سؤال . لماذا الجامعات السعودية لا تكون بنفس المستوى التعليمي والاجتماعي في...

  • بادئ الموضوع بادئ الموضوع Rayed Abdulwahab
  • تاريخ البدء تاريخ البدء
عرض العطلة
R

Rayed Abdulwahab

:: مسافر ::
#1
سؤال . لماذا الجامعات السعودية لا تكون بنفس المستوى التعليمي والاجتماعي في السعودية بمثل الجامعات العالمية ؟

مثال . مثل الجامعات الامريكية تشعر ان طلبتها ينتمون لبعض ويفتخرون ببعض وكأنهم صف واحد في كل شي ، حتى اذا جيت تتوظف وفيه احد من نفس جامعتك في نفس الشركة يحب يساعدك لانك من نفس جامعته بغض النظر عن العرق !!!!

كنت اتمنى لو جامعاتنا مثلهم
 
#2
لانو احنا ما عندنا تآسيس من الصغر وللآسف رحنا ضحية تعليم فاشل من الصغر تعليم كله نظري مافي critical thinking فماذا تنتظر يا اخي الكريم. موضوعك جميل جدا
 
#4
عدد الجامعات السعودية قليل مما يجعل الوضع صعب جداً أن تقارن بالجامعات العالمية. على سبيل المثال الجامعات الامريكية فوق ٣٠٠٠ جامعة لكن المصنفه منها (من نايحة المستوى التعليمي ومعايير اخرى قليل مقارنة بالمجموع الكلي للجامعات). وبالنسبة للإنتماء هذي ترجع للطلاب نفسهم. ونقول إن شاء الله البركة في الجيل القادم من مبتعثين ومبتعثات يرجعون للبلد ويطورون جامعاتنا.
 
عرض العطلة
#7
الجامعات هنا مش مباني تعليمية بل اكثر بكثير. الجامعه هنا مجتمع وحياه. المجتمع الامريكي وثقافة الشخص تعتمد على الجامعه والمكان الي عاش فيه مثلا خريج جامعه معينه معروفين بشي معين. فالجامعه عندهم حياه وشي متقدم. بالسعوديه الجامعات هي مباني متكاملة بكل التجهيزات فقط والقصد انك ماتحسً انتمائك لهذا الصرح التعليمي
 
#8
ما أعتقد لها دخل بالمخرجات التعليمية للجامعة ومستواها قد ماهو له علاقة بالحياة الاجتماعية اللي يعيشها الطالب وهو مرتبط بشكل كبير بجامعته في امريكا.

الطلبة بامريكا غالبا يكونون بعيد عن اهلهم ومجتمعهم ويدرسون بمكان جديد عليهم غالبا..لذلك يكون ارتباطهم الاول والاخير بالجامعة.
والحياة الاجتماعية من صداقات وحفلات وانشطة رياضية واجتماعية غالبا تتمحور حول الجامعة او مايتعلق فيها.
لذلك شي طبيعي يحس الشخص بانتماء قوي للجامعة والمدينة اللي درس فيها.

وهذا الشي موجود عندنا بالسعودية لاحظته عند خريجين جامعة الملك فهد للبترول والمعادن اكثر من غيره من الجامعات.

وقد يكون العامل المشترك ان كثير من طلبة جامعة البترول هم من خارج المنطقة الشرقية وبالتالي ارتبطوا بالجامعة بشكل اكبر من غيرهم اللي راح يكون لهم حياة اجتماعية بعيدة عن الجامعة.
 
#9
المشكله.. جامعاتنا محدود عددها فا دايما راح تشوف ناس متخرجين من نفس جامعتك وشي عادي لكن امريكا كم جامعه فيها.. و المدينه الوحده كم جامعه فيها... و الطالب الامريكي يقضي اغلب وقته في الجامعه فا يحس بانتماء نوعا ما حتى تلاحظ هذا الشي في تجمعاتهم السنويه
 
#10
مو التعليم التعبان لا، الأخلاق التعبانة ماعندنا مبدأ انا انجح وانت تنجح ..
المبدأ الرئيسي المعتنق عند السعوديين ي انا ي انت!
قمة الانانية وقمة اللاإنسانية!
خاصًة في مجتمع البنات..
مفروض يكون في دورة قبل ماتبدا البعثة تخليهم يتعلمون التعامل برقيّ و نضج!
 
عرض العطلة
#11
يكفيك انتماءهم لجامعاتهم حتي بلبس شعار جامعتهم او حتي اقل الايمان ايطار لوحة و لا استكر علي السيارة يبين انتماءة.

و اترك المقارنه لك
 
#12
نسبة كبيره من الجامعات الامريكية تعليمها بدائي واقل من المتوسط وبالعكس عندنا جامعات نفخر فيها كالبترول والمعادن وجامعة الملك سعود وجامعة الاميرة نوره
لاتطبلون كثير للجامعات الامريكية
اقوى ١٠٠ جامعة بالعالم تحصل بس ٣ جامعات امريكية موجوده باللسته !!!!!؟
 
#13
موجود هالشي. تلاقي رئيس القسم إذا متخرج من دوله معينه يحاول يبتعثك ع هالدوله ولو الود وده على نفس جامعته.
 
#14
الجامعات الامريكية نفسها تحاول تسوق الحياة الاجتماعية بداخلها فلا ننسى هذا يبغاله جهد عشان تبني سمعه وصورة متميزة عن الحياة الجامعية بجامعتك. وصل درجة انتماء الطلاب لجامعاتهم الامريكية انهم يفتخروا باي شي عليه شعار هالجامعه بكل شي لحد الملابس الداخلية. واتفق مع الي يقول الثقافة والمجتمع يلعب دور لان بالسعودية الانتماء للعائلة اكثر من اي شي ثاني ولكن بامريكا مختلف الوضع.
 
عرض العطلة
#16
لفته رائعة و موضوع مثيرللاهتمام.
مع العلم أن المقارنة مجحفة في حق بلادنا الغالي لانه ومن خلال النظر للحالة التعليمية في الغرب بشكل عام يمكن لنا رؤية حالة ناضجة حيث ان جُل المحصلة النهائية تكونت عبر خط زمني متخم بالتجارب التي ساعدت على بلورة الوضع القائم في تلك البلدان.
هذا لايعني اطلاقا انه لاتوجد حالات مماثلة لها في مملكتنا الحبيبة وانه لخير مثال على ذلك تجربة جامعة البترول وكلية الجبيل وينبع حيث ان الجو العام داخل الحرم مشابه لحد مرضي الذي نراه في اي دولة متقدمة على صعيد التعليم العالي وهذا منعكس على شخصيات خريجي هذه المنشآت.
الا انه في الجهة المقابلة هنالك قصور في جوانب عدة لاسيّما المتعلق بالدور الفاعل للجامعة كشريك أساسي في تشكيل هوية اي مجتمع متحضر.
الامل كبير في جميع من هم بالداخل ومنهم من كان بالخارج لنقل تجاربهم.
في المستقبل سيكون جيل من المبتعثين وغيرهم الشباب الواعي لأهمية التعليم في مراكز اتخاذ القرار وسيحدثون الفرق وهذا عامل أساسي سيثري بالتأكيد التجربة السعودية.
 
#17
الاسباب واضحة لا توجد ثقافة و اهتمام بالجامعات و التعليم فالأهم هو ان الشخص يحضل على ورقة مكتوب فيها متخرج بغض النظر عن وش هو فاهم و هذا الي قابلته كثير في الجامعة الي ادرس فيها فالطلاب يبغون شهادة عشان يدخلون العسكرية برتبة و يرمون الي درسوه بأقرب بالوعة . غير كذا الجامعات عندنا من ناحية الخدمات سيئة سواءً المتعاقدين أو الخدمات الالكترونية و المناهج و المكتبات ولا حتى يوجد أساس أكاديمي متين عندنا ، من وجهة نظري الجامعة بالسعودية عبارة عن ثانوية مكبرة
 
#19
اتمنى من كل المنقاشين نصيحه للجميع وانا اولكم.. نرتقي بالالفاظ شوي.. واتمنى مثل ماعمل الاخوان ولهم كل الشكر.. اذا كان النقاش في موضوع معين واحد الاعضاء حور الموضوع الى امور شخصية و تعدى على ولائنا للدين و الوطن يبلغوني او يتم تبليغ الاداره و نقوم باللازم.. ليست مصادرة ااراء وانما تعاون لتقديم فائده مرجوه للجميع باحترام وتقدير للكل
 
عرض العطلة
عرض العطلة
عرض العطلة
أعلى أسفل
عودة
قائمة