تجربة شخصية في موضوع entry country للشينجن كان في كذا حد سال في موضوع ياخد...

[Shady Rashwan]

تجربة شخصية في موضوع entry country للشينجن
كان في كذا حد سال في موضوع ياخد الفيزا من دولة ايه ولازم يدخلها الاول ولا لا وناس كتير بتقول لو عايز دولة كذا لازم تاخد فيزتها عشان تدخلها الاول او لو خدت فيزا دولة تانية شينيجن تدخل الدولة التانية الاول ومنها تطلع علي الدولة اللي انت عايزها وليا صديق سافر دولة هو مكانش عايز
يروحها اصلا لمجرد المعلومة دي .يؤسفني طبعا ان معظم الكلام ده فتي انا خدت فيزا فرنسا ودخلت من اليونان بدون اي سؤال حتي واعتقد حاي لو سال القاعدة بتقول ان الدولة اللي هتقعد فيها اكتر مدة هي اللي تاخد منها الفيزا فممكن الرد ده علي ظابط الجوازات.فياريت الناس تجاوب علي الاسالة عن تجارب ياجماعة انا واحد كنت قلقان جدا وناس تانية زي مبقولكو خسرت فلوس ووقت عشان الموضوع ده
وشكرا لباشمهندس بهاء علي تطمينه ليا.

 

[Bahaa Aldeen Farouk]

تسلم شادي باشا في انتظار تقرير يكسر الدنيا عن رحلتك

 

[Moe Refaat]

طيب تدخل من بلد غير الي أخدت منها الفيزا والرجوع برضة عادي ميكونش من البلد الي منهل الفيزا؟

 

[Sam Salah]

مع احترامى لحضرتك الكلام دة مَش فتى مش معنى ان حضرتك عديت عادى و ظابط الجوازات مسألكش يبقى الموضوع. عادى .. الا بيشك فيه بس بيتسأل .. لازم يبقى معاك فى كل الأحوال ما يثبت انك حتزور الدوله ال انت واخد منها الفيزا وحتقيم فيها فترة أطول .. ولو مفيش معاك ما يثبت حترجع ببساطه .. فى مطارات دول مَش بتركز فى الموضوع دة و مفيش حد بيسأل زى مطارات دول اوروبا الشرقيه زى المجر مثلا .. جرب اعمل الحركة دى مثلا فى مطار فى المانيا مثلا وشوف حيحصل ايه !!

 

[Ahmed Soliman]

بس علشان أوضح حاجة ، لان الموضوع بيعتمد على حاجات كتير ، والموضوع مينفعش فيه توقعات لان كل ظابط جوازات ليه profiling مختلف ،،
فى فرق فى الدخول من انهى بلد وايه البلاد اللى بتطبق الكلام ده وايه البلاد اللى معندهاش مشكلة ، على سبيل المثال
الجوازات فى المانيا من فترة أصدرت كلام بيقول لو اول دخول لمنطقة الشنجن فى المانيا لازم الدخول من دولة إصدار الفيزا ، ومش هايسمحو بدخول المانيا لو مش هى اللى عملت الفيزا ، إنما لو انت باسبورك فيه كذا فيزا Multiple الموضوع مختلف ،،
فى ناس كتير اوى اتعرضت انها ترجع على فكرة ، فى كمان انت بدات الرحلة من انهى دولة ،،، فى عوامل مينفعش تتحسب من خبرة مرة واحدة او شخص واحد ، بس أأمن الطرق الدخول من دولة الإصدار لتفادى المشاكل فى اول فيزا بالذات ، بعد كدة الموضوع بيبقى فل فى النعل
اعتقادى الشخصى ان البوست ده ممكن يسبب لخبطة للناس ويخليهم يعتمدو على تجربتك ،، وده ممكن يخليهم يرجعو ،،
أتمنى من استاذ إيهاب انه يراجع البوست لان الكلام ده من واقع سفر ومعرفة شوية بالشنجن

 

[Shady Rashwan]

طب احكيلنا تجربتك مش كلام سمعته ده قصدي من البوست

 

[Dalia Adam]

التزم بالتعليمات الموجودة على صفحة السفارة اللي انت حتقدملها
شخصيا سافرت من خمس سنين اسبانيا بتأشيرة شنجن فرنسا ومدخلتش فرنسا اصلا بالتأشيرة دي
اللي متاكدة منه ان القوانين حاليا اتغيرت و انك لو اخدت التاشيرة من المانيا بتدخل بيها الاول المانيا
ونرجع نقول دول شنجن بتختلف خصوصا في تسهيلات الجوازات مهم اوي انك تقرا على القوانين للسفارة اللي بتقدملها
ليا كمان اخت صديقتي سعودية دخلت فرنسا بتأشيرة المانيا تقريبا
واتكنسلت التاشيرة ورجعوها جدة هي وجوزها

 

[Alaa Abdelhamed]

شوف يا صديقي هتلاقي فيه بلد رخمه متشدده وأسهل حاجه عندهم يرجعوك لو مش واخد من عندهم الفيزا زي ألمانيا وفرنسا والسويد والدنمارك وفيه بلاد مش فارقه معاها ومحتاجه سياحه زي اليونان وإيطاليا والدول الصغيره يبقى الصح وفر فلوسك واشترى دماغك واعمل الفيزا امن البلد اللي هتدخلها الأول الشطاره في الموضوع ده خساره السنه اللي فاتت المانيا مرجعه عريس سعودي وعروسته ورحلوه علشان كان واخد التأشيرة من بلد تاني ونزل على طول على المانيا

 

[Mohamed Sharaf]

انت ممكن تتمنع من دخول الدولة لو انت داخل بلد غير اللي انت واخد منها التأشيرة الكلام ده بيحصل بنسبه ١ ف المليون..ممكن تاخدها من فرنسا وانت عاوز تروح اليونان وحجزت اليونان ومعكش ورق يثبت ان انت هتروح لفرنسا سواء تذكرة طيران داخليه او حجز فندق ف فرنسا لو اتسألت وانت بتختم ولقاك ان انت مش هتروح فرنسا من حقه ان ميدخلكش ....الكلام ده حصل ومع واحد واخد فيزا لالمانيا ٨ مرات وكان عنده شغل ف المانيا والسفارة زحمة جاب التأشيرة من هولندا ف المانيا اتمنع من الدخول ودفع غرامة ٥٠٠ يورو واترحل

 

[Youssef Youssef]

الموضوع يا صديقي باختصار البلاد درجات يعني فيزا المانيا قويه وثقه تتدخل اي بلد في الاول عادي لما يشوفها طالعه من المانيا فيزتك فرنسا وداخل اليونان طبيعي فرنسا اقوي من اليونان فتفرض كلمتها وتدخلك وهكذا هي دي الحكايه بس كدة والله اعلم

 

[Adam Spain]

بصم ياجماعه باختصار انك معام فيزا شنجن من دوله وتسافر دوله تاتيه انا جربتها بفيزا هولندا وسافرت فرنسا بيها بس فيزتى كانت متعدده الدخول الظابط فى فرنسا قالى مش من حقك تدخل هنا الاول ليه مش رحت على هولندا كان ردى طبيعى انا قادم فرنسا سياحه 5 ايام ومسافر من فرنسا الى هولندا 5 ايام ثم العوده الى مصر سالنى على الفنادق انا كنت حاجز فندق فى باريس وفندق فى هولندا وتذكره سفرى كانت مصر باريس امستردان مصر مكنشى فى مشاكل ديت تجربتى

 

[Amr Ibrahim Diab]

بس فعلاً كان زمان كدة وبعدها رجعت فتحت وخد بالك المهنة في الجواز والمظهر بيفرق جداً