الناس اللي قضت رمضان في دولة أجنبية احكوا لنا عن التجربة دي كنت مفتقدين مصر...

  • بادئ الموضوع بادئ الموضوع Islam Hashish
  • تاريخ البدء تاريخ البدء
عرض العطلة
I

Islam Hashish

:: مسافر ::
#1
الناس اللي قضت رمضان في دولة أجنبية
احكوا لنا عن التجربة دي
كنت مفتقدين مصر ولا كان عادي
وايه الطريف اللي حصلكم؟
 
عرض العطلة
#7
مش عارف السعوديه تعتبر دوله اجنبيه ولا لا :D ، قضيته في مكه ، روحانيات عاليه جدا لكن جوه الحرم بس ، بره الحرم بتحس انك في هند او باكستان وكله بايعين.
من غير الحرم وكده فمصر اجمل في كل شئ ، رغم ان رنضان مصر برضو مبقاش زي زمان
 
#9
انا حضرت ايام صيام فى مكه...كنت فى منتهى السعادة بافطر و اتسحر فى الحرم واصلى الفجر، و مافيش اى حاجة غير الحرم و الصلاة و الصوم و الدعاء
 
عرض العطلة
#12
رمضان المملكة السعودية قراءة قرآن وصلاة تراويح وانوار جميلة بالشوارع فقط
مفيهوش لا خيام رمضانية ولا سهرات طبعا
مفيش كمان كنفاني وبتاع قطايف غير في السوبر ماركت
بعني اعتقد في السعودية هادي ودوام الشغل اقل وروحانيات اعلى
 
#14
رمضان فى لندن بقىً مقولكش و خصوصا انى صومت يوم بدرى بالغلط اساسا ف لك ان تتخيل حجم المأساة و انت صايم ١٨ ساعه مثلا و انت مش فى رمضان اساسا ...بس فى اماكن تمركز العرب فى لندن احيانا ممكن تحس فيها جو رمضان شويه زى ايدجوار روود مثلا . عامه رمضان برا مصر مش رمضان
 
عرض العطلة
#16
هههههههههه .... قضيت 15 يوم في امريكا ولاية تكساس ... أنا والمدام وحاولت أقنعها نفطر مفيش ..
كنا بنتسحر الساعة 4.00 ص تقريبا على ما اتذكر يعني ... وبنفطر 8.30 م
طبعا وقت طويل وكنا في شهر 7 الجو حر جدا والرطوبة مرتفعة بشكل مش طبيعي لانها ولاية على خليج المكسيك... ما تقدرش خلال النهار تطلع من الفندق ..!
الطريف بقى ان كنت مأجر عربية فورد وانا بستلمها في المطار فجاة الدنيا بتمطر بشكل مش طبيعي ... طبعا .. المدام قلقت وكأي ست مصرية اصرت اننا ما ناخدش العربية ونتحمل مسؤليتها .. طبعا انا كنت حاجز فندق لليلة واحدة جنب المطار فندق 3 نجوم صغير علشان بعد طول الرحلة مش هسوق مسافة طويلة لان اول مرة اسوق بره مصر ...
وبعدين ننقل على فندق المؤتمر كان اسمه Omni
المهم يمين شمال مفيش ... ربنا يهديكي .. مفيش ... اعتذرت للراجل وقلي مفيش مشكلة.
واخدنا تاكسي.... وصلنا الفندق .. نفطر نصوم .. نفطر نصوم .. المهم استقرينا نصوم ... نزلنا تحت بعد نجيب حاجة نتسحر بيها طبعا الفندق كان صغير وفي الهاي واي والجو مش لطيف يعني .. مالقتاش حاجة الا في الرسيبشن ... قولت للراجل عايز ساندوتش حلال وشددت على حلال .... قوي قلي دي .... اخدنا 4 وكولا وطلعنا.

كان في كده حاجة في الساندوتش قليتلي في حاجة غريبة وانا مش مرتاحه ... قولتلها ... لا ماتقلقيش ده اكيد بيف او حاجة حلال برضو...
وبسم الله نتسحر... واكلنا وتمام ... الصبح بقى .
طبعا هي ما اكنتش مقتنعة قوي ... وكاي ست مصرية.. قعدت تقرا المكونات واحدة واحدة وكانت الصدمة... Bacon
ومكتوبة يعني بشكل لايمكن تاخد بالك منها....!!
طبعا صحتني على هذه المأساة....
وعليها ياريس 14 يوم بنتأكلنا جبن وحاولت اقنعها اخيرا بالسمك في أخر اسبوع ...

واتسحرنا على اكل حرام ... في تكساس ... وليتقبل الله هذا الصيام....
Marwa Mostafa
 
#17
قضيت اخر ٥ ايام من رمضان اللي فات في امريكا
و كانوا اسوأ ايام رمضانية في حياتي
بتفتقد اولا الروحانيات كتيرة جدا زي الصلاة و التراويح و القيام و الحاجات دي
ثانيا: بتفتقد حاجات معنوية لمة العيله و الصحاب و روح الشارع و الناس
ثالثا: بتواجه حاجات محرمه كتيره جدا (مش بتكلم انك تقبلها او ترفضها) بس بتكلم في فكرة انك بتحس فعلا بالغربه لانك بتقول في نفسك دا مش وقتها ولا انا من الطبيعي ابقي هنا في الوقت دا من السنه لانك عندك حاجات اهم تعملها
 
#18
قضيته في كاليفورنيا وفي اسطنبول وصليت ورا مشاري راشد في ايرفاين في كاليفورنيا ورمضان اسطنبول كان احلى رمضان قضيته
 
#19
انا من ساعت لما جيت مصر وانا مشوفتش رمضان حلو خالص انا كنت طول عمري في سعوديه مجتش الي علي الجامعه كان رمضان في سعوديه له جو تاني ونظام وعشق
 
عرض العطلة
عرض العطلة
عرض العطلة
أعلى أسفل
عودة
قائمة