جماعه لو بنت هسافر لوحدى ايه افضل دولتين فى دول اختارهم لان الرحله مش طويله...

[Fayroz Zaher]

جماعه لو بنت هسافر لوحدى ايه افضل دولتين فى دول اختارهم لان الرحله مش طويله يعنى اسبوع بالمتير وممكن خمس ايام
هولندا بلجيكا المانيا التشيك
وانهى اقلهم تكلفه اطلع عليها طيران الاول

وسؤال حد سافر رومانيا ؟ يعنى اهلها فعلا عنيفين ومش بيحبو العرب عنوما بتوع شرق اروربا ؟ وفيها سرقه وكده ؟ اطلعها لوحدى ولا بلاش

 

[Hend Salem]

اختارى دولتين قريبين من بعض و سهل الانتقال بينهم عشان ماتضيعيش وقت فى الانتقال طالما الوقت المتاح لك قصير

 

[Hend Salem]

بالنسبة للطيران لازم تشوفى سعر التذكرة لكل دولة منهم حسب تواريخ سفرك و خلى العودة من اخر بلد هتوصلى لها توفيرا للوقت

 

[Mohamed Ayman]

هولندا جميلة جدا .. و المانيا و بلجيكا الاتنين قريبين من من هولندا و ممكن في الاسبوع تروحي التلاته

 

[Live Horeya]

لو عاوزة اروح المانيا من اسبانيا ايه اقرب بلد في اسبانيا اخد منها قطار او طيارة لالمانيا

 

[Mohamed Hassan Kenawy]

الناس في رومانيا مش كده خالص، الناس الكبيرة مسالمة جدا ومحترمة والشباب منفتح ومتقبل للآخر، طبعا هيكون في استثناءات زي الغجر ودول مكروهين من الكل سواء الرومانيين أو الأوروبيين. جزء من السكان في رومانيا أصولهم تركية، والجانب الشرقي منها فيه أتراك كثير ومتعودين على وجود المسلمين بينهم. الإعلام فعلا بيصور العرب على أنهم إرهابيين وما إلى ذلك، بس في الأغلب مفيش حد هيحكم على حد لمجرد أنه عربي. مفيش طيران مباشر من مصر إلى رومانيا بالمناسبة.

 

[Monique Wahid]

ممكن تدخولي ع صفحته وتكملّي قراية، دوّري عليه ف الصور

 

[Ahmad Abdelwanis]

هولندا ممتعة جدا وجميلة ومفيش فرق كبير في الطبيعة او المزارات بين هولندا وبلجيكا فالافضل تروحي بلد تانية عشان تحسي ان فيه تغيير زي فرنسا او اسبانيا مع هولندا الفرق بين البلدين في الطبيعة كبير جدا
بالنسبة للمسافات بين دول اوروبا عموما مش كبيرة والطيران ارخص من القطار

 

[Dody Nada]

Prague in TripAdvisor top 10 destinations since 2 years, it's really beautiful city and not expensive too
And with it u can visit Vienna it's 3 hrs and half by bus

 

[MiDo Hafez]

انا عايش في بلجيكا و لو حد عنده استفسار يتفضل
بالنسبه لسفرك بلاش رومانيا نهائي عشان فعلا مش امان حتي الرومانين اللي عايشين هنا في بلجيكا كلهم مجرميين و معظم السرقات اللي بتتم في دول اوروبا بيكون من سكان شرق اوروبا بولندا، رومانيا،...

بالنسبه للمسافه بالقطر بين بلجيكا و هولندا حوالي ساعتين و هولندا هتعجبك جداً بالذات Amsterdam و Friesland

اما بلجيكا فيها كذا منطقه ممكن تزوريها
Brussels
Brugge من اجمل المدن اللي هتزوريها البيوت بتبقي علي نهر و بتركبي مركب و فيها Guid بيبدا يلف بيكي المنطقه كلها و يشرحلك كل حاجه فيها و متنسيش تيجبي شيكولاته من هناك لانها افضل مكان متميز بالشيكولاته في اوروبا كلها
Aardenen منطقه جبال و مناظر طبيعيه
Antwerpen : shopping centre كبير و مدينه كمان حلوه جداً

 

[Mohamed Ali]

تعالي بولندا وخلي الرحله التشيك بولندا ألمانيا هاتكون ارخص بكتير