H
Haytham Sleem
:: مسافر ::
#أول مرة تسافر بره .
دليلك لأول ٦ ساعات في السفر .
دي سلسلة مواضيع سريعة عن اشهر المدن . مش حتكلم فيها عن برامج سياحية خالص.
فكرة الموضوع اننا نقلل ارتباك الوصول لمدينة جديدة. لاول مرة.
ازاي نتحرك من المطار. ازاي نوصل الفندق .المطار شكلو ايه.
حبدأ النهارده بموضوع سريع عن أمستردام . يخليك تتحرك بسهولة من ساعة وصول الطيارة لغاية الفندق. وبعدين تتعامل انت بحرية.
دليلك لأول ٦ ساعات في السفر .
توصل الطيارة علي مطار شيبول . حنتحرك لطوابير الجوازات. هناك بنلاقي طابور مخصص بس لمواطني الدولة والاتحاد الأوربي.
الطابور الثاني حيكون مخصص لباقي الجنسيات.
الأسئلة المتوقعة من ظابط الجوازات عن "
مدة الاقامة ، حجز فندق، حجز عودة .
وبعدين بصمة. وختم دخول ان شاء الله) مهم جدا تكون الفيزا مصدرة من سفارة هولندا )..
طلعنا من منطفة الجوازات حنمشي في اتجاه لوحات المترو .
توصل عند الشباك حتطلب تكت ل ٣ ايام
.في منها نوعين.
النوع الاول زي اللي موجود في الصورة.
بتركب فيها كل المواصلات من باص لترام لمترو لقطارات خارج امستردام وضواحيها. ( مذكورة في خريطة مرفقة مع التكت). عدد لا محدود. لمدة ٣ ايام من اول ساعة للإستخدام وسعرها ٣٢ يورو.
النوع الثاني:
نفس التكت بس بتغطي داخل أمستردام بس من غير الضواحي.
سعرها ٢٦ يورو.
انا بنصح جدا جدا بيها لانها فعلا موفرة.
خلصنا التكت ؟
حنتجه للقطارات عشان نروح محطة ال central station ودي قلب امستردام النابض. واللي حتنقلنا علي اغلب المناطق .
☡☡☡ انتباه.
مهم جدا جدا جدا نفعل الكارت قبل كل ركوب وبعد الوصول . بنعمل check in في الجهاز الموجود قبل النزول لتحت.
ونعمل check out بعد الوصول للمحطة.
لازم نعمل كده في الباص والترام وكل المواصلات.
لو نسينا حتنتهي صلاحية البطاقة فورا للاسف.
الترام . جهاز حنب السواق بنمرر البطاقة عليه قبل الدخول وجهاز عند باب الخروج بنمرر عليه واحنا خارجين .
وصلنا بالسلامة بعد ٣٠ دقيقة تقريبا .نخرج من القطار ومننساش ال check out.
حنخرج بره في اتجاه السنتر وموقف الترام.
حنكتب عنوان الفندق علي جوجل ماب ونختار وسيلة المواصلات المناسبة وليكن الترام مثلا .
حيديني رقم الترام اللي بيوديني علي اقرب محطة للفندق ببساطة.
اطلع الترام أتاكد من السواق اللطيف اللي بيتكلم انجليزي كويس جدا . واعمل check in بالبطاقة.
من مزايا الترام ان فيه كمان موظف موجود عند باب الخروج ممن تسأله عن اي عنوان وحيدلك بكل بشاشة.
واخيرا سامع واحد بيقولي انا جعان وعايز أكل حاجة قبل مروح الفندق.
اقوله .ملكش الا البطاطس الهولندية الشهيرة بالجبنة او تختار من ٢٠ نوع صوص عليها.
القرطاس الكبير ب ٥ يورو.
والمحل موجود دقيقة مشي من المحطة . خلف فندق فكتوريا مباشرة.
ده ملخص اول ٦ ساعات في امستردام .
يا ريت كل واحد زار مدينة يعمل نفس المخلص . بنفس الطريقة تسهيلا علي الناس.
#أول مرة اسافر بره.
دليلك لأول ٦ ساعات في السفر .
دي سلسلة مواضيع سريعة عن اشهر المدن . مش حتكلم فيها عن برامج سياحية خالص.
فكرة الموضوع اننا نقلل ارتباك الوصول لمدينة جديدة. لاول مرة.
ازاي نتحرك من المطار. ازاي نوصل الفندق .المطار شكلو ايه.
حبدأ النهارده بموضوع سريع عن أمستردام . يخليك تتحرك بسهولة من ساعة وصول الطيارة لغاية الفندق. وبعدين تتعامل انت بحرية.
دليلك لأول ٦ ساعات في السفر .
توصل الطيارة علي مطار شيبول . حنتحرك لطوابير الجوازات. هناك بنلاقي طابور مخصص بس لمواطني الدولة والاتحاد الأوربي.
الطابور الثاني حيكون مخصص لباقي الجنسيات.
الأسئلة المتوقعة من ظابط الجوازات عن "
مدة الاقامة ، حجز فندق، حجز عودة .
وبعدين بصمة. وختم دخول ان شاء الله) مهم جدا تكون الفيزا مصدرة من سفارة هولندا )..
طلعنا من منطفة الجوازات حنمشي في اتجاه لوحات المترو .
توصل عند الشباك حتطلب تكت ل ٣ ايام
.في منها نوعين.
النوع الاول زي اللي موجود في الصورة.
بتركب فيها كل المواصلات من باص لترام لمترو لقطارات خارج امستردام وضواحيها. ( مذكورة في خريطة مرفقة مع التكت). عدد لا محدود. لمدة ٣ ايام من اول ساعة للإستخدام وسعرها ٣٢ يورو.
النوع الثاني:
نفس التكت بس بتغطي داخل أمستردام بس من غير الضواحي.
سعرها ٢٦ يورو.
انا بنصح جدا جدا بيها لانها فعلا موفرة.
خلصنا التكت ؟
حنتجه للقطارات عشان نروح محطة ال central station ودي قلب امستردام النابض. واللي حتنقلنا علي اغلب المناطق .
☡☡☡ انتباه.
مهم جدا جدا جدا نفعل الكارت قبل كل ركوب وبعد الوصول . بنعمل check in في الجهاز الموجود قبل النزول لتحت.
ونعمل check out بعد الوصول للمحطة.
لازم نعمل كده في الباص والترام وكل المواصلات.
لو نسينا حتنتهي صلاحية البطاقة فورا للاسف.
الترام . جهاز حنب السواق بنمرر البطاقة عليه قبل الدخول وجهاز عند باب الخروج بنمرر عليه واحنا خارجين .
وصلنا بالسلامة بعد ٣٠ دقيقة تقريبا .نخرج من القطار ومننساش ال check out.
حنخرج بره في اتجاه السنتر وموقف الترام.
حنكتب عنوان الفندق علي جوجل ماب ونختار وسيلة المواصلات المناسبة وليكن الترام مثلا .
حيديني رقم الترام اللي بيوديني علي اقرب محطة للفندق ببساطة.
اطلع الترام أتاكد من السواق اللطيف اللي بيتكلم انجليزي كويس جدا . واعمل check in بالبطاقة.
من مزايا الترام ان فيه كمان موظف موجود عند باب الخروج ممن تسأله عن اي عنوان وحيدلك بكل بشاشة.
واخيرا سامع واحد بيقولي انا جعان وعايز أكل حاجة قبل مروح الفندق.
اقوله .ملكش الا البطاطس الهولندية الشهيرة بالجبنة او تختار من ٢٠ نوع صوص عليها.
القرطاس الكبير ب ٥ يورو.
والمحل موجود دقيقة مشي من المحطة . خلف فندق فكتوريا مباشرة.
ده ملخص اول ٦ ساعات في امستردام .
يا ريت كل واحد زار مدينة يعمل نفس المخلص . بنفس الطريقة تسهيلا علي الناس.
#أول مرة اسافر بره.