السلام عليكم. احب اشارككم تجربتي في السفر لوحدي ل تايلاند و لاوس و فيتنام ف...

[Shady M. Refaat]

السلام عليكم.
احب اشارككم تجربتي في السفر لوحدي ل تايلاند و لاوس و فيتنام ف رحله واحدهز
اول حاجه الفيزا : تايلاند من اسهل الدول للفيزا
بتروح السفاره في الدقي من 9 ل 11 الصبح و معاك الاتي
كشف حساب بنكي لاخر 6 شهور م لايقل عن 10000
HR Letter
2 صوره شخصيه
صوره للباسبور
الباسبور لازم يكون ساري 6 شهور و فيه صفحات فاضيه
حجز الفندق و ده من booking.co
تذكره الطيران (حجز وهمي) من اش شركه سياحه ف حدود 30 ل 50 جنيه
الفيزا ب 300 جنيه بتاخدها بعدها ب يومين عمل من 3 ل 4 مساء
ثانيا تذكره الطيران من skyscanner او kayakف حدود 3600
لو انت طالب لازم تصريح امني .
3 - هتنزل ف بانكوك ف هوستيل بيبدا ب 50 جنيه في الليله بالفطار من booking.com
في اماكن كتير ف بانكوك للزياره زي المعابد او متحف الشمع ممكن تعرف كل الاماكن الي تستاهل تزورها من www.tripadvisor.com
الاكل هناك سيء جدا و مش حلال ف انا كنت عايش علي الخضار و السي فوود
متعدش ب بانكوك اكتر من يومين و تطلع علي طول علي بوكيت ممكن طيران رايح جي نت www.airasia.com ب 600 جنيه او ممكن تركب باص ب 400 جنيه رايح جاي.
الرحلات ف بوكيت كتييره اوي و في جزر كتيير جدا و مكاتب الرحلات منتشره بس لازم تفاصل طبعا ممكن تعد ف بوكيت اسبوع و ترجع تاني بانكوك.
لاوس (جنه الله في الارض) .
فيزا اول متوصل ب 30 دولار
من بانكوك تروح محطه القطر hualamphong
تحجز قطر درجه تانيه نوم مكيف ل محطه nong khaiف حدود 250 جنيه 12 ساعه من 8 مساء ل 8 صباحا
هتنزل من المحطه تاخد توكتوك لا تقريبا 10 جنيه توصل الحدود تاخد الفيزا و تركب باص ب 3 جنيه ل لاوستقريبا 2 كيلو كوبري بين تايلاند ل لاوس.
هتنزل في العاصمه ..فينتيان .تاخد باص لحد وسط البلد ب 6 جنيه برضو تنزل ف هوستيل ف حدود 60 جنيه .
ممكن تنزل تكتشف البلد و تحجز تذكره للباص ل لوانج برابانج من 11 بليل (باص نوم فيه سراير )7 ساعات. ف حدود 150 جنيه
هتنزل تلاقي اتوبيسات بتروح شلالات كوانج سي ب 50 جنيه رايح جاي و تذكره دخول الشلالات ب 20 جنيه بس حاجه وهم . متعه مش طبيعيه و لون الميا تركواز .
في مدينه اسمها فانجفينج فيها رحلات كتييره زي بلو لاجوون .
..
نيجي بقي ل احلي دوله من وجهه نظري فيتنام .ممكن تروحها من لوانج برابانج باص ب 150 جنيه 17 ساعه او توفر وقت و تحجز طيران ساعه واحده ب 400 جنيه

فيتنام من البلاد الجميله اوي محدش يعرف حاجه عنهاغير انها كانت في
الحرب العالميه ..
اولا الفيزا سهله جدا online visa بتدخل علي الويب سايت
/Vietnam Visa on Arrival | Apply Visa Online - Vietnam-Visa.com
و بتجهز معاك صورتين 4x6 و بتملي الابليكيشن و تدفع 15 دولار و بيجيلك ايميل بالموافقه و بتدفع 25 دولار في في المطار اول متوصل و تاخد الفيزا.
فيتنام فيها 17 مدينه روعه تبدا المغامره من العاصمه hanoi في الشمال لحد مدينه اسمها ho chi minh في الجنوب
الرحلات هناك كتيير اوي و مش غاليه ف حدود 25 دولار للرحله بي لازم تفاصل . ممكن يقولك 50 دولار انزل النص علي طول
في هوستيلز كتير اوي و بتبدا ب 5 دولار في الليله شامله الفطار من www.booking.com

الجو هناك حلو اوي تحس انك ف وسط البلد و ممطر علي طول و معتدل...
Halong bay
tam coc
مدينة Phong Nha، فيها أكبر مجموعة كهوف في العالم، ٣٠٠ كهف طوله ١٢٦كم
Dalat city
Ho chi minh
hanoi
دي احسن الاماكن و المدن ف فيتنام وهتستمتع بالمناظر الطبيعيه الرحلات بتبتدي من 25 دولار و مكاتب الرحلات منتشره اكتر من الفنادق

ملحوظه : لازم تعمل re entry قبل متسيب تايلاند عشان ترجع تاني تاخد الطياره من بانكوك ف كده هتدفع 300 جنيه تاني عالحدود قبل متروح لاوس.
عمله تايلاند البات ... الجنيه يساوي 4 بات تقريبا
عمله لاوس هي الكيب اللاوسي KIP .. الجنيه يساوي 1000 KIP .
عمله فيتنام الدونج الفيتنامي و ده الدولار يساوي 20000 dong

اسف للاطاله و لو في اي استفسار علي اي حاجه انا موجود

 

[Sara Hassan]

شرح تفصيلى رائع

 

[Amr Elsayed]

والله انت واد جدع

 

[Mohammed Zakaria Abou Taqa]

عاااش

 

[Yasser Ali]

تسلم تقرير ممتاز بس بالنسبه لفيتنام بما انها الاجمل من وجهة نظرك ايه المميز اللى فيها ؟؟ غير اسماء المدن ايه ممكن نزوره هناك اماكن معينه مثلا ؟؟

 

[Mahy F El-Shamy]

Ahmed Hamdy El Bamby

 

[Shady M. Refaat]

تصريح للسفر للطلبه فقط .. محدش قالي حاجه في المطار

 

[Mohamed Ehab]

فعلا شاب ممتاز لا يبخل بلمعلومه جزاكم الله خيرا

 

[Mohamed Ehab]

 

[Sherien AbdelAziz Mahrous]

حمدى عبد الحميد الزعيري

 

[Moutaz Mohamed]

Ahmed Rabea check

 

[Ranih Adams]

انا مش فاهمة حوار فيزا تايلاند انى لازم ادفع علشان اعمل re-entry

 

[Shady M. Refaat]

اه 1000 بات

 

[Ahmed Emad]

Alaa Yassine

 

[Tareq Mamdouh]

باشا الرحلة كلها اتكلفت حوالي كام

 

[Alaa Yassine]

خلينا في فيتنام

 

[Ahmed Emad]

وماله يكبيير

 

[Safwat AbdEl Barry]

برافو عليك

 

[Shặmş Ăhmễd]

بعتلك خاص من فضلك رد عليا

 

[Tarek Abozekry]

حقيقى الله ينور عليك انا بفكر بس انسب الاوقات للسفر شهر ايه فى السنة