O
عايزة احكي تجربتي للسفر لكينيا ( نيروبي - ماساي مارا - مومباسا )
السفر كان اسبوع من يوم 8 - مارس فجرا ل يوم 14مارس فجرا بردو (الترتيب للسفر ده شخصي محدش ساعدني فيه شوية قرايه على مذاكرة لكينيا ) اسباب اختيارنا لكينيا
الجو من معتدل مساء لحر نهارا طول السنه الجو واحد مبيتغيرش - مكنش ينفع نسافر اي بلد ساقعه انا بكره الساقعه وبتعب بسرعه - اللغه بيتكلمو بنسبه 80 في المية منهم انجليزي كويس ومفهوم مش فرنسي زي معظم دول افريقيا - الفيزا سهله بشكل كبير اون لاين وبتاخد 48 ساعه فقط و ب 50 دولار ( حوالي 900 جنيه ) - روحنا دول كتير في اسيا فا قلنا نغير واروبا للاسف صعبه ولسه اخدين رفض شينجن للاسف - الاكل بشكل كبير معقول وقريب مننا وحتكلم عنه - بنحب المناطق اللي فيها طبيعه ومحميات - سمعت كتير عن افريقيا وجمالها للاسف من المواقع الاجنبيه العرب مش مهتمين بيها قوي وفعلا طلعت تحفة - الاسعار بشكل كبير قريب مننا في الاكل والشرب والسوبر ماركت (ماعدا المياه انا كنت اخدة معايا شنطة مليانة ازايز مية )
قبل السفر لااازم تطعيم الحمى الصفرا من احدى مراكز المصل واللقاح (بيتسال عليه في مطار نيروبي )وعنواينها على النت وده تطعيم حاليا بقى بدل مدته 10 سنين طوروه بقى مدى الحياه ) وبيدوك كمان دوى الملاريا اللي اسمو لاريام ببلاش بعد ما يشوفو تذكرة سفرك (الدواء ده لحد فترة بعيده كان ب 150 معرفش زاد قد ايه ) بس للاسف احنا لما روزحنا كان خلص بس هو بيبقى متواجد بشكل عام ولااننا كنا قربنا نسافر ادانا حاجة تانية اشتريناها من الصيدلة بيتاخد كل يوم من قبل السفر وحتى الرجوع )
السفر كان على الطيران الاثيوبي (طيران كويس ونظيف بشكل كبير ) من مطار القاهرة ( احنا اصلا من اسكندرية فا اخدنا سوبر جيت من الاسكندردية ) كان فيه ترانزيت في اديس بابا ساعتين وصلنا مطار نيروبي حدود الساعه 11 الصبح اخدنا بعضنا وركبنا مواصلات عامة لحد المكان اللي رايحينو (لاانصح بالتجربة ده لو مكان السكن بعيد ومعاك شنط كتير لانو بهدلة بس تجربة جميلة ) ياريت تشتري خط كيني من المطار اكتشفنا ان الموضوع ده مهم جدااااااا لان اولا رخيص ( باقة نت + خط التليفون ب 90 جنيه تقريبا وبيتبقى معاك شوية للمكالمات ) ثانيا حتحتاجو جداااا في جوجل ماب ولو عايز تركب اوبر لان اوبر متوفرة هناك بشكل كويس جدا .
اول يوم سكنا في شقه عادية جدا لانو يدوبك حيكون بيات لانو كنت مزبطة مع شركة سفاري حتيجي تاخدنا تاني يوم الساعه 7 ونص صباحا ) فيه موقع عملاه الدولة مع شركات السياحة هناك لضمان انو ميتنصبش عليك ( معرفش ينفع احطو ولا لا علشان موضوع الدعاية ) بتختار طلباتك ايه و بيتبعتلك 4 ايميلات من شركات مختلفه بيديك عروضهم وبتختار انسبهم ليك للاسف بسبب سعر الدولار فا اقل حاجة اللي بيسموها budget safari تعتببر غاليه بالنسبالنا بس بصراحة بردو كاانت تستاهل جدا جدا جدا ودي بتكلف حوالي من (280 ل 380 دولار الفرد 3 ايام ليلتين شامل اكل فطار غدا عشا ومية لو مسلم يفضل تبلهم انك عايز اكل حلال علشان ميبقاش فيه خنزير ويكون مدبوح على الطريقة الشرعية غير كدة لو صدفت انو منفعش الخضار بتاعهم والمكرونة لطيييفة جدا جدا وبيعملوه بطرق حلوه الصراحة والفاكهه جميلة ) انا اخترت اللي ب 330 بصيت على الريفيوز اللي عليه على trip advisor وعجبني بيجي تاخدك عربية والرحلة للكامب بتاخد حوالي 5 ساعات تقريبا بيتخللهم غدا وتوصل الكامب لوضع الشنط وتبدا رحتلك جوه محمية masai mara محمية كبيييييرة جدا الحيوانات بتعيش فيها من غير اي تدخل للانسان احنا الوقت اللي روحناه مكنش وقت هجرة حيوانات وبالرغم من كدة كان مليااان حيوانات جميله وبتشوفها عن قرب وتصور
خلصنا الايام دي كان لسه فاضلنا يومين كمان حجزنا السوبر جيت بتاعهم وروحنا المدينة الساحلية اللي اسمها (مومباسا ) المدينة بتبعد 450 كيلو عن نيروبي بس بتاخد وقت طويل جدا من 8 - 11 ساعه بسبب طرقهم الصعبة شوية بس شغالين في تزبيطها المدينة دي 90 % من سكانها مسلمين فا موضوع الاكل اسهل زيادة اليومين دول حجزنا في مكان قريب من الشاطئ اسمو nyali beach على المحيط الهندي جميل جدا بس هو الساحل في اسكندرية الطف الصراحة بالنسبالي اتفسحنا في البلد دي يومين ومن حظنا الحلو قابلنا بالصدفة الشديدة شاب مصري عايش هناك بصراحة زبطلننا اليوم اللي كان باقي هناك ركبنا الباص تاني بليل تاني يوم ورجعنا نيروبي الصبح تالت يوم اتفسحنا فيها شويه لحد معاد السفر بالنسبالي فعلا السفرية كانت تستحق التجربة الجميلة دي والصور بردو حتوضحلكم زيادة
ملحوظة : كينيا اللي معروف عنها انهم فقرا جدا وبيسرقو زي ما الاعلام بيصور (للاسف دي معلومة خاطئة جدا يمكن بنتسرق في مصر اكتر للاسف وبقولها وانا حزينة علينا والبلد دي على اعتاب تطور كويس جدا وبيمشو بخطى كويسة جدا للتحسن والتطور - الشعب لطيف وبيساعد بس متعودهوش عليك - نظاف في الاماكن العامة بتاعتهم وان كان ريحة الرجاله صعبة شوية معرفش ليه ممكن من الحر بس الاماكن والشوارع بشكل كبير نظيفة جدا ماعدا المناطق الفقيرة قوي )
الرحلة دي اتكلفت شاكب راكب من الطيران للتطعيم لمستلزمات اكل زيادة اخدناها معاها لمواصلاتنا كلها كلها لفردين حوالي ( 27 الف جنيها الرقم بالمصري يبان كتير هو بردو بسبب حوار الدولار وسعرو الغالي ) منها 9000 طيران فقط ممكن تقل بشكل كويس وكبير لو حتروحو سفارى وترجعو بدون سفر لاماكن اخرى
طولت جدا بس حبيت اوصل المعلومات كااملة على قد ما اقدر واي سؤال انا في الخدمة
السفر كان اسبوع من يوم 8 - مارس فجرا ل يوم 14مارس فجرا بردو (الترتيب للسفر ده شخصي محدش ساعدني فيه شوية قرايه على مذاكرة لكينيا ) اسباب اختيارنا لكينيا
الجو من معتدل مساء لحر نهارا طول السنه الجو واحد مبيتغيرش - مكنش ينفع نسافر اي بلد ساقعه انا بكره الساقعه وبتعب بسرعه - اللغه بيتكلمو بنسبه 80 في المية منهم انجليزي كويس ومفهوم مش فرنسي زي معظم دول افريقيا - الفيزا سهله بشكل كبير اون لاين وبتاخد 48 ساعه فقط و ب 50 دولار ( حوالي 900 جنيه ) - روحنا دول كتير في اسيا فا قلنا نغير واروبا للاسف صعبه ولسه اخدين رفض شينجن للاسف - الاكل بشكل كبير معقول وقريب مننا وحتكلم عنه - بنحب المناطق اللي فيها طبيعه ومحميات - سمعت كتير عن افريقيا وجمالها للاسف من المواقع الاجنبيه العرب مش مهتمين بيها قوي وفعلا طلعت تحفة - الاسعار بشكل كبير قريب مننا في الاكل والشرب والسوبر ماركت (ماعدا المياه انا كنت اخدة معايا شنطة مليانة ازايز مية )
قبل السفر لااازم تطعيم الحمى الصفرا من احدى مراكز المصل واللقاح (بيتسال عليه في مطار نيروبي )وعنواينها على النت وده تطعيم حاليا بقى بدل مدته 10 سنين طوروه بقى مدى الحياه ) وبيدوك كمان دوى الملاريا اللي اسمو لاريام ببلاش بعد ما يشوفو تذكرة سفرك (الدواء ده لحد فترة بعيده كان ب 150 معرفش زاد قد ايه ) بس للاسف احنا لما روزحنا كان خلص بس هو بيبقى متواجد بشكل عام ولااننا كنا قربنا نسافر ادانا حاجة تانية اشتريناها من الصيدلة بيتاخد كل يوم من قبل السفر وحتى الرجوع )
السفر كان على الطيران الاثيوبي (طيران كويس ونظيف بشكل كبير ) من مطار القاهرة ( احنا اصلا من اسكندرية فا اخدنا سوبر جيت من الاسكندردية ) كان فيه ترانزيت في اديس بابا ساعتين وصلنا مطار نيروبي حدود الساعه 11 الصبح اخدنا بعضنا وركبنا مواصلات عامة لحد المكان اللي رايحينو (لاانصح بالتجربة ده لو مكان السكن بعيد ومعاك شنط كتير لانو بهدلة بس تجربة جميلة ) ياريت تشتري خط كيني من المطار اكتشفنا ان الموضوع ده مهم جدااااااا لان اولا رخيص ( باقة نت + خط التليفون ب 90 جنيه تقريبا وبيتبقى معاك شوية للمكالمات ) ثانيا حتحتاجو جداااا في جوجل ماب ولو عايز تركب اوبر لان اوبر متوفرة هناك بشكل كويس جدا .
اول يوم سكنا في شقه عادية جدا لانو يدوبك حيكون بيات لانو كنت مزبطة مع شركة سفاري حتيجي تاخدنا تاني يوم الساعه 7 ونص صباحا ) فيه موقع عملاه الدولة مع شركات السياحة هناك لضمان انو ميتنصبش عليك ( معرفش ينفع احطو ولا لا علشان موضوع الدعاية ) بتختار طلباتك ايه و بيتبعتلك 4 ايميلات من شركات مختلفه بيديك عروضهم وبتختار انسبهم ليك للاسف بسبب سعر الدولار فا اقل حاجة اللي بيسموها budget safari تعتببر غاليه بالنسبالنا بس بصراحة بردو كاانت تستاهل جدا جدا جدا ودي بتكلف حوالي من (280 ل 380 دولار الفرد 3 ايام ليلتين شامل اكل فطار غدا عشا ومية لو مسلم يفضل تبلهم انك عايز اكل حلال علشان ميبقاش فيه خنزير ويكون مدبوح على الطريقة الشرعية غير كدة لو صدفت انو منفعش الخضار بتاعهم والمكرونة لطيييفة جدا جدا وبيعملوه بطرق حلوه الصراحة والفاكهه جميلة ) انا اخترت اللي ب 330 بصيت على الريفيوز اللي عليه على trip advisor وعجبني بيجي تاخدك عربية والرحلة للكامب بتاخد حوالي 5 ساعات تقريبا بيتخللهم غدا وتوصل الكامب لوضع الشنط وتبدا رحتلك جوه محمية masai mara محمية كبيييييرة جدا الحيوانات بتعيش فيها من غير اي تدخل للانسان احنا الوقت اللي روحناه مكنش وقت هجرة حيوانات وبالرغم من كدة كان مليااان حيوانات جميله وبتشوفها عن قرب وتصور
خلصنا الايام دي كان لسه فاضلنا يومين كمان حجزنا السوبر جيت بتاعهم وروحنا المدينة الساحلية اللي اسمها (مومباسا ) المدينة بتبعد 450 كيلو عن نيروبي بس بتاخد وقت طويل جدا من 8 - 11 ساعه بسبب طرقهم الصعبة شوية بس شغالين في تزبيطها المدينة دي 90 % من سكانها مسلمين فا موضوع الاكل اسهل زيادة اليومين دول حجزنا في مكان قريب من الشاطئ اسمو nyali beach على المحيط الهندي جميل جدا بس هو الساحل في اسكندرية الطف الصراحة بالنسبالي اتفسحنا في البلد دي يومين ومن حظنا الحلو قابلنا بالصدفة الشديدة شاب مصري عايش هناك بصراحة زبطلننا اليوم اللي كان باقي هناك ركبنا الباص تاني بليل تاني يوم ورجعنا نيروبي الصبح تالت يوم اتفسحنا فيها شويه لحد معاد السفر بالنسبالي فعلا السفرية كانت تستحق التجربة الجميلة دي والصور بردو حتوضحلكم زيادة
ملحوظة : كينيا اللي معروف عنها انهم فقرا جدا وبيسرقو زي ما الاعلام بيصور (للاسف دي معلومة خاطئة جدا يمكن بنتسرق في مصر اكتر للاسف وبقولها وانا حزينة علينا والبلد دي على اعتاب تطور كويس جدا وبيمشو بخطى كويسة جدا للتحسن والتطور - الشعب لطيف وبيساعد بس متعودهوش عليك - نظاف في الاماكن العامة بتاعتهم وان كان ريحة الرجاله صعبة شوية معرفش ليه ممكن من الحر بس الاماكن والشوارع بشكل كبير نظيفة جدا ماعدا المناطق الفقيرة قوي )
الرحلة دي اتكلفت شاكب راكب من الطيران للتطعيم لمستلزمات اكل زيادة اخدناها معاها لمواصلاتنا كلها كلها لفردين حوالي ( 27 الف جنيها الرقم بالمصري يبان كتير هو بردو بسبب حوار الدولار وسعرو الغالي ) منها 9000 طيران فقط ممكن تقل بشكل كويس وكبير لو حتروحو سفارى وترجعو بدون سفر لاماكن اخرى
طولت جدا بس حبيت اوصل المعلومات كااملة على قد ما اقدر واي سؤال انا في الخدمة