A
Amr Diab
:: مسافر ::
#ازاي تقلل مصاريف سفرك# ناس كتيرة جداً بتحب السفر ونفسها تجربه وناس كتيرة سفرت ونفسها تسافر اكتر وناس كتير بتتكلم ازاي تسافر بمبلغ صغير انا بقي عاوز افيد كل الاخوة في الجروب ازاي تسافر وتقلل مصاريف سفرك وعن تجارب شخصية . انا بعشق السفر جداً لدرجة اني شبه ما بخرجشي في مصر علشان احوش هسافر فين واكيد ناس كتير في الجروب كدة لان اكيد مش كلنا اغنيه وطبعاً بعد حالة الغلاء وان السفر بقي مكلف جداً هدخل في الموضوع علي طول كل الناس البتسافر سياحة طبعاً بتطلع بوزن خفيف جداً لانها سياحة انا بعمل كدة المهم بقي انت ممكن تشوف البلد المسافرها بتتميز بأيه علي سبيل المثال انا لما بسافر دبي مسمحلك تدخل المطار ب ٢ او ٣ موبيل انا كنت بجبهم ايفون وكان مكسب الجهاز من ١٠٠٠:٢٠٠٠ علي حسب هو نزل امتي يعني كدة وفرت من ثمن الرحلة تقريباً ٣٠٠٠ جنيه مبلغ مش كبير بس بردة مش قليل تعالي مثلاً علي الرحلة العظيمة امريكا رخيصة جداً في اللبس دور انت علي اسواق الاوت لت وبضع برحتك في اللبس والجمارك مش بدقق علي الملابس لو بضعتلك شوي تي شيرتات بولو من تومي او رالف كسبت في الواحد تقريباً ٢٥٠ جنيه كنت جايب شوي حلوين عملت معي توفير كويس وهكذا بقي انت ممكن تعرف الدولة الهتسافرها تجيب منها ايه وممكن العكس ممكن تاخد من مصر مثلاً التليفونات المحمولة غالية جداً في اوربا ممكن تاخد من هنا ليهم وهكذا والموضوع لا هياخد منك وقت ولا مجهود وصدقوني والله جت عليا سافريات كانت بتعوضلي اكتر من ٤٠٪ من ثمن السفر وكنت بتفسح وبستمتع وعادي جداً لا فيها اي وقت ولا مجهود المهم تبقي عارف ممكن تجيب ايه وبالنسبة لطرق البيع عندك بقي الصحاب و olx وهتلاقي الدنيا بتعمل معك جو كويس اتمني اكون قدرت افيد غيري