M
Mohamed Fathy
:: مسافر ::
مصر فيها حاجات حلوه 
القلعان - وادى الجمال - مرسى علم
احلى مكان رحته فى حياتى لحد دلوقتى ... حاجه كده تحس ان ربنا رضا عنك ودخلت الجنه .. هدوء عجيب .. منظر طبيعي ممتع .. الوان البحر والرمل والشجر ينسيك حاجات كتير قوى .. فصلان من كل حاجه
المكان هناك محميه طبيعيه وده الممتع فيه .. هتعيش في طبيعه المكان ..مفيش لا اسمنت ولا طوب ولا حديد .. الاقامه هناك بتكون ف خيم Tents .. يااما تكون طالع مع شركه سياحه تجهزلك ادوات المخيم او بتسافر ومعاك الTent بتاعتك .. الوجبات فطار وعشاء .. الاكل يعني مش 5 ستارز .. بس بيكون لذيذ ... المسئولين عن المكان هناك فريندلى قوى وبيعاملوك احلى معامله بتقضي يومك هناك مابين سنوركلينج وسباحه وتأمل او اي نشاط حابب تعمله زى القراءه مثلا او تمشي لمسافات كبيره لو عاوز .. تحس ان رجلك اول رجل تلمس الرمل والمكان ده ... ونيجي بقا لبليل واحلى حاجه بتشوف النجوم مليانه السما وتشوف درب التبانه والمجرات والنجوم بصوره واضحه جدا ..مبنكنش متعودين عليها ف المدن .. المنظر ده مايظهرش الا في الاماكن البعيده عن الضوء .. حتى لو القمر طالع مش هيظهرلك الجمال ده .... احلى حاجه انك تنام هناك تحت النجوم
المكان فى القلعان مشهور ب شجر المانجروف .. وهو شجر بيتغذى علي المياه المالحه وتلاحظ الملح بيتكوين ع ورق الشجر بعد م الشجر يمتص الميه
فى اماكن كتير هناك ممكن تزورها فى مرسي علم .. شاطئ حنكوراب وده مناسب جدا للسنوركلينج ومنظر طبيعي قوى .. وممكن تطلع سفارى فى الجبل وبتزور معابد واماكن تاريخيه ... بس مشوار طويل بصراحه
والمميز هناك بقا مكان اسمه سطايح .. ده بتاخد يخت من المارين وتمشي حوالى ساعتين وسط البحر مبتشوفش حاجه غير اللون الازرق ... وبتروح سطايح بتعوم مع الدولفينز والتيرتيلز وبتلعب معاهم ... اه وربنا ..حاجه كده كانك بتحلم
المكان هناك عباره عن كامب مش اوتيل فخم وسرير وخدمه فندقيه ولا هيكون مناسب فى نظرى وممتع للاطفال
اتمنى اروح هناك كل سنه أن شاء الله .. واتمنى لكم كل شيء يسعدكم
وشكرا للادمن أنه بيتيح لمحبي السفر أنه بيتكلم عن تجاربه ومشاركه الخبرات مع الغير
القلعان - وادى الجمال - مرسى علم
احلى مكان رحته فى حياتى لحد دلوقتى ... حاجه كده تحس ان ربنا رضا عنك ودخلت الجنه .. هدوء عجيب .. منظر طبيعي ممتع .. الوان البحر والرمل والشجر ينسيك حاجات كتير قوى .. فصلان من كل حاجه
المكان هناك محميه طبيعيه وده الممتع فيه .. هتعيش في طبيعه المكان ..مفيش لا اسمنت ولا طوب ولا حديد .. الاقامه هناك بتكون ف خيم Tents .. يااما تكون طالع مع شركه سياحه تجهزلك ادوات المخيم او بتسافر ومعاك الTent بتاعتك .. الوجبات فطار وعشاء .. الاكل يعني مش 5 ستارز .. بس بيكون لذيذ ... المسئولين عن المكان هناك فريندلى قوى وبيعاملوك احلى معامله بتقضي يومك هناك مابين سنوركلينج وسباحه وتأمل او اي نشاط حابب تعمله زى القراءه مثلا او تمشي لمسافات كبيره لو عاوز .. تحس ان رجلك اول رجل تلمس الرمل والمكان ده ... ونيجي بقا لبليل واحلى حاجه بتشوف النجوم مليانه السما وتشوف درب التبانه والمجرات والنجوم بصوره واضحه جدا ..مبنكنش متعودين عليها ف المدن .. المنظر ده مايظهرش الا في الاماكن البعيده عن الضوء .. حتى لو القمر طالع مش هيظهرلك الجمال ده .... احلى حاجه انك تنام هناك تحت النجوم
المكان فى القلعان مشهور ب شجر المانجروف .. وهو شجر بيتغذى علي المياه المالحه وتلاحظ الملح بيتكوين ع ورق الشجر بعد م الشجر يمتص الميه
فى اماكن كتير هناك ممكن تزورها فى مرسي علم .. شاطئ حنكوراب وده مناسب جدا للسنوركلينج ومنظر طبيعي قوى .. وممكن تطلع سفارى فى الجبل وبتزور معابد واماكن تاريخيه ... بس مشوار طويل بصراحه
والمميز هناك بقا مكان اسمه سطايح .. ده بتاخد يخت من المارين وتمشي حوالى ساعتين وسط البحر مبتشوفش حاجه غير اللون الازرق ... وبتروح سطايح بتعوم مع الدولفينز والتيرتيلز وبتلعب معاهم ... اه وربنا ..حاجه كده كانك بتحلم
المكان هناك عباره عن كامب مش اوتيل فخم وسرير وخدمه فندقيه ولا هيكون مناسب فى نظرى وممتع للاطفال
اتمنى اروح هناك كل سنه أن شاء الله .. واتمنى لكم كل شيء يسعدكم
وشكرا للادمن أنه بيتيح لمحبي السفر أنه بيتكلم عن تجاربه ومشاركه الخبرات مع الغير
