M
Moutaz Mohamed
:: مسافر ::
#بورسعيد و #بورفؤاد
الفتره الاخيره اخدت قرار اعمل رحلات مع نفسي اكتشف بيها مصر و في نفس في نفس الوقت تكون اماكن قريبه من القاهره و تكون سهله ان الواحد يروح و يرجع في نفس اليوم و برده تكون رحله موفره و متاحه لاي شخص.
انا اتكلمت من اسبوع عن الاسكندريه و ازاي تعمل موفره بس هي مصر مش اسكندريه بس و في ناس كتيره عايزه تشوف اماكن جديده و تنبسط عشان كده هتكلم عن محافظه جديده مش اي حد بيفكر يروحها بالرغم انها قريبه جدا من القاهره و بتاخد ساعتين و نصف.
-الانتقالات
في اتوبيسات سوبرجيت و شرق الدلتا بتطلع من الموقف بتاع الماظه.
انا هتكلم عن السوبر جيت
سعر التذكره: ٣٥ جنيه
اول اتوبيس بيطلع الساعه ٦:٣٠ صباحا و تاني واحد ٧ صباحا و بعدها كل ساعه في باص بيطلع علي هناك لحد الساعه ٩ مساءا اخر باص بيتحرك من القاهره لحد بوسعيد.
و برده من بورسعيد نفس المواعيد و الاسعار و اخر باص راجع القاهره بيكون الساعه ٩ مساءا.
الباص بياخد وقت من ٢:١٥ الي ٢:٣٠ و بيكون الطريق سهل و سالك.
*ملحوظه
في قطار بيطلع الساعه ٦:٣٠ صباحا و الساعه ١١ صباحا و سعر التذكره ٣٢ جنيه و بياخد الطريق في ٤ ساعات و قطار من غير تكيف و بيقف في مراكز كتيره عشان خط مراكز فهتحس انه شبه قطار الصعيد الي في فيلم ساعه و نص الي اتقلب في اخر الفيلم.
فبلاش نفكر فيه عشان مضيعش وقت.
انا ركبت باص الساعه ٧ صباحا و وصلت بوسعيد الساعه ٩:٣٠ بالدقيقه.
الموقف عند النادي المصري البورسعيدي فهتنزل الموقف و تخليه علي يمينك و تطلع اول الشارع و تركب مايكروباص قله عايز تنزل شارع محمد علي عند الكنيسه.
*ملحوظه
المواصلات رخيصه جدا في بوسعيد يعني المايكروباص سعره موحد ١.٢٥ لاي مسافه.
التاكسي رخيص جدا و اكبر مشوار هياخد منك ١٥ جنيه.
الشعب البورسعيدي بيبدا حياته متاخر يعني هتلاقي الشوارع فاضيه لحد الساعه ١٢ و ٩٠٪ المحلات مغلقه فانت ممكن تفطر هناك و في محلات فول و طعميه كتيره.
خد فطارك و روح اركب العباره الي هتوديك مدينه بورفؤاد.
انت هتتمشي من منطقه محمد علي الي منطقه البحر حوالي ١٠ دقائق.
المعديه ديه بتركبها ببلاش و ممكن تقعد فيها يوم كامل من غير ما تنزل و محدش هيكلمك.
المعديه ديه بتاخدك الي مدينه بورفؤاد في حوالي ١٠ دقائق و طبعا كل اما العباره تتملي بتتحرك و مش بتاخد وقت.
افطر علي المعديه و لو معاك عيش ابقي ارمي في البحر عشان تتفرج علي طيور النورس و هي مجمعه و بتاكل.
خد رحتك علي المعديه لحد ما تزهق و بعد كده انزل مدينه بورفؤاد و الي هتحسسك انك دخلت اوربا من تصميم المساجد الي هتتخيل انك في تركيا او شكل المباني الي هيخليك تحس انك في اوربا.
هتتمشي في المدينه تقريبا ساعه او ساعه و نص خصوصا لو بتحب التصوير.
هترجع بوسعيد تاني عن طريق المعديه
و مينفعش تكون في بورسعيد و متكلش اكله سمك و خصوصا لو انت في شهور المعروفه بالسمك البوري المبطرخ.
-مطاعم السمك
اشهر ٣ محلات في بورسعيد هي
البرج
كاستن
الجندي
طبعا لو مش همك الميزانيه ممكن تاكل في البرج او كاستن و دول مكانهم في منطقه طرح البحر و ممكن تركب مايكروباص بجنيه و ربع و طروح.
تالت مطعم و هو الجندي و ده من المطاعم المعروفه جدا و رخيص و اكله حلو و انا كنت طالع مخصوص عشان المطعم ده و لكن تاتي الرياح بما لا تشتهي السفن و كان المحل مقفول لتجديد بس الي عرفته ان ليه فرع في بورفؤاد فممكن تاكل هناك و ترجع علي بورسعيد.
طبعا كان لازم حل بديل فسالنا عن البديل الناس رشحت محل اسمه عالم البحار و ده موجود في شارع اسمه البازار و بابل و ده هتلاقيه خامس تقاطع بعد نزولك من المعديه يعني هتتمشي ١٠ دقائق مش محتاج تركب حاجه و مجرد ما توصل التقاطع الخامس ادخل يمين و هتلاقيه.
*مطعم عالم البحار
وصلنا المطعم الي كان واخد ديكور حلو و ده هيبان في الصور.
اشهر اكله بيتميز بيها البورسعديه هي السمك البوري السنجاري.
طلبت سمكه بوري وزنها ٦٥٠ جرام. و المفروض الكيلو ١٠٠ جنيه و ناخد بالنا ان السمك البحري اغلي من المزارع فعشان كده هتلاقيه تقيل فبلاش تطلبها كبيره و خليه ٥٥٠ جرام احسن.
خلي بالك برده ان احنا رايحين في موسم البطارخ فبيكون غالي.
الوجبه بتنزل بالسلطات و الارز الصياديه فمش محتاج حاجه جنبها و سعر الوجبه ديه كان ٦٠ جنيه.
اصدقائي طلبوا شوربه سي فود و كان سعرها ٣٠ جنيه و مكنتش الواو الي تخلبك مبسوط منها.
طلبوا طاجن جمبري بالسيبيا (السيبيا ديه هي الكاليماري بس البورسعيديه بيقولوا عليها سيبيا) و ده كان حجمه حلو و طعمه حلو و مليان جمبري وسيبيا بالصوص الاحمر و بينزل مع الارز و السلطه و سعره ٧٠ جنيه.
طلبوا مكرونه سي فود بالصوص الاحمر و مكنتش مميزه.
خلصنا اكل و اتمشينا من منطقه البازار الي منطقه طرح البحر و هتتمشي حوالي ٢٠ دقيقه و هتعدي علي اعرق كنيسه هناك.
هتوصل لشط و هتلاقي هواء نقي مش هتشم زفاره
ممكن تتمشي شويه او تقعد علي الرمل و لو عايز تاجر كورسي هتدفع ١٠ جنيه او ممكن تقعد علي كافيه من الكافيهات علي البحر.
نصيحه احضر الغروب من علي اللسان الي من خلاله هتتفرج علي قناه السويس و علي القواقع الي بتغطي الرمال.
لو لسه بدري علي الغروب ممكن تطلع من ناحيه نادي الصيد و تمشي علطول و توصل الي الكورنيش بتاع ديليسبس و تاكل ترمس بالحمص بالعدس و الفول ب ٢ جنيه.
هناك هتلاقي علي السور بتاع الكورنيش اقفال الحب الي عامل زي بتاع فرنسا بس هتلاقوا السور مصدي شويه بس هتلاقي حبيبه كتير.
طبعا المكان ده اتصور فيه فيلم المشبوه بتاع عادل امام و سعاد حسني و فيلم ابو العربي بتاع هاني رمزي.
احضر الغروب هناك
_التسوق
مينفعش تكون في بورسعيد و متعديش تيجيب بنطلون جينز او الكوتشيهات او الصابون او الشانبوا او الكريمات.
اركب مايكروباص و قله عايز انزل شارع التلاتيني
و ده اكبر سوق موجود في بوسعيد و ناخد بالنا من نقطه ان في سوق في بوسعيد بيبيع الباله( الملابس المستعمله و جايه من اوربا) ده مروحطوش و اسعاره رخيصه جدا بس مش اي حد يحب الموضوع ده.
عشان كده اتمشي في السوق و هتلاقي اسعار الجينزات الليكرا ب ٦٠ جنيه و الانواع التانيه زي تقليد الليفيس ب ١٥٠ جنيه.
لو انت بتشتري من المحلات جوه فاصل جامد و لو بتشتري من الباعه في الشارع فسعر الجينز ٦٠ جنيه و الجزمه الكوتشي التقليد مش الاصلي ٢٥٠ جنيه.
لو انت ليك في الترنجات الرياضي فهتلاقي محلات كتيره و هتلاقي الطقم كامل لو مصري ١٦٠ و لو تركي ٢٥٠ بس خامه المصري حلوه جدا.
بتخلص اركب لموقف عشان تحجز و ترجع القاهره.
اتمني الكل يجرب الرحله ديه و تستمتعوا بيها.
#Traveller_Experience
الفتره الاخيره اخدت قرار اعمل رحلات مع نفسي اكتشف بيها مصر و في نفس في نفس الوقت تكون اماكن قريبه من القاهره و تكون سهله ان الواحد يروح و يرجع في نفس اليوم و برده تكون رحله موفره و متاحه لاي شخص.
انا اتكلمت من اسبوع عن الاسكندريه و ازاي تعمل موفره بس هي مصر مش اسكندريه بس و في ناس كتيره عايزه تشوف اماكن جديده و تنبسط عشان كده هتكلم عن محافظه جديده مش اي حد بيفكر يروحها بالرغم انها قريبه جدا من القاهره و بتاخد ساعتين و نصف.
-الانتقالات
في اتوبيسات سوبرجيت و شرق الدلتا بتطلع من الموقف بتاع الماظه.
انا هتكلم عن السوبر جيت
سعر التذكره: ٣٥ جنيه
اول اتوبيس بيطلع الساعه ٦:٣٠ صباحا و تاني واحد ٧ صباحا و بعدها كل ساعه في باص بيطلع علي هناك لحد الساعه ٩ مساءا اخر باص بيتحرك من القاهره لحد بوسعيد.
و برده من بورسعيد نفس المواعيد و الاسعار و اخر باص راجع القاهره بيكون الساعه ٩ مساءا.
الباص بياخد وقت من ٢:١٥ الي ٢:٣٠ و بيكون الطريق سهل و سالك.
*ملحوظه
في قطار بيطلع الساعه ٦:٣٠ صباحا و الساعه ١١ صباحا و سعر التذكره ٣٢ جنيه و بياخد الطريق في ٤ ساعات و قطار من غير تكيف و بيقف في مراكز كتيره عشان خط مراكز فهتحس انه شبه قطار الصعيد الي في فيلم ساعه و نص الي اتقلب في اخر الفيلم.
فبلاش نفكر فيه عشان مضيعش وقت.
انا ركبت باص الساعه ٧ صباحا و وصلت بوسعيد الساعه ٩:٣٠ بالدقيقه.
الموقف عند النادي المصري البورسعيدي فهتنزل الموقف و تخليه علي يمينك و تطلع اول الشارع و تركب مايكروباص قله عايز تنزل شارع محمد علي عند الكنيسه.
*ملحوظه
المواصلات رخيصه جدا في بوسعيد يعني المايكروباص سعره موحد ١.٢٥ لاي مسافه.
التاكسي رخيص جدا و اكبر مشوار هياخد منك ١٥ جنيه.
الشعب البورسعيدي بيبدا حياته متاخر يعني هتلاقي الشوارع فاضيه لحد الساعه ١٢ و ٩٠٪ المحلات مغلقه فانت ممكن تفطر هناك و في محلات فول و طعميه كتيره.
خد فطارك و روح اركب العباره الي هتوديك مدينه بورفؤاد.
انت هتتمشي من منطقه محمد علي الي منطقه البحر حوالي ١٠ دقائق.
المعديه ديه بتركبها ببلاش و ممكن تقعد فيها يوم كامل من غير ما تنزل و محدش هيكلمك.
المعديه ديه بتاخدك الي مدينه بورفؤاد في حوالي ١٠ دقائق و طبعا كل اما العباره تتملي بتتحرك و مش بتاخد وقت.
افطر علي المعديه و لو معاك عيش ابقي ارمي في البحر عشان تتفرج علي طيور النورس و هي مجمعه و بتاكل.
خد رحتك علي المعديه لحد ما تزهق و بعد كده انزل مدينه بورفؤاد و الي هتحسسك انك دخلت اوربا من تصميم المساجد الي هتتخيل انك في تركيا او شكل المباني الي هيخليك تحس انك في اوربا.
هتتمشي في المدينه تقريبا ساعه او ساعه و نص خصوصا لو بتحب التصوير.
هترجع بوسعيد تاني عن طريق المعديه
و مينفعش تكون في بورسعيد و متكلش اكله سمك و خصوصا لو انت في شهور المعروفه بالسمك البوري المبطرخ.
-مطاعم السمك
اشهر ٣ محلات في بورسعيد هي
البرج
كاستن
الجندي
طبعا لو مش همك الميزانيه ممكن تاكل في البرج او كاستن و دول مكانهم في منطقه طرح البحر و ممكن تركب مايكروباص بجنيه و ربع و طروح.
تالت مطعم و هو الجندي و ده من المطاعم المعروفه جدا و رخيص و اكله حلو و انا كنت طالع مخصوص عشان المطعم ده و لكن تاتي الرياح بما لا تشتهي السفن و كان المحل مقفول لتجديد بس الي عرفته ان ليه فرع في بورفؤاد فممكن تاكل هناك و ترجع علي بورسعيد.
طبعا كان لازم حل بديل فسالنا عن البديل الناس رشحت محل اسمه عالم البحار و ده موجود في شارع اسمه البازار و بابل و ده هتلاقيه خامس تقاطع بعد نزولك من المعديه يعني هتتمشي ١٠ دقائق مش محتاج تركب حاجه و مجرد ما توصل التقاطع الخامس ادخل يمين و هتلاقيه.
*مطعم عالم البحار
وصلنا المطعم الي كان واخد ديكور حلو و ده هيبان في الصور.
اشهر اكله بيتميز بيها البورسعديه هي السمك البوري السنجاري.
طلبت سمكه بوري وزنها ٦٥٠ جرام. و المفروض الكيلو ١٠٠ جنيه و ناخد بالنا ان السمك البحري اغلي من المزارع فعشان كده هتلاقيه تقيل فبلاش تطلبها كبيره و خليه ٥٥٠ جرام احسن.
خلي بالك برده ان احنا رايحين في موسم البطارخ فبيكون غالي.
الوجبه بتنزل بالسلطات و الارز الصياديه فمش محتاج حاجه جنبها و سعر الوجبه ديه كان ٦٠ جنيه.
اصدقائي طلبوا شوربه سي فود و كان سعرها ٣٠ جنيه و مكنتش الواو الي تخلبك مبسوط منها.
طلبوا طاجن جمبري بالسيبيا (السيبيا ديه هي الكاليماري بس البورسعيديه بيقولوا عليها سيبيا) و ده كان حجمه حلو و طعمه حلو و مليان جمبري وسيبيا بالصوص الاحمر و بينزل مع الارز و السلطه و سعره ٧٠ جنيه.
طلبوا مكرونه سي فود بالصوص الاحمر و مكنتش مميزه.
خلصنا اكل و اتمشينا من منطقه البازار الي منطقه طرح البحر و هتتمشي حوالي ٢٠ دقيقه و هتعدي علي اعرق كنيسه هناك.
هتوصل لشط و هتلاقي هواء نقي مش هتشم زفاره
ممكن تتمشي شويه او تقعد علي الرمل و لو عايز تاجر كورسي هتدفع ١٠ جنيه او ممكن تقعد علي كافيه من الكافيهات علي البحر.
نصيحه احضر الغروب من علي اللسان الي من خلاله هتتفرج علي قناه السويس و علي القواقع الي بتغطي الرمال.
لو لسه بدري علي الغروب ممكن تطلع من ناحيه نادي الصيد و تمشي علطول و توصل الي الكورنيش بتاع ديليسبس و تاكل ترمس بالحمص بالعدس و الفول ب ٢ جنيه.
هناك هتلاقي علي السور بتاع الكورنيش اقفال الحب الي عامل زي بتاع فرنسا بس هتلاقوا السور مصدي شويه بس هتلاقي حبيبه كتير.
طبعا المكان ده اتصور فيه فيلم المشبوه بتاع عادل امام و سعاد حسني و فيلم ابو العربي بتاع هاني رمزي.
احضر الغروب هناك
_التسوق
مينفعش تكون في بورسعيد و متعديش تيجيب بنطلون جينز او الكوتشيهات او الصابون او الشانبوا او الكريمات.
اركب مايكروباص و قله عايز انزل شارع التلاتيني
و ده اكبر سوق موجود في بوسعيد و ناخد بالنا من نقطه ان في سوق في بوسعيد بيبيع الباله( الملابس المستعمله و جايه من اوربا) ده مروحطوش و اسعاره رخيصه جدا بس مش اي حد يحب الموضوع ده.
عشان كده اتمشي في السوق و هتلاقي اسعار الجينزات الليكرا ب ٦٠ جنيه و الانواع التانيه زي تقليد الليفيس ب ١٥٠ جنيه.
لو انت بتشتري من المحلات جوه فاصل جامد و لو بتشتري من الباعه في الشارع فسعر الجينز ٦٠ جنيه و الجزمه الكوتشي التقليد مش الاصلي ٢٥٠ جنيه.
لو انت ليك في الترنجات الرياضي فهتلاقي محلات كتيره و هتلاقي الطقم كامل لو مصري ١٦٠ و لو تركي ٢٥٠ بس خامه المصري حلوه جدا.
بتخلص اركب لموقف عشان تحجز و ترجع القاهره.
اتمني الكل يجرب الرحله ديه و تستمتعوا بيها.
#Traveller_Experience
