A
Alaa Yassine
:: مسافر ::
هاحكيلكم النهاردة عن تجربتي في - جورجيا - وهي بلد عشقتها بمعني الكلمة مالقتش فيها حاجة وحشة زي مابيقولوا سواء الاكل او الاقامة او المواصلات او الشعب أو المزارات وللاسف لسة متلازمة جورجيا مسكاني لغاية دلوقتي مع اني وصلت مصر من 4 ايام ...
1- هانبدا الأول بالفيزا وهي ب20 دولار وبتحتاج صورة خلفية بيضا 300 بيكسل وصورة الباسبور وريحت دماغي ولجات لشركة سافر وبعتلها المستندات دي و عملتهالي ..
2- الطيران وفي دة لفيت كتير وسألت كتير لأنة كان اقل حاجة ب6000 في حين انة كان من سنة بالضبط ب2300 وغيرت الوجهة في أخر لحظة ورحت المغرب قبل ماتغلي وسبحان الله المغرب فضلت زي ماهي وجورجيا هي اللي غليت !!! المهم حجزت طبعا مع اير كايرو 5700 ذهاب من الغردقة والعودة من شرم الشيخ ودي نقطة مهمة خلوا بالكم طريق شرم مش بيكون سالك علي طول وممكن تتاخروا علي ميعاد الطيارة فخليكم الذهاب أحسن من الغردقة يوم السبت . وطيران اير كايروا بالمناسبة طيران محترم جدا وخدمة ممتازة وكمان وجبة كويسة الي حد ما أحسن من العربية وممكن طيران الجزيرة كمان لان دول جربتهم كطيران اقتصادي .
3-تأمين السفر ودة عملتة تبع travel choice ب 150 تقريبا مدة 8 ايام وانا عارف انة مافيش حد بيبص علية بس قلت خليني في الامان . وطبعا حجز الهوستيلز من بوكنج برضة طبعتهم واخدتهم معايا لو سألوا عليهم في المطار ابقي في الامان .
4- البرنامج كنت عملتة ورتبت هاروح فين وفين بس صدقوني أول ماهاتوصلوا البلد هاتلغوا البرنامج اللي انتم عملتوة وهاترتبوا اليوم بيومة زي ماعملت .
.............
طبعا اول ما بتدخل الطيارة اجواء جورجيا وكان حظك في الكرسي اللي جمب الشباك فهاتشوف جبال وانهار وغابات وشلالات وجليد وخضرة بشكل ياخدالعقل وأول ماتنزل المطار تحس كدة بأنتعاش وجو نقي وبرودة لذيذة كدة ماشفتهاش في اي بلد سافرتة قبل كدة .
** بعد كدة تروح تاخد خطك مجانا من شركة Magticom لونها بنفسجي وهاتلاقي مكتبها علي يمين باب الخروج من المطار وتعمل باقتك ب30 لاري . وبعد كدة تروح برضة علي مكتب استعلامات السياحة اللي موجود في نص المطار تاخد خرايطك عن المدن اللي ناوي تزورها وقبل ماتخرج تروح تسحب من الفيزا بتاعتك 500 لاري ممكن يكفوك الاسبوع اللي أنت هاتقعدة او تبدل الفلوس من مكاتب الصرافة اللي موجودة في المطار ..
** بعد كدة بقي نيجي لاهم نقطة هاتروح بقي الهوستل بتاعك ازاي او للمكان اللي هاتقعد فية ؟؟ هاتطلع من المطار ولو انت غاوي راحة خدلك تاكسي ب40 لاري هايوصلك لغاية Freedom square ودة وسط البلد عندهم وهانلاقية في الصورة او اي مكان انت عاوزة . أو هاتلاقي موجود في انتظارك أتوبيس شيك لونة أزرق رقمة 37 هاياخدك لغاية ميدان الحرية ومن هناك بقي ممكن تروح لاي مكان انت عاوزة بسهولة تامة والاتوبيس هاياخد منك 50 تتر زي 50 قرش كدة عندنا .. طبعا خد بالك لازم يكون معاك عملة 50 تتر او 100 ترر لانهم هناك مافيش كمسري بتروح تحط عملتك وتقطع تزكرتك وتقعد انما لو مافيش معاك بقي ممكن ييجي نصيبك في حد مصري او عربي يدفعلك ويرحب بيك زي ماحصل معايا بالضبط ...
** وصلنا لغاية ميدان الحرية بعد 20 دقيقة تقريبا هاتلاقي اغلب الهوستيلز في المنطقة هناك نروح نحط شنطنا وننزل علي اقرب محطة مترو ونعمل كارت المواصلات ب5 لاري ونشحنة بالقيمة اللي احنا عاوزينها لان دة بقي هاتستخدمة في الاتوبيس والمترو والتلفريك ... البوست اللي جاي بقي هاقولكم بالضبط اية اللي عملتة هناك وكمان هانروح فين واية شركات السياحة المضمونة واحسن الاماكن وبكام ..
1- هانبدا الأول بالفيزا وهي ب20 دولار وبتحتاج صورة خلفية بيضا 300 بيكسل وصورة الباسبور وريحت دماغي ولجات لشركة سافر وبعتلها المستندات دي و عملتهالي ..
2- الطيران وفي دة لفيت كتير وسألت كتير لأنة كان اقل حاجة ب6000 في حين انة كان من سنة بالضبط ب2300 وغيرت الوجهة في أخر لحظة ورحت المغرب قبل ماتغلي وسبحان الله المغرب فضلت زي ماهي وجورجيا هي اللي غليت !!! المهم حجزت طبعا مع اير كايرو 5700 ذهاب من الغردقة والعودة من شرم الشيخ ودي نقطة مهمة خلوا بالكم طريق شرم مش بيكون سالك علي طول وممكن تتاخروا علي ميعاد الطيارة فخليكم الذهاب أحسن من الغردقة يوم السبت . وطيران اير كايروا بالمناسبة طيران محترم جدا وخدمة ممتازة وكمان وجبة كويسة الي حد ما أحسن من العربية وممكن طيران الجزيرة كمان لان دول جربتهم كطيران اقتصادي .
3-تأمين السفر ودة عملتة تبع travel choice ب 150 تقريبا مدة 8 ايام وانا عارف انة مافيش حد بيبص علية بس قلت خليني في الامان . وطبعا حجز الهوستيلز من بوكنج برضة طبعتهم واخدتهم معايا لو سألوا عليهم في المطار ابقي في الامان .
4- البرنامج كنت عملتة ورتبت هاروح فين وفين بس صدقوني أول ماهاتوصلوا البلد هاتلغوا البرنامج اللي انتم عملتوة وهاترتبوا اليوم بيومة زي ماعملت .
.............
طبعا اول ما بتدخل الطيارة اجواء جورجيا وكان حظك في الكرسي اللي جمب الشباك فهاتشوف جبال وانهار وغابات وشلالات وجليد وخضرة بشكل ياخدالعقل وأول ماتنزل المطار تحس كدة بأنتعاش وجو نقي وبرودة لذيذة كدة ماشفتهاش في اي بلد سافرتة قبل كدة .
** بعد كدة تروح تاخد خطك مجانا من شركة Magticom لونها بنفسجي وهاتلاقي مكتبها علي يمين باب الخروج من المطار وتعمل باقتك ب30 لاري . وبعد كدة تروح برضة علي مكتب استعلامات السياحة اللي موجود في نص المطار تاخد خرايطك عن المدن اللي ناوي تزورها وقبل ماتخرج تروح تسحب من الفيزا بتاعتك 500 لاري ممكن يكفوك الاسبوع اللي أنت هاتقعدة او تبدل الفلوس من مكاتب الصرافة اللي موجودة في المطار ..
** بعد كدة بقي نيجي لاهم نقطة هاتروح بقي الهوستل بتاعك ازاي او للمكان اللي هاتقعد فية ؟؟ هاتطلع من المطار ولو انت غاوي راحة خدلك تاكسي ب40 لاري هايوصلك لغاية Freedom square ودة وسط البلد عندهم وهانلاقية في الصورة او اي مكان انت عاوزة . أو هاتلاقي موجود في انتظارك أتوبيس شيك لونة أزرق رقمة 37 هاياخدك لغاية ميدان الحرية ومن هناك بقي ممكن تروح لاي مكان انت عاوزة بسهولة تامة والاتوبيس هاياخد منك 50 تتر زي 50 قرش كدة عندنا .. طبعا خد بالك لازم يكون معاك عملة 50 تتر او 100 ترر لانهم هناك مافيش كمسري بتروح تحط عملتك وتقطع تزكرتك وتقعد انما لو مافيش معاك بقي ممكن ييجي نصيبك في حد مصري او عربي يدفعلك ويرحب بيك زي ماحصل معايا بالضبط ...
** وصلنا لغاية ميدان الحرية بعد 20 دقيقة تقريبا هاتلاقي اغلب الهوستيلز في المنطقة هناك نروح نحط شنطنا وننزل علي اقرب محطة مترو ونعمل كارت المواصلات ب5 لاري ونشحنة بالقيمة اللي احنا عاوزينها لان دة بقي هاتستخدمة في الاتوبيس والمترو والتلفريك ... البوست اللي جاي بقي هاقولكم بالضبط اية اللي عملتة هناك وكمان هانروح فين واية شركات السياحة المضمونة واحسن الاماكن وبكام ..