A
Ahmed Adrynoo
:: مسافر ::
اول سفر ليا خارج البلاد لي جورجيا - بلاد القوقاز .. عايز اقول مبدائياً اللي عنده حلم فعلاً هيوصله .. انا شغال مونتير(المونتاج) وده كان حلمي وحققته .. حلمي اللي بعده كان السفر وحققته رغم صعوبات والحوارات اللي قابلتها كتيير عشان اسافر من باسبور لي ورق بيخلص لي الدولار والبنك والحساب عشان اقدر اخد دولار .. فعلاً واجهت حاجات كتيير حتي في السفر لدرجه ان فكرت ان خلاص كفاية كده ومش هسافر وبعدين رجعت لي لحظة قلت هستسلم ليه في نص الطريق وده حلمي ولازم اكمل للاخر وكملت رغم العواقب وسافرت والحمدلله .. وكلمت صحبي عمرو بدوي كتيير منكو يعرفه وانه بيلف العالم وبيعمل فيديوهات .. كلمته وقلتله ان مسافر وظبطنا سوا واتقابلنا هناك وهناك قابلنا شباب من مصر برضو تاني واجرنا عربية 4x4 كنا بنروح بيها المدن وكان اول يومين في تبليسي و ٤ ايام لفينا فيهم كازبجي - جودوري - غوري- انانوري - كوتيسي - مستخيتا ورجعنا لي تبليسي ف اخر يومين .. عايز اقول ان العربية فرقت معانا كتيير ف التنقلات وطبعا كل بلد بنروحها بننزل في هوستل وكان تكلفته من ٨ لاري او ١٠ او ١٢ .. اغلب سكان البلد الانجليش مافيش اصلا بتتعامل بالاشاره لاما تترجم علي جوجل ترانسليت لو عايز حاجه ف محلات او مطاعم .. الناس طيبين جداً هناك .. عايز اقول ان البلد رخيصه فعلا والرحله كلفتني بكل حاجه من اول ماخرجت من بيتنا لحد مادخلته ٥٨٠٠ - طيران و سكن وتنقلات و اكل وشرب .. انا لسه راجع امبارح بليل طبعاً في حاجات كتييييير حصلت بس عايز اقول ان دي اول تجربه حقيقيه فعلاً في حياتي وخلتني اتعرفت علي ناس كتيير منهم اجانب كانو معايا في هوستل ومنهم ناس مصريين من هنا ومنهم اللي عايش هناك .. فعلا السفر متعة وبيغيرلك حياتك للاحسن ..
عملت تعديل للبوست ولينك الرحلة اهو
وطبعاً بشكر كل حد ساعدني بحاجة او رد عليا في سؤال كنت محتاج اجابته للسفر
#جورجيا
#تبليسي
#بلادـالقوقاز
#سافر
عملت تعديل للبوست ولينك الرحلة اهو
#جورجيا
#تبليسي
#بلادـالقوقاز
#سافر