صباح الخير انا مصري امريكي بس عايش في مصر اخر مره كنت مسافر الجوازات المصرية...

[Yaser Mahmoud Rezk]

صباح الخير
انا مصري امريكي بس عايش في مصر
اخر مره كنت مسافر الجوازات المصرية رفضت تطلعني من المطار بدون تصريح سفر؛ مع العلم اني كنت مسافر بالباسبور امريكي، و في نفس الوقت و انا داخل مصر دخلت عادي بدون تأشيره و من غير ما حد يسألني انت مصري ولا لا و من غير اثبات شخصية مصري
فلو في حد عنده خبره سابقه يا ريت يفيدني:
- في حالة عدم استخراج تصريح سفر من الجيش و الباسبور الامريكي مكتوب فيه اني مولود في امريكا
هل من حقي الخروج بدون تصريح سفر ولا من حقهم فعلا يمنعوني؟!
- لو استخرجت تأشيرة اقامة في مصر علي الباسبور الامريكي (و كأني مش مصري يعني )
هل من حقي السفر في اي وقت بدون استخراج تصريح سفر؟!
- ايه هي اجراءات استخراج التأشيره علي الباسبور الاجنبي و منين؟!

 

[Reham Elsharkawy]

انا حاسه انك دخلت مصر و اتحبست ياعيني

 

[Khaled Badry]

انت مزدوج الجنسية ولازم تحدد موقفك من الجيش . خد الإعفاء وطلع باسبور مصري هيتكتبلك فيه انك غير مطلوب للتجنيد . او اتنازل عن جنسيتك المصرية . الإقامة علي الباسبور الاجنبي مش حل لان الجيش هيدور عليك باسمك ولو فوت معاد التجنيد هتكون هارب وهيتقبض عليك .

 

[As Em]

انا شفت الفلم دا قبل كدا

 

[Hagar Mohamed]

انا حصلت معايا قبل كدة
بس لأني بنت مش هاقدر أفيدك في موضوع الجيش .
المشكلة معايا كانت " انتي دخلتي مصر ازاي ؛ فين ختم دخول مصر ؟ "
ف رجعت من المطار ومسافرتش وعملت نقل بيانات وصول من مجمع التحرير من الباسبور المصري القديم للباسبور الامريكي .

 

[Maryam S Omar]

Ghadeer Adel Ramy

 

[Maryam Omar]

المفروض مزدوجي الجنسية ما بيأدوش الخدمة العسكرية في البلد اللي مش مقيمين فيها
اخويا معفي من الجيش لانه مزدوج الجنسية

 

[Mohamed El-shenawy]

اتنازل عن الجنسية المصرية وريح دماغك

 

[Nadiah Ahmed]

عسل اسود :-D

 

[Ahmed Alyousf]

حاول تدخل مصر بجواز امريكي وخد تاشيرة بخمسة وعشرين دولار انت مواليد امريكا وانت مسافر ما تفكرش تتكلم عربي معاهم وبعدين مائة جنيه حلو لامين الشرطة يسفرك من غير جواز كمان

 

[Dodoo Amir Nadia Ramzi]

انا اخويا زيك وبيدخل ويخرج عادي بس بيتعامل بالباسبور الامريكي ودلوقتي عدي ال٣٠ سنه ولا حد بيساله ولا اي حاجه هو اصلا مش مقتنع انه مفروض يقدمه نفسه للجيش لانه مش معتبر نفسه مصري
وانا لما بخرج من مصر بخرج بالباسبور المصري وبدخل بيه محدش بيسالني علي تصريح امني ولا حاجه ولا بيسالوني علي الباسبور الامريكي عشان يشوفوا انا رايحه فين
ريح نفسك واتعامل بالامريكي وخلاص

 

[Hossin Salem]

حضرتك المفروض عشان تطلع بالباسبور الامريكي تنقل ختم الدخول لمصر للباسبور الامريكي الهتسافر بيه مش هيقولولك اي حاجه حتي لو اكلمت عربي

 

[Mohamed Mustafa Hamed]

هو اسهل من ده ممكن تخلص موقفك من التجنيد باعفاء نهائي عشان مزدوج الجنسية. و ترحم نفسك من التصاريح دي.

 

[Abanoub Marzouk]

دخلت بانهي باسبور ؟

 

[محمد ابراهيم]

لازم تاخد موقف تجنبدى ..انت مش ليك جيش لانك مزدوج الجنسيه ..روح المنطفه الخاصه بالتجنيد هتاخد الاعفاء وربح دماغك .

 

[Zakaria Saadi]

اللهم اخرجنا من افريقيا
المجاعة . الفقر الايبولا . الحرارة . الذباب .الوسخ .
ربي خلقها للحيوانات و احنا مزاحمينهم فيها
اللهم اخرجنا منها فان عدنا فانا ظالمووون

 

[Hesham Ahmed]

اي الي جابك هنا

 

[Doha Wafi]

يا حرام دخلت و اتحبست هنا

 

[Fahd Moenis]

انا كنت نفس موضوعك من سنتين..كلم السفارة يبعتولك مندوب ونتا واقف فل مطار و دكر خلي الضابط بتاع الجوازات لو راجل و من ضهر راجل يعرف يمنعك تسافر..السفارة حتحطلك علية شامي و مغربي..المندوب جة اتكلم مع ضابط الجوازات الضابط بقي بيتاسف و ناقص ينزل يبوس الجزمة الي زية..اسمع مني و كلم السفارة قولهم الموقف و حيبعتولك المندوب..كلم emergency line

 

[Yousra Mahmoud]

هو ازاي اصلا دخلت مصر من غير تأشيره ومن غير اثبات انك مصري ! ولو دخلت بالامريكي برضو ازاي امريكي يدخل و مقيم كل ده في مصر بدون اقامه ! .. هي وكاله من غير بواب للدرجه دي !!!