صباح الفل .. انا دورت ع إجابة سؤالي قبل ما اسأل و ملاقتش والله دلوقتي صديقة...

[Menna Allah]

صباح الفل ..
انا دورت ع إجابة سؤالي قبل ما اسأل و ملاقتش والله
دلوقتي صديقة لي عندها 6 ساعات ترانزيت في بكين هي مسافرة بعدها على شنجهاي
تقدر تعمل فيهم حاجة ولا لا ولو تفدر تعمل ايه مثلا !!
ثانيا يكفيها كام للهدايا و الشوبينج مثلا و هكذا اشياء كمبلغ اضافي يعني !!!!!
هي هتقعد 3 ايام في شنجهاي و بعدها مسافرة كوانزو 3 ايام برده
في اي اقتراحات لاي حاجة تتعمل هناك لانها مسافرة مؤتمر في الاساس فمفيش خطط سياحية اوي
شكرا مقدما

 

[عمرو الشافعي]

بكين غالية جدا ومش بلد شوبينج .
خليها توفر الشوبينج وكل الحاجات دي لما تنزل كوانزو. هي دي البلد الملائمة للشوبينج والكلام ده بس فصال بقي لاكتر من النص طبعا

 

[Menna Allah]

محدش راح الصين هنا يفيدنا خالص يا جماعة ولا ايه ؟

 

[عمرو الشافعي]

امال احنا بنتكلم علي اساس السمع مثلا

 

[Omnia Gamal]

انا روحت بكين وجوانزو مش من المفضل انها تطلع من المطار بالرغم ان بكين بصراحه من الحتت الجميله واللي فيها شويه مزارات بس غااااليه ملهاش لازمه تروح تعمل شوبينج حتى لو من السوق الحره تفكها
جوانزو انا اتبسطت فيها قوي بلد نظيفه كده وخفيفه ومش زحمه ولو لحقت تحضر معرض الكانتون اعتقد وقتو الفتره دي حياخد معاها شويه وقت حلوين وهو كبيير جدا فيه شويه جناين لطيفه وشويه محلات مش وحشه للتمشيه بس بلاش البراندات غاااليه بردو شنغهاي اسمع انها لطيفه بس مروحتهاش الصراحه بس اعتقد بردو مدينه اقتصاديه مش سياحيه عموما المناطق اللي هي رايحاها دي كلها مناطق الليفل من متوسط لعالي فا حتلاقي الحاجه فيها بكواليتي كويسه بس بسعر عالي شويه مش زي اللي بيجلنا مصر