M
Mahmoud Samir Bedair
:: مسافر ::
بمناسبة بداية موسم السفر لاوروبا مع دخول الربيع و الصيف حنتكلم المره دى عن بلد اوروبيه جميله لكنها مش فى مقدمة الدول اللى المصريين بيسافروا ليها للسياحه مع انها مميزه جدا
17 - المانيا
الدول الاوروبيه مشتركه فى امور كثيره, لكن فى تفاصيل هى اللى بتميز بلد اوروبيه عن غيرها. المانيا مثلا بتتميز باتساع مساحتها حوالى 360 الف كيلومتر مربع وده خلاها بتتمتع بتنوع جغرافى مميز جدا. غير انها من اكتر دول العالم تقبلا للهجره وهى تالت دولة اوروبيه فى عدد المهاجرين فده خلاها من الدول المتقبله للثقافات المتنوعه.
اتساع مساحة المانيا خلى ليها حدود مع النمسا ،سويسرا،بولندا، التشيك، فرنسا ،لوكسمبورغ، بلجيكا وهولنداوفى الشمال حدود بحرية مع الدنمارك وده جعل منها دولة محورية ذات اهميه استراتيجيه وتاريخيه.
الميزه السياحيه اللى فى المانيا هى انها من ارخص دول اوروبا فى الاقامة و التسوق و دى معلومه غايبه عن كتير مننا غير ان عكس ما البعض بيظن الشعب الالمانى ودود و بيحب المرح جدا.
نيجي للنقطة الاهم ايه اللى ممكن نزوره فى المانيا. المانيا مختلفه فى موضوع المزارات لانها مفيهاش مزارات محورية ذات شهره كبيره زى برج ايفل مثلا او تمثال الحرية لكن بتتميز بطبيعه رائعة فى كل مكان وبتختلف الطبيعه دى من الشمال و بحر الشمال الى الجنوب و جبال الألب و اقليم بافاريا اللى مليان انهار وغابات فى كل مكان و بتتميز بعراقة فى مدنها القديمة زى كولون و آخن وروزنبرج و دريسدن و تاريخ معاصر و حداثة زى برلين و ميونخ و فرانكفورت و دوسلدورف و هامبورج.
انا شخصيا بقترح على اى حد بيفكر يزور المانيا انه يعمل Road trip بتاجير عربية و ده سهل جدا او ممكن حتى يكون التنقل بالقطر لان اجمل شىء فى المانيا هو ما بين المدن
المناظر الخلابه و القرى الالمانية ليها روح جميله و ساحره و كل شوية حتعدوا على قلعه او منطقة تاريخيه مستخبيه وسط الغابات او الجبال حتنقلكم فجأه لعالم سحرى كانها fairy tale.
انا شخصيا بدأت رحلتى من مدينة آخن العريقة, اهم المزارات فيها كان الكاتدرائية العملاقة Dom ومبنى البلدية و محطة القطار اللى منها انطلقت لمدينة كولون.
كولون فى حد ذاتها تجربة كأن الزمن وقف فيها عشان يحافظ على الطابع الفريد فيها. مدينة اسسها الرومان مليانة كنائس و كاتدرائيات بالطابع القوطى المميز Gothic كل ده خلى اليونسكو يدرجها على قائمة اليونسكو للتراث العالمي. اهم معالمها نهر الراين و كاتدرائية كولون العملاقة و Hohenzollern Bridge اللى فيه العشاق بيحطوا اقفال تذكارية كرمز لما يجمع بينهم.
من كولون كانت الخطه انى اتحرك لفرانكفورت و شتوتجارت لكن خدت اتجاه تانى. قررت اتحرك وسط المدن روحت باتجاه مدينة اسمها koblenz على ملتقى انهار الراين و موسل و عملت هايكنج لقلعه فوق الجبل اسمها burg eltz و دى المره الوحيده في حياتى اللى عملت فيها هايكنج لوحدى تماما فى غابه فوق جبل وكان فى سيول كمان, انا مش حتكلم حسيب الصور تتكلم.
بعد كده اتجهت ناحية جبال الالب فى الجنوب اللى فيها اجمل مناظر طبيعيه و جو نقى جدا, زورت مدينة اسمها fussen عندها واحده من اهم القلاع اللى فوق الجبال اسمها نوشفانشتاين neuschwanstein ومن اهم المزارات فى المانيا.
بعد كده اتجهت لميونخ اللى انا شخصيا شايفها اجمل مدن المانيا اللى راحها و زار ميدان مارين بلاتز و شارع بلاتزل حيفهم قصدى و طبعا منسيتش ازور الاليانز ارينا عشان بشجع بايرن ميونخ و بصراحه هو تحفه معماريه لازم اى حد يزورها.
و فى النهاية روحت برلين العاصمة الكبيره جدا , اول حاجه زورتها كانت متاحف برلين تحديدا المتحف الحديث اللى فيه رأس نفرتيتي و الاثار المصرية المسروقه. المتاحف كلها متجمعه فى جزيره اسمها جزيرة المتحف فى نهر الشبرى و فيها كمان كاتدرائية برلين و متحف البرجامون اللى فيه متحف الفن الاسلامى.
بعد كده زورت الرايخستاج المبنى الشهير اللى منه القى هتلر خطاباته والجماهير كانت بتتجمع فى الساحه الكبيره امامه و بالقرب منه كان فى بوابة براندنبرج زى قوس النصر فى فرنسا.
برلين مليانة نصب تذكارية و متاحف متعلقة بالفتره النازيرة زى متحف طبوغرافيا الارهاب اللى معمول مكان مبنى الشرطة السرية النازية و نصب الهولوكوست و checkpoint charlie اللى كانت معبر بين المانيا الغربيه و الشرقية و كمان فى Glienicke Bridge اللى عنده اتصور فيلم bridge of spies و نصب جدار برلين اللى فيه قصص تدمع لها العين بتحكى اصعب فترات تاريخ المانيا اللى فيها كانت مقسومه بين جزء محكوم من امريكا و الحلفاء و جزء من الاتحاد السوفييتي.
لكن غير كل ده احب اقولكم ان برلين فيها نايت لايف قوية جدا و شعب بيحب المرح و فيها مظاهر حداثه و تطور مذهله (شوفوا محطة القطر حتفهموا كلامى)
انا برشحلكم السنة دى المانيا مش حتندموا و التاشيره متوسطه الصعوبة.
يارب الصور تعجبكم و تابعونى
/Traveller experience
17 - المانيا
الدول الاوروبيه مشتركه فى امور كثيره, لكن فى تفاصيل هى اللى بتميز بلد اوروبيه عن غيرها. المانيا مثلا بتتميز باتساع مساحتها حوالى 360 الف كيلومتر مربع وده خلاها بتتمتع بتنوع جغرافى مميز جدا. غير انها من اكتر دول العالم تقبلا للهجره وهى تالت دولة اوروبيه فى عدد المهاجرين فده خلاها من الدول المتقبله للثقافات المتنوعه.
اتساع مساحة المانيا خلى ليها حدود مع النمسا ،سويسرا،بولندا، التشيك، فرنسا ،لوكسمبورغ، بلجيكا وهولنداوفى الشمال حدود بحرية مع الدنمارك وده جعل منها دولة محورية ذات اهميه استراتيجيه وتاريخيه.
الميزه السياحيه اللى فى المانيا هى انها من ارخص دول اوروبا فى الاقامة و التسوق و دى معلومه غايبه عن كتير مننا غير ان عكس ما البعض بيظن الشعب الالمانى ودود و بيحب المرح جدا.
نيجي للنقطة الاهم ايه اللى ممكن نزوره فى المانيا. المانيا مختلفه فى موضوع المزارات لانها مفيهاش مزارات محورية ذات شهره كبيره زى برج ايفل مثلا او تمثال الحرية لكن بتتميز بطبيعه رائعة فى كل مكان وبتختلف الطبيعه دى من الشمال و بحر الشمال الى الجنوب و جبال الألب و اقليم بافاريا اللى مليان انهار وغابات فى كل مكان و بتتميز بعراقة فى مدنها القديمة زى كولون و آخن وروزنبرج و دريسدن و تاريخ معاصر و حداثة زى برلين و ميونخ و فرانكفورت و دوسلدورف و هامبورج.
انا شخصيا بقترح على اى حد بيفكر يزور المانيا انه يعمل Road trip بتاجير عربية و ده سهل جدا او ممكن حتى يكون التنقل بالقطر لان اجمل شىء فى المانيا هو ما بين المدن
المناظر الخلابه و القرى الالمانية ليها روح جميله و ساحره و كل شوية حتعدوا على قلعه او منطقة تاريخيه مستخبيه وسط الغابات او الجبال حتنقلكم فجأه لعالم سحرى كانها fairy tale.
انا شخصيا بدأت رحلتى من مدينة آخن العريقة, اهم المزارات فيها كان الكاتدرائية العملاقة Dom ومبنى البلدية و محطة القطار اللى منها انطلقت لمدينة كولون.
كولون فى حد ذاتها تجربة كأن الزمن وقف فيها عشان يحافظ على الطابع الفريد فيها. مدينة اسسها الرومان مليانة كنائس و كاتدرائيات بالطابع القوطى المميز Gothic كل ده خلى اليونسكو يدرجها على قائمة اليونسكو للتراث العالمي. اهم معالمها نهر الراين و كاتدرائية كولون العملاقة و Hohenzollern Bridge اللى فيه العشاق بيحطوا اقفال تذكارية كرمز لما يجمع بينهم.
من كولون كانت الخطه انى اتحرك لفرانكفورت و شتوتجارت لكن خدت اتجاه تانى. قررت اتحرك وسط المدن روحت باتجاه مدينة اسمها koblenz على ملتقى انهار الراين و موسل و عملت هايكنج لقلعه فوق الجبل اسمها burg eltz و دى المره الوحيده في حياتى اللى عملت فيها هايكنج لوحدى تماما فى غابه فوق جبل وكان فى سيول كمان, انا مش حتكلم حسيب الصور تتكلم.
بعد كده اتجهت ناحية جبال الالب فى الجنوب اللى فيها اجمل مناظر طبيعيه و جو نقى جدا, زورت مدينة اسمها fussen عندها واحده من اهم القلاع اللى فوق الجبال اسمها نوشفانشتاين neuschwanstein ومن اهم المزارات فى المانيا.
بعد كده اتجهت لميونخ اللى انا شخصيا شايفها اجمل مدن المانيا اللى راحها و زار ميدان مارين بلاتز و شارع بلاتزل حيفهم قصدى و طبعا منسيتش ازور الاليانز ارينا عشان بشجع بايرن ميونخ و بصراحه هو تحفه معماريه لازم اى حد يزورها.
و فى النهاية روحت برلين العاصمة الكبيره جدا , اول حاجه زورتها كانت متاحف برلين تحديدا المتحف الحديث اللى فيه رأس نفرتيتي و الاثار المصرية المسروقه. المتاحف كلها متجمعه فى جزيره اسمها جزيرة المتحف فى نهر الشبرى و فيها كمان كاتدرائية برلين و متحف البرجامون اللى فيه متحف الفن الاسلامى.
بعد كده زورت الرايخستاج المبنى الشهير اللى منه القى هتلر خطاباته والجماهير كانت بتتجمع فى الساحه الكبيره امامه و بالقرب منه كان فى بوابة براندنبرج زى قوس النصر فى فرنسا.
برلين مليانة نصب تذكارية و متاحف متعلقة بالفتره النازيرة زى متحف طبوغرافيا الارهاب اللى معمول مكان مبنى الشرطة السرية النازية و نصب الهولوكوست و checkpoint charlie اللى كانت معبر بين المانيا الغربيه و الشرقية و كمان فى Glienicke Bridge اللى عنده اتصور فيلم bridge of spies و نصب جدار برلين اللى فيه قصص تدمع لها العين بتحكى اصعب فترات تاريخ المانيا اللى فيها كانت مقسومه بين جزء محكوم من امريكا و الحلفاء و جزء من الاتحاد السوفييتي.
لكن غير كل ده احب اقولكم ان برلين فيها نايت لايف قوية جدا و شعب بيحب المرح و فيها مظاهر حداثه و تطور مذهله (شوفوا محطة القطر حتفهموا كلامى)
انا برشحلكم السنة دى المانيا مش حتندموا و التاشيره متوسطه الصعوبة.
يارب الصور تعجبكم و تابعونى
/Traveller experience