سؤال للي راح مطار اتاتورك قبل كده انا باذن الله مسافر المانيا على الخطوط...

  • بادئ الموضوع بادئ الموضوع Mohammed Gomaa
  • تاريخ البدء تاريخ البدء
عرض العطلة
M

Mohammed Gomaa

:: مسافر ::
#1
سؤال للي راح مطار اتاتورك قبل كده
انا باذن الله مسافر المانيا على الخطوط التركيه ترانزيت مطار اتاتورك الترانزيت مدته بالضبط 55 دقيقة
هل دي مده كافيه للترانزيت ولا ممكن ملحقش الطياره التانيه؟
مكتوب في التذكره الوصول والاقلاع من terminal 1
وكله في تذكره واحده مش رحلتين منفصلين نفس رقم
ال e-ticket
ولو حد عملها قبل كده ممكن يقولي بيبقى النظام هناك ماشي ازاي؟
 
#3
أنا شايف أنه كفاية أنا كنت راجع من لندن والترانزيت كان فعلا 55 في مطار اتاتورك عادي جدا وصلت بس لازم متكونش بطيء يعني
 
#5
اهم شي تكون دارس وانت طالع من الطيران التركيه اول ما توصل
هتعمل ايه واسرع وقت ممكن
واسال حد في نفس الرحله ممكن يكون معاك
 
عرض العطلة
#6
اول لما توصل بلغهم ان عندك ترانزيت و عايز تنزل و تتحرك بسرعه و فهم اللى حولك كدة.
و شوف رقم البوابه من الان.. انا اخذت 45 دقيقة ترانزيت و كانت نفس صاله المطار بس بوابة الطلوع Gate بعيدة عن بعض..اخذتها جرى تقريبا
 
#9
الشنط مش حتوصل معاك لان الشنط بتتنقل مباشرة للطائرة التانيه بس لو الوقت قليل مش بتوصل وأساسا الطيران التركي اغلب الأحيان بيتأخروا عن تجربه قريبه أفضل شيء ترانزيت ساعاتان او اكتر
 
#10
ان شاء الله هتلحق وطالما هى تذكرة واحدة يبقى هما عاملين حسابهم ان هيبقى فيه تاخير للناس بتوع الترانزيت وهتلاقى معاك ناس على نفس الطيارة نفس الوضع ... بس اول ما تنزل وتخلص من على بوابة الترانزيت تطلع تجرى عشان مطار اتاتورك كبير جدا وعلى بال ما تلاقى البوابة التانية بيبقى فات وقت كتير
 
عرض العطلة
عرض العطلة
#16
طبعا غير كافيه بالمره المطار كبيير وزحمه ولما تاخد الشنط وتشيك على الجوازات بالإضافة إلى أن السفر الدولي البوردنج بتاعها بيقفل قبل ميعاد الإقلاع ب45 دقيقه
 
#18
لزم تجيب خريطة المطار والبوابات هتلقيها موجودة على النت ولازم تعرف بوابة الوصول وبوابة المغادرة فين بالظبط وتعمل حساب انك هتجري ومفيش وقت تقعد تستكشف عشان طوابير التفتيش والجوزات خالى دايما وراقك جاهز فى ايديك بس خالى بالك منه. حاجة تانى بالنسبة للشنط انسي انها تطلع معاك على نفس الرحلة اعمل حسابك انها هتتاخر عليك وخالى الحاجات للضرورية معاك فى الشنطة اللى هتطلع بيها الطيارة بس تكون حاجات مسموح بيها . وابعد عن المحظورات عشان متاخركش فى التفتيش ( السوائل حته الميه ، الاكل الشواحن او اى مصدر حراري ولاعة بور بنك بطارية ، اى اجزاء معدنية فى جيوبك او هدومك ) وربنا معاك يابطل
 
#19
أطلب مساعدة/ويلّي تشير من مطار القاهرة علي الكاونتر قول لهم عندي مشاكل في ظهري مثلاً .

في تركيا العمال معاهم لا سلكي وهما كويسين جدا مشكلتهم مش بيتكلموا إنجليزي المعاناة اللي بجد مع الموظفين في المطار مش متعاونيين خالص وبيتكلموا إنجليزي مكسر خاصة الستات زفت الزفت. أنا وجوزي وناس كتير قاطعنا خلاص الطيران التركي.
 
#20
بتخصل معايا كل مرة ، وربنا بيسترها من عنده ، اهم حاجة انك تجري علي بوابة التفتيش ( التركية ) علشان بتكون زحمة ، وبعديها تشوف اي gate لطيارة المانيا ، وتجري عليها بسرعة ، الخوف بس من موضوع الشنط
 
عرض العطلة
عرض العطلة
عرض العطلة
أعلى أسفل
عودة
قائمة