عندي سؤال.. دلوقتي التواريخ المكتوبة في الصورة بتقول ان مدة صلاحية الفيزا...

[Alaa Mohamed Zaki]

عندي سؤال.. دلوقتي التواريخ المكتوبة في الصورة بتقول ان مدة صلاحية الفيزا من11-9 الي 21-9.. هل ده معناه اني ممكن اسافر في اي وقت خلال الفترة دي مثلا ادخل يوم 20-9 واقعد ال11 اليوم المسموحين لي ولا انا فاهم غلط؟
وهل ممكن تغيير اي تواريخ في الفيزا؟ بمعنى اني كنت هقعد مثلا 5 ايام بس عاوز اغير واخليها 10 مثلا هل ده ينفع؟
*الصورة للتوضيح فقط

 

[Mohamed Mahmoud Shamekh]

لا لازم من 11 ل21 بس

 

[Hany ELbahey]

لازم دخول يوم ١١ وليس قبله ومغادره يوم ٢١ وليس بعده. و دخول مره واحده لمنطقه الشنجن

 

[Jolie Mohamed]

لا طبعا لازم تلتزم بالتواريخ المكتوبة يعني تدخل يوم ١١ او بعده و ترجع قبل ٢١

 

[Mohamed Rashad]

ليك تدخل وتغادر خلال الايام دى بس ومش ممكن التعديل

 

[Alaa Mohamed Zaki]

لو مش هينفع اسافر خلال الفترة دي لكن ممكن اسافر بعدها اعمل ايه؟

 

[Ghada Ahmed]

يفضل طبعا انك تغادر منطقة الشنجن قبل نهاية الفيزا .. بلاش تغادر في اخر يوم ... خليها قبلها بيوم او اتنين افضل لك .

 

[Nour Hussain]

بص الى اعرفه انك ليك تغادر اى يوم ابتدأ من يوم 11 لحد يوم 21 يعنى لو حبيت تسافر يوم 20 ممكن يوم عادى جداا وترجع فى خلال الايام الى سامحنلك بيها صلاحيه الفيزا دى هى صلاحيه دخول البلد وليس الخروج منها وعدد الايام الى هتقعدها هناك معتمد على الى انت كنت كاتبه فى الابليكيشن الى هو متهيقلى 11 يوم لازم تمشى قبل ما يخلصوو

 

[Sameh Salah]

هو القنصل مديلك الفيزا صلاحيه على قد رحلتك بالظبط وكذلك الاقامه ١١ يوم بتبتدى وتمتهى مع صلاحيه الفيزا بالظبط .. مَش مديلك فرصه تغير فى ميواعيد سفرك اصلا .. يعنى لو سافرت يوم ٢٠ زى ما بتقول لازم تمشى تانى يوم أصلا لان الفيزا حتنتهى !

 

[Sameh Salah]

فى الحاله دى لازم تسافر يوم ١١ علشان تاخد ال ١١ يوم اقامه كلهم !

 

[Amr Ibrahim Diab]

هي الفيزا دي لسنة ٢٠٠٩ ولا انا مش فاهم

 

[Mohamed Hikal]

مدتها 10

 

[Adam Spain]

ات ليك 11 يوم اقامه داخلوالبلدوالاواربخ ديت مسموح لك السفر خلالها بس الفيزا ديت مش من مصر مصدرها خارج مصر

 

[Keven Tawfek]

مش عارف ليه مش مرتاح للفيزا دي حاسس كده ان فيها حاجه غلط

 

[Sameh Salah]

ياجماعة اكيد مَش هى دى الفيزا يعنى ودى صورة فيزا للتوضيح مَش اكتر للنقطه دى

 

[Alaa Mohamed Zaki]

امال لو مكنتش كتبت الصورة للتوضيح

 

[Nour Hussain]

Hadeel Amaar ايه الصح يا استاذه عشان انا نسيت

 

[Ahmed Soliman]

الموضوع بسيط يا جماعة بس الفيزا تبقى بتتقرى صح.
فيزا منطقة الشنجن ( دول معينة فى الاتحاد الاوربى) اللى مشتركين مع بعض فى اتفاقية الشنجن ، علشان فى حد بيسأل ايه الشنجن.

الفيزا من أول سطر إصدارها من سفارة إستونيا فى روسيا.
منطقة السماح لاستخدام الفيزا ( كل مناطق الشنجن ) من غير ما يكون فى أى قيود فى الحركة أو فى بلاد مينفعش يروحها.

تاريخ الابتداء : ١١/٩/٢٠٠٩
تاريخ الانتهاء : ٢١/٩/٢٠٠٩
نوع الفيزا : C - سياحة
عدد مرات الدخول : ١
مدة الاقامة : ١١ يوم
المدينة اللى أتقدم واتوافق منها : موسكو.
يوم الإصدار : ١٠/٩/٢٠٠٩
رقم جواز السفر : اللى مكتوب
اسم اللى طالب الفيزا.

التوضيح والشرح ، أولا فى ناس بتتلخبط وتدخل الموضوع فى معاملة فيزا امريكا اللى اول ما بتوصل بيديلك سماح ٦ شهور.

فيزا الشنجن ملهاش دعوة بالكلام ده وبتديلك السماح باى عدد ايام خلال الفترات المحددة من تاريخ الابتداء لتاريخ الانتهاء ، لو دخلت يوم ٩/٩/٢٠٠٩ اخرك ٢١/٩/٢٠٠٩ يعنى ١١ يوم بالكتير

لو دخلت فى اى تاريخ بعد ٩/٩/٢٠٠٩ لازم بردو تخرج ٢١/٩/٢٠٠٩.

يعنى السقف والآخر يوم ٢١/٩/٢٠٠٩ مهما كان يوم الدخول من ٩/٩/٢٠٠٩ او بعده.

 

[Enass Attia]

ديه فيها حاجه غلط
ديه2009

 

[Mohamed Mahmoud Moftah]

لا فاهم غلط ، اخر ميعاد لخروجك من أوروبا يوم ٢١