B
Bedo Abd El Samad
:: مسافر ::
"قصـة من الجانب الآخر"
-الجزء الثاني-
اللي مشافش الجزء الأول : /Travel Secrets club
وصلت (Tanah Rata) تاني بحمد الله ورايح الهوستيل - بتاخدله تلة صغيرة كدة عشان تطلعله لإنه بعيد عن المدينة-، قابلني بالعربية "فرانك" ودا -هولندي 47 سنة باكباكر زينا بس هو part time & slow traveller فبقاله volunteer في الهوستيل حوالي 9 شهور فاحنا اعتبرناه المدير بتاعنا أو السنيور يعني- قالي انت رجعت تاني حط شنطتك واركب يلا، قلت ياما انت كريم يارب مكتش قادر كنت هسحف بالشنطة كمان شوية، المهم وصلنا لقيت already في 3 volunteers تانيين جم فحسيت إن فرصتي ضعفت يعني، وقلت لفرانك الوضع كذا كذا وعاوز اشتغل هنا وبتاع، قالي بص شوف "كريش" بقا -دا راجل ستيني صاحب الهوستيل ماليزي هندي الأصل- جه كريش وكلمته وبكل بشاشة راح حضني وقالي طبعًا ليك مكان معانا روح شوف "فرانك" يقولك تعمل إيه، الاتفاق إن إقامتي ببلاش في أوض معينة للـvolunteers كانت بعيدة عن سكن الـGuests، أكلي عليا، ليا 4 رينجت -عملة ماليزيا- مشاريب فـ اليوم م التلاجة، فـ البيرة كانت بـ 6 رينجت فهما كانوا ليهم اتنين بـ 4 رينجت فـ اليوم، وانا كنت بشرب كوكا اللي هي بـ 2 رينجت بس فكان ليا 2 ببلاش فـ اليوم وكلوني ضرب كتير بسبب الموضوع ده ، المهم اتعرفت ع أصدقائي الجدد اللي أصبحوا بمثابة عيلة بعد كدة، "داريل" -بريطاني- "ستيفاني" -بريطانية- "لورين" -فرنسية- "جيسون" -صيني- "أندرو" -أمريكي ياباني- "ميتْ" -فيتنامية- وبدأت مغامرة مجنونة من نوع جديد.
قلتلهم هبدأ بكرة إن شاء الله وجبت كرتونة وحطيتها فـ دولاب المطبخ -كل واحد بيبقى ليه كرتونة يحط فيها حاجاته م اللي شغالين- جبت شوية توست وزبدة فستق وعلبة نسكافية عشان أظبط فطاري للأيام الجاية، وبدات بقا يومنا كان بيبتدي الساعة 9 كدة كلنا بنصحي نروح ع المطبخ كل واحد يروح ع البوكس بتاعه يطلع أكله وفي تناغم حبة بيملو الكاتل مية للنسكافية وحبة بيعملوا التوست وبعدين نقعد كلنا مع بعض نفطر، كلنا لسه صاحيين محدش فوعية وبيتكلم أصلًا، وبعدين نصاية كدة ونقسِّم نفسنا، ناس بتمسح وتكنس المطبخ والمكان الملحق بيه، واحد بيخش يكنس البيت، واحد ينضف الحمامات والاحواض، وواحد ع الريسبشن، لحد الساعة متيجي 10 - دا معاد الـcheckout بتاع النزلاء- كنا بنشوف حد هيمد إقامته ولا لاء وهكذا، أول ما يمشوا بنخش الاوض نغير الفرش المستعمل، السراير اللي مشتغلتش بنشيل الغطا نطلعه بره يتنفس فـ الهوا، وبعدين تيجي الساعة 12 -دا معاد الـcheck in- بيجي النزلا من كل صوب وحدب، وساعات بيكلمونا مش عارفين الطريق فبنوصفلهم أو حد يروح يجبهم، عندنا سبورة فـ الريسبشن كاتبين فيها كل الأوض ومقسمينها فاضي ومشغول عشان اللي واقف يعرف، عندنا دورمز وأوض برايفت Bungalow -دي اللي هي بره فـ الخلا وكلها خشب فـ خشب- وكان في أوض فـ البيت وأوضه لجروب كبير مثلًا وهكذا-، كان بيجيلنا ناس من غير حجز اللي هو الـWalking ودا كان أرخص بكتير طبعًا، وفي ناس حاجزة Booking -بيدفع كل التكاليف مرة واحدة بالكريدت- وناس Hostelworld -بيدفعوا 30% والباقي كان لما يجوا-، فكنت براجع الحجوزات واتأكدد وبعدين أخد الفلوس واخليهم يملوا بياناتهم فـ الكشكول الظريف وبعدين أخدهم جولة سريعة فـ المكان، ديه يا سيادنا الـCommon room هيصوا واتشقلبوا فيها، ده باسورد الواي-فاي اللي مش شغال بس كنت بقول بطريقة أظرف إن هو مٌجهد شوية بس وبعدين احنا هنا فـ هوستلنا بنؤمن بالطبيعة والتواصل الإنساني وان شاء الله مش هتحتاج نت ، عندنا مشاريب بره أسعارها كذا وكذا وكذا، عندنا Bonfire بنبداها الساعة 7.30 كل الناس بتتجمع حواليها، بعدين بوديهم أوضتهم وأوريهم أماكن الحمامات والشاور واسيبهم، شوية طبعًا ويجوا الريسبشن محدش بيضيع وقت، عندنا خريطة كبيرة كدة فيها مسارات الهايكنكج ويرومح فين ويجوا منين، لو جعانين في مطعم هندي كويس كذا كذا وبعدين ينطلقوا.
كنا بناخد راحة بقا كلنا نروح نريح ع الـHammocks ونشرب حاجة ساقعة تطري علينا
ونقعد نحكي عن نفسنا عن حياتنا عن أي حاجة فـ أي حاجة ، وبعدين اللي عاوز يعمل حاجة يعملها، ساعات كنا بننزل نقضي حاجات فـ المدينة نشتري لوازم، نروح المغسلة نغسل هدومنا، نتغدى بره أحيانًا، نروح نعمل Trekking في الأماكن اللي لسه مروحنهاش، وهكذا.. الغدا كنا بنتشارك مع بعض بنجمع فلوس ونشتري مكرونة ولوازمها وسجق مثلًا و "داريل" و"ستيف" يعملولنا أكل انجليزي مرة، "لورين" تعملنا أكله خرعة فرنساوي مرة، أنا عملت حلة محشي ميعتبرش محشي أصلًا مره أيام كتير جدًا "كريش" كان بيجيب لوازم الأكل ويجي يطبخلنا هو بقا مما ساعد فـ تخفيض نفقاتي كتير جدًا، وكان راجل عظيم جدًا لو راح معزوم فـ اي مكان بره فرح، حنة مثلًا ألاقيه باعتلنا عيل صغير باطباق أكل من هناك ومكتوب عليها نوعية الأكل واسم كل واحد، عشان أنا مثلًا مكنتش باكل pork و"ستيفاني" نباتية والباقيين كانوا بيضربوا أي حاجة ، كان بياخدنا مع المعابد والاحتفالات ويعرف الناس بينا إننا صحابه مش شغالين عنده، كان لو اليوم حر شوية يجي يوزع علينا كوكا بره اليومية، "فرانك" كان صوت الحكمة والعقل وقاءد المكان روح انت اعمل كذا وانت كذا وكل من يقوله يا ريس يقولنا أنا مش زفت ريس أنا volunteer زي زيكم، "داريل" كان كعبول الكسول آخر واحد يصحى بيعمل كل حاجة بالسلو موشن ويقعد فـ الشمس ياخد tan -قال يعني عشان يبقى جذاب فـ انجلترا- وعاشق للشرب ورفيق المصايب، "ستيفاني" كانت نائب الرئيس كانت بتتخانق معايا أنا و"داريل" عشان بنهزر كتير وبنستعبط وبتجري ورانا كل يوم بالمقشة فـ المكان، "جابي" دا مكنش فـ وعية دايمًا تخصص مقالب فـينا وفـالـGuests، "جيسون" مكنة صينية متنقلة حرفيًا أول واحد بيصحى وهادي وقايم بالشغل على أكمل وجه وكان بيعملنا أكل طحالب كدة غريب، "ميتْ" الرغاية الأزلية مبتبطلش كلام ممكن تنام وتصحى لسه بتتكلم بس كانت من نوعية اللي "بت حلال وطيبة واللي ف قلبها ع لسانها، "لورين" الأناقة الفرنسية شكلها مش زي سنها خالص يعني الأكل خفيف والإنجليزي المطرطش فرنساوي اللي يسطلك ده كانت مهووسة نضافة ممكن ساعة تنضف فـ كوباية، المهم الدنيا كانت بتليّل كنا بنرجع ونخش نجيب الفاس والمنشار والشواكيش ونروح نقطع خشب عشان النار -قعدة النار دي ممكن يتكتب فيها موضوع إنشا لوحدها،ننزل بالفاس ندغدغ الخشب ونتني المسامير الأول عشان محدش يتعور وننشرها لحتت صغيرة ونحطها فـ الحفرة، حضرت ماجستير ازاي تعمل نار هناك
أوقات كنا بنشتغل نجارة ونقطع خشب ونعمل شبابيك للقعدة اللي بره وندهنها، كريش وأصحابه اللي ليهم ذكريات كتير كانوا بيجوا يقعدوا معانا وساعات بيسفرونا معاهم المدن اللي حوالينا وعزمونا ع أفراحهم ومناسباتهم، كان عندنا 5 كلاب ماليين علينا المكان ولما كنت بنزل المدينة كان بيفضلوا ماشيين معايا عشان رايح أجبلهم أكل الجزم
وبعدين النزلاء كلهم يرجعوا من لفهم طول اليوم ياخدوا شاور ويطلعوا يقعدوا حوالين النار يتعرفوا على بعض يحكوا عن يومهم يشربوا ويضحكوا ويهزروا ويتعلموا من ثقافات بعض، بيعملوا صحاب جداد بيعيشوا!، احنا كان في حاجة اسمها wallet duty واحد بيشيل محفظ المشاريب كل يوم بتاعة التلاجة وكنا ماشيين بنظام help yourself تروح تاخد لوحدك وتعالى حاسبني، كان عندنا "كاريوكي" والناس كانت بتطلع تغني وتتنطط وترقص، احنا أيام نقعد حوالين النار أيام نغني ونرقص معاهم، لكن كان لينا ترابيزتنا كدة بليل بنجيب العشا وشربنا ونقعد نلعب "اونو " طول الليل، أيام كان بيبقى "كريش" عامل حفلات لحد الساعة 12 كدة نقفل النور وبتاع المكان كله ونروح ننام
انت كشخص مسافر لو عاوز تستفيد منه فعلًا لازم تسافر بعقلك قبل جسمك، لازم تبقى متفتح تتقبل أي حاجة وأي موقف وتعتبره جزء م التجربه، صاحب كل الناس واتعلم من كل الناس
السفر يا جماعة بالنسبالي فيه Horizontal اللي هو انت بتتنقل فالمدن بسرعة بتقابل وتسيب ناس وهكذا وتشوف حاجات جديدة وفيه نوع تاني اللي Vertical اللي هو انت بتسافر جوا الشخصيات والناس، بتعرف الـlocals بتوع البلد نفسهم حياتهم تاريخهم بتتواصل معاهم روحيًا وإنسانيًا وصدقني بعدها بتحس إنهم بقوا جزء منك وإن روحك اتقسمت عدة أجزاء سايبها فـ كذا بلد، وأصبح البلد مش مجرد مكان زرته وبس لاء ده ليك ذكريات واهل وصحاب هناك مستنينك ترجع تاني فـ يوم، الشخصيات اللي اتكلمت عنها سريعًا دي أكبر وأعمق من كدة بكتير وكانوا موجودين فـ بوست كنت كاتبه عن المواقف والذكريات الإنسانية اللي حصلت معاها، فشوفه لو عاوز تعرف الشخصيات دي أكتر/ /Bedo Abd El Samad
يوم السفر بيبقى يوم حزين جدًا لإنك عارف إن الفراق صعب وإنكم كلكم بقيتو جزء من عيلة كبيرة multi-national بس انت دلوقتي عارف إنك ليك صديق بجد عاشرته فـ دولة تانية مش واحد ع الفيس بتكلمه وخلاص، عارف انك لو رجعت ماليزيا هتلاقي حد مستنيك وبيت وصحبة
ألا لكل هذا نسافر منذ البداية
أرجو إنكم تكونوا استمعتم وإلى اللقاء فـ بوست جديد -إن شاء الله- لإني محكتش عُشر ذكريات المكان، واحب أفكركم انتو اللي قولتوا طوِّل ف البوست وملكش دعوة
أه ولو انت مبتحبش الحكاوي والهري اللي فوق ده متضايقش -مع إن الحكاوي الإنسانية من تجارب السفر برضة- دا بوست يعرف تسافر إزاي م الألف للياء/ /Bedo Abd El Samad كنت منزله ع الجروب يارب يفيدك
-الجزء الثاني-
اللي مشافش الجزء الأول : /Travel Secrets club
وصلت (Tanah Rata) تاني بحمد الله ورايح الهوستيل - بتاخدله تلة صغيرة كدة عشان تطلعله لإنه بعيد عن المدينة-، قابلني بالعربية "فرانك" ودا -هولندي 47 سنة باكباكر زينا بس هو part time & slow traveller فبقاله volunteer في الهوستيل حوالي 9 شهور فاحنا اعتبرناه المدير بتاعنا أو السنيور يعني- قالي انت رجعت تاني حط شنطتك واركب يلا، قلت ياما انت كريم يارب مكتش قادر كنت هسحف بالشنطة كمان شوية، المهم وصلنا لقيت already في 3 volunteers تانيين جم فحسيت إن فرصتي ضعفت يعني، وقلت لفرانك الوضع كذا كذا وعاوز اشتغل هنا وبتاع، قالي بص شوف "كريش" بقا -دا راجل ستيني صاحب الهوستيل ماليزي هندي الأصل- جه كريش وكلمته وبكل بشاشة راح حضني وقالي طبعًا ليك مكان معانا روح شوف "فرانك" يقولك تعمل إيه، الاتفاق إن إقامتي ببلاش في أوض معينة للـvolunteers كانت بعيدة عن سكن الـGuests، أكلي عليا، ليا 4 رينجت -عملة ماليزيا- مشاريب فـ اليوم م التلاجة، فـ البيرة كانت بـ 6 رينجت فهما كانوا ليهم اتنين بـ 4 رينجت فـ اليوم، وانا كنت بشرب كوكا اللي هي بـ 2 رينجت بس فكان ليا 2 ببلاش فـ اليوم وكلوني ضرب كتير بسبب الموضوع ده ، المهم اتعرفت ع أصدقائي الجدد اللي أصبحوا بمثابة عيلة بعد كدة، "داريل" -بريطاني- "ستيفاني" -بريطانية- "لورين" -فرنسية- "جيسون" -صيني- "أندرو" -أمريكي ياباني- "ميتْ" -فيتنامية- وبدأت مغامرة مجنونة من نوع جديد.
قلتلهم هبدأ بكرة إن شاء الله وجبت كرتونة وحطيتها فـ دولاب المطبخ -كل واحد بيبقى ليه كرتونة يحط فيها حاجاته م اللي شغالين- جبت شوية توست وزبدة فستق وعلبة نسكافية عشان أظبط فطاري للأيام الجاية، وبدات بقا يومنا كان بيبتدي الساعة 9 كدة كلنا بنصحي نروح ع المطبخ كل واحد يروح ع البوكس بتاعه يطلع أكله وفي تناغم حبة بيملو الكاتل مية للنسكافية وحبة بيعملوا التوست وبعدين نقعد كلنا مع بعض نفطر، كلنا لسه صاحيين محدش فوعية وبيتكلم أصلًا، وبعدين نصاية كدة ونقسِّم نفسنا، ناس بتمسح وتكنس المطبخ والمكان الملحق بيه، واحد بيخش يكنس البيت، واحد ينضف الحمامات والاحواض، وواحد ع الريسبشن، لحد الساعة متيجي 10 - دا معاد الـcheckout بتاع النزلاء- كنا بنشوف حد هيمد إقامته ولا لاء وهكذا، أول ما يمشوا بنخش الاوض نغير الفرش المستعمل، السراير اللي مشتغلتش بنشيل الغطا نطلعه بره يتنفس فـ الهوا، وبعدين تيجي الساعة 12 -دا معاد الـcheck in- بيجي النزلا من كل صوب وحدب، وساعات بيكلمونا مش عارفين الطريق فبنوصفلهم أو حد يروح يجبهم، عندنا سبورة فـ الريسبشن كاتبين فيها كل الأوض ومقسمينها فاضي ومشغول عشان اللي واقف يعرف، عندنا دورمز وأوض برايفت Bungalow -دي اللي هي بره فـ الخلا وكلها خشب فـ خشب- وكان في أوض فـ البيت وأوضه لجروب كبير مثلًا وهكذا-، كان بيجيلنا ناس من غير حجز اللي هو الـWalking ودا كان أرخص بكتير طبعًا، وفي ناس حاجزة Booking -بيدفع كل التكاليف مرة واحدة بالكريدت- وناس Hostelworld -بيدفعوا 30% والباقي كان لما يجوا-، فكنت براجع الحجوزات واتأكدد وبعدين أخد الفلوس واخليهم يملوا بياناتهم فـ الكشكول الظريف وبعدين أخدهم جولة سريعة فـ المكان، ديه يا سيادنا الـCommon room هيصوا واتشقلبوا فيها، ده باسورد الواي-فاي اللي مش شغال بس كنت بقول بطريقة أظرف إن هو مٌجهد شوية بس وبعدين احنا هنا فـ هوستلنا بنؤمن بالطبيعة والتواصل الإنساني وان شاء الله مش هتحتاج نت ، عندنا مشاريب بره أسعارها كذا وكذا وكذا، عندنا Bonfire بنبداها الساعة 7.30 كل الناس بتتجمع حواليها، بعدين بوديهم أوضتهم وأوريهم أماكن الحمامات والشاور واسيبهم، شوية طبعًا ويجوا الريسبشن محدش بيضيع وقت، عندنا خريطة كبيرة كدة فيها مسارات الهايكنكج ويرومح فين ويجوا منين، لو جعانين في مطعم هندي كويس كذا كذا وبعدين ينطلقوا.
كنا بناخد راحة بقا كلنا نروح نريح ع الـHammocks ونشرب حاجة ساقعة تطري علينا
ونقعد نحكي عن نفسنا عن حياتنا عن أي حاجة فـ أي حاجة ، وبعدين اللي عاوز يعمل حاجة يعملها، ساعات كنا بننزل نقضي حاجات فـ المدينة نشتري لوازم، نروح المغسلة نغسل هدومنا، نتغدى بره أحيانًا، نروح نعمل Trekking في الأماكن اللي لسه مروحنهاش، وهكذا.. الغدا كنا بنتشارك مع بعض بنجمع فلوس ونشتري مكرونة ولوازمها وسجق مثلًا و "داريل" و"ستيف" يعملولنا أكل انجليزي مرة، "لورين" تعملنا أكله خرعة فرنساوي مرة، أنا عملت حلة محشي ميعتبرش محشي أصلًا مره أيام كتير جدًا "كريش" كان بيجيب لوازم الأكل ويجي يطبخلنا هو بقا مما ساعد فـ تخفيض نفقاتي كتير جدًا، وكان راجل عظيم جدًا لو راح معزوم فـ اي مكان بره فرح، حنة مثلًا ألاقيه باعتلنا عيل صغير باطباق أكل من هناك ومكتوب عليها نوعية الأكل واسم كل واحد، عشان أنا مثلًا مكنتش باكل pork و"ستيفاني" نباتية والباقيين كانوا بيضربوا أي حاجة ، كان بياخدنا مع المعابد والاحتفالات ويعرف الناس بينا إننا صحابه مش شغالين عنده، كان لو اليوم حر شوية يجي يوزع علينا كوكا بره اليومية، "فرانك" كان صوت الحكمة والعقل وقاءد المكان روح انت اعمل كذا وانت كذا وكل من يقوله يا ريس يقولنا أنا مش زفت ريس أنا volunteer زي زيكم، "داريل" كان كعبول الكسول آخر واحد يصحى بيعمل كل حاجة بالسلو موشن ويقعد فـ الشمس ياخد tan -قال يعني عشان يبقى جذاب فـ انجلترا- وعاشق للشرب ورفيق المصايب، "ستيفاني" كانت نائب الرئيس كانت بتتخانق معايا أنا و"داريل" عشان بنهزر كتير وبنستعبط وبتجري ورانا كل يوم بالمقشة فـ المكان، "جابي" دا مكنش فـ وعية دايمًا تخصص مقالب فـينا وفـالـGuests، "جيسون" مكنة صينية متنقلة حرفيًا أول واحد بيصحى وهادي وقايم بالشغل على أكمل وجه وكان بيعملنا أكل طحالب كدة غريب، "ميتْ" الرغاية الأزلية مبتبطلش كلام ممكن تنام وتصحى لسه بتتكلم بس كانت من نوعية اللي "بت حلال وطيبة واللي ف قلبها ع لسانها، "لورين" الأناقة الفرنسية شكلها مش زي سنها خالص يعني الأكل خفيف والإنجليزي المطرطش فرنساوي اللي يسطلك ده كانت مهووسة نضافة ممكن ساعة تنضف فـ كوباية، المهم الدنيا كانت بتليّل كنا بنرجع ونخش نجيب الفاس والمنشار والشواكيش ونروح نقطع خشب عشان النار -قعدة النار دي ممكن يتكتب فيها موضوع إنشا لوحدها،ننزل بالفاس ندغدغ الخشب ونتني المسامير الأول عشان محدش يتعور وننشرها لحتت صغيرة ونحطها فـ الحفرة، حضرت ماجستير ازاي تعمل نار هناك
أوقات كنا بنشتغل نجارة ونقطع خشب ونعمل شبابيك للقعدة اللي بره وندهنها، كريش وأصحابه اللي ليهم ذكريات كتير كانوا بيجوا يقعدوا معانا وساعات بيسفرونا معاهم المدن اللي حوالينا وعزمونا ع أفراحهم ومناسباتهم، كان عندنا 5 كلاب ماليين علينا المكان ولما كنت بنزل المدينة كان بيفضلوا ماشيين معايا عشان رايح أجبلهم أكل الجزم
وبعدين النزلاء كلهم يرجعوا من لفهم طول اليوم ياخدوا شاور ويطلعوا يقعدوا حوالين النار يتعرفوا على بعض يحكوا عن يومهم يشربوا ويضحكوا ويهزروا ويتعلموا من ثقافات بعض، بيعملوا صحاب جداد بيعيشوا!، احنا كان في حاجة اسمها wallet duty واحد بيشيل محفظ المشاريب كل يوم بتاعة التلاجة وكنا ماشيين بنظام help yourself تروح تاخد لوحدك وتعالى حاسبني، كان عندنا "كاريوكي" والناس كانت بتطلع تغني وتتنطط وترقص، احنا أيام نقعد حوالين النار أيام نغني ونرقص معاهم، لكن كان لينا ترابيزتنا كدة بليل بنجيب العشا وشربنا ونقعد نلعب "اونو " طول الليل، أيام كان بيبقى "كريش" عامل حفلات لحد الساعة 12 كدة نقفل النور وبتاع المكان كله ونروح ننام
انت كشخص مسافر لو عاوز تستفيد منه فعلًا لازم تسافر بعقلك قبل جسمك، لازم تبقى متفتح تتقبل أي حاجة وأي موقف وتعتبره جزء م التجربه، صاحب كل الناس واتعلم من كل الناس
السفر يا جماعة بالنسبالي فيه Horizontal اللي هو انت بتتنقل فالمدن بسرعة بتقابل وتسيب ناس وهكذا وتشوف حاجات جديدة وفيه نوع تاني اللي Vertical اللي هو انت بتسافر جوا الشخصيات والناس، بتعرف الـlocals بتوع البلد نفسهم حياتهم تاريخهم بتتواصل معاهم روحيًا وإنسانيًا وصدقني بعدها بتحس إنهم بقوا جزء منك وإن روحك اتقسمت عدة أجزاء سايبها فـ كذا بلد، وأصبح البلد مش مجرد مكان زرته وبس لاء ده ليك ذكريات واهل وصحاب هناك مستنينك ترجع تاني فـ يوم، الشخصيات اللي اتكلمت عنها سريعًا دي أكبر وأعمق من كدة بكتير وكانوا موجودين فـ بوست كنت كاتبه عن المواقف والذكريات الإنسانية اللي حصلت معاها، فشوفه لو عاوز تعرف الشخصيات دي أكتر/ /Bedo Abd El Samad
يوم السفر بيبقى يوم حزين جدًا لإنك عارف إن الفراق صعب وإنكم كلكم بقيتو جزء من عيلة كبيرة multi-national بس انت دلوقتي عارف إنك ليك صديق بجد عاشرته فـ دولة تانية مش واحد ع الفيس بتكلمه وخلاص، عارف انك لو رجعت ماليزيا هتلاقي حد مستنيك وبيت وصحبة
ألا لكل هذا نسافر منذ البداية
أرجو إنكم تكونوا استمعتم وإلى اللقاء فـ بوست جديد -إن شاء الله- لإني محكتش عُشر ذكريات المكان، واحب أفكركم انتو اللي قولتوا طوِّل ف البوست وملكش دعوة
أه ولو انت مبتحبش الحكاوي والهري اللي فوق ده متضايقش -مع إن الحكاوي الإنسانية من تجارب السفر برضة- دا بوست يعرف تسافر إزاي م الألف للياء/ /Bedo Abd El Samad كنت منزله ع الجروب يارب يفيدك