A
Ahmed Abdel Basset
:: مسافر ::
هلا وغلا ... النهاردة هكمل معاكوا حكاوى Bali الجزيرة الساحرة هكلمكوا عن مكان من افخم وامتع الاماكن إللى زورتها هناك و نبتدى بمنتجعات ayana و هو منتجع فخم ينقسم لفندقين ayana و rimba الاتنين قريبين من بعض تتنقل بينهم فى طافطاف المجمع ليه بوابة وبتمشى بالعربية مسافة وحواليك كمية جناين تحفة و زهور وأشجار عملاقة و عمرها عشرات السنين وبنوصل فندق ayana الاول وطبعا مش عارف احكى المناظر واسيب الصور تحكى طبعا الفندق على مرتفع صخرى وقصادك كمية مياة و زرقان و خضران محترمة ⛰ و عندهم rock bar تحت على حافة المرتفع وفوق المياة علطول و دة بتنزلوا باسانسير كدة مثبت فى الصخر بس للاسف مقدرتش انزل لان لازم تبقا مقيم فى الفندق وهناك بيعملوا حفلات اعراس كمان من جمال المكان بعد كده بتركب طافطاف تروح rimba وهتشوف كمية زهور فى الطريق خلابة وجنبه شاطىء تنزله بحوالى ١٠٠٠ درجة سلم !!! الفندق تحفة طبعا المدخل عاملين حوض مياة overflow وقعدات وسطه و فيه حمام سباحة حلو و مشروبات و سناكس ومنظر الشجر و الخضرة قدامك على امتداد العين ودة احلى حاجة فى بالى هو المناظر الطبيعية و الاستجمام و هدوء الاعصاب و الشعب الودود و الابتسامة بعد كدة روحنا فيلا بتاعت صديقة قرب أراضى ubud إللى كلها مزارع ارز جميلة جدا و اخدناها ورحنا echo beach وهناك فى bar & resturant وطبعا سى فود ويارب تعجبكوا الصور ... ودمتم بالف عافية
