I
Islam Culé
:: مسافر ::
انا كنت عايز احكي عن تجربة سفر لـ ولاية سرواك فى ماليزيا ,, تقريبا اغلب العرب والمصريين ميعرفوهاش ولا زاروها قبل كده لان كله بيروح علي لنجاوي و بينانج و كوالالمبور انما نادرا لما تلاقي حد عربى هناك حتى اللي بيقابلنى هناك ويعرف اني عربى كان بيندهش
ولاية سرواك عايش فيها 7 طوائف ب 7 ديانات مختلفه عكس بقيت ماليزيا ده غير انه ليها لغه خاصه بيها غير لغة بقيت ماليزيا
العجيب فيها انك عشان تدخلها محتاج تأشيره حتي لو جاي من كولالمبور و معاك التاشيره بالنسبالهم ملهاش لزمه لازم تاخد تاشيره من المطار عشان تخش وبتبقي مدة التاشيره علي قد مدة حجز الاقامه بتاعك لا اكتر ولا اقل ,, اللى حصل معايا فى المطار انه لما الظابط شاف باسبوري راح منادي علي واحده ست ظابط وقالها he is egyption
الست طلبت مني اروح معاها ودخلنا مكتب وبدأ التحقيق هاتقعد اد ايه و جاي ليه وايه الخطه بتاعتك هنا و هاترجع امتي وهاتعمل ايه بعد ما تسيب سرواك ومعاك فلوس اد ايه وبعد كده الحمد لله اخدت التاشيره ودخلت البلد
الاغرب بقي من كل ده انه الماليزين نفسهم لازملهم تأشيره عشان يروحو سرواك
يعني تخيل انك من القاهره ورايح تاخد تاشيره عشان تدخل اسكندريه
سرواك ده اسم الولايه كلها انا كنت نازل فى العاصمه اسمها كوتشينج .
كوتشيج مدينه نضيفه جدا جدا جدا وهاديه جداااا مدينة مريحه للاعصاب + انها رخيصه جدا جدا مقارنه ببقيت ماليزيا
انا قعدت 4 ايام صرفت 35 دولار اكل وشرب وموصلات
غالبية الرحلات هناك رحلات الطبيعه بس اشهر رحله bako national bark ديه عباره محميه طبيعه بعد كوتشينج بمسافة ساعه بتاخدها ب نص ساعه بالعربيه والنص ساعه التانيه باللانش
بتشوف الجبال والصخور فى نص البحر بعد كده بتعمل تريكنج فى الغابه لمسافة ساعه بتتفرج علي الحيوانات
وممكن تلاقي وانت ماشي تعابين وحيوانات بريه عادي كده متستغربش
النايت لايف فى كوتشينج عباره المطاعم اللي بتفتح علي الكورنيش من بعد الساعه 6 لغاية الساعه 10 تقريبا بتلاقي اهل البلد كلها نزلو يقعدو فى المطاعم ديه وبعد الساعه 10 البلد تقريبا كلها بتقفل ولو مشيت فى الشارع هاتحس انك ماشي فى بلد مهجوره مفيهاش غيرك ومش هتلاقي اي مكان فاتح الا 7eleven كالعاده
لدرجة انه انا وانا ماشي من كوتشينج كانت طيارتى الساعه 7 الصبح فا نزلت من الفندق 4 ونص الفجر فضلت واقف نص ساعه مفيش حتي حد ماشي بعجله فى الشارع لا تاكسيات ولا اوبر ولا اي حاجه لغاية ما اضطريت اتمشى لقسم البوليس وقلتلهم اني عايز اروح المطار و مش عارف فا واحد اتطوع ووصلنى
كوتشينج فى رأيي مناسبه اكتر للناس اللي عايزه اجازه للهدوء والاستجمام والناس اللي بتدور علي رحلات للطبيعه زي تسلق جبال و تراكينج فى الغابات
فى ناس قريتلها علي الجروب انها راحت ملاكا فى ماليزيا وبتقول انها مدينه هاديه ويتمنو يعيشو فيها انا بالنسبالي زرت الاتنين ملاكا اه مدينه جميله بس لا تقارن نهائي بكوتشينج
ولاية سرواك عايش فيها 7 طوائف ب 7 ديانات مختلفه عكس بقيت ماليزيا ده غير انه ليها لغه خاصه بيها غير لغة بقيت ماليزيا
العجيب فيها انك عشان تدخلها محتاج تأشيره حتي لو جاي من كولالمبور و معاك التاشيره بالنسبالهم ملهاش لزمه لازم تاخد تاشيره من المطار عشان تخش وبتبقي مدة التاشيره علي قد مدة حجز الاقامه بتاعك لا اكتر ولا اقل ,, اللى حصل معايا فى المطار انه لما الظابط شاف باسبوري راح منادي علي واحده ست ظابط وقالها he is egyption
الست طلبت مني اروح معاها ودخلنا مكتب وبدأ التحقيق هاتقعد اد ايه و جاي ليه وايه الخطه بتاعتك هنا و هاترجع امتي وهاتعمل ايه بعد ما تسيب سرواك ومعاك فلوس اد ايه وبعد كده الحمد لله اخدت التاشيره ودخلت البلد
الاغرب بقي من كل ده انه الماليزين نفسهم لازملهم تأشيره عشان يروحو سرواك
يعني تخيل انك من القاهره ورايح تاخد تاشيره عشان تدخل اسكندريه
سرواك ده اسم الولايه كلها انا كنت نازل فى العاصمه اسمها كوتشينج .
كوتشيج مدينه نضيفه جدا جدا جدا وهاديه جداااا مدينة مريحه للاعصاب + انها رخيصه جدا جدا مقارنه ببقيت ماليزيا
انا قعدت 4 ايام صرفت 35 دولار اكل وشرب وموصلات
غالبية الرحلات هناك رحلات الطبيعه بس اشهر رحله bako national bark ديه عباره محميه طبيعه بعد كوتشينج بمسافة ساعه بتاخدها ب نص ساعه بالعربيه والنص ساعه التانيه باللانش
بتشوف الجبال والصخور فى نص البحر بعد كده بتعمل تريكنج فى الغابه لمسافة ساعه بتتفرج علي الحيوانات
وممكن تلاقي وانت ماشي تعابين وحيوانات بريه عادي كده متستغربش
النايت لايف فى كوتشينج عباره المطاعم اللي بتفتح علي الكورنيش من بعد الساعه 6 لغاية الساعه 10 تقريبا بتلاقي اهل البلد كلها نزلو يقعدو فى المطاعم ديه وبعد الساعه 10 البلد تقريبا كلها بتقفل ولو مشيت فى الشارع هاتحس انك ماشي فى بلد مهجوره مفيهاش غيرك ومش هتلاقي اي مكان فاتح الا 7eleven كالعاده
لدرجة انه انا وانا ماشي من كوتشينج كانت طيارتى الساعه 7 الصبح فا نزلت من الفندق 4 ونص الفجر فضلت واقف نص ساعه مفيش حتي حد ماشي بعجله فى الشارع لا تاكسيات ولا اوبر ولا اي حاجه لغاية ما اضطريت اتمشى لقسم البوليس وقلتلهم اني عايز اروح المطار و مش عارف فا واحد اتطوع ووصلنى
كوتشينج فى رأيي مناسبه اكتر للناس اللي عايزه اجازه للهدوء والاستجمام والناس اللي بتدور علي رحلات للطبيعه زي تسلق جبال و تراكينج فى الغابات
فى ناس قريتلها علي الجروب انها راحت ملاكا فى ماليزيا وبتقول انها مدينه هاديه ويتمنو يعيشو فيها انا بالنسبالي زرت الاتنين ملاكا اه مدينه جميله بس لا تقارن نهائي بكوتشينج