السلام عليكم ،،، إزيكم يا شباب :) محتاجة مساعدتكم في إقتراحات ... أنا...

[Rose]

السلام عليكم ،،،

إزيكم يا شباب
محتاجة مساعدتكم في إقتراحات ...
أنا مجال شغلي علمني إزاي أعرف أجيب أرخص و أسهل الحجوزات سواء طيران او اوتيلات و كمان اتجنب أي مشاكل ممكن تحصلي هناك بسبب سوء الاقامة من قبل ما اروح ... ماعنديش مشكلة أوي في الجزء التكنيكي للرحلة .
بس اللي اجهله تماما ... هي الاماكن اللي ممكن تتراح اصلا ...
عايزة اقتراحات لاماكن "زورتوها" بنفسكم
عشان اخلي الامر اسهل .. لازم تعرفوا طبيعة المسافرين و الهدف من السفرية عشان تبقي النصائح مناسبة للواقع :-

١-اللي هيسافر ماما و بابا و هما ناس كبار فوق ال٥٠ فطبيعة الرحلات اللي فيها تنطيط كتير هتتعبهم ، ماما عندها سكر و انزلاق و بابا حركتة مش خفيفة بحكم سنه ٥٩ سنه

٢-السفر هيبقي ما بين شهريّ ٧-٩

٣-البادجت اللي انا حطاها مش قليلة بس مش كتيرة اوي برده انا بقالي سنه و شهرين بحوش و جمعيات و حوارات و في الاخر لقيتهم هيبقوا ٣٠ألف بس علما بأ انا هبقي معاهم عشان انا بعرف اتصرف في الاماكن الجديدة ...عامة لو البادجت قليله علي انهم يرتاحوا ممكن ادخل جمعيه ب١٠ و اقبضها الاول

٤-الهدف من السفر الاسترخاء .. سمعتهم بيقولوا قبل كده انهم نفسهم يشوفوا العالم و هما بيحبوا المناظر الطبيعية و الهدوء ..ففكرت في المالديف بس عرفت ان في اماكن ممكن تبقي احلي كمان

٥-دي ممكن تبقي سفريتهم الاولي و الوحيدة بره مصر فمش هيهمني اوي اوفر في الاقامة ، ممكن ءاقل عدد الايام بس الاقامة تكون لا تنسي

أعتقد ان دي معلومات كافيه
وشكرا مقدما

 

[Rania Ahmed]

تركيا حتبقى مناسبة خاصا بورصة

 

[Mohamed Abdoalhady]

طب ازاي بتجيبي ارخص حجوزات طيران اليومين دول الاسعار عالية

 

[Abeer Nassrat Al Borhamy]

Eslam Dardery

 

[Habiba Moataz]

ممكن تروحي المغرب ، فيها طبيعه حلوه اوي

 

[Dalia Tawfeeq]

تركيا بس بلاش اسطنبول

 

[Akram Essam Mohamed]

Maldives, Turkey or salzburg (Austria)

 

[Malik Essam]

تركيا بس انطاليا او بورصة بلاش اسطنبول و أنقرة علشان هيتعبو فيها

 

[Malik Essam]

ممكن جورجيا كمان حلوة جدا

 

[Ahmed Mohamed]

Thiland , karabi or kusamui
Philpin , Cebu , elnidoo , Palawan

 

[Enass Attia]

المالديف بعيده قوى عليهم

 

[عبداللة جمعة]

خليهم يسافروا النرويج
بلد جميلة جدا جدا جدا

 

[Alaa Abdelhamed]

اهم حاجه عندك ابعدي عن شهر 7 و8 وخليكي في 9 هتفرق معاكي المصاريف تقريبا النص

 

[Wael Tawfik]

طب ممكن تساعديني بتكت رخيص انا وصحبي اخر الشهر لباريس لو سمحتي

 

[Keko Keko]

فينيسيا

 

[هشام كامل]

عايزه تروحي دوله ومنها تزوري 3دول والله مش متعبه روحي بلجيكا بروكسيل وتبقي دي مقر الاقامه من بروكسيل القطار مريح جدا الي امستردام يوم وترجعي نفس اليوم 3ساعات بالقطار تريحي يوم وتروحي باريس بالقطار 3ساعات تلفي باريس اليوم كله وترجعي تريحي يوم وبعدين لكسمبورج بالقطار 2ساعه تلفي البلد في يوم وترجعي كده روحتي بلجيكا وهولندا وفرنسا ولكسمبورج انا عملت الرحله دي مع المدام اسعار القطار والله رخيصه كل بلد اروحها اخذ الاتوبيس السياحي الف بيه البلد كلها مش غالي تذكره القطار ذهاب وعوده 4مواعيد للذهاب و3مواعيد للعوده متقلقيش من الرجوع الميزه ان بلجيكا تتوسط اوربا علشان كده المسافات بينها وبين هذه الدول ليست بعيده وصقيني مش مجهود

 

[Mahmoud Mahmoud]

النمسا في طبيعه وجمال ودوله راقيه جدا وفي مكان انا روحته شخصيا عالحدود بين المانيا والنمسا في النمسا مدينه اسمها سالزبرج والمانيا مدينه اسمها باد غايشين هال المدينه دي فيها طبيعه وغابات وجبال ولا فالخيال وبينا وبين سالزبرج حوالي ربع ساعه بالمواصلات تستمتعي فيها بالطبيعه و تخرجي في سالزبرج

 

[Enas Abu Bakr]

f

 

[Anette Boutros]

سريلانكا ممكن تاخد فيها أوتيلات خيالية

 

[ALi Elkallaf]

الهند لومناظر طبيعيه
corg و kerla
لو عايزه جو بحر و اكترها اجانب و احلى من شرم و الغردقه و اسعارها ارخص من مصر
goa
عندك دلهى اخرك فيها يومين تروحى تاج محل و شويه لف
او تروحى ميسور في هناك mysore palace اخرك فيها يوم مش اكتر من كده
خبره سنتين و لسا عايش معاهم