صباح الخير يا جماعه كان عندى استفسار لصديق ليا ... هو متزوج ومراته حامل لسه...

[Fady Magdy]

صباح الخير يا جماعه كان عندى استفسار لصديق ليا ... هو متزوج ومراته حامل لسه فى الشهر التانى وكان عايز يسافر دوله اجنبيه عشان مراته تولد هناك و الطفل يبقى مولود هناك .... الموضوع ده صح ولا غلط ؟؟؟ ... ولو صح ايه الدول الكويسه الى ممكن يسافرها و ايه الورق بتاعها ؟؟؟ .... مع العلم أنه مسافرش غير تايلاند و ماليزيا شهر عسل بس ومسافرش فى اى مكان تانى غير دول... واسف على الإطالة

 

[هشام عاصم]

بعض دول امريكا اللاتينية فيها الميزة ديه ، و السفر ليها اسهل من اوروبا ، بس لازم يرتب الدنيا كويس ، و يتاكد من باقي التفاصيل عشان ميلاقيش اي مفاجئة غير متوقعة

 

[Khaled Badry]

لو بيدور علي جنسية للمولود يبقي مفيش غير امريكا . مفيش دولة اوروبية بتدي جنسيه للمواليد .

 

[Abu Haya]

كندا او أميركا على حد علمي

 

[Amy Reman]

الدول التي يتحصل الطفل علي جنسيتها عند الولادة فيها
1. الأرجنتين
2. بليز
3. بوليفيا
4. البرازيل
5. كندا(في مونتريال بس حسب لي قراته موخرا)
6. كوستاريكا
7. دومينيكا
8. الإكوادور
9. السلفادور
10. فيجي
11. غرينادا
12. غواتيمالا
13. غيانا
14. هندوراس
15. جامايكا
16. المكسيك
17. نيكاراغوا
18. باكستان
19. بنما
20. باراغواي
21. بيرو
22. سانت كيتس ونيفيس
23. سانت لوسيا
24. سانت فنسنت وجزر غرينادين
25. ترينيداد وتوباغو
26. توفالو
27. الولايات المتحدة الأمريكية
28. أوروغواي
29. فنزويلا

 

[Amy Reman]

من بين الجنسيات لي انصحك بيها الجنسية الأمريكية، الكندية، البرازيلية و الأرجنتينية.. و للمعلومة البرازيل و الارجنتين باسبوراتهم بتدخل للاتحاد الاروبي كله(الارجنتيني بيدخل ل 122 دولة)

 

[هشام عاصم]

كنت قريت ان كندا قيدت الموضوع ده ، و بقي لازم الشخص يكون معاه اقامة

 

[Dalia Tawfeeq]

أمريكا بس يعمل حسابه في مبلغ كويس ومش يصدق اي حد بيقوله الولادة هناك ببلاش
الميدكير بتأمن بس مش كتير وحيكون عليه فواتير لازم يسدهم لو عاوز يدخل امريكا تاني
مهم يعرف كمان ان صحيح الطفل حياخد الجنسية لكن الاب والام والاخوات مش حيستفيد من الجنسية دي الا بعد الطفل ما بتم ١٨سنةويعملو قضية لم شمل
لو دخلوا سياحة غالبا حتولد كاش ولازم يفاصلو مع المستشفى بس برضو لازم يسددوا قبل ما يسيبوا امريكا

 

[Dalia Tawfeeq]

مرواح امريكا غير الدراسة والبعثة يا اما هجرة بلوتري ودا طبعا نادر ويحتاج تقديم قبلهاويا صابت يا خابت
وفِي سياحة وبعدها تقدم لجوءوانت هناك وقضايا اللجوء بتاخد سنين وليها اشتراطات كتير أهمها وجود تهديد حقيقي على حياتك في بلدك وحكومتك مش قادرة تحميك ودا مصيبة لان حيمنعك من الخروج من امريكا يمكن خمس سنين لغاية ما تاخد الجرين الدائم وحتى بعدها حتتمنع من دخول امريكا لو زرت مصر اول ما تاخد الجرين
الحياة في امريكا حلوة مفيش كلام
بس عشان توصلها في تنازلات كتتتير اوي

 

[Maha Ahmed Ashraf]

امريكا فقط اللي بتدي الجنسيه

 

[Sara Reda]

Haitham Mohamed Hassan

 

[Abdelazeem Mansour]

امريكا : الجنسية تلقائية بمجرد الميلاد , وبامكانك المولود منح والديه اقامة دائمة بعد بلوغة سن ال 21 اذا انطبقت بعض الشروط
كندا : الجنسية تلقائية ايضا ولاتوجد طريقة مباشرة لمنح الوالدين اقامة دائمة . وهناك توجه بالغاء القانون الذي يمنح الجنسية للمولود بشكل تلقائي
بريطانيا: يجب ان يكون احد الوالدين مواطن او مقيم دائم لكي يحصل المولود على الجنسية
استراليا : قامت بتغيير القوانيين عام 1986 واصبحت مثل بريطانيا
نييوزلاند : عدلت من قوانينها عان 2006 واصبحت مثل استراليا وبريطانيا
وهناك دول اخرى تمنح الجنسية بشكل تلقائي مثل
البرازيل
المكسيك
الارجتنتين
الايكوادور
جاميكا
باكستان
نيكارجوا
بنما
بارجواي
السلفادور

 

[Mohamed Abd El-Rahiem]

متابع

 

[HoDa AL Sherbini]

انا اعرف معلومات عن البرازيل بالتحديد ان شالله تفيدك

 

[هشام عاصم]

مفيش إي دولة أوروبية بتعطي الجنسية بالولادة

 

[Amal A Hmed]

م

 

[Hatem Ezz]

عاوز تهرب من مصر اقعد معانا عشان نموت كلنا سوا ههه

 

[Mohamed Eid]

م

 

[Yasser Zaid]

عادي ناس كتير بتعملها بس هتكلفه اقامه و سكن و مصاريف ولاده خليه يروح قبل الولاده بفترة قصيرة مش من دلوقتي

 

[Heba Mohamed]

بس للعلم السفر لامريكا لو في المطار اكتشفوا انها حامل حترجع لازم تخبى وتلبس واسع