مضيف او مضيفة الطيران بيخدمك انت و خمسين فرد على الأقل فا ماتكفرش سيئاته...

  • بادئ الموضوع بادئ الموضوع Medhat Samy
  • تاريخ البدء تاريخ البدء
عرض العطلة
#25
لا لا لا دا مش منطق، أنا صحيح في الجروب دا اطلع دايما بدافع على المصرية للطيران ، لانه فعلا تجاربي معهم الحمد الله في معظم الاوقات كويسة ، لكن لو عاوزة اعمل اي ملاحظة تبقى على طقم الضيافة.
صحيح انه فيه ركاب لو بايدي كنت ارميهم هما وعيالهم من الشباك، لكن أتكلم انا الانسانة العادية، المضيف أو المضيفة دا شغلهم هما بيقوموا بتدريبات على كيفية احتواء الركاب، لو مش عاوز يبتسم لاااااااازم عليه يبتسم لانه دا في صميم شغله.
المضيف ما لوش حق يهزأ أو يتريق على الركاب مهما كانت تصرفاتهم ( ودا اللي بلاحظه دوما)
المضيف او المضيفة لازم تتوفر فيهم شروط الاناقة والخفة( يعني اسفة مش الاقي الكرش قدام والجيبة بتاع المضيفة يا دوب تتقفل)
واخيرا ياريت تبتسموا ابتسامة من القلب صدقوني راح توصلنا على طول الارهاق مالوش دعوة ، الابتسامة من القلب تطلع لما تكون النفس حلوة حتى لوهموم الدنيا موجودة
ااااه قبل ما انسى يااااريت اللي ما يعرفش ينطق انجليزي يدخلوه دورة يتعلم فيها بس اني اسمع التلوث اللغوي كل ما اطلع دي فعلا مشكلة خليكم في العربي.
غير كده انا لازلت ادعم مصر للطيران
 
عرض العطلة
#27
يا جماعه عاوز اسال سؤال والي يجاوب يجاوب بصراحه بدون مجامله ليه احنا في الغربه بنعبد عن بعض كمصريين يعني لو رحت محل تشتري منه حاجه ووجدت البائع مصري وانت مصري حيبص لك بارف ويرد عليك من طرف أنفه انا مش بعمم بس الاغلبيه كده وده عن تجربه
 
#28
مه مع الجشع وارتفاع التذاكر الجنوني ده التذاكره تغلي ٢٠٠ ف الميه هتقولي الدولار هقولك ماشي بس متغلاش كدا لا دا انا هطلب وهطلب وهطلب هخليها كمان تغنيلي لو وصل الامر مه لازم أخد حقي بقي
 
#29
بس ايه ذنب المضيف او المضيفه اظن ليس هناك علاقه بين الدولار والمعاملة الحسنه والاخلاق بين المضيفين والركاب
 
#30
يا جدعان المضيفة اللي بتتكلموا عن راتبها و ابتسامتها و شكلها و روقانها دي بتشتغل في شركة في مصر
فاهمين يعني ايه !!!
يعني نصب يعني مرار بالساعات يعني تطليع روح عشان اجازة لو تعبت يعني جداول مش منطقية نهائي يعني واسطة و عدم نوم و عمود فقري معوج و طبلة اذن مفرقعة يعني واقفة بالكعب الساعتين اللي يتتكلموا عنهم دول وانتم رجالة متعرفوش اصلا يعني ايه كعب

احنا كمصريين همج و معروفة لما حضرتك محترم و ملتزم مش بالضرورة باقي الناس تمون زيك المضيفة الاجنبية مش مضطرة تتعامل مع همج زينا طول الوقت دي واحدة بتطير اغلب وقتها مع ناس راقيه
و بالتالي هي رايقة و راقيه
اي انتقاد من حقكم بس متبصوش لفلوسهم هم طالع عين ابوهم عشان يعملوها و دافعين تمنها غالي اوي مقارتنهم مع المضيف الاجنبي زي مقارنة اي مواطن مصري مع اي مواطن اجنبي برده
 
عرض العطلة
#31
حضرتك في وظيفة اسمها مضيفة
المفروض بيبقى في عدد مضيفين ومضيفات مناسب لعدد الركاب خلال وقت الرحلة
مينفعش اقول ان طلبات الناس العادية انها غلاسة وتقل على المضيفة!
 
#33
مش بس مضيف الطيران احنا لازم نراعي بعض في اي شغلانه عمال المطاعم مثلا .. حاول تساعده بلاش تبقي رايح تحقق احلامك هناك لان معظم الشركات دلوقتي بقت بتوفر من مرتبات العمال بدل ما تجيب ٥ تجيب ٢ وبيبقي طالع عينهم طول اليوم شغل وبجد الزباين ساعات بتبقي مستفزه بزياده .. لما يبقي عندك صنايعي في البيت اه هيعملك اللي انت عايزه بس متكفروش شغل .. البشر لازم يتعاملوا براحه شويه مع بعض
 
#35
يا جماعة ايه الهجوم ده على الاستاذ المحترم ده هو قالكم متطلبوش منهم حاجة، هو بيتكلم عن الناس اللى طلباتهم غير منطقية او كتير او فى وقت غلط هو بيطالب بالرحمة بس واضح إن المصريين نسيوا الكلمة دى و مش بس مع المضيفين مع اى حد اضعف منه او بيقدمله اى نوع من انواع الخدمة و باصين للقمة غيرنا شوفوا بتقبض كام و لا بتعمل ايه انا بجد مش مصدقة
 
عرض العطلة
#36
يعني مفيش حد عرف أن المضيف قبل الرحله له تحضيرات وقبل كل رحله بيراجع إجراءات الأمن والسلامه والاختصاصات الي هو ح يقوم بيها ويحافظ علي سلامتك انت وعيلتك طول الرحله وفي حاله الطوارئ وبيكون هو آخر واحد يسيب الطياره ..ومرتبة الي بياخده بيصرف جزء كبير منه علي الحفاظ علي مظهره .
 
#37
طبعاً مقدرين انهم لحم ودم زيينا بس اولاً دي طبيعة عمل وهم ارتضوها يبقى لازم يقضوها صح
ثاني حاجة هم مش موظفين قاعدين في شباك في مكان مخنوق مافهوش تهوية ولا تكييفات وقدامهم ٢٠ واحد واقف قدامه على الشباك عاملين يزعقوا بصوت عالي وجنان طول اليوم ال ٨ ساعات اللي بيقضيهم على كده !!! لأ دول قاعدين في تكييف وفي مكان هاديء نوعا ما ويادوبك بيتعامل مع العملا مرتين تلاتة في الرحلة كلها !!!!
الغريب بقى واللي كلنا كمصريين بنعاني منه في اي تعامل في اي مكان فيه مصريين و أجانب " فرق المعاملة " لو كانوا العاملين في الطيران ولا في الفنادق بيعاملونا زيينا زي الأجانب ماكانش هيكون في مشكله
لكن تلاقي نفس الشخص مع نفس الظروف وفي نفس الموقف وفي نفس اللحظة في تعامله مع الأجنبي بينسى كل همومه " سبحان الله " وبيبقى بشوووش وكيوت اوي ولو الأجنبي ده طلب منه انه يعمل البيبي مكانه هيعمل !!! لكن مع ابن بلده بيتحول لأمنا الغوله أعوذ بالله
 
#38
على فكره مفيش اى كومنت هنا فيه اى معلومه صحيحه عن كيفيه عمل المضيفين و كله بيتكلم من منطلق ان دى ناس بتقدم شاى و قهوه مع ان الموضوع أعمق و اخطر من كده بكتير بس حضرتك ك مسافر مش هتحس بيه و لا بخطورته الا فى لل قدر الله فى أوقات اكثر صعوبه من تقديم كوبايه القهوه اللى تاعباك !
 
#39
اشكر حضرتك Wael Gamal Eldeen انك بتعتبرهم لحم ودم زي حضرتك ..وتقديم الخدمه علي الطائره جزء من مهامهم لأن تواجدهم في الاصل مش علشان تتأمر عليه عليه حضرتك بطلباتك وعايز كل حاجه في الكرسي ..وكفاية طبيعه عملهم في ضغط جو و توتر ...وبلاش تقارن بالاجانب احسن ..يكفي أن الأجانب بيقولو صباح الخير وشكرا
 
#40
والله يافندم الدنيا أخذ وعطاء يعني هات عشان تلاقي يعني زي مابيقول المثل " قدم السبت عشان تلاقي الحد "
المضيف/ المضيفة وظيفته مأخوذة من اسمه يعني بيضييفك لأنك ضيفه وفي الاخر انا بالنسبه ليه عميل فلو مش هايعاملني كويس مش هجيله ومش هتعامل معاه تاني وده ضمن " المنافسة " اللي هي تقريبا معدومة في الشركات الحكومية اللي هي مش فارقه معاها انها تقدم خدمة كويسة ولا تهتم بعميل ولا تكسب او تخسر وكل ده بيؤدي للأسف الى المعادلة اللي احنا فيها
 
عرض العطلة
عرض العطلة
عرض العطلة
أعلى أسفل
عودة
قائمة