E
Eman Wagih
:: مسافر ::
انا لسه راجعة النهاردة من جورجيا
اولا قبل اي حاجة ... انا معايا كارتين للمواصلات و كل كارت فيه رصيد ٧ لاري فلو اي حد مسافر قريب و عليهم ياريت يبعتلي على المسنجر ... و دول طبعا من غير مقابل
ثانيا بقه فيه كذا حاجة قولت اكتبها مشوفتش حد اتكلم عليها قبل كده و هي مهمة بالنسبالي فممكن تكون مهمة لناس تانية
- البلد كلها فيها انترنت اسمه (tbilisi loves you) في كل الشوارع الرئيسية و المطار و ده كان مفيد ليا جدا عشان انا شغلي فريلانس .... كمان كل المطاعم فيها نت
- المترو ابشع مواصلة هناك و رائحته بشعة بس الاتوبيسات تحفة و نضيفة و بتوصل كل حته و ممتعه
- اللي مش عاوزين المرمطه فالفسح في مدن تانية و مش عاوزين تستعملو المرشوتكا (شبه ميكروباصات المحافظات هنا) ممكن تروحو رحلات مع شركات سياحة
رحلة للعاصمة القديمة و مدينة مسخيتا ب ٢٥ لاري
رحلة لجوداوري و كازبيجي ب٥٠ لاري
اللي عاوز اسامي شركات السياحة يبعتلي عالمسنجر و هبعتله صور الكروت بتاعتهم
- google map اهم ابليكشن تستعمله حتى لو هتخرج بالمواصلات
- نزلو google translate و نزلو اللغة الجورجي offline و اي كلمة تكتبها و تترجم للحروجي و توريها للي بتتكلم معاه عشان يعرف انت بتسال على ايه
- لو هتجيبو سوفينيرز بلاش من المزارات عشان غالية ... يعني مثلا ماج عليه علم جورجيا فالمزار ب١٥ لاري و بعدها لقيته في محل عند ميدان الحرية ب ١٢ لاري
- الناس في حالها و طيبة و مفيش عنصرية
اتمنى اكون قولت حاجات مفيدة للناس اللي هتسافر
اولا قبل اي حاجة ... انا معايا كارتين للمواصلات و كل كارت فيه رصيد ٧ لاري فلو اي حد مسافر قريب و عليهم ياريت يبعتلي على المسنجر ... و دول طبعا من غير مقابل
ثانيا بقه فيه كذا حاجة قولت اكتبها مشوفتش حد اتكلم عليها قبل كده و هي مهمة بالنسبالي فممكن تكون مهمة لناس تانية
- البلد كلها فيها انترنت اسمه (tbilisi loves you) في كل الشوارع الرئيسية و المطار و ده كان مفيد ليا جدا عشان انا شغلي فريلانس .... كمان كل المطاعم فيها نت
- المترو ابشع مواصلة هناك و رائحته بشعة بس الاتوبيسات تحفة و نضيفة و بتوصل كل حته و ممتعه
- اللي مش عاوزين المرمطه فالفسح في مدن تانية و مش عاوزين تستعملو المرشوتكا (شبه ميكروباصات المحافظات هنا) ممكن تروحو رحلات مع شركات سياحة
رحلة للعاصمة القديمة و مدينة مسخيتا ب ٢٥ لاري
رحلة لجوداوري و كازبيجي ب٥٠ لاري
اللي عاوز اسامي شركات السياحة يبعتلي عالمسنجر و هبعتله صور الكروت بتاعتهم
- google map اهم ابليكشن تستعمله حتى لو هتخرج بالمواصلات
- نزلو google translate و نزلو اللغة الجورجي offline و اي كلمة تكتبها و تترجم للحروجي و توريها للي بتتكلم معاه عشان يعرف انت بتسال على ايه
- لو هتجيبو سوفينيرز بلاش من المزارات عشان غالية ... يعني مثلا ماج عليه علم جورجيا فالمزار ب١٥ لاري و بعدها لقيته في محل عند ميدان الحرية ب ١٢ لاري
- الناس في حالها و طيبة و مفيش عنصرية
اتمنى اكون قولت حاجات مفيدة للناس اللي هتسافر