#مساعدة الناس لي بتسافر تايلند كتير المعلبات الجبن وتونة موجود هناك بسهولة...

  • بادئ الموضوع بادئ الموضوع Ahmad Othman
  • تاريخ البدء تاريخ البدء
عرض العطلة
#2
مش محتاج تاخد معاك شئ كل حاجة موجودة هناك. بالاضافة متضيعش عليك متعة تجربة كل شئ جديد هناك ممكن تجربه

انا اخدت معايا معلبات اول مرة اسافر فيها ورجعت بيهم زي مهما
 
#3
جبن صعب تلاقيها هناك لكن التونة موجودة ومكتوب عليها حلال من خلال سفن الفين او فاميلي ماركت بس نصيحة خد اكل معاك احسن لانك هتدوخ حتي المياة الحلال كاتبين عليها حلال
 
عرض العطلة
#7
تاخد اكل معاك طبعا بدون نقاش خصوصا الجبن والعيش الاكل هناك زفت ومقرف هتعيش علي الفاكهه دول ناس وثنيين وليهم طقوس مش متوافقه معانا...ممكن تاكل اسماك بس لو تتعمل قدامك..انا روحت هناك وكنت واخد اكل معايا وصحابي اتريقوا عليا..بس اول ما وصلنا كله جه ياكل معايا مجبناش غير فاكهه فقط..ووفرنا فلوس ووقت في البحث عن سوبر ماركت محترم..خصوصا اننا كنا في فوكيت مش في بانكوك
 
#8
اقسم بالله انا اكلت في تايلاند اكل لحد ما كنت مش عاوز اروح ٫ انا مش عارف الناس بتشتكي من ايه ! الفاكهة هناك من كوكب تاني والسيفود حاجة وهم والسوبر ماركت فيه كل حاجة والاكل الهندي منتشر والدنيا زي الفل
 
#9
معرفش بالنسبة للمعلبات بس عندهم اكل حلو جداً لازم تجربه
ولازم تاكل اناناس
انا بحذرك لو مكلتش هتندم
كل يوم اناناس بجد

بالنسبة لمطاعم الاكل الحلال شوف الموقع ده هيساعدك
Www.zabihah.com
 
#10
الاكل ده نفس بصراحه انا عن نفسى كنت بتقرف جدا جدا من اكلهم ومنفعنيش غير كام علبه تونه كنا واخدينهم معانا والشيبسى والبيبسى والفاكهه من اى سوبر ماركت ومفيش عيش هناك فعلا غير التوست
 
عرض العطلة
#13
لو انت بتحب الجبن خد معاك غير كده كل شىء موجود ولو ليك فى الأسماك والسى فود هتعيش هناك السى فود تحفه وطعمه حكايه والبلد مش غاليه والفاكهة حاجه كده فوق الجمال ده لو استمريت تأكل منها طول الفتره مش هتزهق ورخيصه جداا وموجوده فى كل حته
 
#14
الجبن محدوده والصراحه اكلهم مش حلو لو نفسك حلوه هتاكل اما لو بتتقرف زينا مش هتاكل بس هناك فطاير بالجبنه وبيتزا تقريبا عيشنا عليها لان مفيهاش عك
كان معانا تونا متفتحتش محتجناش لها واخدوها مننا في مطار واحنا مروحين خلي بالك متحطتهاش في هند باج الطياره حطها في شنطه كبيره وتتشحن
 
عرض العطلة
عرض العطلة
عرض العطلة
أعلى أسفل
عودة
قائمة