T
Tarek Mohamed
:: مسافر ::
حقيقى اللى قال .. السفر أدمان وميعرفش معناها غير اللى زى حالاتى اللى بيحب السفر والترحال
كانت البداية سفرية كل كام شهر فى بلد مختلفة .. لحد ما وصل الطموح عندى أنى أفكر اسافر بالكروز بين موانى وبلاد أوروبا المختلفة وبعد ما جهزت كل ترتيبات السفر واللى بعملها بنفسي من حجز طيران وحجز فنادق وحجز كابينة فى الكروز نفسها .. حصلت حاجة فى حجز الكروز بسبب كارت الفيزا بتاعى كان فى مصر المبلغ المسموح به شهريا أقل من سعر تذكرة الكابينة فيها
بعد ما كنت خلاص سافرت وطلعت أوروبا الحجز فى الكروز أتلغى وما ينفعش فيها الكاش
ورب ضارة نافعة .. قررت أعمل كروز لنفسي .. وقررت أطلع كل الدول اللى نفسي أزورها فى سفرية واحدة ويمكن تكون أكتر من اليلاد اللى هتروحها الكروز
كانت البداية اليونان .. نزلت أثينا وطلعت من المطار بتاكسي على الميناء وكان قدامى أختيارين أو جزيرتين جزيرة سانتورينى وجزيرة ميكانوس .
وقررت أطلع جزيرة ميكانوس وكانت أفضل أختيار نزلت فى الجزيرة حسيت أن العالم كله معايا فى الجزيرة من كمية السفن والبواخر والجنسيات المختلفة .. حجزت فى فندق عن طريق بوكينج كالعادة لانه بيعطينى خصم 20%
وقضيت في الجزيرة يومين من اجمل أيام حياتى .. وقلت كفاية كدة لسة السفريات كتيرة .. ورجعت أثينا ونزلت فى منطقة أسمها كلفادا .. هى منطقة راقية وتعتبر سنتر فيها كل أنواع المحلات والمطاعم والكافيهات وخصوصا مطاعم السمك اليونانى اللى مش هشوف مطاعهم زيها
بعد كدة طلعت على المطار حجزت طيران أقتصادى وده بيكون بين الدول الاوربية وبتكون سعر التذكرة من 70 ل 200 يورور على حسب البلد والمسافات
حجزت على حبيبتى وعشقى أمستردام حجزت فندق فى السنتر فى ميدان الدام أسمه سوستيل أمسترادام والفنادق فى هولندا شبه غالية شوية .. لفيت فى السنتر وفى شوارع أمستردام الجميلة وشميت ريحة المخدرات المنتشرة فى كل الكافيهات والحمد لله أنى مش مدخن ولا بحب التدخين وطبعا شوارع الرد لايت لازم تعدى عليها فى الرايحة واللى جاية
وفيه مكتب موجود له فروع فى كل شارع هناك أسمه ترافل أند تكت بيعمل رحلات مختلفة فى جميع أنحاء أمسترادم سواء باص أمسترادام أو زيارة لقرية هولندية ومصانع الجبنة .. وحجزت فى رحلة منهم طول اليوم كانت ب 70 يورو لأحد القرى الهولندية ومصانع الجبنة الشهيرة والمتاحف القديمة وأحد الجزر الجميلة الرائعة
تركت هولندا وأنا كلى حزن من الجمال اللى سيبته فيها ..
وطلعت على المطار حجزت على باريس .. وحجزت اونلاين عن طريق بوكينج فى فندق فى السنتر والمفاجاة انه طلع على شارع الشانزليزيه مباشرة
وبعد راحة قصيرة فى الفندق نزلت على الشانزليزيه قضيت فيه اليوم كله .. وتانى يوم ركبت باص باريس والباصات دى موجودة فى كل عواصم أوروبا باص كبير بدورين مفتوح بيروح فى كل الاماكن السياحية فى البلد ولو عايز تنزل تزور المكان ده وتركب الباص اللى بعده بنفس التذكرة .. رحت برج ايفيل وقوس النصر ومتحف اللوفر
بعد باريس السفر من مطار باريس لبرشلونة فى أسبانيا
ودايما لما بحجز فى اى فندق أختار السنتر لانها قلب العاصمة .. ونزلت برشلونة اللى مكنتش متوقع أنها تكون بالجمال والرقى ده
ونزلت شارع أسمه الرمبلة وده شارع حيوي ومشهور جدا فى برشلونة
وتانى يوم نزلت وركبت المترو ورحت نادى العشق نادى برشلونة واستاد الكامب نو .. وده مش مجرد نادى او أستاد .. ده متحف بمعنى الكلمه .. وكل خطوة فيه بتستمتع بكل ركن فيها
الرحلة كانت طويلة وفيها تفاصيل كتيرة وجميلة وصور كتيرررة .. بس مش عايز اطول عليكم اكتر من كدة
بس برضه هحجز السنة دى فى الكروز
السفر متعة مافيش كلام .
كانت البداية سفرية كل كام شهر فى بلد مختلفة .. لحد ما وصل الطموح عندى أنى أفكر اسافر بالكروز بين موانى وبلاد أوروبا المختلفة وبعد ما جهزت كل ترتيبات السفر واللى بعملها بنفسي من حجز طيران وحجز فنادق وحجز كابينة فى الكروز نفسها .. حصلت حاجة فى حجز الكروز بسبب كارت الفيزا بتاعى كان فى مصر المبلغ المسموح به شهريا أقل من سعر تذكرة الكابينة فيها
بعد ما كنت خلاص سافرت وطلعت أوروبا الحجز فى الكروز أتلغى وما ينفعش فيها الكاش ورب ضارة نافعة .. قررت أعمل كروز لنفسي .. وقررت أطلع كل الدول اللى نفسي أزورها فى سفرية واحدة ويمكن تكون أكتر من اليلاد اللى هتروحها الكروز
كانت البداية اليونان .. نزلت أثينا وطلعت من المطار بتاكسي على الميناء وكان قدامى أختيارين أو جزيرتين جزيرة سانتورينى وجزيرة ميكانوس .
وقررت أطلع جزيرة ميكانوس وكانت أفضل أختيار نزلت فى الجزيرة حسيت أن العالم كله معايا فى الجزيرة من كمية السفن والبواخر والجنسيات المختلفة .. حجزت فى فندق عن طريق بوكينج كالعادة لانه بيعطينى خصم 20%
وقضيت في الجزيرة يومين من اجمل أيام حياتى .. وقلت كفاية كدة لسة السفريات كتيرة .. ورجعت أثينا ونزلت فى منطقة أسمها كلفادا .. هى منطقة راقية وتعتبر سنتر فيها كل أنواع المحلات والمطاعم والكافيهات وخصوصا مطاعم السمك اليونانى اللى مش هشوف مطاعهم زيها
بعد كدة طلعت على المطار حجزت طيران أقتصادى وده بيكون بين الدول الاوربية وبتكون سعر التذكرة من 70 ل 200 يورور على حسب البلد والمسافات
حجزت على حبيبتى وعشقى أمستردام حجزت فندق فى السنتر فى ميدان الدام أسمه سوستيل أمسترادام والفنادق فى هولندا شبه غالية شوية .. لفيت فى السنتر وفى شوارع أمستردام الجميلة وشميت ريحة المخدرات المنتشرة فى كل الكافيهات
والحمد لله أنى مش مدخن ولا بحب التدخين وطبعا شوارع الرد لايت لازم تعدى عليها فى الرايحة واللى جاية وفيه مكتب موجود له فروع فى كل شارع هناك أسمه ترافل أند تكت بيعمل رحلات مختلفة فى جميع أنحاء أمسترادم سواء باص أمسترادام أو زيارة لقرية هولندية ومصانع الجبنة .. وحجزت فى رحلة منهم طول اليوم كانت ب 70 يورو لأحد القرى الهولندية ومصانع الجبنة الشهيرة والمتاحف القديمة وأحد الجزر الجميلة الرائعة
تركت هولندا وأنا كلى حزن من الجمال اللى سيبته فيها ..
وطلعت على المطار حجزت على باريس .. وحجزت اونلاين عن طريق بوكينج فى فندق فى السنتر والمفاجاة انه طلع على شارع الشانزليزيه مباشرة
وبعد راحة قصيرة فى الفندق نزلت على الشانزليزيه قضيت فيه اليوم كله .. وتانى يوم ركبت باص باريس والباصات دى موجودة فى كل عواصم أوروبا باص كبير بدورين مفتوح بيروح فى كل الاماكن السياحية فى البلد ولو عايز تنزل تزور المكان ده وتركب الباص اللى بعده بنفس التذكرة .. رحت برج ايفيل وقوس النصر ومتحف اللوفر
بعد باريس السفر من مطار باريس لبرشلونة فى أسبانيا
ودايما لما بحجز فى اى فندق أختار السنتر لانها قلب العاصمة .. ونزلت برشلونة اللى مكنتش متوقع أنها تكون بالجمال والرقى ده
ونزلت شارع أسمه الرمبلة وده شارع حيوي ومشهور جدا فى برشلونة
وتانى يوم نزلت وركبت المترو ورحت نادى العشق نادى برشلونة واستاد الكامب نو .. وده مش مجرد نادى او أستاد .. ده متحف بمعنى الكلمه .. وكل خطوة فيه بتستمتع بكل ركن فيها
الرحلة كانت طويلة وفيها تفاصيل كتيرة وجميلة وصور كتيرررة .. بس مش عايز اطول عليكم اكتر من كدة
بس برضه هحجز السنة دى فى الكروز
السفر متعة مافيش كلام .