ازيكم يا شباب؟ كان عندي استفسار: من حوالي اكتر من سنه، كنت قدمت علي شنجن بس...

[Sherif Zakaria]

ازيكم يا شباب؟ كان عندي استفسار: من حوالي اكتر من سنه، كنت قدمت علي شنجن بس للأسف مكنتش عارف الورق كويس فاخذت رفض و اتكتبلي مش سبب الزياره مش واضع و مش متاكدين من رجوعك، و لاقيت صفحه في الباسبور كده.
انا عايز اسأل: هل ده ختم الرفض و لا ده مجرد ختم عادي؟ و هل ده يأثر عليا بعدكده لو قدمت علي شنجن قدام؟ انا سمعت ان هو سيستم واحد و لو قدمت علي تاشيره لبلده شنجن تانيه، بيبان عندهم ان حصله رفض قبل كده في البلد المعينه؟
و بصفه عامه ده يأثر علي الباسبور، علما ان عندي تاشيره لإنجلترا و اكتر من واحده الصين.

 

[Mohamed Mahmoud]

بص انا مش بفهم في الحاجات دي اوليس حصلتلي في فيزا انجلترا و غيرت الباسبور علشان اكون في السليم. بالمنطق كدة ازاي الباسبور دخل سفاره و خد ختم دخول سفاره بس مخدشي فيزا!! اكيد خت رفض.
دة الي انا فكرت فيه
سمعت كمان ان لغه فكره ختم الرفض بس مش عارف هل فعلا لا لا

 

[Mohamed El-Tawil]

الختم ده لو اخدت التأشيره بتتحط عليه
ومعني انه كده يعني رفض
والمشكله مش في الرفض
المشكله في سبب الرفض ايه
هل اسباب امنيه
او اسباب غير مقنعه بالنسبه لهم
او عدم تأكيد حجز
او اسباب متعلقه بالموقف المالي
حتي لو غيرت جواز السفر حيتعرف انك دخلت السفاره قبل كده

 

[هشام كامل]

دي سفاره ايه

 

[Ebrahim Shalaby]

بولندا

 

[Dalia Tawfeeq]

انسى الصين تأشيرتها ملهاش وزن

 

[Osama Malik]

انا اخدت الختم ده في الرفض واثر عليه كثير جدا جدا واترفضت بعد كده في تركيا وفي ماليزيا فضلو يسألوني رايح ليه وشافوا تذكرتي وفندقي وكله بسبب الزفت ده
ومش عارف اغير الباسبور لظروف خاصة ...المهم غير باسبورك

 

[Dalia Tawfeeq]

ختم الرفض عندي عالباسبور كان مكتوب فيه refused بالخط العريض

 

[Mina W. Gerges]

هو انت كان معاك انجلترا لما اخدت رفض ولا بعد الرفض قدمت واخدتها؟

 

[Ahmed Mostafa]

بجد مش من الذوق أو الإنسانية أن هما يختموا الحوزات كده في حالة الرفض و هل النظام ده في مصر بس ولا بيطبق في كل الدول.

 

[Mina M. Ghattas]

ده معناه ان الباسبور بتاعك دخل السفاره في اليوم ده .. بس كون انه دخل و طلع من غير تأشيرة يبقي تفسيرها الوحيد انك اترفضت ... و عادي مش بتأثر علي حاجة انا اترفضت قبل كده شنجن و قدمت بعدها و كتبت اني مدخلتش سفارات قبل كده اصلا و اخدتها و اخدت بعدها انجلترا كمان ... بس هو الختم ده عندي كان في اخر صفحه اللي بيبقي فيها الارشادات فمكانش باين يعني

 

[Adam Spain]

ده رغض بولندا

 

[Osama Sifa]

طب يا جماعة انا معي تأشيرات تركيا وبلغاريا لو قدمت شنجن اي النظام

 

[Mimo Abo Omer]

الختم ده موجود في أي بلد مش مصر بس، معناه ان ورقك دخل السفاره في الوقت ده ومعنى انك مخدتش فوقه تأشيرة يبقى اترفضت، بس فيه دول بقا غلسه شويه ويكتب refused بالعريض

 

[Saged Elsherbiney]

Da rafd ya sherif 3andi wa7d zaio law ademt 3ala shengen tani hay2olak enta enta etrafadt leh
W mansa7ksh tekdeb 3aleh ana ma3aya war2t el elrafd m5aliha ma3 elpassport 3la asas enk msh 5ayf mn 7aga w ema yes2alok 2olohom eheh
W ba2olohom en war2i makansh kaml

 

[Youssef Youssef]

قدم عادي مالوش علاقه عاوز تغير غير الباسبور

 

[Amr Ibrahim Diab]

مفيش حاجة اسمها ختم رفض دا كدة معناها انك مأخدش فيزا اترفض يعني وطبعاً لو قدمت في اي سفارة بالختم دا هتتقرف خد بقي مني النصيحة دي لو جوازك عليه انجلترا وكم فيزا حلوة حرام تغيرة اعمل بقي دي خدلك اي فيزا حلوة كدة ونقلها من مكانها ولاصقها علي الختم دا وقدم بيه في اي مكان غير نفس السفارة ولحد قالك انت باصم وهتبان قولو فكك البصمات دي حاجات جنائية وعلشان خاطر اللجؤ مش علشان الفيزا ولو عاوزها صح اوي الصق فيزا علي الختم دا وغير الجواز وطلع واحد جديد وقدم في سفارة مختلفة ودبس الجوزين في بعض واي خدمة

 

[Ahmed Barakat Ibrahim]

السستم واحد اكيد بين ٢٦ دوله ونفسه بين كندا وبريطانيا وأستراليا سيتم واحد

 

[Amr Ibrahim Diab]

ينفع وربنا يغير لان مش كل التأشيرات بتكون استيكر وختم في ختم بس وفي استيكر بس

 

[Khaled Badry]

دا مش ختم رفض , وحتي لو كان اتختملك رفض دا موضوع غير مؤثر لان حضرتك بصمت جوة السفارة ودا معناه انك لو غيرت الباسبور مش هتفرق في حاجة بالعكس هتحصل مشكلة لانك مطالب بتقديم الباسبورات القديمة ولو انكرت ان كان عندك واحد قديم هيبان دا علي قاعدة البيانات ودي بتبقي مشتركة لكل دول شنجن .