"قصـة من الجانب الآخر" دايمًا واحنا مسافرين بننزل في هوستيلز بنلاقي فيها...

B

Bedo Abd El Samad

"قصـة من الجانب الآخر"

دايمًا واحنا مسافرين بننزل في هوستيلز بنلاقي فيها شباب صغيرين أجانب شغالين، فبيجي ساعات فـ دماغنا إنهم بسم الله ما شاء الله شباب شاطر سايب بلدة وجايين يعملوا مشروع هنا وياكلوا عيش وبتاع، لكن هما بيبقوا Volunteers عشان هما low budget travellers فلازم يوفروا فـ الفلوس، انت طبعًا بتنزل فـ الهوستيل تقضي اليومين أو التلت أيام بتوعك وتخلع ومبيشغلش بالك الناس دي لإنك بتلعب دور النزيل أو الـGuest، فانا بقا جايب قصة الجانب الآخر للهوستيل الإدارة .

مبدئيًا السيستم بتاع كل المواقع دي واحد Workaway | Hosteltraveljobs | HelpX | Helpstay بتخش تعمل أكونت عليه وتعمل بروفايل ليك ( صورتك - معلومات عنك - تقدر تساعدهم فـ إيه - الـskills اللي عندك وهكذا ) بيبقى معظمهم ليه membership حوالي 30$ فـ السنة، الأكونت والسيرش عن أماكن الشغل ببلاش بس عشان تعرف تكلمهم لازم تدفع ، لو مش عاوز تدفع الاشتراك في طريقة صايعة بس risky جدًا إنك تعرف المعلومات واللوكيشن بتاع المكان وكل حاجة وتنط عليهم تعمل دخول مفاجيء عليهم هناك، وانت وحظك بقا ممكن يبقى في مكان ليك وممكن لاء وهكذا يعني قشطة :D، في المقابل الـowners بينزلوا طلباتهم وصور المكان ويقولك هو محتاج إيه وهتشتغل كام ساعة وليك إيه وعليك إيه وهكذا زي اتفاق ودي كدة بيختلف من مكان لآخر

____________________________________
حدوتي وتجربتي دي بقا كانت في ماليزيا فـ Cameron Highlands تحديدًا في العاصمة المحلية Tanah Rata أكيد ناس كتير راحتها فـ (D'native guesthouse)

رحت الهوستيل ده وأنا بزور كاميرون لأول مرة وقعت فـ غرامه على طول الصراحة من أول نظرة -مكان هادي ورخيص إلى حدِ ما ع الجبل وبتاع- فعزمت إني هرجعله تاني فـ وقتِ ما، المهم خدت لفتي وشغال وبتاع وهوب عرفت إن الفلوس مش هتقضي معايا والميزانية خرّمت كان باقي لي حوالي 25 يوم ع السفر اللي هو مستحيل - ده كان بسبب إني كنت عامل حسابي هقعد فـ بلد رخيصة فترة معينة وكدة بس الفترة قلت ورحت ماليزيا اللي هي أغلى نسبيًا وهكذا فالحسبة باظت- المهم كان في حل إن أكلمهم فـ مصر يبعتولي فلوس بس كبريائي جرحني ، بقا معلم ظلطة عم أشقية الباكباكرز ميزانيته تخرّم ويطلب فلوس م البيت، سريعًا عملت حسبتي وافتكرت الهوستل اللي حبيته وإن كان في ولد صيني بيـVolunteer هناك وبتاع، فعزمت إني أروح هناك اشتغل وأقلل نفقاتي بحيث تكفيني لحد معاد رجوعي وقد كان ركبت الباص ورجعت مش عارف بقا هيبقى فيه شغل ولا لاء، مش عارف إيه السيستم أصلًا لإنِ كنت بتعامل كنزيل أصحى الصبح أروح اعمل Hiking وألِف وبتاع، كانت أول مرة اشتغل فـ هوستيل فتوكلت ع الله وقلت يلا إلى المجهول

بكرة إن شاء الله أخبط الجزء التاني مش تشويق ولا تعليق والله خالص عشان بس القصة كبيرة وعارف إن محدش عنده خُلق يقرا حاجات طويلة -أنا شخصيًا- فبكرة بقا
MFzKJGiBuDO-yj6egJBUCCZk3SIHGyOy.jpeg
 
A

ALi Elkallaf

لا كمل عادى واحد عايش مع الهنود لازم يبقي عندوا خلق يقرا اى حاجه اول ما تكمل بقيت القصه اعملي مينشن
 
A

Ahmed Adel

اعملي مينشن علشان انا رايح المغرب في شهر ٨ علي world packers.
 
C

Cûte Pobaa

ﻻ كمل عادى القصة مشوقة اصﻻ يﻻ مستنين باقي القصة :D
 
O

Osama Arab

الله ينور ....موضوع جميل وطريقتك حلوه في العرض ...فطول برحتك...طول.
 
S

Sarah Mahmoud Sabry

ممكن لما تعمل الجزء التاني حط لينك بتاعه هنا في الكومنتات او في تعديل البوست ، لوسمحت
 
R

Rawda Mostafa

انت مشكلة :)
م تتأخرش و إنزل بالجزء الثاني ، احنا مستنيين :-D
 

إنشاء حساب أو تسجيل الدخول للتعليق

يجب أن تكون عضوا من أجل أضافه تعليق

انشئ حساب

إنشاء حساب في المسافرون العرب . سهل جدا ومفيدا لك !

تسجيل الدخول

هل لديك حساب؟ سجل الدخول من هنا.

Users Who Are Viewing This الموضوع (Users: 0, Guests: 1)