B
Bahaa Aldeen Farouk
:: مسافر ::
زاي تاخد فيزا شنجن بكل سهولة 
!!!
أكتر سؤال بتسأله في الرسايل ازاي أخد شنجن و انا مسافرتش قبل كده , الموضوع مش صعب و لا مستحيل , الفكره كلها انك تظبط ورقك لأن هو اللي حيتكلم بلسانك , دلوقتي خلاص غالبا مافيش مقابلات و لا أسئلة , الورق اللي بتقدمه هو اللي بيمثلك أمام السفارة , طيب ازاي نظبط ورقنا و ايه المطلوب بالظبط :
أول حاجه تدخل تعمل الابليكشن على tlscontact و ده موقعهم : /Country Selection | TLScontact
الورق المطلوب كالاتي :
•كشف حساب بنكي عن اخر 3 شهور و ممكن تقدم 6 شهور ..... اهم حاجة في كشف حساب البنك ان يبقى في حركة سحب وايداع كتير ومش مهم المبلغ يكون كبير , يعني لو انت هتقعد 10 ايام عن كل يوم 100 يورو كحد أدنى. مع العلم أن رصيد حسابك مش مبرر للرفض أو القبول , الموضوع كله هو تاريخك على الحساب ده يعني موظف السفاره بيقدر يعرف مستواك من الحركه على الحساب و هل انت مؤهل للسفر للسياحه فعلا و لا لأ , فلو جيت حطيت مبلغ 50 الف و لا 70 الف جنيه مره واحده ده بالنسبه له حاجه مريبه و لو انت قاصر ممكن تقدم كشف حساب الأب أو الأم ,
•جواب من الشغل بيفيد ان انت بتشتغل في الشركة من سنة كذا لغاية دلوقتي وان انت بتقبض كذا ومن المستحسن ان يكون المبلغ كافي من وجهة نظر موظف السفاره أنك حتسافر علشان فعلا تتفسح مش تروح و مترجعش تاني ( يعني لو الراتب الف جنيه أو 2000 جنيه ده بالنسبه للموظف تمن ليله في فندق 3 نجوم فأكيد مش حتكون مؤهل للسفر سياحه ) , و لو انت طالب يبقى شهادة قيد من الكلية أو المدرسه بالانجليزي طبعا .
• وثيقة تأمين طبي بتغطي حوالي 30000 يورو ودي انا جبتها من شركة مصر للتامين وكانت ب 200 جنيه تقريبا ( مش معناها يكون عندك 30 الف يورو , لا معناها انها بتغطي تكاليف طبيه بقيمة 30 الف يورو ) لكن تمنها الفعلي 200 جنيه مثلا
•حجز فندق وطيران مؤكد بمعنى ان انت تدخل على booking و تحجز فندق إلغاء مجاني وبعد ما تاخد التأشيرة بتكنسلوا عادي .
والطيران بتطلع على اي شركة سياحة و بيحجزلك تذكرة طيران ذهاب وعودة بحوالي 60 جنيه .
•الصور الشخصية نصيحة متتصورش في اي حتة وسيبهم يصوروك في مركز tlscontact وال 8 صور ب 60 جنيه تقريبا
• لو متجوز و طالع شهر عسل , يبقى تاخد عقد الزواج مترجم بالانجليزي , لو لسه مكتبتش الكتاب , ممكن تاخد ايصال حجز القاعه مترجم بردو .
•خط سير الرحلة ودي ورقة انت بتقدمها عن كل يوم انت هتقعد فيه في فرنسا مثلا , لو انت كاتب انك هتقعد 10 ايام هتدخل على trip advisor وتجيب اهم المعالم في باريس وتكتب عن كل يوم مكانين بطريقة كويسه. خط سير الرحلة من الورق المهم اللي بيزود فرصك في الحصول على التأشيرة . و بيثبتلهم انك رايح سياحه فعلا , و وفاهم انت رايح تعمل ايه .
ملاحظات :
•اتأكدوا من كل البيانات اللي بتملوها في الابليكشن والتواريخ لانها مهمة جدا وأي خطأ فيهم بيقلل من فرص حصولك على التأشيرة
• لما تترجم الورق حاول تترجمه من المكاتب المعتمده لدى السفاره و مش من أي مكتب بره معتمد و خلاص , و حتعرف المكاتب دي من موقع السفاره نفسه .
•متكدبش في أي معلومه علشان لو أتعرف أنك بتكدب ممكن تاخد رفض مباشرة.
•انت مش بتعمل interview في مركز tlscontact انت بتتصور وبياخدا بصماتك يعني لازم تقنعهم بالورق انك راجع تاني
• فلوس التأشيره غير قابله للارجاع يعني سواء التأشيرة طلعت أو مطلعتش مش حتاخد فلوسك تاني ( بس يكفيك شرف التجربة ) , تمن الفيزا 60 يورو .
• السفاره اللي تعتبر متساهله الى حد ما في منح تأشيرات السياحه هيا سفارة فرنسا , و حاول تتجنب السفارات الصعبه زي ألمانيا مثلا لأنها لا تعتبر دوله سياحيه
#فيزا_شنجن_في_جيبك
#travel_secrets
!!!أكتر سؤال بتسأله في الرسايل ازاي أخد شنجن و انا مسافرتش قبل كده , الموضوع مش صعب و لا مستحيل , الفكره كلها انك تظبط ورقك لأن هو اللي حيتكلم بلسانك , دلوقتي خلاص غالبا مافيش مقابلات و لا أسئلة , الورق اللي بتقدمه هو اللي بيمثلك أمام السفارة , طيب ازاي نظبط ورقنا و ايه المطلوب بالظبط :
أول حاجه تدخل تعمل الابليكشن على tlscontact و ده موقعهم : /Country Selection | TLScontact
الورق المطلوب كالاتي :
•كشف حساب بنكي عن اخر 3 شهور و ممكن تقدم 6 شهور ..... اهم حاجة في كشف حساب البنك ان يبقى في حركة سحب وايداع كتير ومش مهم المبلغ يكون كبير , يعني لو انت هتقعد 10 ايام عن كل يوم 100 يورو كحد أدنى. مع العلم أن رصيد حسابك مش مبرر للرفض أو القبول , الموضوع كله هو تاريخك على الحساب ده يعني موظف السفاره بيقدر يعرف مستواك من الحركه على الحساب و هل انت مؤهل للسفر للسياحه فعلا و لا لأ , فلو جيت حطيت مبلغ 50 الف و لا 70 الف جنيه مره واحده ده بالنسبه له حاجه مريبه و لو انت قاصر ممكن تقدم كشف حساب الأب أو الأم ,
•جواب من الشغل بيفيد ان انت بتشتغل في الشركة من سنة كذا لغاية دلوقتي وان انت بتقبض كذا ومن المستحسن ان يكون المبلغ كافي من وجهة نظر موظف السفاره أنك حتسافر علشان فعلا تتفسح مش تروح و مترجعش تاني ( يعني لو الراتب الف جنيه أو 2000 جنيه ده بالنسبه للموظف تمن ليله في فندق 3 نجوم فأكيد مش حتكون مؤهل للسفر سياحه ) , و لو انت طالب يبقى شهادة قيد من الكلية أو المدرسه بالانجليزي طبعا .
• وثيقة تأمين طبي بتغطي حوالي 30000 يورو ودي انا جبتها من شركة مصر للتامين وكانت ب 200 جنيه تقريبا ( مش معناها يكون عندك 30 الف يورو , لا معناها انها بتغطي تكاليف طبيه بقيمة 30 الف يورو ) لكن تمنها الفعلي 200 جنيه مثلا
•حجز فندق وطيران مؤكد بمعنى ان انت تدخل على booking و تحجز فندق إلغاء مجاني وبعد ما تاخد التأشيرة بتكنسلوا عادي .
والطيران بتطلع على اي شركة سياحة و بيحجزلك تذكرة طيران ذهاب وعودة بحوالي 60 جنيه .
•الصور الشخصية نصيحة متتصورش في اي حتة وسيبهم يصوروك في مركز tlscontact وال 8 صور ب 60 جنيه تقريبا
• لو متجوز و طالع شهر عسل , يبقى تاخد عقد الزواج مترجم بالانجليزي , لو لسه مكتبتش الكتاب , ممكن تاخد ايصال حجز القاعه مترجم بردو .
•خط سير الرحلة ودي ورقة انت بتقدمها عن كل يوم انت هتقعد فيه في فرنسا مثلا , لو انت كاتب انك هتقعد 10 ايام هتدخل على trip advisor وتجيب اهم المعالم في باريس وتكتب عن كل يوم مكانين بطريقة كويسه. خط سير الرحلة من الورق المهم اللي بيزود فرصك في الحصول على التأشيرة . و بيثبتلهم انك رايح سياحه فعلا , و وفاهم انت رايح تعمل ايه .
ملاحظات :
•اتأكدوا من كل البيانات اللي بتملوها في الابليكشن والتواريخ لانها مهمة جدا وأي خطأ فيهم بيقلل من فرص حصولك على التأشيرة
• لما تترجم الورق حاول تترجمه من المكاتب المعتمده لدى السفاره و مش من أي مكتب بره معتمد و خلاص , و حتعرف المكاتب دي من موقع السفاره نفسه .
•متكدبش في أي معلومه علشان لو أتعرف أنك بتكدب ممكن تاخد رفض مباشرة.
•انت مش بتعمل interview في مركز tlscontact انت بتتصور وبياخدا بصماتك يعني لازم تقنعهم بالورق انك راجع تاني
• فلوس التأشيره غير قابله للارجاع يعني سواء التأشيرة طلعت أو مطلعتش مش حتاخد فلوسك تاني ( بس يكفيك شرف التجربة ) , تمن الفيزا 60 يورو .
• السفاره اللي تعتبر متساهله الى حد ما في منح تأشيرات السياحه هيا سفارة فرنسا , و حاول تتجنب السفارات الصعبه زي ألمانيا مثلا لأنها لا تعتبر دوله سياحيه
#فيزا_شنجن_في_جيبك
#travel_secrets