عايزين نعرف ذكريات الإقلاع والهبوط بالطيارة وأصعب اللحظات مع المطبات...

  • بادئ الموضوع بادئ الموضوع Mohammad Mahmoud Mohsen
  • تاريخ البدء تاريخ البدء
عرض العطلة
M

Mohammad Mahmoud Mohsen

:: مسافر ::
#1
عايزين نعرف ذكريات الإقلاع والهبوط بالطيارة وأصعب اللحظات مع المطبات الهوائية
انا عن نفسي مرة كنت مسافر من قطر للكويت عالقطرية وبعد الطيار ما اقلع بالعجل الأمامي للطيارة والخلفي عالارض نزل تاني بسبب عاصفة ترابية شديدة وبعدين رجع تاني لأول الممر وجري بسرعة مخيييفة وبعدين اقلع عامودي وكل الناس والشنط وقعت والحمد لله بكتب البوست اهه
 
#3
عندك مثلا مطار الغردقة دايما بيحصل علية هبوط سيء جدا بسبب الرياح العرضية (cross wind ) والطيار بيكون مضطر يهبد الطيارة في الارض عشان تثبت والهواء ميلعبش فيها :D بيعمل هبوط اسمة (positive landing ) وكل مرة بنزل فيها مطار الغردقة بحس ان الطيارة عملت حفرة في اول المدرج وهي نازلة !
 
#4
انا ركبت طيران يجي 700 مرة بس كل مرة اركب فيها اقعد اتشاهد واقري قرآن وأحس أن الطيارة قبل ما توصل حتقع ولما بوصل بحس أن اتكتبلي عمر جديد
 
عرض العطلة
#7
مرة وانا راجع من روما لمطار القاهرة علي مصر للطيران واثناا الهبوط في مطار القاهرة كانت سرعة الطيارة كبييرة ومش متوازنة وما ومايلة لاحد الجانبين حسيت برعب وفعلا الطيارة اول ما لمست الارض مالت وكانت هتتقلب وكل الناس اتحركت وكانها هتتقلب وبعدين اتعدلت تاني فية ناس صوتت وكل الناس قعدت تشتم في الطيار وفي الهبوط السي اللي عمري ما شوفت زية ابدا
 
#8
مرة كنت مسافر من مومباي لابو ظبي. المفروض مسافر علي الاتحاد بس مخدتش بالي انه الرحلة دي operated by jet airways و دي للي ميعرفش طيران هندي. طيران هندي يا حوستي السودة يانا ياما
الطيارة كانت جاهزة قبل ميعاد الاقلاع بنص ساعة بس الطيار قالنا هنتاخر عشان المدرج زحمة. كل ده مش المشكلة. لما بدأت الطيارة تتحرك الطيار ماشي براحة جوا المطار و قبل ما يطلع الrun way الباشا ضرب السرعة و خد بالطيارة لفة 90 درجة عدلها عالمدرج و كمل بنفس سرعته لحد ما طارت.
كفابة كده مش هتكلم عن الرحلة كانت عاملة ازاي ولا هتكلم عن الlanding
 
#9
أصعب مرة الهبوط مع الملكية الأردنية الطيارة كانت بتقع حرفيا وانا المسلم الوحيد تقريبا الكنت على الطيارة والراجل القدامى ومراته مشترين ازايز خمرة من السوق الحرة وفى هبدات الهبوط المختلفة الازايز ادحرجت ووصلت عندي فى اخر الطيارة قولت ياربي انا ماليش دعوة ههههه
 
#10
مره كنت جي علي مصر عن طريق السودان لظروف الحجز وحصل عاصفة ترابيه رهيبة منعت الطياره من الرويه تمام لدرجة انو قال اني مستوي الرويه صفر وصلنا لمطار الخرطوم ومعرفش ينزل بسبب الرويه قعد يلف فتره وقرر انو يرجع الرياض وهو في الطريق عرف اني الوقود مش هيكفي وقلنا انو هينزل مطار بور سودان الحربي لتزود بالوقود وطبعا مدرج الحربي غير المدني عمل لاندينج أشبه بالبطه وقعدنا في مدرج بور سودان فتره أربع ساعات لغاية ما انكشفت الغمه وطلع علي الخرطوم وطبعا الطياره اللي كنت هطلع علينا تبع الخطوط الكنيه طلعت ولأول مره في تاريخي السفري اني اطلع اشتري تذكره من برا مطار الخرطوم من غير ما اختم الباسبور طلعت برده واشتريت تذكره ورجعت تاني كاني في موقف رمسيس
 
عرض العطلة
#12
انا من عشرة ايام سافرت على الامارتية رحلتين الاولى من القاهرة لدبى ممتازة ومفهاش حاجة الرحلة التانية بقى كانت مخيفة فى الطلغة والنزلة والمطبات.
 
#13
الرعب كله لما تطير فى وسط اعصار صغنن كده.
انا عاده بابقى هادى فى موضوع المطبات ده ماعرفش برود بقى واللا تعودت خلاص. بس فى مرتين حسيت ان خلاص الطياره هتقع وشوفت نعييى فى الجورنال.
اول مرة كانت سنه 97 وكنت مسافر على مصر للطيران القاهرة زيورخ وكانت بعد الحادث الارهابى فى الاقصر واللى راح فيه 37 سويسرى وكنا رايحين نعزى وكان معانا فى الفرست كلاس عمرو موسى وزير الخارجية وقتها وفجأة لقينا نفسنا الطيارة بتنزل عمودى واللى مش رابط الحزام كان هيلزق فى السقف انا بقى ساعتها قولت اسمى كان هيبقى من الضحايا مع عمرو موسى
تانى مرة كانت على شارتر اسمه كوندور من الغردقة لدوسلدورف فى المانيا وتقريبا ساعة كاملة قبل الهبوط واحنا كأننا جوة علبة سردين عمالة تيجى يمين وشمال وهبوط مفاجئ وصعود مفاجئ وحاجة قشطة. والعيال عمالة تصرخ واللى جنبى واحده المانية عجوزة عملالى رعب كل شوية تهبش فيه وتقول مش معقول مش معقول وانا اقولها اهدى يا حاجة والنبى انا مش ناقص رعب الله يخليكى. لحد ما نزلنا بالسلامة المطار وعرفنا اننا كنا طايرين جوة اعصار اللى بيطير الشجر وسقف البيوت ده والحمد لله المطار اتقفل بعدينا على طول.
 
#14
انا ركبت كتيررر جدااا جدااا بس مره وحده بس كنت ترنزيت في تركيا وراجع علي مصر الطياره فضلت كتير علي الاقلاع تمشي كتير علي الممرات وتغير ممر ولما وصلنا القاهره فضل ربع ساعه يلف في الجو علي ما نزل المطار
 
#15
انا سنة 99 وكنت اول مرة اسافر اوحدي تماما وانا راجعة مطار القاهرة عجل الطيارة علق مفتحش وفضلنا نلف فوق في محاولات مستميتة يفتح وفي الاخر نزلنا بطريقة لولبية علي حاجة كدة حطوها علي الممر بس مش فاكرة نوع رغوة باين ولا حاجة الحمدلله عدت بس من بعدها كل مااركب الطيارة اتشاهد الاول :-D
 
عرض العطلة
#17
على فكرة يا جماعة وعن تجربة من افضل الطيارين فى الاقلاع والهبوط. الطيارين المصريين. غير كده بتشوف العجب فى الاقلاع والهبوط والله
 
#20
أسوء رحلات طيران فى حياتى بتكون فى الطيران الداخلى بتاع الصين تحس انك راكب مراجيح والمشكله أن كل مره كده مفيش مره بتعدى كويسه
 
عرض العطلة
عرض العطلة
عرض العطلة
أعلى أسفل
عودة
قائمة