حد هنا جرب يفتح شركه في اوروبا ؟ او السويد بالاخص ؟

  • بادئ الموضوع بادئ الموضوع Moataz Mohamed
  • تاريخ البدء تاريخ البدء
عرض العطلة
#23
معنديش معرفة مباشرة مع حد للاسف , الموضوع قانونا مش صعب اوي لكن زي ما قلت القصة في نجاح النشاط والاستمرارية , وفية ناس حاولت تعمل شركات وهمية وبتمولها من برة علي اساس يفضل الكيان شغال لكن دوا حطوا نفسهم في اتهامات غسيل اموال ودي مشكلة كبيرة في اوروبا بقالها سنوات قليلة حولت حتي التعاملات البنكية في بلد زي السويد لشيء يستحيل وصفة !
 
عرض العطلة
#27
في واحد جروب اسس شركه في سلوفكيا و قاعد و شارح كل حاجه و جه مصر هنا قبل كده عمل محضاره في القاهره و اسكندريه يشرح للناس عمل ايه بظبط. و ده بوست من البوستات بتعتو
بالنسبه للاستفسارات الكتير عن اجراءات تاسيس الشركه واصدار الاقامه انا ح اكتبها هنا بشكل مبسط اكتر علما بان الاجراءات دى ح تختلف باختلاف مكان اقامه الشخص يعنى شخص مقيم فى مصر وعايز يعمل الاقامه من مصر من خلال السفاره السلوفاكيه فى القاهره غير شخص مقيم فى الخليج غير شخص مقيم فى اوروبا ففى الاول ح اكتب الاجراءات بشكل عام وبعدين اوضح كل حاله لوحدها فى بوست مخصص لكل دوله
قبل ما ابتدى فى الاجراءات حبيت اوضح ان شركتى بتقوم بالاجراءات دى اللى حابب يتعامل مع شركتى اللى مش عايز ممكن اوصله بشركه تانيه انا واثق فيها.
بالنسبه للاجراءات فهى كالاتى
1-ارسال بيانات شركتك عن طريق تعبئه نموذج مخصص
2- تحويل قيمه تاسيس الشركه وهو مبلغ 6000 يورو (ح اتكلم فى بوست منفصل عن ازاى تقدر تضمن فلوسك وتتفادى المخاطره)
3- الشركه ح تقوم باعداد عقود تاسيس الشركه وبعض المستندات الاخرى المطلوبه وارسالها بالايميل
4- القيام بطباعه المستنات المشار اليها فى البند السابق والقيام بتوقيعها وتوثيقها فى السفاره السلوفاكيه
5-ارسال المستندات بالبريد الى مقر الشركه بسلوفاكيا
6- فور وصول المستندات الموقعه الشركه المقدمه للخدمه ستقوم فى البدء فى اجراءات تاسيس الشركه واللى ح تستغرق فى حدود الشهر
7- بعد انشاء الشركه سيتم ارسال لينك لوزاره العدل السلوفاكيه سيظهر فيه اسم شركتك وكل التفاصيل الخاصه بها .زى اللينك ده وده اللينك الخاص بشركتى الحاليه
/Extract from the Business Register the Slovak Republic
8- ستقوم الشركه بعمل حساب بنكى لشركتك فى احد البنوك السلوفاكيه حتى تستطيع تحويل ال 20 الف يورو الرصيد المطلوب توافره فى حساب الشركه
9-سيتم البدء فى اجراءات استصدار الاقامه عن طريق اعداد بعض المستندات ( مش ح اتكلم عنها دلوقتى للتبسيط والاختصار) وارسال مصاريف اتعاب الشركه اللى هى 3000 يورو وبناء على ذلك ستقوم الشركه المقدمه للخدمه فى سلوفاكيا باعداد المستندات المطلوبه وارسالها اليك وتقدر وقتها تروح للسفاره السلوفاكيه فى القاهره او الحضور بنفسك الى سلوفاكيا
10- اجراءات الاقامه تستغرق حوالى 3 شهور بعدها بيتم ارسالها اليك
 
عرض العطلة
#31
عندي الكتيب بتاع معلومات تأسيس شركة بالسويد من مصلحة الضرائب السويدية السكاتفيركت لو تحب تطلع عليه تحت أمرك. بس هم مابيدوش اقامة على تأسيس الشركة.
 
#34
اللي عاوز يعمل شركة هنا أو يشتري بيت أو شي من ده بغرض السفر أو الاقامه يبقى بالهنا والشفا اتنصب عليك، خلاصة الكلام أوعى تدي لحد واحد يورو لأن الاقامه اللي تخليك تشتري مش العكس
 
#35
الشركة بتتعمل ب 250 يورو، بس ابقى قابلني لو اخدت أقامه أو حتى سافرت أو حتى اتقبلت في السفاره، خلي بالكو وخلاص
 
عرض العطلة
#37
طيب يا اخواننا سؤال
انا عندة شركه فى مصر استصلاح اراضى و بنزرع فواكه عنب و مانجو مواصفات تصدير
عاوز افتح اى شركه فى دوله اوروبيه استورد على اسم الشركه من شركتى المصريه عشان اعرف اسوق منتجى هناك بنفسى بدون وسطاء.
الكلام ده يتطبق على ارض الواقع ولا مش منطقى
ياريت يا اخ Mando Mido و يا اخ Abo Tahoun تفيدونى
 
#38
انا بعمل حاليا الى حضرتك بتفكر فية بالظبط.... بس انا أسست الشركة فى كرواتيا فى 2012 .... لحد 2015 كنت بدخل الشغل باسم المستورد.... يعنى السركة ملهاش 30 لازمة ... لما وضعى اتحسن وقدرت اجيي واحدة تشتغل معاى ودافعها مرتب وقدرت اخد ثلاجة ايجار احط فيها الشغل... وظروفى المادية كمان اتحسنت وبقى عندى قاعدة عملاء.... بدأت ادخل الشغل باسمى وبعدين اتصل بالعميل بتاعى اقولة عندى كذا فى الثلاجة عايز ؟؟؟ غير كدة بلاش صدقنى علشان هتخسر... اوروبا المصروفات فيها غالية جدا جدا لما تحسبها بالجنية....

وفى الاخر طبعا برضو مفيش اقامة Ahmed Galal
 
عرض العطلة
عرض العطلة
أعلى أسفل
عودة
قائمة