الاقصر ياشباب عاوز خطة كده ولو ممكن اروح اسوان اعمل ايه شكرا جزيلا مقدما

  • بادئ الموضوع بادئ الموضوع Mahmoud Abdulghani Al-Naqib
  • تاريخ البدء تاريخ البدء
M

Mahmoud Abdulghani Al-Naqib

:: مسافر ::
الاقصر ياشباب
عاوز خطة كده ولو ممكن اروح اسوان اعمل ايه
شكرا جزيلا مقدما
 
اول شي الاقصر كبيرها يومين
مهم معبد الاقصر ومعبد الكرنك ووادي الملوك ومعبد حتشبسوت في البر الغربي
اول معبدين في قلب اليلد وتاني معبدين لازم مواصلة
ثانيا اسوان اجمل كتير
معبد فيلة في جزيرة في وسط المية
كمان جزيرة النباتات يوم كامل
كمان اسوان المدينة حلوة والمتحف النوبي وحديقة فريال
وخدوا مركب لبيوت النوبة بيكون يوم حلو
المراكبية هناك عند المرسى تتفق معاهم حيعملوا معاك احلى واجب وناس طيبين اوي والاسعار مش غاليةهما فاتحين بيوت ومفيش سياحة خالص فحتلاقيهم متساهلين
وبليل السوق في اسوان والبازارات توابل وهدايا وبرضو اسعار حلوة
 
جرب رحلة البالون في الاقصر ... تجربة رائعة و ده احلي حاجة في الاقصر ... غير كده اسوان فعلا احلي و اهدي و مريحة للاعصاب جدا .
 
ممكن تزود علي برنامج اسوان يوم و كمل ل ابوسمبل .. بعيد شوية بس يستاهل ... و لو عرفت تحضر عرض الصوت و الضوء في ابوسمبل هيعجبك برضه .
 
صوت وضوء الكرنك في الاقصر وصوت وضوء فيلة وصوت وضوء ابو سنبل
 
حاليا نارررررر زي مها ماقالت انا من الاقصر والجو خر جدا بالنهار معقول بالليل
 
ممكن اول ماتزل الاقصر تروح اي شركة سياحة وتعمل نايل كروز الاقصر اسوان 3ايام باخرة فالنيل وهتشوف كل الاثار ال موجودة بالطريق واتمانها معقولة فالوقت دا من السنه
 
محدش يعرف مكان هوستل فالاقصر او اسوان يكون سعرو كويس
 
جمعية بيوت الشباب لها بيت في الاقصر و اسوان بس ما اعرفش ظروفهم ايه بالظبط.
 
روح شباك التذاكر و احجز و اتوكل علي الله بسيطة اوى
 
الاقصر ( معبد الاقصر و معبد حتشبسوت و معبد الكرنك و روح متحف الاقصر و وادى الملوك فيه كمان معبد هابو بيبقى فاتح للساعه ٨:٣٠ و اطلع السوق الى جمب القطر و فى نهايه السوق هتلاقى كافيه حلو جداً او قهوه شبه الفيشاوى كده اسمها ام كلثوم و فيه طبعاً المنطاد )
اسوان بقى ( معبد ابو سيمبل ❤ رائع و معبد فيله و جزيره النباتات ورحله نيليه و فيه كافيهات و مطاعم على النيل كتير هناك حلوه برضه السوق طبعاً فى اسوان احلى من الاقصر و عند القطر برضه عموماً الاكل وحش فى المكانين بس فيه بتاع بيتزا و فرع تانى حلويات فى اسوان اسمه (( اسمه ايه )) اه فيه متحف التماسيح ده جمب فيله تقريباً مش فاكره بس اسال و فيه متحف النوبه كمان وطبعاً النوبه نفسها بتتراح بمراكب و دى حاجه حلوه هتعجبك جداً
 
اه حاجه تانيه روح بطياره او اتوبيس بلاش قطر افتكر قلتلك بلاااااش قطر
 
اهم حاجة طبعا غرب سهيل
باقي الاماكن بقا
جزيرة النباتات و معبد فيلة و معبد ابوسمبل و رحلة ف النيل بالمركب و متحف النيل و المتحف النوبي و تطلع جبل ابو الهوا بس ده عايز صحة ووقت ميكونش شمس و طبعا التمشية ع الكورنيش و الشوارع
متحلمش انك تاكل اكل حلو بس مشي نفسك بقا اسمه ايه و قصر الهدى و بورتو سونو و الدوكة و مول اسوان بلازا الباقي كافيهات ع الكورنيش الجديد
 
والله ياراجل لهقولك الصراحة هتروح هتلاقي رايحة رواسب الحنتور في كل البلد حط بقي عليهم ان الجو خلاص بقي حر كدة يطلع عينك انا شايف اخرك فيها شهر ٢ ولو خلص ٢ يبقي فكك
 
تيجى اسوان!!! فالوقت ده ؟؟؟ حبكت ؟؟ انت جاى فتوقيت بتوع اسوان نفسهم بيسيبوها
 
أعلى