ه
هشام عاصم
:: مسافر ::
تفاصيل الدخول للولايات المتحدة أول مرة . . .
انا حصلت علي فيزا سياحة B1 من اسطنبول في شهر يناير اللي فات . و قلت اجي اسبوعين في شهر ابريل . . .
فمن شهرين دورت علي كذا موقع للتذاكر , ولقيت علي سكاي سكانر سعر تقريبا 450 دولار , علي طيران دلتا الامريكي , واللي هو متعاقد مع اير فرانس , فالطيارة طلعت من اسطنبول علي شارل ديجول في باريس , ومنها لمطار نيوراك في نيوجيرسي . . .
في مطار اتاتورك في اسطنبول كان التدقيق الامني فوق العادي , الموظفة في كاونتر الشنط في الاول قالتلي رايح فين في امريكا ؟ و عنوانك ايه هناك . . .
وشوية و ختمت من الظابط مغادرة , لما رحت علي بوابة الطيارة الاولي اللي رايحة باريس , كان فيه موظفين من اير فرانس , و الموظفة مسكت الباسبور , و قعدت تفرك في الفيزا عشان تتاكد انها حقيقية , و حطوها علي جهاز يعمل سكان ليها و هكذا
وصلنا باريس بعد 3 ساعات و نص . . .
اول ما خرجنا من باب الطيارة لقينا اتنين ضباط فرنسيين , بيفحصو ورق كل اللي داخل , و نفس الحوار , قعد يتاكد من صلاحية الفيزا , ومعاه عدسة زي الي مع بتوع الدهب عشان يشوف الفيزا سليمة ولا لا
مطار شارل ديجول تحفة , فوق الرائع الحقيقة . . .
بس مصيبة الحمامات بتاعته ( زي كل اوروبا و امريكا ) مفيهاش شطاف , و انت تعامل بقي بالمناديل , و صباح العك
جيت ادور علي مكان اصلي فيه , لقيت يافطة
Prayer Room
قلت اشطة , دخلت , لقيت فيه 3 غرف , الاولي عليها هلال , والتانية صليب , والتالتة نجمة داوود
بعد الصلاة بصيت في الشاشة عشان اروح ممر طيارة دلتا اللي رايحة نيوارك , لقيتها في ممر K51
مشيت ورا الاسهم , لقيته بينزلني علي محطة مترو صغير جوة المطار , عشان انتقل للمكان اللي فيه ممرات K ومنها للباب الخاص بالطيارة
فتحت الطيارة قبل معادها بساعة الا ربع , و المرادي بقي التدقيق من موظفين امريكان يا معلم , يعني صباح الفل
مسكو الفيزا كانو هياكلوها من كتر التدقيق و الفحص , وواحدة معاها حاجة زي التابلت و معاه جهاز متركب فيه لعمل سكان علي الباسبور والفيزا . . .
فتحو كل شنط الهاند باج و اسئلة علي كل حاجة
ركبنا الطيارة لمدة 8 ساعات , طبعا كنت قلقان من موضوع الاكل حلال و لا حرام ( عشان موضوع الدبح و التسمية ) فهما كتر خيرهم في توزيع الوجبات كانو بيخيروك عايز فراخ ولا خضروات . . .
طبعا حمام الطيارة زيه زي مطار باريس , مفيش شطاف ولا داعي لذكر التفاصيل
في الطيارة بيدولك ورقة زرقا تملاها و تقول هل معاك اكل ؟ معاك لحوم ؟ , معاك حيوانات ؟
وصلنا مطار نيوارك علي 4 العصر , المطار قديم شوية و مفيهوش ربع فخامة حتي مطار صبيحة في اسطنبول طلعت و رحت ختم الظابط , و كان فيه طابور غير عادي , يمكن اكتر من الفين مسافر مثلا في نفس الوقت , وحوالي 8 ظباط شغالين بالتوازي , ومع ذلك الانتظار فوق الساعة
وصلت اخيرا , ظابط شاب مبتسم و ملتحي لحية خفيفة و اسمه مكتوب علي صدره ( هارون ) قلت اكيد يا مسلم يا يهودي
اهلا بيك يا هشام جاي تعمل ايه , جاي سياحة , هتقعد قد ايه , اسبوعين بس , هتقعد فين , في المكان الفلاني , شغال ايه في اسطنبول , شغال كذا كذا , بقالك قد ايه في تركيا , بقالي كذا
طيب اتفضل ابصم , بصمت , وقالي اهلا بيك في امريكا , واداني ختم 6 شهور لغاية اكتوبر
متوقعتش الموضوع سهل كدة , طلعت علي الجمارك جيت اطلع و سلمته الورقة الزرقا ( كان كاتب فيها ان معايا اكل ) عدي الشنط علي السير و قالي اتفضل اهلا بيك . . .
و الحمد لله رب العالمين . . .
هبقي احيلكو رحت فين و ابعتلكو صور
عقبالكو يا رب . .
انا حصلت علي فيزا سياحة B1 من اسطنبول في شهر يناير اللي فات . و قلت اجي اسبوعين في شهر ابريل . . .
فمن شهرين دورت علي كذا موقع للتذاكر , ولقيت علي سكاي سكانر سعر تقريبا 450 دولار , علي طيران دلتا الامريكي , واللي هو متعاقد مع اير فرانس , فالطيارة طلعت من اسطنبول علي شارل ديجول في باريس , ومنها لمطار نيوراك في نيوجيرسي . . .
في مطار اتاتورك في اسطنبول كان التدقيق الامني فوق العادي , الموظفة في كاونتر الشنط في الاول قالتلي رايح فين في امريكا ؟ و عنوانك ايه هناك . . .
وشوية و ختمت من الظابط مغادرة , لما رحت علي بوابة الطيارة الاولي اللي رايحة باريس , كان فيه موظفين من اير فرانس , و الموظفة مسكت الباسبور , و قعدت تفرك في الفيزا عشان تتاكد انها حقيقية , و حطوها علي جهاز يعمل سكان ليها و هكذا
وصلنا باريس بعد 3 ساعات و نص . . .
اول ما خرجنا من باب الطيارة لقينا اتنين ضباط فرنسيين , بيفحصو ورق كل اللي داخل , و نفس الحوار , قعد يتاكد من صلاحية الفيزا , ومعاه عدسة زي الي مع بتوع الدهب عشان يشوف الفيزا سليمة ولا لا
مطار شارل ديجول تحفة , فوق الرائع الحقيقة . . .
بس مصيبة الحمامات بتاعته ( زي كل اوروبا و امريكا ) مفيهاش شطاف , و انت تعامل بقي بالمناديل , و صباح العك
جيت ادور علي مكان اصلي فيه , لقيت يافطة
Prayer Room
قلت اشطة , دخلت , لقيت فيه 3 غرف , الاولي عليها هلال , والتانية صليب , والتالتة نجمة داوود
بعد الصلاة بصيت في الشاشة عشان اروح ممر طيارة دلتا اللي رايحة نيوارك , لقيتها في ممر K51
مشيت ورا الاسهم , لقيته بينزلني علي محطة مترو صغير جوة المطار , عشان انتقل للمكان اللي فيه ممرات K ومنها للباب الخاص بالطيارة
فتحت الطيارة قبل معادها بساعة الا ربع , و المرادي بقي التدقيق من موظفين امريكان يا معلم , يعني صباح الفل
مسكو الفيزا كانو هياكلوها من كتر التدقيق و الفحص , وواحدة معاها حاجة زي التابلت و معاه جهاز متركب فيه لعمل سكان علي الباسبور والفيزا . . .
فتحو كل شنط الهاند باج و اسئلة علي كل حاجة
ركبنا الطيارة لمدة 8 ساعات , طبعا كنت قلقان من موضوع الاكل حلال و لا حرام ( عشان موضوع الدبح و التسمية ) فهما كتر خيرهم في توزيع الوجبات كانو بيخيروك عايز فراخ ولا خضروات . . .
طبعا حمام الطيارة زيه زي مطار باريس , مفيش شطاف ولا داعي لذكر التفاصيل
في الطيارة بيدولك ورقة زرقا تملاها و تقول هل معاك اكل ؟ معاك لحوم ؟ , معاك حيوانات ؟
وصلنا مطار نيوارك علي 4 العصر , المطار قديم شوية و مفيهوش ربع فخامة حتي مطار صبيحة في اسطنبول طلعت و رحت ختم الظابط , و كان فيه طابور غير عادي , يمكن اكتر من الفين مسافر مثلا في نفس الوقت , وحوالي 8 ظباط شغالين بالتوازي , ومع ذلك الانتظار فوق الساعة
وصلت اخيرا , ظابط شاب مبتسم و ملتحي لحية خفيفة و اسمه مكتوب علي صدره ( هارون ) قلت اكيد يا مسلم يا يهودي
اهلا بيك يا هشام جاي تعمل ايه , جاي سياحة , هتقعد قد ايه , اسبوعين بس , هتقعد فين , في المكان الفلاني , شغال ايه في اسطنبول , شغال كذا كذا , بقالك قد ايه في تركيا , بقالي كذا
طيب اتفضل ابصم , بصمت , وقالي اهلا بيك في امريكا , واداني ختم 6 شهور لغاية اكتوبر
متوقعتش الموضوع سهل كدة , طلعت علي الجمارك جيت اطلع و سلمته الورقة الزرقا ( كان كاتب فيها ان معايا اكل ) عدي الشنط علي السير و قالي اتفضل اهلا بيك . . .
و الحمد لله رب العالمين . . .
هبقي احيلكو رحت فين و ابعتلكو صور
عقبالكو يا رب . .
