L
Live Horya
:: مسافر ::
(الجزء التانى والاخير ) لرحلتى انا وزوجى لبيرو امريكا الجنوبية
بعد بحث مستمر عن اى وظيفة فى Miraflores للاسف ملقيناش اضطرينا ننقل منها لمنطقة أخرى أرخص شوية لان بصراحة 50$ كتير فى اليوم واستنزاف للفلوس اللى معانا
محافظة اسمها magdalena طبعا مش نفس مستواها بس تعتبر ساحلية وأمنه .
الغريب فى بيرو عموما ان اغلب البيوت والمحلات والفنادق وكل المبانى عاملين حديد على المبنى زى القفص وطبعا المنظر دة كل مايكتر معناه ان المنطقة غير أمنه .
بس برضو الغريب اكتر ان الشعب ودود وبيساعد جدا خصوصا انك اجنبى مش بيحاول يؤذيك بإستثناء اللى حصل معانا فى (caiiaw ) اغلب السكان كانو بيسألونا انتو منين وأول مايعرفو اننا من مصر بيفرحو جدا ويفضلو يحكى عن الاهرامات والفراعنة ويشاورو على جوزى ويقولو انه فرعون
اتعرفت على اكتر من شخص هناك وقالولى انهم نفسهم يزورو مصر بس مستنيين لما البلد تهدا وانهم عندهم اشارة ان مصر غير آمنة وطبعا فهمتهم ان دة غير صحيح وان البلد مفهاش حاجة . واقنعت صديقة منهم وفعلا جت مصر الاسبوع اللى فات
اكتشفت اثناء بحثنا عن عمل ان اقتصاد البلد دى واقف على السياحة رقم ١ ،
ثم على استثمار الاجانب اللى اغلبهم عرب ورقم واحد هناك فى الاستثمار الفلسطينيين الاولى فى الملابس والمطاعم والفنادق والنوادى الرياضية وللاسف ونوادى القمار .
اقترحت عليا صديقة من lima انها تخدنا منطقة صناعية متخصصة بتصنيع الملابس يمكن نلاقى شغل فيها اسمها gamarra بس قالتلنا اوعو تجيبو معاكو موبايلاتكم او فلوس او حتى الباسبورات لان المكان مش آمان هناك، وبالفعل روحنا بصراحة المكان عجبنى جدا المصانع عبارة عن مولات كدة من ٧ أدوار كل دور بيقوم بمرحلة خياطة وفى نفس المبنى البيع جملة وقطاعى دخلنا مشينا فى وسط المصانع والعمال كل واحد مركز فى شغله مفيش ولا واحد رفع عينه بص علينا حتى ،
الشوارع هناك عاملة زى منطقة الساعة البياصة او باكوس بالاسكندرية والعتبة بالقاهرة ،المكان زحمة جدا جدا بيبيعو بأسعار رخيصة بس طبعا شعبى ردئ ، ورجعنا من غير مانتسرق ولا نتثبت اعتقد الحرص مبالغ فيه شوية.
البلد كلها تخضع لنظام مرورى رائع الشوارع نظيفة جدا كل حاجة منظمة الشعب مش عنصرى خالص وكمان بيحترمو الخصوصية جدا لدرجة انا شيفاها غبية،
بأستثناء النظام والنظافة ، البلد حلوة هى اصلا بلد مش غنية بس ليها امتيازات كتير للمواطن البيروفى،
فى wi fi فى كل مكان free , وكل ٥٠٠ متر فى بارك ومنطقة لعب اطفال
بس للاسف البلد دى اساسى فيها الشرب بشكل مبالغ فيه بليل وغالبا وانتا ماشى فى الشارع تحس انك فى فيلم +18
التليفزيون كذلك حتى قنوات الاطفال زفت .
وطبعا انا اتصدمت ودة لانى اول مرة اسافر
فىMagdalena الاكل فيها ارخص والفواكه
طبعا احنا كنا عايشين على السمك بأنواعة والسى فود وبيعمله سمك نئ بالسبيط والكابوريا وبالليمون رهيب تحفة دى اكله شعبية ب 9 sol للشخص pescado اسمها.
الحياة تعتبر غالية مقارنة بالاجور إلا لو وظيفة مرموقة زى دكتور او مهندس معمارى او دوبلماسى والشركات المشهورة والجامعات لان دول بيقبضو بالدولار
انما اى وظيفة اخرى بالسول وتقريبا من ٨٠٠sol الى ١١٠٠ sol
وايجار شقة غرفة وصالة وحمام فى منطقة magdalena ب ٦٠٠ sol شهريا
وجبة افطار شخصين 18 sol مكونة من ٥ قطع خبز + جبن شيدر ٥ شرائح + ١٠٠ جرام مربى اى نوع + زجاجة ماء + قطعتين فاكهة ( طبعا بتشتريهم من مترو )
الغداء وجبة الشخص تتعدى 12 sol
المشروبات الغازية زجاجة الصغيرة ٣ sol الكبيرة لترين 9 sol
سعربيتزا دومينوز ٣٨ sol ،ساندوتش شاورما ٩. Sol
سعر الباص لاى مكان 1,50 sol
Miraflores طبعا اغلى بمراحل يعنى ايجار شقة غرفة وصالة 500$
احنا لقينا شغل بس غير مناسب والراتب ضعيف
كان فى فرص حلوة بس فى ناس ولاد حلال طيروها
بانصح اى شخص بيفكر يسافر بغرض العمل والاقامة فى اى بلد لازم يتعلم لغة البلد قبل مايسافر ميقولش لما اسافر هاتعلم بالممارسة انتا فعلا هاتتعلمها بالممارسة بس هاتضيع وقت كتيير،
و يتأكد هو رايح فين ويوصل لناس عايشين فى البلد فعلا وميتسرعش بجد وارجوك متتخلاش عن مبادئك ولا دينك ارجوك ،ومتنساش هدفك الحقيقى ابدا ،
ولو مفيش حل غير الرجوع لنقطة الصفر ارجع وابدأ وحاول مرة تانية وتالتة المهم توصل لحلمك القرار بإيدك ميهمكش نقد الناس وتوكل على الله .
وبطلب من اى حد يوفق فى رحلته متسبش انطباع وحش عن بلدك ارجوك وخليك جدع .
مرفق بعض الصور لكل شئ مريت بيه هناك magdalena ,lima السوق الشعبى للطعام وبعض المعالم السياحية والمسجد وايضا قصر الرئيس .
واخيرا لو مسافر مكان احجز الفندق بواسطة شركة سياحة او شخص موثوق بيه لانه غالبا بيبقى عارف الاماكن الاكثر أمنا وبكدة تضمن رحلة خالية من المتاعب وبشكر Ahmed Shabiek على مساعدته فى البحث عن تيكت مثالى بدون ترانزيت اوربا .
ونصيحة اخيرة back bag مهما كانت كبيرة متملهاش ع الاخر اخرها ١٠ كيلو اولا عشان ظهرك ميكسرش وثانيا عشان تستلمها بدراعات وانت بتعمل Chek out
ونصيحة كمان وزعو الفلوس اللى معاكو فى اكتر من مكان واغلبهم يبقو جوا هدومكو اه وخيطوها كمان فى الملابس المهم تأمن نفسك من الآخرخبوا الفلوس
وعلى فكرة مفيش حد ضايقنا فى اى مطار من المطارات والشنط متفتشتش غير فى مطار برج العرب واحنا راييحين فقط الشنطة اللى طالعة بيها الطيارة وتفتيش روتينى كدة وكدة يعنى
الادوية العادية مش ممنوعة على فكرة ولا الاكل بس طبعا طبعا بكميات معقولة
ترانزيت ساو باولو كان ٨ ساعات واحنا معناش فيزا برازيل مفيش مشكلة طالما Check Out مش فيها
الرحلة دى اتبسط بيها رغم صعوبتها
حاجة اخيرة متيأسوش من اى حاجة فى الدنيا دى اهم حاجة نيتك تبقى صافية ونظيفة وتأكد انك هاتلاقى كل خير ولو خسرت متزعلش قوم وكمل وتأكد ان اللى جاى افضل
اسفة انى طولت تحت امركم فى اى سؤال
انتظرونى الرحلة الجاية
( أليس فى بلاد العجائب )
( Alice in Wonderland )
بعد بحث مستمر عن اى وظيفة فى Miraflores للاسف ملقيناش اضطرينا ننقل منها لمنطقة أخرى أرخص شوية لان بصراحة 50$ كتير فى اليوم واستنزاف للفلوس اللى معانا
محافظة اسمها magdalena طبعا مش نفس مستواها بس تعتبر ساحلية وأمنه .
الغريب فى بيرو عموما ان اغلب البيوت والمحلات والفنادق وكل المبانى عاملين حديد على المبنى زى القفص وطبعا المنظر دة كل مايكتر معناه ان المنطقة غير أمنه .
بس برضو الغريب اكتر ان الشعب ودود وبيساعد جدا خصوصا انك اجنبى مش بيحاول يؤذيك بإستثناء اللى حصل معانا فى (caiiaw ) اغلب السكان كانو بيسألونا انتو منين وأول مايعرفو اننا من مصر بيفرحو جدا ويفضلو يحكى عن الاهرامات والفراعنة ويشاورو على جوزى ويقولو انه فرعون
اتعرفت على اكتر من شخص هناك وقالولى انهم نفسهم يزورو مصر بس مستنيين لما البلد تهدا وانهم عندهم اشارة ان مصر غير آمنة وطبعا فهمتهم ان دة غير صحيح وان البلد مفهاش حاجة . واقنعت صديقة منهم وفعلا جت مصر الاسبوع اللى فات
اكتشفت اثناء بحثنا عن عمل ان اقتصاد البلد دى واقف على السياحة رقم ١ ،
ثم على استثمار الاجانب اللى اغلبهم عرب ورقم واحد هناك فى الاستثمار الفلسطينيين الاولى فى الملابس والمطاعم والفنادق والنوادى الرياضية وللاسف ونوادى القمار .
اقترحت عليا صديقة من lima انها تخدنا منطقة صناعية متخصصة بتصنيع الملابس يمكن نلاقى شغل فيها اسمها gamarra بس قالتلنا اوعو تجيبو معاكو موبايلاتكم او فلوس او حتى الباسبورات لان المكان مش آمان هناك، وبالفعل روحنا بصراحة المكان عجبنى جدا المصانع عبارة عن مولات كدة من ٧ أدوار كل دور بيقوم بمرحلة خياطة وفى نفس المبنى البيع جملة وقطاعى دخلنا مشينا فى وسط المصانع والعمال كل واحد مركز فى شغله مفيش ولا واحد رفع عينه بص علينا حتى ،
الشوارع هناك عاملة زى منطقة الساعة البياصة او باكوس بالاسكندرية والعتبة بالقاهرة ،المكان زحمة جدا جدا بيبيعو بأسعار رخيصة بس طبعا شعبى ردئ ، ورجعنا من غير مانتسرق ولا نتثبت اعتقد الحرص مبالغ فيه شوية.
البلد كلها تخضع لنظام مرورى رائع الشوارع نظيفة جدا كل حاجة منظمة الشعب مش عنصرى خالص وكمان بيحترمو الخصوصية جدا لدرجة انا شيفاها غبية،
بأستثناء النظام والنظافة ، البلد حلوة هى اصلا بلد مش غنية بس ليها امتيازات كتير للمواطن البيروفى،
فى wi fi فى كل مكان free , وكل ٥٠٠ متر فى بارك ومنطقة لعب اطفال
بس للاسف البلد دى اساسى فيها الشرب بشكل مبالغ فيه بليل وغالبا وانتا ماشى فى الشارع تحس انك فى فيلم +18
التليفزيون كذلك حتى قنوات الاطفال زفت .
وطبعا انا اتصدمت ودة لانى اول مرة اسافر
فىMagdalena الاكل فيها ارخص والفواكه
طبعا احنا كنا عايشين على السمك بأنواعة والسى فود وبيعمله سمك نئ بالسبيط والكابوريا وبالليمون رهيب تحفة دى اكله شعبية ب 9 sol للشخص pescado اسمها.
الحياة تعتبر غالية مقارنة بالاجور إلا لو وظيفة مرموقة زى دكتور او مهندس معمارى او دوبلماسى والشركات المشهورة والجامعات لان دول بيقبضو بالدولار
انما اى وظيفة اخرى بالسول وتقريبا من ٨٠٠sol الى ١١٠٠ sol
وايجار شقة غرفة وصالة وحمام فى منطقة magdalena ب ٦٠٠ sol شهريا
وجبة افطار شخصين 18 sol مكونة من ٥ قطع خبز + جبن شيدر ٥ شرائح + ١٠٠ جرام مربى اى نوع + زجاجة ماء + قطعتين فاكهة ( طبعا بتشتريهم من مترو )
الغداء وجبة الشخص تتعدى 12 sol
المشروبات الغازية زجاجة الصغيرة ٣ sol الكبيرة لترين 9 sol
سعربيتزا دومينوز ٣٨ sol ،ساندوتش شاورما ٩. Sol
سعر الباص لاى مكان 1,50 sol
Miraflores طبعا اغلى بمراحل يعنى ايجار شقة غرفة وصالة 500$
احنا لقينا شغل بس غير مناسب والراتب ضعيف
كان فى فرص حلوة بس فى ناس ولاد حلال طيروها
بانصح اى شخص بيفكر يسافر بغرض العمل والاقامة فى اى بلد لازم يتعلم لغة البلد قبل مايسافر ميقولش لما اسافر هاتعلم بالممارسة انتا فعلا هاتتعلمها بالممارسة بس هاتضيع وقت كتيير،
و يتأكد هو رايح فين ويوصل لناس عايشين فى البلد فعلا وميتسرعش بجد وارجوك متتخلاش عن مبادئك ولا دينك ارجوك ،ومتنساش هدفك الحقيقى ابدا ،
ولو مفيش حل غير الرجوع لنقطة الصفر ارجع وابدأ وحاول مرة تانية وتالتة المهم توصل لحلمك القرار بإيدك ميهمكش نقد الناس وتوكل على الله .
وبطلب من اى حد يوفق فى رحلته متسبش انطباع وحش عن بلدك ارجوك وخليك جدع .
مرفق بعض الصور لكل شئ مريت بيه هناك magdalena ,lima السوق الشعبى للطعام وبعض المعالم السياحية والمسجد وايضا قصر الرئيس .
واخيرا لو مسافر مكان احجز الفندق بواسطة شركة سياحة او شخص موثوق بيه لانه غالبا بيبقى عارف الاماكن الاكثر أمنا وبكدة تضمن رحلة خالية من المتاعب وبشكر Ahmed Shabiek على مساعدته فى البحث عن تيكت مثالى بدون ترانزيت اوربا .
ونصيحة اخيرة back bag مهما كانت كبيرة متملهاش ع الاخر اخرها ١٠ كيلو اولا عشان ظهرك ميكسرش وثانيا عشان تستلمها بدراعات وانت بتعمل Chek out
ونصيحة كمان وزعو الفلوس اللى معاكو فى اكتر من مكان واغلبهم يبقو جوا هدومكو اه وخيطوها كمان فى الملابس المهم تأمن نفسك من الآخرخبوا الفلوس
وعلى فكرة مفيش حد ضايقنا فى اى مطار من المطارات والشنط متفتشتش غير فى مطار برج العرب واحنا راييحين فقط الشنطة اللى طالعة بيها الطيارة وتفتيش روتينى كدة وكدة يعنى
الادوية العادية مش ممنوعة على فكرة ولا الاكل بس طبعا طبعا بكميات معقولة
ترانزيت ساو باولو كان ٨ ساعات واحنا معناش فيزا برازيل مفيش مشكلة طالما Check Out مش فيها
الرحلة دى اتبسط بيها رغم صعوبتها
حاجة اخيرة متيأسوش من اى حاجة فى الدنيا دى اهم حاجة نيتك تبقى صافية ونظيفة وتأكد انك هاتلاقى كل خير ولو خسرت متزعلش قوم وكمل وتأكد ان اللى جاى افضل
اسفة انى طولت تحت امركم فى اى سؤال
انتظرونى الرحلة الجاية
( أليس فى بلاد العجائب )
( Alice in Wonderland )