ياشباب بحكم خبرتكم بالنسبه للناس اللي سافرت اوربا انا هتجوز علي شهر 10...

[Ahmed Abd Elmohsen]

ياشباب بحكم خبرتكم بالنسبه للناس اللي سافرت اوربا انا هتجوز علي شهر 10 تقريبا او ممكن بعد كده انا قررت معملش فرح وهوفر 20000 اسافر بيهم وف نفس الوقت مش عاوز اروح دوله واحده اقعد فيها 8 او 10 ايام انا عاوز الف لفه حلوه اروح فيها ع الاقل 5 دول تنصحوني اروح فين الدول اللي هيبقي التنقل فيها سهل من دوله لدوله ومش هيكون في مشاكل ف اوراقها وتاشيراتها

 

[Moutaz Mohamed]

ممكن جورجيا و تركيا
ممكن اوربا تاخد البرتغال و فرنسا و اسبانيا
بس اوربا فنادق ٣ نجوم بس طبعا هتلف في حدود عشان مصاريفك

 

[عمرو شريف]

باشا مع احترامي الكامل ليك 20 الف ما يكفوش دوله أوروبية واحده غير جورجيا و بالقد كمان

 

[Israa ElSayed]

F

 

[Mohamed Ali]

تعال بولندا التشيك النمسا سلوفاكيا او المجر

 

[Maha Mousa]

راي خارجي متواضع .... اعمل فرح وافرح ولو بسيط .. مش هيتعوض تاني .. السفر ممكن يتعوض ... وربنا يسعدك والف مبروك

 

[Mohamed Alsayed]

٢٠ الف دول حوالي ١١٠٠ دولار ودول ميعملوش حاجه خالص اصلا

 

[Fouad Aly]

انت بتقصد ٢٠ الف جنية ؟ اذا كان كدة انت ومرتك شهر عسل ؟ يبقي تركيا مثلا اسبوع معقول

 

[Maha Abd El Barry]

فيينا،، المجر،، التشيك و تقعد فى ستوديو أجره من على Airbnb. السفر بين البلاد دى ب باص سعره للفرد حوالى ١٤€ فى أقل او أكتر على حسب اليوم و الساعه.

 

[Yomna Yassin]

بصراحة ٢٠ الف صعبة شوية
انا سافرت تركيا السفرية اتكلفت ٢٠ الف التذكرة لوحدها اصلا كانت ٥٣٠٠ ده ارخص سعر
و انت و مراتك شهر عسل مش وقت انكم تقعدوا في مكان مش نضيف ولا منطقة كويسة
اتبسطوا علي قد الفلوس
مش لازم ٥ دول و ماتعرفوش تقعدوا في مكان مريح يبقي استفدت ايه ؟
حاجة حلوة احسن من ١٠٠ مالهمش لازمة

 

[sara Mostafa]

ممكن چورچيا و تركيا بس محتاج تشوف ارخص تذاكر قبل السفر بأربع شهور انا لسه شايفه رحلة لتركيا نزلها رحالة

 

[sara Mostafa]

دى ارخص تذكرة لتركيا على خطوط أثينا عاملة تقريباً 3100 جنية

 

[Ehab Osama]

ايطاليا..اسبانيا..فرنسا..المانيا و هولندا او بلجيكا

 

[DrHazem W DrMona]

شوف من الاخر العشرين الف دول مش هيودوك حاجة في اوروبا الا اذا كنت ناوي تتبهدل


خدلك فندق في مرسي علم all inclusive اربع او ٥ نجوم و ده احسن مكان لشهر العسل هتلاقيها في جمال المالديف

 

[Adel Salah]

اصلا موضوع 5 دول ده بهدله جدا جدا في شهر العسل .الموضوع مش سهل زي ما انت متخيل . شهر العسل الواحد بيدور علي الروقان بعد تعب تجهيزات الفرح متزودش عن مكانين او 3 بالكتير اوي .
وخلي الرحلات الطويله ديه بعد الجواز ب6 شهور كده ولا حاجه .
بالنسبه للأسعار حضرتك الفيز والتذاكر هتكلفك تقريا 14000 لدوله واحده فقط انت ومراتك وال 6000 اللي فاضلين عباره عن 300 يورو صعب جدا جدا يكفوك .
نصيحه روح علي تركيا او جورجيا هتستمتع اكتر بالمبلغ ده . وخلي رحله اوروبا لوقت تاني أفضل .