E
EL Ultimo Faraon
:: مسافر ::
ازيكوا اصدقائى فاكرنى انا الاتحبست في سجن مطار صوفيا عشان معييش تامين صحى حبيت احكلكوا عن تجربة جديدة بعد الحصل معايا في بلغاريا قررت اغير وجهة سفرى و قدمت على امريكا و مكنش في اسهل منها في المقابلة او حتى فى دخول البلد قلت اشتغل عشان اجيب حق التدكرة و اعمل فلوس اصرف على نفسى و كانت الماساة بقي احساس بقي انك تتنازل من كونك مهندس في مصر لشغلانة وضيعة في امريكا انا اشتغلت في deli دة حاجة زى سوبر ماركت و بيبيع سندوتشات و اكل سخن و كدة و طبعا صاحب الdeli دة مصرى عشانك انت من غير ورق فلازم تشتغل شغل اسود طبعا لو قلتلكوا بيعاملنى زى العبد يبقي حاجة بسيطة وبيدينى اققل حاجة الهى 8 دولار في الساعة كلامى بقي للناس الفاكرة امريكا الجنة او حتى اوروبا لو انت جاى هنا فاكرها كنز و عمال تعبي فية تبقي غلطان لو انت مستعد تتنازل عن مهنتك اذا كنت دكتور ولا مهندس ولا صيدلى وتشتغل شغلانة وضيعة زى بتاعتى لحد ماتعمل المعادلة و تبقي محترم وفادر تستحمل تبقي عبد عند واحد و كل العرب العندهم بيزنس وبيشعلوا ناس من غير ورق كدة عشان محدش يقول في ناس كويسة مش اققل من تلات سنين عشان تعدل وضعك هنا وتشتغل بشهادتك و حوار بقي الاجانب بيحبوا المصريين و حيتججننوا عشان يتجوزونا مفيش اخرك حتتجوز زى عادل امام في الفيلم بتاع هالو امريكا ياما واحدة من الواقعين بتوع بورتوريكو و استحمل بقي دة غير انها في اى لحظة لو زعلتها انسي تاخد الجرين كارد يبقي انت حتشتغل عبد عند الست مراتك وعبد عند صاحب الشغل انا بقي قاعد عند ناس قرايبي فمش بدفع سكن ولا كهربا ولا غاز ولا اكل مش بدفع غير مواصلات فبالنسبالى حعمل ثمن التذكرة و راجع كمان عشرين يوم عشان محدش يقولى طالما مش عاجباك مترجع واللة عندى تراب مصر بالدنيا كلها كفاية انى شغال مهندس في مصر ونسيت اقولوكوا لو متعرفوش انجليزى واسبانى مش حتشتغلوا في امريكا اصلا ولازم اسبانى شان في مناطق اللغة الرئيسية اسبانى زى حتت في فلوريدا اغلب الجنوب عامة والعايز يسال عن اى حاجة بخصوص الفيزا او المطار او الشغل او اللغة يقول في الكومنت وحرد علية انا بقالى حوالى عشرين يوم في امريكا معرفتش اكتب موضوع غير دلوقتى