B
Bedo Abd El Samad
:: مسافر ::
للمسافرين --> كيف تعمل محشي زي الزفت فـ عشر خطوات
كجزء من خطة التوفير بتاعتي وأنا بسافر لما بستقر فـ مكان ببتدي أطبخ كدة أي حاجة أمشي بيها حالي كام يوم بدل ماكل من برّة .. فكنت قاعد مع ناس كدة وكل واحد كان بيعمل أكله من بلده فـ يوم والمفروض كان يومي بكرة .. ومتفهمش ليه ربنا ألهمني إني اعمل محشي - اللي اكتشفت بعد كدة إنه أصعب حاجة ممكن تتعمل ...- بس ملقتش فدماغي أكله مصرية مميزة غيره يعني .. بعت لامي وأختي بليل قلتلهم اعملوا غرفة عمليات وطلعولي وصفة محشي كرنب المهم توكلت ع الله ونزلت الصبح السوق جبت الكرنب والرز والطماطم .. جيت عند حتة الخضار وقلبت بطة بلدي.. رحت مطلع جوجل وقعدت اعمل سيرش ع البقدونش والشبت والحاجات الغريبة دي وأقارن بين صور جوجل والحاجات اللي قدامي .. المهم يعني فشلت فـ الآخر وقلتله هاتلي حبة من كله .. رجعت زي الفارس المغوار البيت وكله عمال يبصلي وداخل أدنجل ولا الشيف شربيني فـ زمانه .. قلتلهم ساعة كدة بس يا شباب والأكل يجهز ولو سمحتو ادوا مساحة للشيف فـ المطبخ عشان يعرف يشتغل.
.. دخلت المطبخ وفردت الوصفة قدامي .. وعينك ما تشوف إلا النور ساعة تفصيص كرنب وساعة غليان وساعة تقطيع خطار وتسبيكة رز وعمل صلصة .. ويعدوا عليا وأنا محتاس "محتاج مساعده" .. لأ سيبوني يا جماعة لوحدي everythin' is under control .. وهم بيشوفوني وأنا بلف الصوابع كان ايه وااااو مشعوذ قاعد قدامهم .. المهم الحمد لله بعد 5 ساعات طلعت بالشىء العجيب اللي فالصورة ده هو كان أقرب للطحالب بس أنا اعتبرته محشي .. المهم بعد مخلصت الدنيا كانت ليّلِت طلعت مشيت شوية كدة قعدت أعيط شوية م الفرحة .. وبعدين رجعت ببص فالحلة وفطنت بقا اللي هو " ايه القرف اللي انا عملته ده " .. دوقت صباع كنت هرجع أقسم بالله ..جيت أحط حبة للكلاب داقت حتة وسابتني وطلعت تجري ... قلت منظري زفت والناس مستنية ع لحم بطنها بقالها كام ساعة .. قلت يا واد توكل ع الله والأعمار بيد الله يعني هيعيشوا .. رميتلهم الحلة وطلعت أجري قلت ع أسوء الظروف هتكرش م المكان يعني .. رجعت ببص من بعيد لقيتهم بياكلوا ومندمجين ... قلت أكيد فيه حاجة غلط بيجاملوني مثلًا منومين مغناطيسيًا.. لقيت بت أسبانية جايه تستأذني تاخد حتة كمان وهتموت وتاخد الوصفة .. ايه البت العبيطة دي ... وبيسألوني مبتاكولش ليه قلتلهم أنا شبعت لما شفتكو وهضحي عشان الأكل يكفيكم ... دلوقت أيقنت إن الناس دي كانت أول مرة تاكل محشي وبالتالي القرف بتاعي دا بقا بالنسبالهم الـstandard اللي هو لو أكلوا محشي بنئادمين اللي هو الطبيعي يعني هيلاقو طعمه مختلف عن بتاعي فهيقولوا ايه اليع ده ولا يوم من أيام محشي بيدو
المهم يعني يا جماعة ياريت الرجالة متحاولش تعمل محشي خالص في حاجات تانية ممكن نعملها بطاطس محمرة مكرونة شاي كشري ننزل نقعد ع القهوة أي حاجة تافهة يعني .. وياريت نقدر الستات اللي بتعمل محشي الكرنب أكتر من كدة فـ البلد دي .
_______________________________________
الصورة دي للشيء اللي عملته وبعتذر عنها يا جماعة عارف إنها جارحة للناس اللي بتعرف تطبخ أو اللي بتحب المحشي أنا بحبه محشي الكرنب فقلت هعرف أعمله بقا بس طلع الحب لوحده مو كفاااية .
كجزء من خطة التوفير بتاعتي وأنا بسافر لما بستقر فـ مكان ببتدي أطبخ كدة أي حاجة أمشي بيها حالي كام يوم بدل ماكل من برّة .. فكنت قاعد مع ناس كدة وكل واحد كان بيعمل أكله من بلده فـ يوم والمفروض كان يومي بكرة .. ومتفهمش ليه ربنا ألهمني إني اعمل محشي - اللي اكتشفت بعد كدة إنه أصعب حاجة ممكن تتعمل ...- بس ملقتش فدماغي أكله مصرية مميزة غيره يعني .. بعت لامي وأختي بليل قلتلهم اعملوا غرفة عمليات وطلعولي وصفة محشي كرنب المهم توكلت ع الله ونزلت الصبح السوق جبت الكرنب والرز والطماطم .. جيت عند حتة الخضار وقلبت بطة بلدي.. رحت مطلع جوجل وقعدت اعمل سيرش ع البقدونش والشبت والحاجات الغريبة دي وأقارن بين صور جوجل والحاجات اللي قدامي .. المهم يعني فشلت فـ الآخر وقلتله هاتلي حبة من كله .. رجعت زي الفارس المغوار البيت وكله عمال يبصلي وداخل أدنجل ولا الشيف شربيني فـ زمانه .. قلتلهم ساعة كدة بس يا شباب والأكل يجهز ولو سمحتو ادوا مساحة للشيف فـ المطبخ عشان يعرف يشتغل.
.. دخلت المطبخ وفردت الوصفة قدامي .. وعينك ما تشوف إلا النور ساعة تفصيص كرنب وساعة غليان وساعة تقطيع خطار وتسبيكة رز وعمل صلصة .. ويعدوا عليا وأنا محتاس "محتاج مساعده" .. لأ سيبوني يا جماعة لوحدي everythin' is under control .. وهم بيشوفوني وأنا بلف الصوابع كان ايه وااااو مشعوذ قاعد قدامهم .. المهم الحمد لله بعد 5 ساعات طلعت بالشىء العجيب اللي فالصورة ده هو كان أقرب للطحالب بس أنا اعتبرته محشي .. المهم بعد مخلصت الدنيا كانت ليّلِت طلعت مشيت شوية كدة قعدت أعيط شوية م الفرحة .. وبعدين رجعت ببص فالحلة وفطنت بقا اللي هو " ايه القرف اللي انا عملته ده " .. دوقت صباع كنت هرجع أقسم بالله ..جيت أحط حبة للكلاب داقت حتة وسابتني وطلعت تجري ... قلت منظري زفت والناس مستنية ع لحم بطنها بقالها كام ساعة .. قلت يا واد توكل ع الله والأعمار بيد الله يعني هيعيشوا .. رميتلهم الحلة وطلعت أجري قلت ع أسوء الظروف هتكرش م المكان يعني .. رجعت ببص من بعيد لقيتهم بياكلوا ومندمجين ... قلت أكيد فيه حاجة غلط بيجاملوني مثلًا منومين مغناطيسيًا.. لقيت بت أسبانية جايه تستأذني تاخد حتة كمان وهتموت وتاخد الوصفة .. ايه البت العبيطة دي ... وبيسألوني مبتاكولش ليه قلتلهم أنا شبعت لما شفتكو وهضحي عشان الأكل يكفيكم ... دلوقت أيقنت إن الناس دي كانت أول مرة تاكل محشي وبالتالي القرف بتاعي دا بقا بالنسبالهم الـstandard اللي هو لو أكلوا محشي بنئادمين اللي هو الطبيعي يعني هيلاقو طعمه مختلف عن بتاعي فهيقولوا ايه اليع ده ولا يوم من أيام محشي بيدو
المهم يعني يا جماعة ياريت الرجالة متحاولش تعمل محشي خالص في حاجات تانية ممكن نعملها بطاطس محمرة مكرونة شاي كشري ننزل نقعد ع القهوة أي حاجة تافهة يعني .. وياريت نقدر الستات اللي بتعمل محشي الكرنب أكتر من كدة فـ البلد دي .
_______________________________________
الصورة دي للشيء اللي عملته وبعتذر عنها يا جماعة عارف إنها جارحة للناس اللي بتعرف تطبخ أو اللي بتحب المحشي أنا بحبه محشي الكرنب فقلت هعرف أعمله بقا بس طلع الحب لوحده مو كفاااية .
بس حقيقي جرب تكتب أدب رحلات ساخر هيبقى عندك مستقبل ولو احتجت مساعدة قولي .