مساء الخير أنا عندي سؤالين واتمنى تساعدوني ١- ايه اسهل سفارة بتدي schengen...

  • بادئ الموضوع بادئ الموضوع Salma I. Sabri
  • تاريخ البدء تاريخ البدء
عرض العطلة
S

Salma I. Sabri

:: مسافر ::
#1
مساء الخير
أنا عندي سؤالين واتمنى تساعدوني
١- ايه اسهل سفارة بتدي schengen visa مع العلم إن باسبوري أبيض؟ أنا عايزة اقدم في إيطاليا لأن تيكت الطيران أرخص وكمان أقرب لمصر وأقدر ابدأ منها ال tour
٢- لو في حد حضر حفلة coldplay في أوروبا، ممكن أعرف حجزت/ي تكيت الحفلة إزاي؟

شكراً ❤
 
عرض العطلة
#7
مافيش حاجه اسمها أسهل سفارة ..كل السفارات. ..واحد.. بس بتختلف في الاجرات. .في سفارة بتطلب شهادة تحركات وسفارة مابتطلبش في سفارة بتحتاج حجز طيران وسفارة لا ...الفكرة كلها في الاثباتات. .المقدمه في السفارة
اللي حصل علي الفيزا من سفارة معنيه حيقول السفارة ديه سهله ولو اخد رفض حيقول صعبه. .....كل السفارات واحد احنا ممكن نقول نبعد عن السفارات اللي ماطلبها كتير ....
 
#9
اهم حاجة بيبصولها وخصوصا لمصر عندك امكانيات مادية تسمحلك تصرف ويستفيدوا منك (مش جاى تشحت ) ومتعملش زاى فليم عسل اسود خالى حطهملى فى الحساب لازم يكون فى نمط سحب وايداع فى الحساب ولازم يكون فى نهاية الحساب ما يعادل ١٥٠ يورو لكل يوم هتقعده فيه هناك . ثانيا لازم تثبتلهم انك هترجع بلدك تانى مش هتبلط ومترجعش ودى عن طريق جواب HR واثبات ملكية اراضى او عقارات شهادة من مدرسة الاولاد انهم مقيديين .غير كده شكليات
 
#10
انا عملت زيك كدة ... اول سفرية فى حياتى كانت سولو لإيطاليا ... ظبطت ورقى وقدمت وروحت هناك حضرت حفلة لميتاليكا وفى نفس السفرية روحت سويسرا حضرت حفلة ل muse ... وحاليا شارية تيكيت لحفلة فى امريكا ... الموضوع سهل كأنك بتحجزى تيكيت طيران او اقامة على بوكينج بتحتاجى كريديت كارد بس عشان تيكيت الحفلة وهما بيبعتوهالك يإما بتطبعيها يإما بتبقى e-ticket توريهالهم على البوابة على الموبايل يإما بيبعتولك زى فاتورة ع الميل وتروحى تبدليها هناك مكان الحفلة

بالنسبة للشنجن انا كمان اخدتها من ايطاليا اهم حاجة متعمليش الحجوزات الfake ... كل الحجوزات تكون حقيقية بس refundable ... حاجة مهمة كمان كشف الحساب يكون قوى يعنى عليه تعاملات رايحة وجاية

بالتوفيق ان شاء الله
 
عرض العطلة
#13
انا روحت كولدبلاي في اسيانيا اخت الفيزا من هناك بتحجزي من موقع اسمه livenation.com و باسبوري كلن ابيض و مقدمتش كشف حساب اليا قدمت بتاع مامتي
 
#14
ملاحظه. ...بسيطه من وجهه نظر شخصيه مش اكتر ..للتوضيح
تقيم السفارة ..كل مستند من المستندات بتاعتي بيكون عليها مجموعه. ..النقاط بدايه من كشف الحساب علي نقط. .المكان الوظيفي. ..جواب العمل .....واكيد طبعا يوجد اختلاف بينا كلنا ...في المرتبات وكشف الحساب ...وما شبه ذلك ....مش شرط انا دخلت بمستندات معنيه وحصلت علي الفيزا ..يبقي لازم تعملي نفس الاجرات ....الاجرات. .فرديه ...مرة تانيه الاجرات فرديه. .والباسبور الأبيض. .غير الباسبور اللي عليه فيز طبعا ....مع كلة المجازفة مطلوبه بس في حدود إمكانيات الورق اللي معايه. ...لو هنعمل حجوزات الأفضل يكون من 5 الي 7 أيام لو كشف الحساب ...مش قوي. ..دة بالنسبه لحجز الفترة في الفندق ...مع جواب من الشغل ..مع كمان كشف حساب ..شخصي ..
 
عرض العطلة
#17
Cold play ليهم موقع رسمى بتدخلى عليه و بتعرفى معاد الحفلة و بيكونو قايلين امتى الحجز بيبتدى ، و غالبا بيكون الساعة ١٢ بتوقيت لندن فى يوم هما بيحددوه ،و فى حفلات تانية مفتوح الحجز ليها على طول لو لسة فيها اماكن، و بتحجزى بكريدت كارد و بيبعتولك التيكيت على الايميل و بس :) coldplay.com
 
#18
على حسب معلوماتي ان كل سفارات الشينجن مش بتتحكم في الفيزا وده شبه اكيد لان السفارة بتقدم الورق على السيستم بتاع الاتحاد الاوربي وبيجيلهم الرد من السيستم بدون تدخل منهم بس جايز بعض السفارات ممكن تطلب ورق اكتر من متطلبات الشينجن انما في الاخر الاتحاد الاوربي اللي بيدي الفيزا الشينجن
 
#20
من تجربتي. بولندا سخيفة و بتدي على قد المطلوب بالظبط بدون زيادة و single
فرنساراسهل نسبيا ممكن تاخدي شهر لو باسبورك ابيض وورقك سليم ولو سافرتي بعدها ممكن تاخدي تلاتةّ..
والميزة في فرنسا انها الوحيدة اللي مش بتطلب شهادة تحركات.
فوفرتي علي نفسك وقت ..و أرف مجمع التحرير.
 
عرض العطلة
عرض العطلة
عرض العطلة
أعلى أسفل
عودة
قائمة