M
Moutaz Mohamed
:: مسافر ::
#الهند
تقرير رقم ٩ ( نصائح عامه في الهند)
رحلتي لهند انتهت و اتكلمنا عن:
١-التاشيره
٢-كيفيه التعامل مع ازمه الروبيه الهنديه
٣-المواصلات
٤-الاكل الهندي
٥-التسوق في الهند
٦-رحلات جايبور
٧-رحلات اجرا
٨-رحلات نيو ديلهي
في ناس بعتتلي اني اكتب شويه نصائح في الهند و كيفه التعامل هناك.
*مبدايا احنا متفقين ان مفيش دوله خاليه من السرقه بس الفكره ازاي نقلل من مخاطر السرقه عموما
-بلاش تسافر بالبطاقه الشخصيه و رخصه العربيه و كروت البنك الي مش هتشتغل بره و خلي محفظتك فيها فلوس مصري قليله جدا لا تزيد عن ١٠٠ جنيه
-خد معاك شنطه ضهر صغيره و ديه هتنفعك وقت التسوق بدل ما تشيل شنط بلاستك في ايدك و تلخمك و كمان هتنفعك في الرحلات سواء هتشيل اكل او مياه
- اما تنزل مطار الهند ممكن تغير فلوس بحد اقصي ١٠٠ دولار عشان سعر البنك في المطار اقل من الخارج
مثال
في المطار سعر الدولار =٦٢.٣٠ روبيه
خارج المطار =٦٧ روبيه
فطبعا لو بنتكلم عن ١٠٠ دولار هتفرق معاك
-بلاش تركب من داخل المطار تاكسي او توك توك عشان هيحاسبك علي مصاريف الكارته و كمان سياحي فممكن تتمشي بره المطار خالص و تركب توك توك و فاصل معاه جامد و لو انت نازل مطار جايبور لو خرجت بره هتلاقي موقف لتوك توك بسعر ثابت ٢٣٠ روبيه هو غالي شويه بس لو قادر تلقط واحد من بره ممكن يوصلك ب ١٥٠ روبيه
-خلي معاك دايما صوره من عنوان الفندق في ورقه منفصله تماما عن حجز الفندق عشان ميعرفش انت دافع كام هناك فيستغلك و كمان ورقه العنوان هتفرق معاك جدا و هتوفر وقت كبير معاك.
-اول ما توصل الفندق خليه يديك كذا كارت لفندق بيكون مكتوب فيه العنوان و وزع الكروت ديه في شنتطك و جيوب لبسك تحسبا يحصل اي حاجه عشان نطقك لفندق ممكن يوصلك لمدينه تانيه خالص فاتعامل بورق مكتوب احسن.
-اما تيجي تغير فلوس بلاش تخلي الفلوس كلها في نفس المكان او المحفظه و خلي دايما اكبر عمله في مكان مختلف عن اماكن الفلوس التانيه و حط برده في شنطه الضهر بعض المبالغ تحسبا لاي موقف ممكن يواجهك
-لو حسيت انك تايه دور علي اقرب ظابط شرطه او مرور او جيش و اسئله و بنسبه كبيره هتلاقيه بيعرف شويه انجليزي و لو ظابط مرور هتلاقيه مش هيسيبك غير ما يركبك المواصله الصح و هيفهم السواق تنزل فين.
-هناك الهنود بيخافوا جدا من ظباط الشرطه لدرجه ان لو سائح اشتكي ممكن تلاقي ظابط الشرطه هيعمل في الشخص الي ضايقك زي ما حصل في فيلم الكرنك مع سعاد حسني
- بلاش تسال سواق توك توك عن اي طريق عشان هيصعبلك الدنيا و يحسسك ان المكان الي انت محتاجه بعيد جدا بالرغم ان المكان علي بعض ٥ دقائق فاسال دايما واحد تحس انه محترم او طالب او ظابط
-و انت ماشي في الشارع هتلاقي كتير ناس متعرفكش جايه تقولك كلمتين:
Hello
How r u
Where u from
Did u like india
U look like indian
Did u visit .....
How long u will stay here
متردش عليه و سيبه او اتكلم عربي عشان يمشي او اعمل زي كده
Im from achanti kotoko near Maadi center
قوله اي بتنجان عشان يقطم معاك في الكلام عشان بيكون عايز يطلع منك باي مصلحه زي يعرفك علي صاحبه عنده توك توك او يعرف معاك كام دولار فيوديك سوق سوده و ينضحك عليك.
اقفش عليه لو فضل ماشي معاك و متخفش مش هيقدر يلمسك و بيخافوا جدا
قوله مثلا U dont know me to talk و بيله انك مضايق جدا و انك عندك استعداد تستغبي عليه لو ممشيش من جنبك
-اما تيجي تروح اسواق و خصوصا لو زحمه البس شنطه الضهر بالعكس يعني خليها علي بطنك عشان تكون شايفها
-يفضل دايما تبقي لابس الشورتات او البنطلونات الي فيها جيوب بشريط لاصق او بكباسين زراير و ده طبعا بيصعب علي الحرامي موضوع السرقه عشان يفتح حاجه منهم
و يفضل يكون موجود فيها الموبيل و الفلوس بلاش الجيوب العاديه.
-يفضل لو عايز تاكل فراخ و خايف خلي علي موبيلك Zabeha app و ده بيقولك مطاعم الاكل الحلال فين حوالين المنطقه الي فيها.
-يفضل و انت رايح لمطار انك تركب اوبر عشان ده هيكون اقل وسيله مواصلات في الاسعار و هتتحاسب كاش بالسعر المحلي مش السياحي او تركب مترو لو كنت في ديلهي هتلاقي في خط مخصوص لمطار.
- طول ما انت ماشي هتلاقي سواقين التوك توك لازقين فيك عشان تركب درجه انك هتحس انك وقف في جامعه الدول بتتشقط فانت اعمل نفسك مش سامع او شوحه انه يمشي او كلمه عربي او قله I dont have money
ديه كده كل النصائح المهمه في الهند و يارب تكونوا استفدتوا منها وحسيتوا انكم سافرتوا معايا.
سلام مع رحله جديده
#Traveller_experience
تقرير رقم ٩ ( نصائح عامه في الهند)
رحلتي لهند انتهت و اتكلمنا عن:
١-التاشيره
٢-كيفيه التعامل مع ازمه الروبيه الهنديه
٣-المواصلات
٤-الاكل الهندي
٥-التسوق في الهند
٦-رحلات جايبور
٧-رحلات اجرا
٨-رحلات نيو ديلهي
في ناس بعتتلي اني اكتب شويه نصائح في الهند و كيفه التعامل هناك.
*مبدايا احنا متفقين ان مفيش دوله خاليه من السرقه بس الفكره ازاي نقلل من مخاطر السرقه عموما
-بلاش تسافر بالبطاقه الشخصيه و رخصه العربيه و كروت البنك الي مش هتشتغل بره و خلي محفظتك فيها فلوس مصري قليله جدا لا تزيد عن ١٠٠ جنيه
-خد معاك شنطه ضهر صغيره و ديه هتنفعك وقت التسوق بدل ما تشيل شنط بلاستك في ايدك و تلخمك و كمان هتنفعك في الرحلات سواء هتشيل اكل او مياه
- اما تنزل مطار الهند ممكن تغير فلوس بحد اقصي ١٠٠ دولار عشان سعر البنك في المطار اقل من الخارج
مثال
في المطار سعر الدولار =٦٢.٣٠ روبيه
خارج المطار =٦٧ روبيه
فطبعا لو بنتكلم عن ١٠٠ دولار هتفرق معاك
-بلاش تركب من داخل المطار تاكسي او توك توك عشان هيحاسبك علي مصاريف الكارته و كمان سياحي فممكن تتمشي بره المطار خالص و تركب توك توك و فاصل معاه جامد و لو انت نازل مطار جايبور لو خرجت بره هتلاقي موقف لتوك توك بسعر ثابت ٢٣٠ روبيه هو غالي شويه بس لو قادر تلقط واحد من بره ممكن يوصلك ب ١٥٠ روبيه
-خلي معاك دايما صوره من عنوان الفندق في ورقه منفصله تماما عن حجز الفندق عشان ميعرفش انت دافع كام هناك فيستغلك و كمان ورقه العنوان هتفرق معاك جدا و هتوفر وقت كبير معاك.
-اول ما توصل الفندق خليه يديك كذا كارت لفندق بيكون مكتوب فيه العنوان و وزع الكروت ديه في شنتطك و جيوب لبسك تحسبا يحصل اي حاجه عشان نطقك لفندق ممكن يوصلك لمدينه تانيه خالص فاتعامل بورق مكتوب احسن.
-اما تيجي تغير فلوس بلاش تخلي الفلوس كلها في نفس المكان او المحفظه و خلي دايما اكبر عمله في مكان مختلف عن اماكن الفلوس التانيه و حط برده في شنطه الضهر بعض المبالغ تحسبا لاي موقف ممكن يواجهك
-لو حسيت انك تايه دور علي اقرب ظابط شرطه او مرور او جيش و اسئله و بنسبه كبيره هتلاقيه بيعرف شويه انجليزي و لو ظابط مرور هتلاقيه مش هيسيبك غير ما يركبك المواصله الصح و هيفهم السواق تنزل فين.
-هناك الهنود بيخافوا جدا من ظباط الشرطه لدرجه ان لو سائح اشتكي ممكن تلاقي ظابط الشرطه هيعمل في الشخص الي ضايقك زي ما حصل في فيلم الكرنك مع سعاد حسني
- بلاش تسال سواق توك توك عن اي طريق عشان هيصعبلك الدنيا و يحسسك ان المكان الي انت محتاجه بعيد جدا بالرغم ان المكان علي بعض ٥ دقائق فاسال دايما واحد تحس انه محترم او طالب او ظابط
-و انت ماشي في الشارع هتلاقي كتير ناس متعرفكش جايه تقولك كلمتين:
Hello
How r u
Where u from
Did u like india
U look like indian
Did u visit .....
How long u will stay here
متردش عليه و سيبه او اتكلم عربي عشان يمشي او اعمل زي كده
Im from achanti kotoko near Maadi center
قوله اي بتنجان عشان يقطم معاك في الكلام عشان بيكون عايز يطلع منك باي مصلحه زي يعرفك علي صاحبه عنده توك توك او يعرف معاك كام دولار فيوديك سوق سوده و ينضحك عليك.
اقفش عليه لو فضل ماشي معاك و متخفش مش هيقدر يلمسك و بيخافوا جدا
قوله مثلا U dont know me to talk و بيله انك مضايق جدا و انك عندك استعداد تستغبي عليه لو ممشيش من جنبك
-اما تيجي تروح اسواق و خصوصا لو زحمه البس شنطه الضهر بالعكس يعني خليها علي بطنك عشان تكون شايفها
-يفضل دايما تبقي لابس الشورتات او البنطلونات الي فيها جيوب بشريط لاصق او بكباسين زراير و ده طبعا بيصعب علي الحرامي موضوع السرقه عشان يفتح حاجه منهم
و يفضل يكون موجود فيها الموبيل و الفلوس بلاش الجيوب العاديه.
-يفضل لو عايز تاكل فراخ و خايف خلي علي موبيلك Zabeha app و ده بيقولك مطاعم الاكل الحلال فين حوالين المنطقه الي فيها.
-يفضل و انت رايح لمطار انك تركب اوبر عشان ده هيكون اقل وسيله مواصلات في الاسعار و هتتحاسب كاش بالسعر المحلي مش السياحي او تركب مترو لو كنت في ديلهي هتلاقي في خط مخصوص لمطار.
- طول ما انت ماشي هتلاقي سواقين التوك توك لازقين فيك عشان تركب درجه انك هتحس انك وقف في جامعه الدول بتتشقط فانت اعمل نفسك مش سامع او شوحه انه يمشي او كلمه عربي او قله I dont have money
ديه كده كل النصائح المهمه في الهند و يارب تكونوا استفدتوا منها وحسيتوا انكم سافرتوا معايا.
سلام مع رحله جديده
#Traveller_experience
