M
Muhammad Abdel Rahman
:: مسافر ::
ماليزيا الجميلة...
لسبب ما كنت معتقد ان الدول اللي احنا كمصريين بندخلها من غير فيزا مش حلوة اوي او بالاصح مكنتش متشجع اوي اني ازورها.....كنت مخطط ازور صربيا والبوسنة وكالعادة Plan A دايماً بتخذلني بس انا محدد اني في ديسمبر هكون في مكان ما في العالم برة مصر ولقيت نفسي في الاخر بقول لنفسي مفيش غير اسيا حبيبتي اللي قضيت فيها ايام عمري ما هنساها في فيتنام، اسيا اللي بترحب بكل الاديان والالوان والجنسيات!
العالم مليان اماكن جميلة احنا اللي بنحب نصعبها علي نفسنا!
عموماً كانت خطتي كالتالي: هزور تايلاند ومنها هروح ماليزيا 9 ايام تايلاند و6 ايام ماليزيا
في اليوم السادس وانا في مدينة كرابي في تايلاند قررت اني اعكس الخطة 6 ايام في تايلاند و9 في ماليزيا يمكن عشان صرفت فلوس كتير في تايلاند وكان في ناس كتير في ماليزيا بعتالي انها تقدر تستضيفني علي Couch surfing فحسيت اني هقدر اوفر فلوس في ماليزيا!
المهم خدت طيارة من كرابي لكوالا لمبور نزلت Klia 2 الجميل جداً واخدت ختم علي الباسبور يخليني اقعد في ماليزيا لمدة 90 يوم وطلعت من المطار علي محطة الباص اللي منها خدت اتوبيس وصلني لمحطة مترو وكانت البنت اللي مستضيفاني مستنياني هناك بالعربية
ملاحظات سريعة علي ماليزيا ومدينة كوالا:
1- 90% من الناس بتتكلم انجليزي كويس حتي سواقين التاكسي والباص بيتكلموا انجليزي!
اول مرة اروح بلد الاقي اغلب الناس فيه بتتكلم انجليزي كويس!
2- انت لو قاصد تتوه في كوالا مش هتعرف تتوه لان كل حاجة واضحة جدا، المترو هتلاقي فيه لافتات بتقولك ازاي تغير من خط مترو لخط تاني او من المترو للقطر اللي بيروح المطار او batu caves
3- كان انطباعي عن ماليزيا انها دولة كلها مسلمين لما رحت هناك اتفاجأت ان ماليزيا 65% مالاي مسلمين
25% صينيين بوذيين و5% هنود وقابلت هناك مالاي مسلمين وصينين وهنود وكنت اقابل الماليزي ياخدني مطعم فيه اكل ماليزي ويعرفني علي اصحابه الماليزين، الصيني ياخدني مطعم صيني والهندي وهكذا
الجميل انك كل ما تقابل الاعراق المختلفة دي بتحس انك زرت ماليزيا والصين والهند!
بالمناسبة احلي اكل اكلته كان اكل تايواني رهيب بجد
4- شعب طيب جدا جدا وراقي جدا جدا، اكتر دولة سافرتها لقيت ناس تستضيفني في كل مدينة زرتها كانت ماليزيا!
وال3 اللي استضافوني حاولوا علي قد ما يقدروا يخلوني اوفر فلوس! ويعرفوني علي ثقافة وعادات وتقاليد وتاريخ البلد انا استمتعت بكلامي مع الlocals اكتر من استمتاعي بالبلد نفسها!
5- كوالا مدينة اغلب بيوتها والمباني اللي فيها ملونة وتحس براحة نفسية كبيرة وانت بتتمشي في شوارعها خصوصاCHINE TOWN!، مدينة امان جدا جدا وساحرة خصوصا في الليل
6- في محطة القطر هتلاقي دايما Reading area شعب بيهتم بالقراءة
7- محطة الباص اللي بتروح منها لاي مدينة Tbs تحس انك في مطار مش محطة باص تماماً.
8- الاكل رخيص والمواصلات رخيصة حتي بعد التعويم بس المهم تعرف تاكل فين ومتركبش تاكسي ولو اتزنقت اركب اوبر.
9- انا عارف انها ممكن تكون معلومة ناس كتير متعرفهاش.. لما كنت بقول لاصحابي الماليزين احنا بنعاني في مصر عشان ناخد فيزا شينجن لقيتهم بيقولولي احنا بنخش اوروبا واستراليا و135 دولة حوالين العالم من غير فيزا!!! وبياخدوا فيزا امريكا وكندا بسهولة
10- المواصلات العامة سواء المترو او الباص او القطر اللي اقدر اقوله عن المواصلات انهم بيحترموا ادمية الناس!
11- في كوالالمبور وبينانج ومالاكا وسالنجور لقيت ماليزين يستضيفوني فكنت بعيد عن الاماكن السياحية وقدرت اعيش لمدة 9 ايام في الاحياء السكنية في كل مدينة من دول واشوف حياة الناس بجد بعيد عن اسلوب الحياة البلاستيك الموجود في اي مكان سياحي، كنت منبهر بصراحة بأد اية الطرق هناك والبنية التحتية ممتازة! وحسيت للحظة ان دي مش اسيا اللي احنا بنسمع عنها وان ماليزيا شبه اوروبا!
12- الدولة الوحيدة اللي رحتها وانبهرت بالجرافيتي الموجودة في كل مكان خصوصا بينانج <3
13- حاول علي قد ما تقدر تقابل locals في كل دولة تزورها، احنا بنشوف اماكن جميلة كتير في حياتنا ومع الوقت بننساها انما عمرنا ما بننسي الناس الكويسة اللي بنقابلها خلال سفرنا، انا زرت روسيا وجورجيا وتايلاند وفيتنام ودول تانية... ونسيت اماكن كتيرة جميلة زرتها... بس عمري ما نسيت الناس اللي قابلتها دول فعلا كنز اي رحلة..
14- احنا بنسافر عشان نتعلم مش عشان نتفسح بس، بنسافر عشان نشوف ثقافات مختلفة ونقابل ناس مختلفة بافكار مختلفة ونعرف اننا مش لوحدنا اللي عايشين علي الكوكب دة، ودة اللي بيخيلنا اذكي ومبدعين اكتر واكتر تقبلاً للرأي الاخر والعقائد والديانات واي اختلافات بين البشر،
افتح عينك علي كل الاختلافات اللي هتشوفها في اي رحلة.. اكيد هتلاقي حاجات كتير هتتعلم منها وهتأثر معاك في حياتك في المستقبل.
15- اكتر حاجة اتعلمتها من رحلتي لماليزيا وتايلاند ان كل واحد فينا بيشوف الجمال بشكل مختلف، واحد بالنسباله الجمال في الشواطئ الجميلة واحد تاني الجمال بالنسباله في العمارة والاماكن التاريخية وناس بتسافر عشان الشوبنج بالنسبالها من اهم الحاجات
اوعي تسمع لحد السفر تجربة وكل واحد بيحكم علي البلاد اللي زارها من تجربته!
سافر وشوف بنفسك واتعلم وشوف الجمال بعينك انت!
المهم يومين في كوالا قابلت اكتر من 10 locals ما بين ماليزين مالاي – ماليزين صينين – ماليزين هنود ويابانيين
ال experience بتاعتي في كوالا كانت جميلة جدا وعلي الرغم اني لفيت في المدينة كلها بس كنت مش عايز اسيبها بصراحة!
انا مش عارف ان كنت هرجع ماليزيا تاني ولا لأ عشان انا مقرر مرجعش بلد سافرتها قبل كدة وازور بلاد جديدة مختلفة في قارات مختلفة ، بس اكيد انا حابب ارجع مرة تانية لماليزيا واشوف البلد الجميلة دي مرة تانية واشوف اصحابي مرة تانية <3
هكمل ليكم في البوست الجاي رحلتي لمالاكا وبينانج
بالمناسبة شوفوا الصور كل صورة هتلاقوا مكتوب تحتها اسم المدينة
لسبب ما كنت معتقد ان الدول اللي احنا كمصريين بندخلها من غير فيزا مش حلوة اوي او بالاصح مكنتش متشجع اوي اني ازورها.....كنت مخطط ازور صربيا والبوسنة وكالعادة Plan A دايماً بتخذلني بس انا محدد اني في ديسمبر هكون في مكان ما في العالم برة مصر ولقيت نفسي في الاخر بقول لنفسي مفيش غير اسيا حبيبتي اللي قضيت فيها ايام عمري ما هنساها في فيتنام، اسيا اللي بترحب بكل الاديان والالوان والجنسيات!
العالم مليان اماكن جميلة احنا اللي بنحب نصعبها علي نفسنا!
عموماً كانت خطتي كالتالي: هزور تايلاند ومنها هروح ماليزيا 9 ايام تايلاند و6 ايام ماليزيا
في اليوم السادس وانا في مدينة كرابي في تايلاند قررت اني اعكس الخطة 6 ايام في تايلاند و9 في ماليزيا يمكن عشان صرفت فلوس كتير في تايلاند وكان في ناس كتير في ماليزيا بعتالي انها تقدر تستضيفني علي Couch surfing فحسيت اني هقدر اوفر فلوس في ماليزيا!
المهم خدت طيارة من كرابي لكوالا لمبور نزلت Klia 2 الجميل جداً واخدت ختم علي الباسبور يخليني اقعد في ماليزيا لمدة 90 يوم وطلعت من المطار علي محطة الباص اللي منها خدت اتوبيس وصلني لمحطة مترو وكانت البنت اللي مستضيفاني مستنياني هناك بالعربية
ملاحظات سريعة علي ماليزيا ومدينة كوالا:
1- 90% من الناس بتتكلم انجليزي كويس حتي سواقين التاكسي والباص بيتكلموا انجليزي!
اول مرة اروح بلد الاقي اغلب الناس فيه بتتكلم انجليزي كويس!
2- انت لو قاصد تتوه في كوالا مش هتعرف تتوه لان كل حاجة واضحة جدا، المترو هتلاقي فيه لافتات بتقولك ازاي تغير من خط مترو لخط تاني او من المترو للقطر اللي بيروح المطار او batu caves
3- كان انطباعي عن ماليزيا انها دولة كلها مسلمين لما رحت هناك اتفاجأت ان ماليزيا 65% مالاي مسلمين
25% صينيين بوذيين و5% هنود وقابلت هناك مالاي مسلمين وصينين وهنود وكنت اقابل الماليزي ياخدني مطعم فيه اكل ماليزي ويعرفني علي اصحابه الماليزين، الصيني ياخدني مطعم صيني والهندي وهكذا
الجميل انك كل ما تقابل الاعراق المختلفة دي بتحس انك زرت ماليزيا والصين والهند!
بالمناسبة احلي اكل اكلته كان اكل تايواني رهيب بجد
4- شعب طيب جدا جدا وراقي جدا جدا، اكتر دولة سافرتها لقيت ناس تستضيفني في كل مدينة زرتها كانت ماليزيا!
وال3 اللي استضافوني حاولوا علي قد ما يقدروا يخلوني اوفر فلوس! ويعرفوني علي ثقافة وعادات وتقاليد وتاريخ البلد انا استمتعت بكلامي مع الlocals اكتر من استمتاعي بالبلد نفسها!
5- كوالا مدينة اغلب بيوتها والمباني اللي فيها ملونة وتحس براحة نفسية كبيرة وانت بتتمشي في شوارعها خصوصاCHINE TOWN!، مدينة امان جدا جدا وساحرة خصوصا في الليل
6- في محطة القطر هتلاقي دايما Reading area شعب بيهتم بالقراءة
7- محطة الباص اللي بتروح منها لاي مدينة Tbs تحس انك في مطار مش محطة باص تماماً.
8- الاكل رخيص والمواصلات رخيصة حتي بعد التعويم بس المهم تعرف تاكل فين ومتركبش تاكسي ولو اتزنقت اركب اوبر.
9- انا عارف انها ممكن تكون معلومة ناس كتير متعرفهاش.. لما كنت بقول لاصحابي الماليزين احنا بنعاني في مصر عشان ناخد فيزا شينجن لقيتهم بيقولولي احنا بنخش اوروبا واستراليا و135 دولة حوالين العالم من غير فيزا!!! وبياخدوا فيزا امريكا وكندا بسهولة
10- المواصلات العامة سواء المترو او الباص او القطر اللي اقدر اقوله عن المواصلات انهم بيحترموا ادمية الناس!
11- في كوالالمبور وبينانج ومالاكا وسالنجور لقيت ماليزين يستضيفوني فكنت بعيد عن الاماكن السياحية وقدرت اعيش لمدة 9 ايام في الاحياء السكنية في كل مدينة من دول واشوف حياة الناس بجد بعيد عن اسلوب الحياة البلاستيك الموجود في اي مكان سياحي، كنت منبهر بصراحة بأد اية الطرق هناك والبنية التحتية ممتازة! وحسيت للحظة ان دي مش اسيا اللي احنا بنسمع عنها وان ماليزيا شبه اوروبا!
12- الدولة الوحيدة اللي رحتها وانبهرت بالجرافيتي الموجودة في كل مكان خصوصا بينانج <3
13- حاول علي قد ما تقدر تقابل locals في كل دولة تزورها، احنا بنشوف اماكن جميلة كتير في حياتنا ومع الوقت بننساها انما عمرنا ما بننسي الناس الكويسة اللي بنقابلها خلال سفرنا، انا زرت روسيا وجورجيا وتايلاند وفيتنام ودول تانية... ونسيت اماكن كتيرة جميلة زرتها... بس عمري ما نسيت الناس اللي قابلتها دول فعلا كنز اي رحلة..
14- احنا بنسافر عشان نتعلم مش عشان نتفسح بس، بنسافر عشان نشوف ثقافات مختلفة ونقابل ناس مختلفة بافكار مختلفة ونعرف اننا مش لوحدنا اللي عايشين علي الكوكب دة، ودة اللي بيخيلنا اذكي ومبدعين اكتر واكتر تقبلاً للرأي الاخر والعقائد والديانات واي اختلافات بين البشر،
افتح عينك علي كل الاختلافات اللي هتشوفها في اي رحلة.. اكيد هتلاقي حاجات كتير هتتعلم منها وهتأثر معاك في حياتك في المستقبل.
15- اكتر حاجة اتعلمتها من رحلتي لماليزيا وتايلاند ان كل واحد فينا بيشوف الجمال بشكل مختلف، واحد بالنسباله الجمال في الشواطئ الجميلة واحد تاني الجمال بالنسباله في العمارة والاماكن التاريخية وناس بتسافر عشان الشوبنج بالنسبالها من اهم الحاجات
اوعي تسمع لحد السفر تجربة وكل واحد بيحكم علي البلاد اللي زارها من تجربته!
سافر وشوف بنفسك واتعلم وشوف الجمال بعينك انت!
المهم يومين في كوالا قابلت اكتر من 10 locals ما بين ماليزين مالاي – ماليزين صينين – ماليزين هنود ويابانيين
ال experience بتاعتي في كوالا كانت جميلة جدا وعلي الرغم اني لفيت في المدينة كلها بس كنت مش عايز اسيبها بصراحة!
انا مش عارف ان كنت هرجع ماليزيا تاني ولا لأ عشان انا مقرر مرجعش بلد سافرتها قبل كدة وازور بلاد جديدة مختلفة في قارات مختلفة ، بس اكيد انا حابب ارجع مرة تانية لماليزيا واشوف البلد الجميلة دي مرة تانية واشوف اصحابي مرة تانية <3
هكمل ليكم في البوست الجاي رحلتي لمالاكا وبينانج
بالمناسبة شوفوا الصور كل صورة هتلاقوا مكتوب تحتها اسم المدينة