M
Mostafa Almisry
:: مسافر ::
السلام عليكم
تعليق مهم بالنسبة للناس اللي بتسافر ماليزيا وتكسر الفيزا
بما إني هنا في ماليزيا من 9 شهور حابب اتكلم عن حاجة مهمة جدًا ربما لا يتحدث فيها أحد هنا في الجروب.
طبعًا ماليزيا دولة رائعة من حيث السياحة والترفيه والتسوق والمعيشة هنا مش رخيصة قوي ولا غالية زي دول أخرى بس عمومًا البلد رائعة للرحلات الفردية والعائلية وشهر العسل والشواطيء .... وأتمنى كل الناس تزورها سياحة وإن شاء الله هينبسطوا قوي.
ممكن كمان تسافر دراسة وتقدم في الجامعات وعلى فكرة بعض جامعات ماليزيا لديها مستوى متقدم في الترتيب العالمي.
ممكن تسافر عشان تستثمر فيها لو كان عندك خبرة ودراسة متعمقة والمهم من الكلام تكون جاي تصرف وما تنتظر من البلد أي دخل إلا مثلا لو اشتغلت بجانب الدراسة عشان تطلع لك قرشين تتفسح بيهم وانسى خالص إنك تشتغل عشان تصرف على الدراسة وتكاليفها.
المشكلة اللي عاوز اتكلم عنها هي الناس اللي بتسافر ظاهريًا من أجل السياحة ثم البحث عن عمل خلال فترة السياحة ولما تنتهي الفيزا يكسر الفيزا وبعد انتهاء الفلوس نلاقي الأخ نادم ويبحث عن أي طريقة عشان يرجع مصر وقابلت هنا حالات كثيرة بنفسي ولولا أهل الخير لكان هؤلاء ينامون في الشوارع فترة طويلة.
مبدأيًا سوق العمل بالنسبة للحرفيين يعتبر مغلق على الماليزيين أنفسهم والهنود والبنغال والأندونيسيين والجنسيات الآسيوية لأنهم يقبلون مرتبات ضعيفة جدًا لا تصل إلى 250 دولار بالشهر والعمل 12 ساعة ويعيش منها عادي لكن الأخ المصري لو أخذ هذا المبلغ يادوب يكفيه سكن وأكل لو تقشف وهذا لو افترضنا إنه هيقدر يكمل في الشغل أصلا ولذلك لا مجال للمنافسة أبدًا.
المصري لو وجد بالفعل شغل غالبًا هيشتغل في مطعم عربي أو كافيه عربي أو شركة سياحة (فاشلة) براتب ضعيف جدًا (ده لو وجد) وهيتعرض لكل درجات الاستغلال وياسلام بقى لو كسر الفيزا هيفضل تحت رحمة صاحب العمل لأنه ممكن يضره في أي وقت أو يطرده من الشغل وياكل حقه وهذا هو المنتشر هنا عمومًا وفي النادر تلاقي ناس شغالة وبتاخذ حقها وإقامة عمل ده يعني لو ربنا كرمه قوي وكان صنايعي محترف صاحب الشغل ميقدرش يستغنى عنه.
بمنتهى الوضوح مفيش هنا شغل للعمال والحرفيين إلا بالصورة اللي قلتها بل أسوأ بكثير والناس اللي سافرت ماليزيا تعرف الكلام ده كويس.
وبالنسبة للناس الأخرى أصحاب المهن المتخصصة والشهادات العليا هاشرح لكم الوضع بسرعة وبدون تفاصيل:
*المجال الطبي هنا مقفول على الماليزيين فقط.
*أصحاب الشهادات العليا والمدرسين هنا بالآلاف ومش لاقيين شغل.
*لو مهندس ومعاك خبرة وشهادات مفيش فرص للأسف لأن في صيني وهندي وماليزي معاهم شهادات أكثر وطبعًا له الأولوية وحتى لو حصلت وظيفة بسبب تفوقك عليهم فالرواتب مقارنة بالخليج تعتبر أي كلام.
*عدد المشروعات الموجودة هنا (مدارس-مؤسسات أو شركات) لا تستوعب أعداد الناس الموجودة هنا وبيبحثوا عن شغل.
وعشان الكلام ما يطولش باختصار اللي خلاني أتكلم عن الموضوع ده إن بعض الناس بسبب إنهم سافروا ولم يوفقوا في العمل وخلصت فلوسهم هنا إما يتحول إلى متسول لحد ما يروح بلده تاني ده لو ما اتقبضش عليه قبلها ويتحط في السجن لحد ما يترحل أو يبان له صاحب، وبعضهم يتحول إلى نصاب يشوه صورة العرب والمصريين وللأسف الكلام ده باقوله وأنا أكثر واحد بيعاني منه وتعرضت ليه أكثر من مرة وده طبعًا تأثيره علينا كمصريين بصفة خاصة وكعرب بصفة عامة مؤسف ومحرج.
هل كلامي معناه إني باقول بلاش ماليزيا؟
لو حضرتك فهمت كده تبقى مشكلة أنا كلامي واضح إن البلد جميلة للسياحة والترفيه طالما جاي مدة وراجع ورائعة للدارسة طالما جاي فعلا تدرس مش تاخد فيزا فقط وكويسة للاستثمار لو حضرتك عندك دراسة وخبرة في الاستثمار.
أما ما حذرت منه فهو مسألة الحصول على فرصة عمل هنا وهي أصعب ما يكون في كل المجالات ولو عاوز تمشي سليم خليك في بيتك وافتح الإنترنت وابحث على مواقع العمل في ماليزيا وراسل الشركات ولو وصلت لوظيفة وربنا كرمك سافر على شغل ولو ما حصلت على شغل يبقى عندك معلومة مسبقة وانت بالنهاية حر وتفعل ما تشاء.
تعليق مهم بالنسبة للناس اللي بتسافر ماليزيا وتكسر الفيزا
بما إني هنا في ماليزيا من 9 شهور حابب اتكلم عن حاجة مهمة جدًا ربما لا يتحدث فيها أحد هنا في الجروب.
طبعًا ماليزيا دولة رائعة من حيث السياحة والترفيه والتسوق والمعيشة هنا مش رخيصة قوي ولا غالية زي دول أخرى بس عمومًا البلد رائعة للرحلات الفردية والعائلية وشهر العسل والشواطيء .... وأتمنى كل الناس تزورها سياحة وإن شاء الله هينبسطوا قوي.
ممكن كمان تسافر دراسة وتقدم في الجامعات وعلى فكرة بعض جامعات ماليزيا لديها مستوى متقدم في الترتيب العالمي.
ممكن تسافر عشان تستثمر فيها لو كان عندك خبرة ودراسة متعمقة والمهم من الكلام تكون جاي تصرف وما تنتظر من البلد أي دخل إلا مثلا لو اشتغلت بجانب الدراسة عشان تطلع لك قرشين تتفسح بيهم وانسى خالص إنك تشتغل عشان تصرف على الدراسة وتكاليفها.
المشكلة اللي عاوز اتكلم عنها هي الناس اللي بتسافر ظاهريًا من أجل السياحة ثم البحث عن عمل خلال فترة السياحة ولما تنتهي الفيزا يكسر الفيزا وبعد انتهاء الفلوس نلاقي الأخ نادم ويبحث عن أي طريقة عشان يرجع مصر وقابلت هنا حالات كثيرة بنفسي ولولا أهل الخير لكان هؤلاء ينامون في الشوارع فترة طويلة.
مبدأيًا سوق العمل بالنسبة للحرفيين يعتبر مغلق على الماليزيين أنفسهم والهنود والبنغال والأندونيسيين والجنسيات الآسيوية لأنهم يقبلون مرتبات ضعيفة جدًا لا تصل إلى 250 دولار بالشهر والعمل 12 ساعة ويعيش منها عادي لكن الأخ المصري لو أخذ هذا المبلغ يادوب يكفيه سكن وأكل لو تقشف وهذا لو افترضنا إنه هيقدر يكمل في الشغل أصلا ولذلك لا مجال للمنافسة أبدًا.
المصري لو وجد بالفعل شغل غالبًا هيشتغل في مطعم عربي أو كافيه عربي أو شركة سياحة (فاشلة) براتب ضعيف جدًا (ده لو وجد) وهيتعرض لكل درجات الاستغلال وياسلام بقى لو كسر الفيزا هيفضل تحت رحمة صاحب العمل لأنه ممكن يضره في أي وقت أو يطرده من الشغل وياكل حقه وهذا هو المنتشر هنا عمومًا وفي النادر تلاقي ناس شغالة وبتاخذ حقها وإقامة عمل ده يعني لو ربنا كرمه قوي وكان صنايعي محترف صاحب الشغل ميقدرش يستغنى عنه.
بمنتهى الوضوح مفيش هنا شغل للعمال والحرفيين إلا بالصورة اللي قلتها بل أسوأ بكثير والناس اللي سافرت ماليزيا تعرف الكلام ده كويس.
وبالنسبة للناس الأخرى أصحاب المهن المتخصصة والشهادات العليا هاشرح لكم الوضع بسرعة وبدون تفاصيل:
*المجال الطبي هنا مقفول على الماليزيين فقط.
*أصحاب الشهادات العليا والمدرسين هنا بالآلاف ومش لاقيين شغل.
*لو مهندس ومعاك خبرة وشهادات مفيش فرص للأسف لأن في صيني وهندي وماليزي معاهم شهادات أكثر وطبعًا له الأولوية وحتى لو حصلت وظيفة بسبب تفوقك عليهم فالرواتب مقارنة بالخليج تعتبر أي كلام.
*عدد المشروعات الموجودة هنا (مدارس-مؤسسات أو شركات) لا تستوعب أعداد الناس الموجودة هنا وبيبحثوا عن شغل.
وعشان الكلام ما يطولش باختصار اللي خلاني أتكلم عن الموضوع ده إن بعض الناس بسبب إنهم سافروا ولم يوفقوا في العمل وخلصت فلوسهم هنا إما يتحول إلى متسول لحد ما يروح بلده تاني ده لو ما اتقبضش عليه قبلها ويتحط في السجن لحد ما يترحل أو يبان له صاحب، وبعضهم يتحول إلى نصاب يشوه صورة العرب والمصريين وللأسف الكلام ده باقوله وأنا أكثر واحد بيعاني منه وتعرضت ليه أكثر من مرة وده طبعًا تأثيره علينا كمصريين بصفة خاصة وكعرب بصفة عامة مؤسف ومحرج.
هل كلامي معناه إني باقول بلاش ماليزيا؟
لو حضرتك فهمت كده تبقى مشكلة أنا كلامي واضح إن البلد جميلة للسياحة والترفيه طالما جاي مدة وراجع ورائعة للدارسة طالما جاي فعلا تدرس مش تاخد فيزا فقط وكويسة للاستثمار لو حضرتك عندك دراسة وخبرة في الاستثمار.
أما ما حذرت منه فهو مسألة الحصول على فرصة عمل هنا وهي أصعب ما يكون في كل المجالات ولو عاوز تمشي سليم خليك في بيتك وافتح الإنترنت وابحث على مواقع العمل في ماليزيا وراسل الشركات ولو وصلت لوظيفة وربنا كرمك سافر على شغل ولو ما حصلت على شغل يبقى عندك معلومة مسبقة وانت بالنهاية حر وتفعل ما تشاء.