السلام عليكم عندي برزنتيشن وتم وقع الاختيار على موضوع "حقوق المرأة في...

[Abrar Hassan]

السلام عليكم

عندي برزنتيشن وتم وقع الاختيار على موضوع "حقوق المرأة في السعودية" بما معناه أوصل فكرة للكلاس وأقنعهم إن حقوق المرأة صايرة تتطور في البلد ولله الحمد بعكس ماهم متصورين

لكن لما حاولت اسوي سيرش بقوقل ، عشان أبدا أوسع الأفكار الي عندي لقيت معظم الأفكار سيئة جدا جدا وفيها تعظيم وتضليل على بعض الوقائع

اخواني واخواتي ممكن تساعدوني بافكار اقدر ازوّد برزنتيشني الجاي بها ؟

 

[Moe Mosa]

اتمنى ان تتكلمي عن التعدد وتبيين الجانب الإيجابي فيه،وكذلك القياده الي هي موضوع كل الناس في الغرب وأنها مسأله تتعلق بطبيعة البلد وليس الدين . كذلك التعليم وكم نسبة النساء المتعلمات بالبلد وكم عدد النساء المبتعثات حول العالم

 

[Yasser Bajammal]

هذا الشخص اتكلم عن الحقوق المعنويه، المالية، الاجتماعيه، الاسريه، والروحيه للمرأة المسلمة.

ممكن تاخذي معلومات منه. بالذات لانه دائماً يعرض الاثبات.

 

[Kadem Al-Jabr]

أعتقد مو مطلوب منك أبداً إبداء بس الجوانب الايجابية كأن احنا مثاليين ، ولا مطلوب التركيز على الجوانب السلبية كما يفعل البعض . أعتقد المطلوب شرح طريقة تفكيرنا وتعاملنا مع المرأة ، كما هو ، بذكر نماذج من قصص وأحداث حالية .

 

[احمد معيدي]

اعرضي الواقع بإيجابياته وسلبياته .

 

[Mohammed Alotaibi]

ممكن تتطرقي لفترة حكم الملك عبدالله رحمة الله و كيف تم اعطاء كثير من الفرص للمرأة. التعليم مثل جامعة نورة و عبدالله و تسهيل الابتعاث الخارجي بشكل كبير و الي تعتبر فرصة يحلم فيها الكثير، مجلس الشورى ( و لو انه ما فيه فايدة) يعني تقدري تطلعي بكم شغله. بس برضه خلك واقعية و اذكري التحديات و الواقع. اذا امريكا لحد الان ما فيها مساواة و الرجل يستلم اكثر من البنت فكيف البقية!

 

[Najla AlThuniyan]

اهم نقطتين يستغربها الاجانب مننا هي:
١- المرأة ما تغير اسمها بعد الزواج.
٢- المرأة غير مسؤولة عن بيتها من الناحية المادية الا برضاها (الا بعض الحالات الشاذة). لو كنت غنية او عندها راتب هي غير مسؤولة عن الصرف على اهل بيتها. لذلك في الميراث الاسلامي للذكر مثل حظ الانثيين.
٣- اصبح بامكانية المرأة استخراج ومتابعة اوراق اطفالها الثبوتية في الدوائر الحكومية.

 

[Abeer Alahmadi]

واكبر دليل ان المرأه اخذه حقها ممكن تقولي مثال انك الان بالخارج وتكملي دراستك

 

[Ali Al Dossary]

 

[Mohammed Hakami]

بكل بساطة..
تقدري تاخذي السلبيات هذه وتخليها مفتاح او مقدمة للعرض، وصححي انتي هذه المفاهيم الخاطئة وتكون هي موضوعك.
يعني اشوف ان بيدك فكرة ومحتوى جاهز، ما يحتاج تدوري عن افكار ثانية.
بالتوفيق

 

[Asma Alsaadi]

انا سويت برزينتيشن زي كيذا بالضبط

افتتحت البرزينتيشن بحال المرأة قبل حكم الملك عبدالله الله يرحمة وذكرت انها ماكانت تشتغل الا مدرسه او وزاره نسائيه زي وزاره التعليم فرع النساء و انو نسبة الاميه كانت جدا كبيره بالنسبه للنساء <<< هذي اتوقع اهم نقطتين يهتمون لها الاجانب

بعدين قلت انو الملك عبدالله الله يرحمه ركز على التعليم وتقريبا اختفت الاميه بعهده وكمان سمح للحريم انهم يشتغلون في اماكن اختلاط زي الاسواق و انو صار في حقوق انسان عندنا لو وحده اهلها يظلموها المحكمه تاخذ حقها بعكس زمان انو مالها احد يدافع عنها ... وكمان من ناحية الزواج انو زمان الوحده تتزوج غصب عنها اما الحين ياخذون رأيها ويعطون العرسان فتره خطبه طويله عشان يتعرفون على بعض


تقريبا هذي النقاط اللي ذكرتها واذكر انها مرا عجبتهم

 

[Ibrahim Shwamin]

اعتقد أفضل طريقة من خلال طرح كوميدي مثير للإعجاب في العرض وأختيار بعض الوسائط يتم خلالها طرح بعض الأفكار وارسال رسائل أيجابية بطريقة غير مباشرة عن التطور الحاصل في السنوات الاخيرة مع الرؤية القادمة .. بالتوفيق

 

[Hawra Alfrdan]

اعتقد واجد من الشعب البولندي فكرته عن ان المرأه مضطهدة بشكل كبير جدا والسبب هو الاعلام والسوشيل ميديا ..

حتى من كم يوم وحده من البولنديات تسالني بعد ماتتخرجي من بولندا وين بتشتغلي لان اعتقد ماتقدري تشتغلي كطبيبة فالسعوديه صح !

فااحس سوي مينشن ان المرأة ممكن تشتغل في اغلب المجالات الي ممكن يشتغل فيها الرجال .. الهندسة والطب ووحتى في كم سعودية يشتغلوا فالطيران .. وان كان العدد قلليل جدا
والحين حتى في الاسواق المراه تشتغل في المحلات والمشاريع الي اديرها النساء مهي قلليلة اصلا

وبالنسبة للحجاب والعباة هم واجد يخلطوا بين العادات والتقاليد والدين ممكن توضحي ليهم هل نقطه بعد
ان المراه فالسعودية مهي مجبوره ان هي تغطي حالها من فوق لتحت زي ماهم يعتقدوا

وعلى موضوع السياقة قولي ليهم ان ترى الموضوع جالس يندرس الان في مجلس الشورى مِو ان الشي مستحيل !!

وحتى في المجلس البلدي الان أصبح المجال مفتوح مقارنة بالماضي ..

ومثلا تقدري تطرقي لموضوع الزواج بعد ان واجد يعتقدوا ان المرأه ماليها راي اصلا فالشي وكأنها تجبر على انها تزوج على راي اهلها .. بس الان اختلف الوضع واجد عن الماضي ممكن تجلس مع الخاطب او يتعرفوا على بعض لمدة قصيره قبل الخطوبه وطبعا يختلف هذا الموضع من عائلة لأخرى ..

ومثلا عندهم فكرة ان المراه ماتقدر تروح مكان الا مع محرم او ولي امر وان في كل شي لازم موافقته ووجوده .. بس الوضع مِو بالشكل الي متصورينية طبعا

وتقدر تسوي ليهم منشن ان الابتعاث اكبر دليل على ان المرأه عندها فرصه انها تتعلم على نطاق واسع وانها تدرس في الخارج ايضا مِو بس فالمملكة ..

وبالتوفيق ان شاءالله

 

[Fatimah Alsaleh]

عرضي الواقع بلا اضافات ولا بهارات، كل مكان له ايجابيات و سلبيات

 

[Zaher Aldeeb]

Try to link some of the things that seems to be negative in their opinion to the law and regulation of Saudi Arabia.
An example: women driving to be justified as prohibited action by the law, which must be respected by everybody. You can reference the huge number of car accidents we face everyday.

Good luck

 

[Abdullah Allahyani]

عشان تكونين منطقيه في البريزينتيشن، لا تخلينها كلها ايجابيه، خلي معظمها ايجابيه، وآخر ًشي تكلمي عن ًشي سلبي واحد، كذا المستمعين يقتنعون انك صادقه في كل ًشي قلتيه وفِي نفس الوقت اعطيتي انطباع جيد عن القضيه

 

[Raya Yazid]

اتقلي واقع المرأة كما هو

 

[Abdulmuhsen Al-Nahdi]

من الافضل انك تخلي. الموضوع حقوق المراه في الاسلام وراح يسهل البحث. وبما ان السعوديه تطبق الاسلام كقانون مستمد من الشريعه الإسلاميه فالموضوع متصل. في الانترنت يحاولوا يشوهوا صوره السعودية لسبب واحد انها تمثل الاسلام في عصرنا الحالي، فاذا ارادوا نقل صوره سيه عن الاسلام نقلوا الواقع المشوه في السعوديه

 

[Reda Mohammed]

المرأة بالسعودية ماكان لها الحق تدرس اما الآن لها الحق
المرأة بالسعودية ماكان لها الحق تتوظف اما الآن لها الحق
كون المملكة السعودية مسلمة فالمملكة اعطت الحق للاناث بالعمل في اماكن مستقلة عن الذكور بما فيها المدارس والجامعات والبنوك وغيرها.

الاناث لهم الحق يسوقون دراجات هوائية

اخر نقطة اختيارية

 

[Khalid Y-usa]

موضوع حساس بالنسبه للامريكان كوني مستعده للاجابه على كل سؤال