سؤال للي راح مطار اتاتورك قبل كده انا باذن الله مسافر المانيا على الخطوط...

  • بادئ الموضوع بادئ الموضوع Mohammed Gomaa
  • تاريخ البدء تاريخ البدء
عرض العطلة
#21
انا كنت رايحة على التركية برشلونة وترانزيت فى اتاتورك مدته ساعه.
الاقلاع اتأخر من مصر اساسا
وجريت فى مطار اتاتورك ووصلت للgate قبل المعاد ب ٥ دقايق لقيتها اتقفلت خلاص.
فهما اخرونى للطياره اللى بعدها وقعدت فى المطار ٥ ساعات مستنياها.
فالوضع risky الصراحة
 
#23
ياعمو وانت قلقان اوي ليه دا لو فتتك هتدخل تستمتع في اسطنبول والخطوط التركيه هتعمل معك الواجب من فندق وفسحة وزي الفل يارجل دا انا بالنسبالي عيد لما تروح عليا الطيارة في الترنزيت
 
#24
من الاخر انت وحظك ... بس استعد لماراثون جرى .. قبل هبوط الطياره بنص ساعه أعرف من المضيفه طيارتك التانيه علي اي بوابه بيكون عندهم معلومه والمفروض تظهر عالشاشه لكن أسأل .
لا تعتمد علي البوردينج اللي معاك لأنهم احيانا بيغيروا المكان وانت عامله في اول محطه ،، كلامى من تجارب سابقه
ربنا معاك
 
عرض العطلة
#26
قوانين الطيران المدني الدولي بتنص على أن أقل حاجة في الترانزيت تكون 40 دقيقة . وبما أنك ترانزيت 55 دقيقة فده بيعتبر وقت كافي وخاصة أنك في نفس التيرمينال ولو حاولت تغير التذكرة للرحلة اللي بعدها حتدفع تقريبا 50 ل 75 يورو تغيير لكن لو سافرت والرحلة ماتأخرتش في الاقلاع حتوصل في الميعاد وحتلحق ان شاء الله ولو اتأخرت حتطلع الرحلة اللي بعدها على حسابهم ويقعدوك في فندق المطار على حسابهم لو المدة طويلة
 
#27
لا مبيطلبوش في مصر تصريح امني لو انت ترانزيت وبعدين انا رحت مانشستر عن طريق تركيا ووقت الترانزيت كان ساعة عادي جدا ولا اتأخرت ولا حاجة اعتقد الوقت كفاية
 
#29
بصراحة فيها risk و احتمال كبير الشنط تبقي علي الرحلة اللي بعدها. و كده في حالة لو الرحلة الأولي اتأخرت ١٠ دقايق بس ممكن متلحقهاش
 
#30
بص اتاتورك كبير حاول تسعف نفسك .. .و international transfer gate قريبه على طريقك وانت خارج من الاولى حاول تسرع .. وبلاش تسال ناس كتير ف المطار لانهم مش متعاونين اوى .. اعتمد على اللافتات اللى موجوده ف المطار .. واسال ع الشنط بتاعتك هتوصل على نفس الرحله ولا لا
 
عرض العطلة
#32
بص هو صعب، اصلاً ماتضمنش طلوع الطيارة فى معادها من القاهرة و دا حصل معايا وفقدت الرحلة عشان كدا حرمت اركب الخطوط التركية فى الترانزيت القصير لان مطار اتاتورك زحمة وكبير، لازم تكون سريع وتعرف ال gate عالشاشة بسرعة لان terminal فيها بتاع ١٠٠، ولازم تستأذن اللى قدامك ومتستناش دورك و تقولهم طيارتى لاست كول، لو لاقدر الله فاتتك هما غالباً هيحجزولك رحلة تانية بدون مقابل لو طيارتك وصلت اتاتورك متاخر. حتى لو ١٠ دقائق، انا كان معايا اولادى فكان صعب، لكن انت لو لوحدك ان شاء الله تعرف.
 
#33
حاجة مهمة لازم تأخد بالك منها مطار أتاتورك بيغير الجيت كتير وعلي آخر وقت وناس كتير بيفوتها الرحلة وبتضطر تشتري تذكرة جديد .. لازم تتابع الشاشات أول بأول.
 
عرض العطلة
#36
الناس اللي بتقول مش هيلحق بيتكلموا علي اساس إيه؟ مطار اتاتورك فعلا ضخم بس ده مش معناه انه مش هيلحق، انا جربت الترانزيت هناك و كان معايا عيلة كبيرة و لحقنا الطيارة ده كمان غير ان الطيارة أنتظرت ناس كانت لسة ماوصلتش. بلاش تقلقوا الراجل و خلاص
 
#37
أنا عملتها قبل كده بس على مانزلت من الطيارة كان فاضل 30 دقيقة أخدت البوردينج وطياران ع الطيارة.... إن شاء الله تلحق.
 
#38
اخرج من تحت يافطة transfere عشان متعديش على الجوازات و بعدين بص على الشاشات و اعرف طيارتك من gate كام و روح عليها بسرعة و اعمل بوردينج...بس خد بالك الوقت ضيق
و حتى لو معاك شنط وانت بتعمل بوردينج من هنا خليهم يعملوا transfere للشنط و تستلمها من المانيا (مطار الوصول النهائى)
 
#39
انا بكتب دلوقت من مطار اتاتورك راجع من روسيا .... المشكله مش فى اسطنبول ... المشكله فى القاهره ... أولا الطيران لازم بتطلع متاخر بالذات من الصاله الجديد عشان التفتيش ... حصلت معايا على الخطوط الاردنيه من ٣ شهور ... ترانزيت مطار علياء كان ساعه و نص ... و الله بحقنا بالعافيه.... لو تقدر تغير الذاكره يكون احسن
 
عرض العطلة
عرض العطلة
عرض العطلة
أعلى أسفل
عودة
قائمة