N
Nou Mostafa
:: مسافر ::
الجزء الأول Turkyie :
بلد جميله فعلاااااا و ظلمها اللى حصر السفر فيها الى اسطانبول فقط.... انها ( تركيا) ؛ تركيا بلد جميله جداااا و فيها مدن كتير تستاهل السفر غير اسطانبول زى: طرابزون – ريز - أزمير – بورصه – بودروم او انطاليا – كابوديكا - ....... الخ اتفرجوا على الفديو ده:
بس دا مش معناه ان اسطانبول وحشه بالعكس دى حلوه و ناويه ارجع ازورها تانى ان شاء الله على عكس تايلاند كفايه عليها زياره مره واحد بس؛
انا سافرت تايلاند بس ارشح السفر لطرلبزون بدلا منها.
انا هتكلم فى اول جزء عن اكتر حاجات بنبقى عايزين نعرفها علشان نسافر تركيا وهتكلم بالتفصيل الممل
الفيزا من مصر، المتطلبات:
1- كشف حساب بنكى لأخر 6 شهور يكون فيه مبلغ كويس (اقل من اوروبا طبعا)
2- hr letter
3- حجز طيران مبدئى (من اى شركه سياحه ب 40-60 جنيه على حسب الشركه) و حجز فندق مبدئى (حجز الفندق من booking.com)
4- تأمين طبى من اى شركه تأمين ب 100 جنيه تأمين طبى مدته 8 ايام
5- باسبور سارى لمده 6 شهور
6- عدد 2 صوره شخصيه حديثه خلفيه بيضاء
بتدخل على موقع السفاره وتاخد ميعاد، هيبعتولك ورقه بالميعاد تاخدها معاك السفاره لااااااازم لأن مش هياخدوا ورقك من غيرها وتديهم الورق كله و تدفع 470 جنيه.
ملحوظه:
1- لو انتم اتنين متجوزين خدوا صوره من شهاده(قسيمه ) الجواز معاكم دا هيسهلكم الدنيا وساعتها مش هيسأل عن كشف حساب للزوجه وهيدوكم الفيزا بعد يومين.
2- لو انتم تحت ال 18 سنه او فوق ال 45 سنه، الفيزا بتاخدوها اون لاين ب 20 دولار بس و مالكمش تصريح امنى كمان
3- التصريح الامنى بيطلع بعد ما تاخدوا الفيزا؛ هتروح مجمع التحرير الدور الاول عند ظابط الاتصال (مواعيدهم: من السبت للخميس من الساعه 8 ل 2ونصف) و معاك الباسبور و مصور اول صفحه فى الباسبور صوره و مصور صفحه الفيزا و بتدفع نص جنيه وتملى استماره وتبقى حافظ تاريخ ميلاد والدك واسمه الرباعى، وبتروح بعد 5 ايام عمل تستلم التصريح بس بعد 12 الظهر علشان يكون خلص وطبعا اللى فى الباسبور مكتوب مهنه بيقى اسهل تاخد التصريح وكمان اللى مكتوبله حاصل على .... زى بكالوريوس هندسه او طب او صيدله او علوم او سياسه واقتصاد ، الكليات دى بتقوى موقفك اكتر و متسألوش ليه بيبوصولها بالطريقه دى .
الطيران:
عندك الخطوط التركيه -مصر للطيران ودول التذكره ذهاب وعوده فى حدود 2800 جنيه بس احجز قبلها ب 3 اسابيع مثلا. او عندك نايل اير ب 2400 جنيه بس مواعيدهم سيئه جدااا يعنى فى الاقلاع ن مصر اتأخروا ساعه وخمسين دقيقه و فى الافلاع من اسطانبول اتاخروا ساعه بالظبط فاذا مش فارق معاك تاخيرهم سافر معاهم لانهم الرخص ورحالتهم ايام الجمعه والاحد و الاربعاء فقط. نايل اير بتبقى افضل فى السعر لو حجزت قبل السفر بمده قليله؟
الفندق:
انا افضل منطقه السلطان احمد و خصوصا بالقرب من محطه ترام gulhane المنطقه هناك ليها روح جميله اوى و ارشحلكم فندق sirkeci park hotel عيبه الوحيد ان غرفه ضيقه اوى بس لنتوا مش هتقعدوا فى الفندق غير على النوم اصلا ، الفندق حجزناه فى عرض على بوكينج ب 100 ليره الغرفه المزدوجه فى اليوم، الغرف نظيفه و الstaff هناك كويسين جدا وبيتكلموا انجليزى كويس اوى ومتعاونين جدااا ودقيقتين فقط مشى لمحطه ترام gulhane و 10 دقائق مشى لجامع السلطان احمد.
فى ناس بتفضل تنزل فى تقسيم علشان فنادقها احدث و غرافها اكبر ويبقوا جمب شارع الاستقلال ...طبعا كل واحد ليه رأيه بس من رأى للاستمتاع بجو اسطانبول خليك فى منطقه السلطان احمد او كما يسوها old city
الانتقال من المطار الى الفندق:
*من مطار اتاتورك او مطار صبيحه لتتقسيم استخدم ال havatas bus ب 15 ليره.
* من مطار اتاتورك او مطار صبيحه لمنطقه السلطان احمد استخدم ال havtas bus ب 15 ليره ثم ترام لمنطقه السلطان احمد ب 2.30 ليره.
* هافطاش باص بيتحرك كل نص ساعه من المطار_ نظيف – مكيف – فى مكان للشنط زى السوبرجت كده- بتركب و بعدين بيعدى السواق يقطعلك تكت وتدفع.
* ممكن استخدام المترو من مطار اتاتورك لتقسيم او سلطان احمد.
* من فندق sirkeci park الى المطار حجزنا مع الفندق airport shuttle bus كان عباره عن van بس نظيفه التكلفه للفرد لمطار اتاتورك ب 16ونص ليره و من الفندق لمطار صبيحه ب 3 ليره لأنه ابعدفحجزنا معاهم لأنه كان ارخص نا اننا نركب موصلات.
* هناك هتلاقى عادى الناس كلها جره شنطها فى المترو فمش هتحس انك الوحيد اللى مسحول
اسطانبول كاردIstanbulkart) ):
* اول ما تخرج من مطار صبيحه هتلاقي فى وشك زى المكن اللى فى الصور – هتختار كلمه Istanbulkart وتودع فى المكنه 10 ليره اقل حاجه لأن تكلفه الكارت 6 ليره و هيحطلك 4 ليره رصيد – انا شايفه اقل حاجه 10 ليره رصيد هتحتاجهم فى الاول – الكارت ده مهم جدااا للأن كل التنقلات هتبقى بالمترو والترام
*بتشحن الكارت من اى مكنه كل اللى بتعمله انك تحط الكارت على وشه – المكنه هتقول كلام بالتركى – تقوم تودع الفلوس - المكنه هتقول كلام بالتركى وهيظهرلك على الشاشه الكارت فيه رصيد اد ايه – تقوم شايل الكارت وكده هو شحن خلاص
حاجات مهمه لازم تاخد بالك منها:
1-غير عمله حبه صغيرين فى المطار لأن بيدولك سعر اقل من الصرافات بره (الدولار ب 2.85 فى المطار) او اسحب من ال atm هتطلعلك فلوس بالليره.
2- ممكن تشترى خط من هناك لو حابب؛ الكل اجمع ان turkcell اقوى شبكه هناك وافضل تغطيه – تمن السيم كارد بال 3 GB انترنت ب 750 دقيقه و 1000 رساله (اللى هما مش هنستخدمهم اصلا ) ب 100 ليره (هينفعك الخط ده اكتر لو مسافر مدينه تانيه بالاضافه الى اسطانبول- لو هتفضل فى اسطانبول بس مش هتحتاج النت اوى بره الفندق) بس النت بصراحه كان بينفع فى الترجمه لان ناس كتير هناك مش بيتكلوا انجليزى.
4-مطار صبيحه رغم انه مطار رقم اتنين فى اسطانبول بس هو نظيف و كويس جداا
يتبع تفاصيل الرحله فى الجزء الثانى..
بلد جميله فعلاااااا و ظلمها اللى حصر السفر فيها الى اسطانبول فقط.... انها ( تركيا) ؛ تركيا بلد جميله جداااا و فيها مدن كتير تستاهل السفر غير اسطانبول زى: طرابزون – ريز - أزمير – بورصه – بودروم او انطاليا – كابوديكا - ....... الخ اتفرجوا على الفديو ده:
انا سافرت تايلاند بس ارشح السفر لطرلبزون بدلا منها.
انا هتكلم فى اول جزء عن اكتر حاجات بنبقى عايزين نعرفها علشان نسافر تركيا وهتكلم بالتفصيل الممل
الفيزا من مصر، المتطلبات:
1- كشف حساب بنكى لأخر 6 شهور يكون فيه مبلغ كويس (اقل من اوروبا طبعا)
2- hr letter
3- حجز طيران مبدئى (من اى شركه سياحه ب 40-60 جنيه على حسب الشركه) و حجز فندق مبدئى (حجز الفندق من booking.com)
4- تأمين طبى من اى شركه تأمين ب 100 جنيه تأمين طبى مدته 8 ايام
5- باسبور سارى لمده 6 شهور
6- عدد 2 صوره شخصيه حديثه خلفيه بيضاء
بتدخل على موقع السفاره وتاخد ميعاد، هيبعتولك ورقه بالميعاد تاخدها معاك السفاره لااااااازم لأن مش هياخدوا ورقك من غيرها وتديهم الورق كله و تدفع 470 جنيه.
ملحوظه:
1- لو انتم اتنين متجوزين خدوا صوره من شهاده(قسيمه ) الجواز معاكم دا هيسهلكم الدنيا وساعتها مش هيسأل عن كشف حساب للزوجه وهيدوكم الفيزا بعد يومين.
2- لو انتم تحت ال 18 سنه او فوق ال 45 سنه، الفيزا بتاخدوها اون لاين ب 20 دولار بس و مالكمش تصريح امنى كمان
3- التصريح الامنى بيطلع بعد ما تاخدوا الفيزا؛ هتروح مجمع التحرير الدور الاول عند ظابط الاتصال (مواعيدهم: من السبت للخميس من الساعه 8 ل 2ونصف) و معاك الباسبور و مصور اول صفحه فى الباسبور صوره و مصور صفحه الفيزا و بتدفع نص جنيه وتملى استماره وتبقى حافظ تاريخ ميلاد والدك واسمه الرباعى، وبتروح بعد 5 ايام عمل تستلم التصريح بس بعد 12 الظهر علشان يكون خلص وطبعا اللى فى الباسبور مكتوب مهنه بيقى اسهل تاخد التصريح وكمان اللى مكتوبله حاصل على .... زى بكالوريوس هندسه او طب او صيدله او علوم او سياسه واقتصاد ، الكليات دى بتقوى موقفك اكتر و متسألوش ليه بيبوصولها بالطريقه دى .
الطيران:
عندك الخطوط التركيه -مصر للطيران ودول التذكره ذهاب وعوده فى حدود 2800 جنيه بس احجز قبلها ب 3 اسابيع مثلا. او عندك نايل اير ب 2400 جنيه بس مواعيدهم سيئه جدااا يعنى فى الاقلاع ن مصر اتأخروا ساعه وخمسين دقيقه و فى الافلاع من اسطانبول اتاخروا ساعه بالظبط فاذا مش فارق معاك تاخيرهم سافر معاهم لانهم الرخص ورحالتهم ايام الجمعه والاحد و الاربعاء فقط. نايل اير بتبقى افضل فى السعر لو حجزت قبل السفر بمده قليله؟
الفندق:
انا افضل منطقه السلطان احمد و خصوصا بالقرب من محطه ترام gulhane المنطقه هناك ليها روح جميله اوى و ارشحلكم فندق sirkeci park hotel عيبه الوحيد ان غرفه ضيقه اوى بس لنتوا مش هتقعدوا فى الفندق غير على النوم اصلا ، الفندق حجزناه فى عرض على بوكينج ب 100 ليره الغرفه المزدوجه فى اليوم، الغرف نظيفه و الstaff هناك كويسين جدا وبيتكلموا انجليزى كويس اوى ومتعاونين جدااا ودقيقتين فقط مشى لمحطه ترام gulhane و 10 دقائق مشى لجامع السلطان احمد.
فى ناس بتفضل تنزل فى تقسيم علشان فنادقها احدث و غرافها اكبر ويبقوا جمب شارع الاستقلال ...طبعا كل واحد ليه رأيه بس من رأى للاستمتاع بجو اسطانبول خليك فى منطقه السلطان احمد او كما يسوها old city
الانتقال من المطار الى الفندق:
*من مطار اتاتورك او مطار صبيحه لتتقسيم استخدم ال havatas bus ب 15 ليره.
* من مطار اتاتورك او مطار صبيحه لمنطقه السلطان احمد استخدم ال havtas bus ب 15 ليره ثم ترام لمنطقه السلطان احمد ب 2.30 ليره.
* هافطاش باص بيتحرك كل نص ساعه من المطار_ نظيف – مكيف – فى مكان للشنط زى السوبرجت كده- بتركب و بعدين بيعدى السواق يقطعلك تكت وتدفع.
* ممكن استخدام المترو من مطار اتاتورك لتقسيم او سلطان احمد.
* من فندق sirkeci park الى المطار حجزنا مع الفندق airport shuttle bus كان عباره عن van بس نظيفه التكلفه للفرد لمطار اتاتورك ب 16ونص ليره و من الفندق لمطار صبيحه ب 3 ليره لأنه ابعدفحجزنا معاهم لأنه كان ارخص نا اننا نركب موصلات.
* هناك هتلاقى عادى الناس كلها جره شنطها فى المترو فمش هتحس انك الوحيد اللى مسحول
اسطانبول كاردIstanbulkart) ):
* اول ما تخرج من مطار صبيحه هتلاقي فى وشك زى المكن اللى فى الصور – هتختار كلمه Istanbulkart وتودع فى المكنه 10 ليره اقل حاجه لأن تكلفه الكارت 6 ليره و هيحطلك 4 ليره رصيد – انا شايفه اقل حاجه 10 ليره رصيد هتحتاجهم فى الاول – الكارت ده مهم جدااا للأن كل التنقلات هتبقى بالمترو والترام
*بتشحن الكارت من اى مكنه كل اللى بتعمله انك تحط الكارت على وشه – المكنه هتقول كلام بالتركى – تقوم تودع الفلوس - المكنه هتقول كلام بالتركى وهيظهرلك على الشاشه الكارت فيه رصيد اد ايه – تقوم شايل الكارت وكده هو شحن خلاص
حاجات مهمه لازم تاخد بالك منها:
1-غير عمله حبه صغيرين فى المطار لأن بيدولك سعر اقل من الصرافات بره (الدولار ب 2.85 فى المطار) او اسحب من ال atm هتطلعلك فلوس بالليره.
2- ممكن تشترى خط من هناك لو حابب؛ الكل اجمع ان turkcell اقوى شبكه هناك وافضل تغطيه – تمن السيم كارد بال 3 GB انترنت ب 750 دقيقه و 1000 رساله (اللى هما مش هنستخدمهم اصلا ) ب 100 ليره (هينفعك الخط ده اكتر لو مسافر مدينه تانيه بالاضافه الى اسطانبول- لو هتفضل فى اسطانبول بس مش هتحتاج النت اوى بره الفندق) بس النت بصراحه كان بينفع فى الترجمه لان ناس كتير هناك مش بيتكلوا انجليزى.
4-مطار صبيحه رغم انه مطار رقم اتنين فى اسطانبول بس هو نظيف و كويس جداا
يتبع تفاصيل الرحله فى الجزء الثانى..