لعنة الباسبور المصري ✋ اول ما بنفكر نسافر بنفكر هانروح فين و بعد شوية تقليب...

[Mohamed Raafat]

لعنة الباسبور المصري
اول ما بنفكر نسافر بنفكر هانروح فين و بعد شوية تقليب في الخريطه من نوعية "اوديك فين يا وحيد يا ابني بصوت القرموطي" بنكتشف اللعنه و هي اننا مصريين و الباسبور يادوب يدخلنا شرم بالعافيه

الكلام ده مش صح تماما.. طيب ايه الصح؟؟
الباسبور المصري صحيح ضعيف في بعض الدول بس ليه نقط قوه كتير برضو..
مبدأيا انا ضد ان صعب اخد فيزا لاوربا و انا عمري ما سافرت و من مؤيدين ظبط ورقك و قدم و خليك متفائل.. اعرف واحد خد تأشيرة فرنسا بعد تفجيرات باريس ب 3 ايام و هو اول مره يسافر و كمان كان طالب.

ثانيا لو مش هاعرف اسافر دول الاتحاد الاوربي او امريكا و انجلترا و كندا و دول اصعب تأشيرات لينا كمصريين نروح للجانب القوي في باسبورنا حبيبنا.. ازاي؟!!

1- دور علي الدول اللي من غير فيزا او فيزا عند الوصول للمصريين يعني احجز طيارتك و فندقك و حضر شنطتك و سافر و هما تقريبا 48 دوله منهم "ماليزيا - المالديف - كامبوديا - سريلانكا" و هتلاقهم دول جميله جدا و السياحه هناك كتير و اماكن حلوه جدا لشهور العسل

2- الدول اللي تأشيرتها اونلاين زي تركيا لو سنك اصغر من 20 او اكبر من 45 سنه و زي جورجيا و غيرهم

3- الدول اللي تأشيرتها سهله و دي زي "تايلاند - الهند - الامارات - لبنان“ و غيرهم

العالم رسميا فيه 194 دوله ماتحصرش نفسك في 25 دوله و تقول اصلي مصري.. انما لو قافش بقي تسافر الدول دي يبقى زي ما قولنا ظبط ورقك و قدم و انت و حظك

#سافر_انت #السفر_سهل #حقق_حلمك

 

[Mohamed Alsayed Younes Bahader]

كم انت كبير يا حماده والله... ;-)

 

[Mostafa Ibrahim]

كلام صح جدا ما شاء الله عليك

 

[Ali Alkaseh]

شكلك ما بتعرف لعنة الباسبور السوري

 

[Karim Saad]

اقسم بالله اعرف ناس تتمني تخد الجنسية المصرية بس مش عرفين

 

[Abdelrahman Muhammad]

الله عليك

 

[Nesreen Moharram]

الباسبور المصري فخر لي في اي حته بفتخر اني مصريه

 

[Sara Sayed]

كلامك صح جداااا ،،،انا صحبتي اخدت فيزا فرنسا (شنجن) بعد التفجيرات ب حوالي اسبوع وهي كانت واخدة رفض عالفيزا قبلها كذا مرة ،،،الموضوع مش صعب خالص

 

[Islam Fares]

مضبووووط

 

[Yasmine El Akkad]

Thanks for the post and spreading positivity
But there is smthing not true about it visa dubai
Anna basafer lewa7dy kteer
However I travelled dubai alone for business trip 4 years ago last year I planned to go
All travel agencies and ppl working in embassay assured me if I am going to travel dubai alone for tourism I will not and no way to get accepted
As I am a girl traveling alone

 

[Hans Moh Halkan]

ايه رائك ف المانيا. لو صديق المانى بعتلى دعوه ؟

 

[Sahar Mahmoud L-Shenawy]

Hiba Saleh

 

[ياسمين الخشن]

انا عملت كدا لما جيت اسافر اول مره ورحت ماليزيا عشان مدخلش نفسي في حوارات الفيزاو كانت رائعه الحمد لله

 

[Ahmed Eldakhly]

Ebrahim Hassan

 

[Mohamed Sobih]

الله عليك شرح حلو لفوبيا السفر

 

[Sahar Mahmoud L-Shenawy]

مشكلتنا كلها التصريح الامني للطلبة

 

[Amr S Abd Elgwad]

هي الأردن ليها تصريح امني

 

[Akram Essam Mohamed]

لا هو باسبور ضعيف جدا مَش هنضحك على بعض !

 

[Ahmed Samir's]

اواي الامارات تأشيرتها سهلة

 

[Ahmed Yousry]

سريلانكا أصبحت بفيزا من ٦ شهور