السفر العائلي ياجماعة عايزين حد يتكلم عنه شوية لان طبعا التكلفة للأسرة غير...

[Mohamed Sweedy]

السفر العائلي ياجماعة
عايزين حد يتكلم عنه شوية لان طبعا التكلفة للأسرة غير تكلفة الفرد ودي كلها هيدفعها الزوج بس
طبعا مش هقدر اخد بعضي كده بشنطتي واسافر لوحدي
ياريت لو حد عنده تجربه او برنامج لأسرة 4 - 5 افراد يقولنا عليها لان الموضوع مكلف جدا وهيفرق طبعا عن مجموعة شباب طالعين مع بعض بس كل واحد مسؤول عن نفسه بس

واللي موافق علي كلامي وعنده نفس المشكلة يدوس لايك

 

[Zeinab Shawkey]

دا انا هدوس لايك واجيب ناس تدوس معايا

 

[Khaled Badry]

الواقع بيقول ان الاسر مبتسافرش كلها , الاب والام بيسافروا والاولاد بتستني

 

[Ahmed Morsy]

بص يا برنس انا طالع سريلانكا عاءلي
دعواتك بقي

 

[Semsema Ahmed]

انا ف رايي لو اسرة مكونة من ٤ افراد واخدوا اوضه سوا كلهم ف هوستل هيوفروا ف الاقامة وياخدوا اكل معاهم اللي هيكلف اوي الطيران ولو اخدوا مواصلات البلد العادية هيوفروا ف الانتقالات
المشكلة فعلا ف ال attitude بتاع الاطفال المصريين ف السفر يا ماما يا بابا وجري ف الطيارة والباص وعياط غير مبرر وعاوز اعمل بيبي في مكان مينفعش اصلا ويشبط ف حاجات عجيبة وهري فاضي من بتاع العيال

 

[Salma Khaled]

الحاجة الوحيدة اللي بطلع منها من السفر العائلي الوزن لان الاطفال معانا ليهم شنط ووزن فمش بشيل هم الوزن خالص غير كدا تكلفة الطيران بتزيد طبعا و بتضطر تختار بلاد فيها ترفيه كبير انا رحت بالولاد تركيا و دبي حلوين و كلهم فسح عائليه بس دبي غالية جداااااا في الفسح

 

[Ayman Rifaei]

لايك

 

[Amr Ibrahim Diab]

انا ماتجوزتش لحد الان علشان مايجيش يوم واسأل سؤال زي دا

 

[Nody Metawe]

بالعكس انا شايفة ان السفر اما بيكون للاسرة كلها بيكون مليان متعه وسعادة اكتر
لان السعادة في السفر بالصحبة الحلوه

 

[Mohamad Barakat]

سفر الأسر مختلف تماما في اختيار المكان ونوع المكان ده ليه تخطيط مختلف كليا معاك جدا

 

[Mero Marmr]

م

 

[Mahmoud Shabban]

جيت عالجرح

 

[Ahmed Barakat Ibrahim]

حاول تختار بلد لو تعرف فيها حد من العائله او أصحابكم بره انا بحجز ديما عربيه من المطار وانطلق الموضوع بيكون اسهل كثير وحاول تقلل عدد ايام السفر علشان ما تصرفش كثير واختار بلد تزكرتها رخيصه من مصر في بلاد بتكون ارخص في التزاكر لان الضرائب اقل او في طيران اقتصادي بيروحلها اقل بلد ممكن تصرف فيها اليونان هتحتاج تزاكر ل٤أشخاص ب٨٠٠ دولار وحجز فندق متوسط ١٠٠ دولار أسبوع ٧٠٠ دولار وهتصرف يوميا من مواصلات واكل ١٥٠ دولار ٢٦٥٠ دولار غير لو حبيت تشتري حاجه رمزيه هتدخل في ٣٠٠٠ دولار لو لوحدك ممكن ١٠٠٠ دولار وده طبعا علي حسب مصاريفك ممكن تصرف اكثر اقل ونصيحه لو اوربا خد يوروا لان ديما بيبدلوا الدولار بفلوس قليله تقريبا ٦٣:٦٧

 

[Dalia Tawfeeq]

احنا غالبا بنسافر اسرة كاملة زوج وزوجة وأربع ابناء
بصراحة لاني ماحبش اشوف بلد واولادي ميشوفوهاش
خلينا نبدأ من التذاكر
التجهيز للرحلة دي ممكن يكون قبلها بست او تسع شهور عشان تدور على افضل عروض طيران
احنا طلعنا فرنسا الفرد ب٩٠٠ريال من السعودية وقت ما كانت القاهرة من السعودية ب١٤٠٠ريال
طبعا دا بيحتاج تسال كتير في شركات الطيران عالعروض اللي بتتعمل في الاعياد واليوم الوطني وكدا
تاني شيء الهوستل مينفعش انا عندي بنتين ومش حيكونوا مرتاحين
والفندق غالي عشان ست افراد اعتقد الافضل هو الشقة ودا الانسب
كمان لان في اطفال والطبخ حيوفر كتير عن الاكل من برة وخصوصا كمان الفطار والعشا حيبقى سهل يكون فول وأومليت واجبان او كورن فليكس
بصراحة باخد معايا معظم تجهيزات الطبخ ولحوم مجمدة والثلاجة الكبيرة بتفرق في الشقة
باختار شقة فيها غسالة اوتوماتيك عشان نقلل كمية الملابس اللي واخدينها
اختيار الشقة لازم يكون حسب المنطقة واعمار الاطفال شخصيا بافضل مكان جنبه حديقة كبيرة وسوبر ماركت بحيث الاولاد ينزلوا يشتروا أغراض البيت ويروحوا يلعبوا في الحديقة ودا بيقلل العبء عليا وكمان بيقلل مصاريف الفسح
مع الاطفال مش مهم اوي زيارة المتاحف او طلوع برج ايفيل كفاية يقضوا اليوم في حدائق البرج ودا برضو بيقلل تكاليف
مهم نركز على زيارة لمكان يفرق معاهم زي مثلا ديزني باريس او حديقة حيوان روما وندور العروض ونجيب التذاكر من على النت للتوفير
السفر مع الولاد مش مناسب للشوبنج ابدا من حيث المصاريف والوزن ولازم تعملوا حسابكم على كدا من قبل السفر
لو كل واحد يقدر يرتب حقيبة ظهر فقط لنفسه من الاولاد دا حيكون افضل وأسهل لو السفرية فيها كذا مدينة
بخصوص المواصلات حسب البلد في اوروبا باحس افضل المواصلات العامة وبيكون في تذاكر مجمعة ودي بتوفر كتير وميزتها بتصلح لجميع المواصلات في البلد وجميع الخطوط ودا بيعطي حرية للحركة
في ناس بتفضل تأجر سيارة المهم لو حتعمل كدا اتاكد ان مكان اقامتك يشمل موقف سيارة لان اوقات بيكون مفيش واوقات بيكون غير مجاني

 

[Mohamed Samir]

F

 

[Ahmed Abd Elhady]

والله يا معلم انا خدت شنطي وسافرت اتفسحت لوحدي ورجعت مبسوط وزي الفل.
لو عائلي عليك وعالغردقة هتنبسط اووي

 

[Mona Rafat]

Ahmed Algharebلسة بتسال

 

[Marwa Nasr]

السفر العائلي ممتع بس مكلف لان لازم فندق ما ينفعش هوستل ..انا واسرتي طلعنا ماليزيا اسبوع .. حجزنا مع شركه هنا من مصر كان تكلفه السفر والفندق ٤٢الف ده غير ولما وصلنا تعاقدنا مع شركه للتحركات في حدود ١٠٠٠دولار ...ده غير تذاكر الاماكن والأكل هتدفع كمان قد اللي حجزت بيه الفندق والتذاكر احنا كنا ٥افراد ...بس دي كانت اول تجربه لينا ومكناش نعرف ان ممكن نطلع بأقل من كده ...اكتشفنا ان التنقل بالمواصلات اسهل وارخص وان لو اجرنا شقه كان زمنا قعدنا شهر بالفلوس اللي دفعناها في اسبوع

 

[Huda Khalid]

ما عندي تعليق غير الله يكون ب عون هذا الزوج الي كلزم ب تكاليف اسره4-5 افراد ل وحده من طياره ل فنادق ل اكل و شرب و سياحه يا رب الله يوفقه هههههههه انا دايما اسافر وحدي او مع صديقاتي و طبعا كل شي ذتقسم بين الاصحاب بس هي السفره انا مطحونه جدا جدا مطحونه لان هي المرة سفرتي مع الاهل و انا متكفله ب فلرس الفنادق كلها من بداية السفر لل نهايه و معها فلوس طيارتي و طيارة امي هههههههههههه يعني حاسه بل وجع صاحب البوست ههههه بس احسن طريقه والله حسب البلد بس ارخص شي لل اسره شقه مفروشه ارخص ب كثير من الفنادق بس يعني حسب البلد و المدينه !!!

 

[Mohaned Ali Ahlawy]

شقة على AIRBNB بسعر معقول وتاجر عربية طول الفترة ديه من احلول