها 24 ساعة زي مصر "منطقة الحسين أو وسط البلد أو كورنيش النيل أو كورنيش اسكندرية")..
أسيبكم مع الصور..
يوم جديد ومعادنا مع الحلقة التانية.. رحلة أيرلندا (إبريل 2011)
.
سمعتوا مقولة: "كل الريف الأوروبي جميل، وأيرلندا أجمل مكان في الريف الأوروبي"؟ يمكن انا ماشوفتش أوروبا كلها لكن متأكد ان جمال أيرلندا فوق الوصف.. جمال طبيعي في كل مكان عنيك تقع عليه.. خضرة وزهور ملونة على الأرض وعلى جدران البيوت وفي كل مكان كأنك ماشي في كرنفال ألوان مُبهج كبير على مساحة دولة بالكامل.. أيرلندا من الدول القليلة جداً اللي تحبها بمجرد ما تزورها وتتمشى في شوارعها (من غير ما تشرب من نيلها طبعاً
) .. يمكن بلد هادية جداً ومش واخدة حقها على خريطة السياحة العالمية زي جارتها السُفلى إنجلترا مع إن الشمس بتُشرق كتير في دبلن عاصمة أيرلندا بينما بتيجي على استحياء في سماء لندن (يوم ما الشمس بتطلع في لندن بيكون يوم عيد.. وعلشان كدة سموها عاصمة الضباب.. وانا بسميها العاصمة الكئيبة ).
أحلى حاجات في دبلن.. احم احم.. هي بناتها الشُقر الحسناوات (كنت بتراهن انا وصحابي هناك على مين هايقدر يلاقي بنت وحشة في الشارع =D ).. كمان المرور هناك حلو جداً.. وعندهم شبكة مترو (تروماي) اسمه "لواس" شبه مترو دبي في كل حاجة (وده بيأكد المعلومة اللي بتقول ان دبي اتبنت بنظام انجليزي.. وأيرلندا كانت أو لا تزال جزء من التاج البريطاني) والشعب الأيرلندي دائم الابتسامة والود تجاه ضيوف البلد.. وكمان بيحبوا الرياضة وركوب العجل والتنزه في الحدائق الخلابة المفتوحة.. وعندهم جامعة عتيقة من أعرق جامعات أوروبا (شبه قلعة دراكولا الأسطورية).. وبيتكلموا لغة عجيبة كدة جنب اللغة الانجليزية (حاولت افهم حرف منها وفشلت.. ومناخ أيرلندا لطيف صيفاً (أمطار خفيفة طول اليوم تقريبا لكن الجو مشمس غالباً بالنهار وساقع بالليل).. والشوارع مليانة تماثيل بتحكي تاريخ البلد.. وكمان فرق موسيقية وفنانين موهوبين وحفلات رقص لعابري السبيل
..
ومن أحلى الأماكن الجديرة بالزيارة في دبلن منطقة Temple Bar Area (ايوا.. منطقة بارات وكازينوهات وحاجات أستغفر الله حلوة أوي =D ).. في هناك كازينو ستربتيز اسمه Lapello Club لو حد حابب ياخد فكرة عن النوع ده من الفن.. لكن يكتفي بدور المتفرج الصامت لأن أفراد أمن الكازينو ما بيهزروش =D
.
يمكن الحاجة السلبية الوحيدة في دبلن هي ان الناس بيناموا بدري أوي.. من 8 مساءً بتكون الشوارع فاضية ومعظم المحلات قافلة.. وده طبعا منتهى النكد للكائن المصري الذي يعشق التجول ليلاً (انسى انك تلاقي بلد في الدنيا الناس صاحيين فيها 24 ساعة زي مصر "منطقة الحسين أو وسط البلد أو كورنيش النيل أو كورنيش اسكندرية")..
أسيبكم مع الصور..
<3