I
Islam Hashish
:: مسافر ::
من يومين كان بوست خاص بمدينة جابالا شمال اذربيجان
نطلع كمان للشمال في مدينة رائعة محندقة اسمها شيكي Sheki
بيسموها مدينة الحرير
اجمل حرير طبيعي ورخيص تقدر تشتريه من هناك، وكمان سجاد حرير
البلد قديمة جدا وفيها بيوت وشوارع من ٢٧٠٠ سنة والناس هناك طيبين
جمال السفر لاماكن بعيدة والتعامل مع شعوب ممكن يكون منهم اول مرة يشوف مصريين او عرب، مع ان اللغة مختلفة والواحد بيجيب كام كلمة روسي من هنا على اذربيجاني من برنامج ترجمة صوتية ، لكن لغة العبون والاشارة بين البشر بيكون لها حضور قوي
المرة دي خرجت عن المالوف اني انزل في فندق ، ونزلت في كوخ، وكانت درجة الحرارة -١٧
والصبح فطار اذربيجاني ريفي من العسل والزبدة والجبنة وطبعا الشاي مع المربى
البلد مشهورة باكلة بنفس الاسم اسمها شيكي بيتي و هيه عبارة عن لحم ضاني (رهييييب) مطبوخ في قدر وبيتقدم لوحده والشوربة لوحدها مع خبز محلي ، تفتت الخبز في الشوربة
وفيه نوعية حلويات خاصة بالبلد وهما الوحيدين اللي بيعملوها وسر صنعتها عندهم، شبه الكنافة
فيه معبد الباني يعتبر من اقدم المعابد، موجود في شيكي
العرب وصلوا هناك من زمان ، واكبر قصر مبني عن طريق مقاول عربي من زمان سنة ١٧٩٢ وطريقة البناء فريدة من نوعها ومزج بين الزجاج الملون والخشب بيسموا القصر خان وكان مقر الحكم
وفيه استراحة كبيرة تعتبر اول فندق للتجار بيسموه ساراي
التاجر ينام و كمان فيه مكان يحط فيه الابل او الخيول
فيه مسجد كبير ويعتبر مدرسة اسلامية، صليت هناك واتكلمت مع اهل المدينة وكانوا مرحبين جدا بالواحد
#مدينة_شيكي
#أذربيجان
#إسلام_حشيش
نطلع كمان للشمال في مدينة رائعة محندقة اسمها شيكي Sheki
بيسموها مدينة الحرير
اجمل حرير طبيعي ورخيص تقدر تشتريه من هناك، وكمان سجاد حرير
البلد قديمة جدا وفيها بيوت وشوارع من ٢٧٠٠ سنة والناس هناك طيبين
جمال السفر لاماكن بعيدة والتعامل مع شعوب ممكن يكون منهم اول مرة يشوف مصريين او عرب، مع ان اللغة مختلفة والواحد بيجيب كام كلمة روسي من هنا على اذربيجاني من برنامج ترجمة صوتية ، لكن لغة العبون والاشارة بين البشر بيكون لها حضور قوي
المرة دي خرجت عن المالوف اني انزل في فندق ، ونزلت في كوخ، وكانت درجة الحرارة -١٧
والصبح فطار اذربيجاني ريفي من العسل والزبدة والجبنة وطبعا الشاي مع المربى
البلد مشهورة باكلة بنفس الاسم اسمها شيكي بيتي و هيه عبارة عن لحم ضاني (رهييييب) مطبوخ في قدر وبيتقدم لوحده والشوربة لوحدها مع خبز محلي ، تفتت الخبز في الشوربة
وفيه نوعية حلويات خاصة بالبلد وهما الوحيدين اللي بيعملوها وسر صنعتها عندهم، شبه الكنافة
فيه معبد الباني يعتبر من اقدم المعابد، موجود في شيكي
العرب وصلوا هناك من زمان ، واكبر قصر مبني عن طريق مقاول عربي من زمان سنة ١٧٩٢ وطريقة البناء فريدة من نوعها ومزج بين الزجاج الملون والخشب بيسموا القصر خان وكان مقر الحكم
وفيه استراحة كبيرة تعتبر اول فندق للتجار بيسموه ساراي
التاجر ينام و كمان فيه مكان يحط فيه الابل او الخيول
فيه مسجد كبير ويعتبر مدرسة اسلامية، صليت هناك واتكلمت مع اهل المدينة وكانوا مرحبين جدا بالواحد
#مدينة_شيكي
#أذربيجان
#إسلام_حشيش